ମାତିଉ 18
18
ସରଗ୍ରାଜିବକ୍ ଗୁଲାଇରନ୍କୁରୁଂ ଜା ମୁନା'
(ମାର୍କ 9:33–37; ଲୁକ 9:46–48)
1 #
ଲୁକ 22:24
ଆଇ'ତୁନ୍ବେଲା ସିସ୍ୟଲେ ଜିସୁନ୍ବକ୍ ସାକ୍ସେକ୍ “ସରଗ୍ରାଜିବକ୍ ଗୁଲାଇରନ୍କୁରୁଂ ଜା ମୁନା'?” ଡ'ସେକ୍ ଅ'ଗଁସ୍ଲା'ଗା' ।
2ସା' ଜିସୁଲା ଆମୁଇନ୍ଡା ଉଁ'ଉଁଗୁ ୱାୟ' ରିଂଅଁ'ସେକ୍ ମା'ଏନ୍ ମନ୍ଜା ଅ'ତନ । 3#ମାର୍କ 10:15; ଲୁକ 18:17ଅ'ତନ'ସେକ୍ ମାଇ ଆମା'ଏ ସୁନ' “ପେ ପେନା ଜିବନ୍ ବାଦ୍ଲି ଡେମ'ସେକ୍ ମୁଇନ୍ଡା ଉଁ'ଉଁଗୁସୁଗ ଆଡେନ୍ତୁପେ ଡ'ନା ଇନ୍ଡଇ'ଏସା ସରଗ୍ରାଜିବକ୍ ଗୁଗାଇ ଆଗଂତୁପେ ଡ'ସେକ୍ ନିଂ ଆପେ ସତଇସା ସୁନ'ତିଂ । 4ଡୁ'ତୁନ୍ସା' କେନ୍ ଉଁ'ଉଁଗୁସୁଗ ଜାଏସା ମୁଇନ୍ଡା ନିଜର୍ନା ଜିବନ୍ବକ୍ ଡାଉରେମ୍ସୁଗ ଡେଂସେକ୍ ଡୁତା ଡ'ନା ମାଇ ସରଗ୍ରାଜିବକ୍ ମୁନା'ରେମ୍ସୁଗ ଡୁତା । 5ମାରି ଜାଏସା ମୁଇନ୍ଡା ସାର୍ଦାକ୍ସେ'ଗା ଆନିଂ ବିସ୍ବାସ୍ ଡେମ'କୁନୁଂ ଆଜାଏସା ଆମୁଇନ୍ଡା ରେମ ନିଂନା ଇମିବକ୍ ଆଲାତ୍ ଡେମ୍ତ ଡ'ନା ଆନିଂ ଆଲାତ୍ ଡେମ'ତା ।”
ଆମୁଇନ୍ଡା ପାପ୍କାମ୍ ଅ'ଡେମ୍ନା
(ମାର୍କ 9:42–48; ଲୁକ 17:1–2)
6“ମାତର୍ ଆନିଂ ବିସ୍ବାସ୍ ଡେମ'କୁନୁଂ ଆକେନ୍ ଡାଉ ଗୁବୁଲେସୁଗବାଇ'ବକ୍ ଆଜାଏସା ଆମୁଇନ୍ଡା ଅଲିରାକ୍ବାଇ' କାମ୍ ଡିନ୍ଡେମ୍ପୁଲେଇ ମୁଇନ୍ଡା ବୁଦି ବେ'ତ ଡ'ନା ମାଇନା ଗୁଲୁଗୁକ୍ବକ୍ ମୁଇ ମୁନା'ବାଇ' ଜାନ୍ତାବେର୍ ତୁଲ'ସେକ୍ ସମ୍ଦର୍କିନ୍ଡାକ୍ନା ଅବୁଦି ସୁଲୁଂଡାଗ୍ବକ୍ ରାନ୍ଡେଲ' ବେଡ'ନା ମାଇପୁଲେଇ ବଲ୍ ଡେମାନା । 7କେନ୍ ଦେସ୍ଦୁନିଆନା ରେମଲେ ଜାଜା ଆପାଲ୍ ରେମଲେ ପାପ୍ ଅ'ଡେମ୍ତ ଡ'ନା ମାପ୍ରୁ ଆମା'ଏ ଡନ୍ଡ୍କସ୍ଟ ବେ'ତ । ଡି'କେନ୍ବାଇ' ପାପ୍କାମ୍ ଡିନ୍ଡେମ୍ନା ମୁନ୍ ଗୁଲାଇରନା ଜିବନ୍ବକ୍ ସାପ୍ତା । ମାତର୍ ଜା ମୁଇନ୍ଡା ଆପାଲ୍ରେମ ଗୁତୁନ୍ ଡିନ୍ଡେମ୍ପୁଲେଇ ମୁନ୍ ଅ'ଡେମ୍ତ ମାଇ ଅବୁଦି ଡନ୍ଡ୍କସ୍ଟ ବାମ୍ତା । 8#ମାତିଉ 5:30ସା' ନନା ତିତି ଆରାକ୍ନା ତିକ୍ସୁଂ ଆନ ଅଲିରାକ୍ବାଇ' କାମ୍ ଡିନ୍ଡେମ୍ପୁଲେଇ ସାନ୍ଡୁଂଅଁ'ତା ଡ'ନା ଗୁତୁନ୍ ଗଡ' ଅଡକ୍ସୁଂ । ଇମ୍ବାରୁ ତିତି ମାରି ଇମ୍ବାରୁ ତିକ୍ସୁଂ ଡୁକୁକ୍ସେକ୍ ନର୍ଗବକ୍ନା ମଲିପ୍ସାର୍ବାଇ' ସୁଂଅଁବକ୍ ଆନ ରାନ୍ଡେଲ' ବିବେ' ବାଦୁଲ୍ କଲାକଲିବାଇ' ମାରି ସଟାସଟିବାଇ' ଡେଂସେକ୍ ମଡୁନମ୍ ଜିବନ୍ ବାଂନା ନପୁଲେଇ ଅବୁଦି ବଲ୍ । 9#ମାତିଉ 5:29ମାରି ନନା ମ' ଆନ ଅଲିରାକ୍ବାଇ' କାମ୍ ଡିନ୍ଡେମ୍ପୁଲେଇ ସାନ୍ଡୁଂଅଁ'ତା ଡ'ନା ଗୁତୁନ୍ ତଗ' ଅଡକ୍ସୁଂ, ଇମ୍ବାରୁ ମ' ଡୁକୁକ୍ସେକ୍ ନର୍ଗବକ୍ନା ମଲିପ୍ସାର୍ବାଇ' ସୁଂଅଁବକ୍ ଆନ ରାନ୍ଡେଲ' ବିବେ' ବାଦୁଲ୍ ମୁଇ ମ' ଡୁକୁକ୍ସେକ୍ ମଡୁନମ୍ ଜିବନ୍ ବାଂନା ନପୁଲେଇ ଅବୁଦି ବଲ୍ ।”
ବୁ'କୁନୁଂ ମେନ୍ଡାନା ଉ'ସୁରାମ୍
(ଲୁକ 15:3–7)
10-11 #
ଲୁକ 19:10
“କେନ୍ ଡାଉ ରେମଲେନ୍ ବିତ୍ରେ ଆଜାଏସା ଆଗୁମୁଇନେଇ' ଡ'ସେକ୍ ପେ ସଇଗା ଡେଂକୁଲା, ମାସା'ଡ'ନା ଆମା'ଏ ଜୁଜୁପୁଲେଇ ଡୁକୁନୁଂ ଦୁତଲେ ସରଗ୍ବକ୍ ଡୁକୁନୁଂ ନେମ୍ବାବୁରଂ ଇସାଉ ଡୁତା ଡ'ସେକ୍ ନିଂ ଆପେ ସୁନ'ତିଂ ।#18:10–11 11 ପଦ ଗିରିକ୍ ସାମ୍ବକ୍ ଲେକ୍ଲ'କୁନୁଂ ଉଲାକ୍ବକ୍ ଆଡୁତାସା' ଆକେ 11 ପଦ ଆଲେକ୍ତ । ଲୁକ 19:10 ପଡ୍ଲା । ”
12“ମୁଇନ୍ଡା ରେମନ୍ବକ୍ ପାଁନ୍ସ୍କଡି ମେନ୍ଡା ଡୁକୁନୁଂକୁରୁଂ ମୁଇ ମେନ୍ଡା ବୁକ୍ଉଇନା ମାଇ ମା ଡେମ୍ତ ଡ'ସେକ୍ ପେ ଏତ୍ଗୁତୁପେ? ମାଇ ଆସାର୍କଡି ଅନିସ୍ଟା ମେନ୍ଡାଲେ ଗୁତୁନ୍ କୁନ୍ଡାବକ୍ ଅଡକ୍ସୁଂଅଁ'ସେକ୍ ଆତୁନ୍ ବୁ'କୁନୁଂ ମେନ୍ଡା ତୁର' ଆବୁଲ୍ତ ଇ? 13ମାଇ ଆତୁନ୍ ମେନ୍ଡା ବାମ୍ତା ଡ'ନା, ଗୁତୁନ୍ ମବୁନୁ' ଡୁକୁନୁଂ ସାର୍କଡି ଅନିସ୍ଟା ମେନ୍ଡାଲେନ୍କୁରୁଂ ମାଇ କେନ୍ ବୁ'କୁନୁଂ ମୁଇ ମେନ୍ଡାନାସା' ଅଦିକ୍ ସାର୍ଦା ଡେନ୍ତା ଡ'ସେକ୍ ନିଂ ଆପେ ସତଇସା ସୁନ'ତିଂ । 14ଡୁ'ତୁନାଉ କେନ୍ ଡାଉ ରେମଲେନ୍ ବିତ୍ରେ ଜାଏସା ମୁଇନ୍ଡା ବୁକ୍ ଉଇଏଇ' ଡ'ସେକ୍ ସରଗ୍ବକ୍ ଡୁକୁନୁଂ ପେମ୍ବାନା ମୁନ୍ ଆରାକ୍ ।”
ମୁଇନ୍ଡା ପାପ୍କାମ୍ ଡେମ'ନା ମା ଡିନ୍ଡେମ୍ ଡୁତା
(ଲୁକ 17:3)
15 #
ଲୁକ 17:3
“ଆଜିସୁଲା ବିସ୍ବାସ୍ ଡେମ'କୁନୁଂ ମୁଇନ୍ଡା ରେମ ନନ୍ ବାଗ୍ବକ୍ ଅଲିରାକ୍ବାଇ' ମାମା ଡେମ' ଡ'ନା ମାଇ ସାକ୍ମୁଇନ୍ଡା ଡୁକୁନୁଂବେଲା ନ ମାଇନ୍ବକ୍ ଉଇସେକ୍ ମାଇନା ବୁଲ୍ ମା ଡ'ସେକ୍ ଆମାଇ ସୁନ'ବେ'; ମାଇ ନନା ତୁମ' ଅଂଅଁ' ଡ'ନା ନ ଆମାଇ ମାରି ମୁସ ନନା ବୁୟାଂ ଡେଂସେକ୍ ଡୁକୁପୁଲେଇ ସାନ୍ଡୁଂଅଁ'ନ । 16ମାତର୍ ମାଇ ନନା ତୁମ' ଆଅଂତ ଡ'ନା ଆମୁଇନ୍ଡା ଆରାକ୍ନା ଆମ୍ବାୟ ମାଇନ୍ବକ୍ ୱାୟ' ଉୟା, ମାସା'ଡ'ନା ଇମ୍ବାୟ ଆରାକ୍ନା ତିନ୍ଲକ୍ବକ୍ ସାକିରେମେ ଡୁକୁନୁଂବକ୍ ଗୁଲାଇ ବଲ୍ ଅଇଁ ଗଂତୁନ । 17ମାରି ମାଇ ମା'ଏନ୍ ତୁମ'ସା ଆମାନ୍ତା ଡ'ନା ମନ୍ଡଲିନା ରେମଲେବକ୍ ସୁଁ, ମାରି ମାଇ ମନ୍ଡଲିନା ରେମଲେନ୍ ତୁମ'ସା ଆଅଂତ ଡ'ନା ଆମାପ୍ରୁ ମମୁନାକ୍ ରେମଲେବକ୍ ମାରି ସିସ୍ତୁ ଲୁଲୁ'ରେମଲେବକ୍ ମି ଜୁତୁନ ଡୁ'ତୁନା ଆମାଇସା ଜୁଲ'କୁଲା ।”
18 #
ମାତିଉ 16:19; ଜଅନ୍ 20:23 “ପେ ଦର୍ତନିବକ୍ ମାମା ବନ୍ଦ୍ ଡେମ୍ତୁପେ ଗୁତୁନ୍ ଗୁଲାଇ ସରଗ୍ବକ୍ସା ବନ୍ଦ୍ ଡେନ୍ତା, ମାରି ମାମା ପେ ଦର୍ତନିବକ୍ ରୁକ୍ତୁପେ ଗୁତୁନ୍ ଗୁଲାଇ ସରଗ୍ବକ୍ସା ରୁକ୍ତା ଡ'ସେକ୍ ନିଂ ଆପେ ସତଇସା ସୁନ'ତିଂ ।”
19“ମାରି ଦର୍ତନିବକ୍ ପେନ୍ ବିତ୍ରେ ଜାଏସା ଇମ୍ବାୟ ସମ୍ଜୁଟ୍ ଡେଂସେକ୍ ମାଏସା ଲୁ'ତ ଡ'ନା ସରଗ୍ବକ୍ ଡୁକୁନୁଂ ନେମ୍ବା ଆପା ବେ'ତ ଡ'ସେକ୍ ନିଂ ଆପେ ସତଇସା ମାରି ସୁନ'ତିଂ । 20ମାସା'ଡ'ନା ଆନିଂ ବିସ୍ବାସ୍ ଡେମ'କୁନୁଂ ରେମଲେ ଇମ୍ବାୟ ଆରାକ୍ନା ତିନ୍ଲକ୍ ଆମ୍ବ'ଏସା ରୁନ୍ତା ଡ'ନା ଆତା ନିଂ ମା'ଏବୁରଂ ଡୁତିଂ” ଡ'ସେକ୍ ସୁନ' ।
ଆପାଲ୍ରେମ କେମା ମଡିନେମ୍ବାଇ' ଗୁପାମ୍ରେମ୍ନା ଉ'ସୁରାମ୍
21 #
ଲୁକ 17:3,4 ଆଇ'ତୁନ୍ବେଲା ପିତର୍ଲା ଜିସୁନ୍ବକ୍ ସାକ୍ସେକ୍, “ଅ, ପ୍ରବୁ, ଜାଏସା ମୁଇନ୍ଡା ନିଂନା ବାଗ୍ବକ୍ ମାମା ଅଲିରାକ୍ବାଇ' ଡେମ'ନା ଆ'ଇପାଲି ନିଂ ଆମାଇ କେମା ଡିନ୍ଡେମ୍ ଡୁତା, ସାତ୍ପାଲି ଡେନ୍ତା ଇ?” ଡ'ସେକ୍ ଅ'ଗଁସ୍ଲା'ଗା' । 22ସା' ଜିସୁଲା ଆମାଇ “ନିଂ ଆନ ସାତ୍ପାଲିଉ କେମା ଡେମ୍ ଡ'ସେକ୍ ସୁନ' ଆଡୁତିଂ, ମାତର୍ ସତୁରି ଗୁନ ସାତ୍ପାଲି କେମା ଡିନ୍ଡେମ୍ ଡୁତା” ଡ'ସେକ୍ ସୁନ' ।
23ମାରି ସରଗ୍ରାଜି ମିବାଇ' ଡ'ନା ଆମାଇନା ଗୁପାମ୍ରେମ୍ ଉଦାର୍ ବେଡ'କୁନୁଂ ଡାବୁ ଲୁଲୁ'ପୁଲେଇ ମୁନ୍ଡେଂକୁନୁଂ ମୁଇ ରାଜାସୁଗ । 24ମାଇ ଏଜା ମୁଲାୟ'ସା' କଟିକଟି ଡାବୁ ରିଂକୁନୁଂ ଆମୁଇନ୍ଡା ଗୁପାମ୍ରେମ୍ ମାଇନ୍ବକ୍ ୱାୟ' ରିଂଅଁ' । 25ମାତର୍ ମାଇନା ରିନ୍ ଅସି'ପୁଲେଇ ମାଇନ୍ବକ୍ ମାସା ଆଡୁତାସା' ସାକାର୍ ସୁନ' “ଆମାଇ ମାରି ଆମାଇନା କୁନୁଇ'ଉଁ'ଉଁନେ, ମାରି ମାଇନ୍ବକ୍ ମାମା ଡୁତା ଗୁତୁନ୍ ଗୁଲାଇ ସୁଂଅଁ'ସେକ୍ ମାଇନା ରିନ୍ ଆନିଂ ଅସି'” ଡ'ସେକ୍ ସୁନ' ।
26ସା' ଗୁତୁନ୍ ଗୁପାମ୍ରେମ୍ ସାକାର୍ନା ସାର୍ମ'କନ୍ଡେକ୍ ଏନ୍ଡିକ୍ ସୁନ୍ଡ୍ରକ୍ସେକ୍ ସୁନ' “ଆ'ଇଦିନ୍ସୁଗ ନ ଜାଗ୍, ନିଂ ନନା ରିନ୍ ଗୁଲାଇ ଅସିଡ'ସୁଂତିଂ” ଡ'ସେକ୍ ସୁନ' । 27ସା' ଗୁତୁନ୍ ଗୁପାମ୍ରେମ୍ନା ସାକାର୍ ଆମାଇ ଲିବିସୁପ୍ସେ'ଗା' ନନା ରିନ୍ ଆବେଡ' ଡ'ସେକ୍ ସୁନ'ସେକ୍ ଆମାଇ ସରଉ ବେନ୍ଟାୟ' ।
28ମାତର୍ ଗୁତୁନ୍ ଗୁପାମ୍ରେମ୍ ଉନ୍ତ୍କୁରୁଂ ଡୁଂଡୁଂବେଲା ମାଇବୁରଂ କାମ୍ ଡେମ'କୁନୁଂ ଆପାଲ୍ ମୁଇନ୍ଡା ଗୁପାମ୍ରେମ୍ ସୁସପ୍ବାଂଗା' । ଗୁତୁନ୍ ପାଲ୍ ଗୁପାମ୍ରେମ୍ ମାଇନ୍କୁରୁଂ ସଏଟା ରୁପାନ୍ ଡାବୁ ରିଂକୁ; ସା' ମାଇ ଆମାଇ ସବ' ଲେଗୁଗ'ସେକ୍ ନିଂକୁରୁଂ ନ ସଏଟା ରୁପାନ୍ ଡାବୁ ରିଂକୁନୁଂ ଆନିଂ ଅ'ଆନ୍ଡେଇଁୟଁ'ବେ' ଡ'ସେକ୍ ସୁନ' । 29ସା' ମାଇବୁରଂ କାମ୍ ଡେମ'କୁନୁଂ ଗୁତୁନ୍ ଗୁପାମ୍ରେମ୍ ଏନ୍ଡିକ୍ ସୁନ୍ଡ୍ରକ୍ସେକ୍ ଆମାଇ ସୁନ', “ଆ'ଇଦିନ୍ସୁଗ ନ ଜାଗ୍, ନିଂ ନନା ରିନ୍ ଗୁଲାଇ ଅସିଡ'ସୁଂତିଂ” ଡ'ସେକ୍ ସୁନ' । 30ମାତର୍ ମାଇ ରାଜି ଆଡେନ୍ତା । ମାରି ମାଇ ଗୁଲାଇ ରିନ୍ ଅସି' ପନ୍ତେକ୍ ଆମାଇ ବନ୍ଦିବକ୍ ସୁରୁଂଅଁ'ବେଡ' । 31ସା' ପାଲ୍ ଗୁପାମ୍ରେମେ ଗୁତୁନ୍ ଗୁଲାଇ ଡେଂକୁନୁଂ ଜୁଲ'ସେକ୍ ଅବୁଦି ସିନ୍ତାଲ' ମାରି ଉଇସେକ୍ ଆମା'ଏନ୍ ସାକାର୍ ଗୁତୁନ୍ ଗୁଲାଇ ସୁନ'ବେଡ' । 32ସା' ଗୁତୁନ୍ ସାକାର୍ ଆମାଇ ମାଇନ୍ବକ୍ ୱାୟ'ସେକ୍ ସୁନ', “ଅ ଅଲିରାକ୍ବାଇ' କାମ୍ ଡେମ'କୁନୁଂ ଗୁପାମ୍ରେମ୍! ନ ଆନିଂ ସୁନ୍ଡ୍ରବାଲୁକ୍ସେକ୍ ସୁନ'ନସା' ନିଂ ନନା ଗୁତୁନ୍ ରିନ୍ ଗୁଲାଇ ଆବେଡ' ଡ'ସେକ୍ ଆନ ଅନ୍ତୁର' ବେଡ'ନିଂ; 33ନିଂ ଆନ ଦୟା ଡେମ'କୁନୁଂସୁଗ ନବୁରଂ କାମ୍ ଡେମ'କୁନୁଂ ଆତୁନ୍ ଗୁପାମ୍ରେମ୍ ନ ଦୟା ଡିନ୍ଡେମ୍ ଆଗଂଆଁନ ଇ?” ଡ'ସେକ୍ ସୁନ' । 34ମାରି ମାଇନା ସାକାର୍ ଅବୁଦି ଗିସେକ୍ସେକ୍ ଗୁଲାଇ ରିନ୍ ଅସି' ପନ୍ତେକ୍ ଆମାଇ କସ୍ଟ ବିବେ'ପୁଲେଇ ବନ୍ଦିବକ୍ ସୁରୁଂଅଁ' । 35ସା' “ପେ ଗୁଲାଇର ଜିବନ୍କୁରୁଂ ଅ'ତୁର୍ସେକ୍ ଆପାଲ୍ ରେମଲେ କେମା ଆଡେମ୍ତୁପେ ଡ'ନା ସରଗ୍ବକ୍ ଡୁକୁନୁଂ ନେମ୍ବାସା ଆପେ ଗୁତୁନ୍ ରାଜାଲା ଡେମ'କୁନୁଂସୁଗ ଡେମ୍ତ” ଡ'ସେକ୍ ଜିସୁଲା ସୁନ' ।
Currently Selected:
ମାତିଉ 18: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 18
18
ସରଗ୍ରାଜିବକ୍ ଗୁଲାଇରନ୍କୁରୁଂ ଜା ମୁନା'
(ମାର୍କ 9:33–37; ଲୁକ 9:46–48)
1 #
ଲୁକ 22:24
ଆଇ'ତୁନ୍ବେଲା ସିସ୍ୟଲେ ଜିସୁନ୍ବକ୍ ସାକ୍ସେକ୍ “ସରଗ୍ରାଜିବକ୍ ଗୁଲାଇରନ୍କୁରୁଂ ଜା ମୁନା'?” ଡ'ସେକ୍ ଅ'ଗଁସ୍ଲା'ଗା' ।
2ସା' ଜିସୁଲା ଆମୁଇନ୍ଡା ଉଁ'ଉଁଗୁ ୱାୟ' ରିଂଅଁ'ସେକ୍ ମା'ଏନ୍ ମନ୍ଜା ଅ'ତନ । 3#ମାର୍କ 10:15; ଲୁକ 18:17ଅ'ତନ'ସେକ୍ ମାଇ ଆମା'ଏ ସୁନ' “ପେ ପେନା ଜିବନ୍ ବାଦ୍ଲି ଡେମ'ସେକ୍ ମୁଇନ୍ଡା ଉଁ'ଉଁଗୁସୁଗ ଆଡେନ୍ତୁପେ ଡ'ନା ଇନ୍ଡଇ'ଏସା ସରଗ୍ରାଜିବକ୍ ଗୁଗାଇ ଆଗଂତୁପେ ଡ'ସେକ୍ ନିଂ ଆପେ ସତଇସା ସୁନ'ତିଂ । 4ଡୁ'ତୁନ୍ସା' କେନ୍ ଉଁ'ଉଁଗୁସୁଗ ଜାଏସା ମୁଇନ୍ଡା ନିଜର୍ନା ଜିବନ୍ବକ୍ ଡାଉରେମ୍ସୁଗ ଡେଂସେକ୍ ଡୁତା ଡ'ନା ମାଇ ସରଗ୍ରାଜିବକ୍ ମୁନା'ରେମ୍ସୁଗ ଡୁତା । 5ମାରି ଜାଏସା ମୁଇନ୍ଡା ସାର୍ଦାକ୍ସେ'ଗା ଆନିଂ ବିସ୍ବାସ୍ ଡେମ'କୁନୁଂ ଆଜାଏସା ଆମୁଇନ୍ଡା ରେମ ନିଂନା ଇମିବକ୍ ଆଲାତ୍ ଡେମ୍ତ ଡ'ନା ଆନିଂ ଆଲାତ୍ ଡେମ'ତା ।”
ଆମୁଇନ୍ଡା ପାପ୍କାମ୍ ଅ'ଡେମ୍ନା
(ମାର୍କ 9:42–48; ଲୁକ 17:1–2)
6“ମାତର୍ ଆନିଂ ବିସ୍ବାସ୍ ଡେମ'କୁନୁଂ ଆକେନ୍ ଡାଉ ଗୁବୁଲେସୁଗବାଇ'ବକ୍ ଆଜାଏସା ଆମୁଇନ୍ଡା ଅଲିରାକ୍ବାଇ' କାମ୍ ଡିନ୍ଡେମ୍ପୁଲେଇ ମୁଇନ୍ଡା ବୁଦି ବେ'ତ ଡ'ନା ମାଇନା ଗୁଲୁଗୁକ୍ବକ୍ ମୁଇ ମୁନା'ବାଇ' ଜାନ୍ତାବେର୍ ତୁଲ'ସେକ୍ ସମ୍ଦର୍କିନ୍ଡାକ୍ନା ଅବୁଦି ସୁଲୁଂଡାଗ୍ବକ୍ ରାନ୍ଡେଲ' ବେଡ'ନା ମାଇପୁଲେଇ ବଲ୍ ଡେମାନା । 7କେନ୍ ଦେସ୍ଦୁନିଆନା ରେମଲେ ଜାଜା ଆପାଲ୍ ରେମଲେ ପାପ୍ ଅ'ଡେମ୍ତ ଡ'ନା ମାପ୍ରୁ ଆମା'ଏ ଡନ୍ଡ୍କସ୍ଟ ବେ'ତ । ଡି'କେନ୍ବାଇ' ପାପ୍କାମ୍ ଡିନ୍ଡେମ୍ନା ମୁନ୍ ଗୁଲାଇରନା ଜିବନ୍ବକ୍ ସାପ୍ତା । ମାତର୍ ଜା ମୁଇନ୍ଡା ଆପାଲ୍ରେମ ଗୁତୁନ୍ ଡିନ୍ଡେମ୍ପୁଲେଇ ମୁନ୍ ଅ'ଡେମ୍ତ ମାଇ ଅବୁଦି ଡନ୍ଡ୍କସ୍ଟ ବାମ୍ତା । 8#ମାତିଉ 5:30ସା' ନନା ତିତି ଆରାକ୍ନା ତିକ୍ସୁଂ ଆନ ଅଲିରାକ୍ବାଇ' କାମ୍ ଡିନ୍ଡେମ୍ପୁଲେଇ ସାନ୍ଡୁଂଅଁ'ତା ଡ'ନା ଗୁତୁନ୍ ଗଡ' ଅଡକ୍ସୁଂ । ଇମ୍ବାରୁ ତିତି ମାରି ଇମ୍ବାରୁ ତିକ୍ସୁଂ ଡୁକୁକ୍ସେକ୍ ନର୍ଗବକ୍ନା ମଲିପ୍ସାର୍ବାଇ' ସୁଂଅଁବକ୍ ଆନ ରାନ୍ଡେଲ' ବିବେ' ବାଦୁଲ୍ କଲାକଲିବାଇ' ମାରି ସଟାସଟିବାଇ' ଡେଂସେକ୍ ମଡୁନମ୍ ଜିବନ୍ ବାଂନା ନପୁଲେଇ ଅବୁଦି ବଲ୍ । 9#ମାତିଉ 5:29ମାରି ନନା ମ' ଆନ ଅଲିରାକ୍ବାଇ' କାମ୍ ଡିନ୍ଡେମ୍ପୁଲେଇ ସାନ୍ଡୁଂଅଁ'ତା ଡ'ନା ଗୁତୁନ୍ ତଗ' ଅଡକ୍ସୁଂ, ଇମ୍ବାରୁ ମ' ଡୁକୁକ୍ସେକ୍ ନର୍ଗବକ୍ନା ମଲିପ୍ସାର୍ବାଇ' ସୁଂଅଁବକ୍ ଆନ ରାନ୍ଡେଲ' ବିବେ' ବାଦୁଲ୍ ମୁଇ ମ' ଡୁକୁକ୍ସେକ୍ ମଡୁନମ୍ ଜିବନ୍ ବାଂନା ନପୁଲେଇ ଅବୁଦି ବଲ୍ ।”
ବୁ'କୁନୁଂ ମେନ୍ଡାନା ଉ'ସୁରାମ୍
(ଲୁକ 15:3–7)
10-11 #
ଲୁକ 19:10
“କେନ୍ ଡାଉ ରେମଲେନ୍ ବିତ୍ରେ ଆଜାଏସା ଆଗୁମୁଇନେଇ' ଡ'ସେକ୍ ପେ ସଇଗା ଡେଂକୁଲା, ମାସା'ଡ'ନା ଆମା'ଏ ଜୁଜୁପୁଲେଇ ଡୁକୁନୁଂ ଦୁତଲେ ସରଗ୍ବକ୍ ଡୁକୁନୁଂ ନେମ୍ବାବୁରଂ ଇସାଉ ଡୁତା ଡ'ସେକ୍ ନିଂ ଆପେ ସୁନ'ତିଂ ।#18:10–11 11 ପଦ ଗିରିକ୍ ସାମ୍ବକ୍ ଲେକ୍ଲ'କୁନୁଂ ଉଲାକ୍ବକ୍ ଆଡୁତାସା' ଆକେ 11 ପଦ ଆଲେକ୍ତ । ଲୁକ 19:10 ପଡ୍ଲା । ”
12“ମୁଇନ୍ଡା ରେମନ୍ବକ୍ ପାଁନ୍ସ୍କଡି ମେନ୍ଡା ଡୁକୁନୁଂକୁରୁଂ ମୁଇ ମେନ୍ଡା ବୁକ୍ଉଇନା ମାଇ ମା ଡେମ୍ତ ଡ'ସେକ୍ ପେ ଏତ୍ଗୁତୁପେ? ମାଇ ଆସାର୍କଡି ଅନିସ୍ଟା ମେନ୍ଡାଲେ ଗୁତୁନ୍ କୁନ୍ଡାବକ୍ ଅଡକ୍ସୁଂଅଁ'ସେକ୍ ଆତୁନ୍ ବୁ'କୁନୁଂ ମେନ୍ଡା ତୁର' ଆବୁଲ୍ତ ଇ? 13ମାଇ ଆତୁନ୍ ମେନ୍ଡା ବାମ୍ତା ଡ'ନା, ଗୁତୁନ୍ ମବୁନୁ' ଡୁକୁନୁଂ ସାର୍କଡି ଅନିସ୍ଟା ମେନ୍ଡାଲେନ୍କୁରୁଂ ମାଇ କେନ୍ ବୁ'କୁନୁଂ ମୁଇ ମେନ୍ଡାନାସା' ଅଦିକ୍ ସାର୍ଦା ଡେନ୍ତା ଡ'ସେକ୍ ନିଂ ଆପେ ସତଇସା ସୁନ'ତିଂ । 14ଡୁ'ତୁନାଉ କେନ୍ ଡାଉ ରେମଲେନ୍ ବିତ୍ରେ ଜାଏସା ମୁଇନ୍ଡା ବୁକ୍ ଉଇଏଇ' ଡ'ସେକ୍ ସରଗ୍ବକ୍ ଡୁକୁନୁଂ ପେମ୍ବାନା ମୁନ୍ ଆରାକ୍ ।”
ମୁଇନ୍ଡା ପାପ୍କାମ୍ ଡେମ'ନା ମା ଡିନ୍ଡେମ୍ ଡୁତା
(ଲୁକ 17:3)
15 #
ଲୁକ 17:3
“ଆଜିସୁଲା ବିସ୍ବାସ୍ ଡେମ'କୁନୁଂ ମୁଇନ୍ଡା ରେମ ନନ୍ ବାଗ୍ବକ୍ ଅଲିରାକ୍ବାଇ' ମାମା ଡେମ' ଡ'ନା ମାଇ ସାକ୍ମୁଇନ୍ଡା ଡୁକୁନୁଂବେଲା ନ ମାଇନ୍ବକ୍ ଉଇସେକ୍ ମାଇନା ବୁଲ୍ ମା ଡ'ସେକ୍ ଆମାଇ ସୁନ'ବେ'; ମାଇ ନନା ତୁମ' ଅଂଅଁ' ଡ'ନା ନ ଆମାଇ ମାରି ମୁସ ନନା ବୁୟାଂ ଡେଂସେକ୍ ଡୁକୁପୁଲେଇ ସାନ୍ଡୁଂଅଁ'ନ । 16ମାତର୍ ମାଇ ନନା ତୁମ' ଆଅଂତ ଡ'ନା ଆମୁଇନ୍ଡା ଆରାକ୍ନା ଆମ୍ବାୟ ମାଇନ୍ବକ୍ ୱାୟ' ଉୟା, ମାସା'ଡ'ନା ଇମ୍ବାୟ ଆରାକ୍ନା ତିନ୍ଲକ୍ବକ୍ ସାକିରେମେ ଡୁକୁନୁଂବକ୍ ଗୁଲାଇ ବଲ୍ ଅଇଁ ଗଂତୁନ । 17ମାରି ମାଇ ମା'ଏନ୍ ତୁମ'ସା ଆମାନ୍ତା ଡ'ନା ମନ୍ଡଲିନା ରେମଲେବକ୍ ସୁଁ, ମାରି ମାଇ ମନ୍ଡଲିନା ରେମଲେନ୍ ତୁମ'ସା ଆଅଂତ ଡ'ନା ଆମାପ୍ରୁ ମମୁନାକ୍ ରେମଲେବକ୍ ମାରି ସିସ୍ତୁ ଲୁଲୁ'ରେମଲେବକ୍ ମି ଜୁତୁନ ଡୁ'ତୁନା ଆମାଇସା ଜୁଲ'କୁଲା ।”
18 #
ମାତିଉ 16:19; ଜଅନ୍ 20:23 “ପେ ଦର୍ତନିବକ୍ ମାମା ବନ୍ଦ୍ ଡେମ୍ତୁପେ ଗୁତୁନ୍ ଗୁଲାଇ ସରଗ୍ବକ୍ସା ବନ୍ଦ୍ ଡେନ୍ତା, ମାରି ମାମା ପେ ଦର୍ତନିବକ୍ ରୁକ୍ତୁପେ ଗୁତୁନ୍ ଗୁଲାଇ ସରଗ୍ବକ୍ସା ରୁକ୍ତା ଡ'ସେକ୍ ନିଂ ଆପେ ସତଇସା ସୁନ'ତିଂ ।”
19“ମାରି ଦର୍ତନିବକ୍ ପେନ୍ ବିତ୍ରେ ଜାଏସା ଇମ୍ବାୟ ସମ୍ଜୁଟ୍ ଡେଂସେକ୍ ମାଏସା ଲୁ'ତ ଡ'ନା ସରଗ୍ବକ୍ ଡୁକୁନୁଂ ନେମ୍ବା ଆପା ବେ'ତ ଡ'ସେକ୍ ନିଂ ଆପେ ସତଇସା ମାରି ସୁନ'ତିଂ । 20ମାସା'ଡ'ନା ଆନିଂ ବିସ୍ବାସ୍ ଡେମ'କୁନୁଂ ରେମଲେ ଇମ୍ବାୟ ଆରାକ୍ନା ତିନ୍ଲକ୍ ଆମ୍ବ'ଏସା ରୁନ୍ତା ଡ'ନା ଆତା ନିଂ ମା'ଏବୁରଂ ଡୁତିଂ” ଡ'ସେକ୍ ସୁନ' ।
ଆପାଲ୍ରେମ କେମା ମଡିନେମ୍ବାଇ' ଗୁପାମ୍ରେମ୍ନା ଉ'ସୁରାମ୍
21 #
ଲୁକ 17:3,4 ଆଇ'ତୁନ୍ବେଲା ପିତର୍ଲା ଜିସୁନ୍ବକ୍ ସାକ୍ସେକ୍, “ଅ, ପ୍ରବୁ, ଜାଏସା ମୁଇନ୍ଡା ନିଂନା ବାଗ୍ବକ୍ ମାମା ଅଲିରାକ୍ବାଇ' ଡେମ'ନା ଆ'ଇପାଲି ନିଂ ଆମାଇ କେମା ଡିନ୍ଡେମ୍ ଡୁତା, ସାତ୍ପାଲି ଡେନ୍ତା ଇ?” ଡ'ସେକ୍ ଅ'ଗଁସ୍ଲା'ଗା' । 22ସା' ଜିସୁଲା ଆମାଇ “ନିଂ ଆନ ସାତ୍ପାଲିଉ କେମା ଡେମ୍ ଡ'ସେକ୍ ସୁନ' ଆଡୁତିଂ, ମାତର୍ ସତୁରି ଗୁନ ସାତ୍ପାଲି କେମା ଡିନ୍ଡେମ୍ ଡୁତା” ଡ'ସେକ୍ ସୁନ' ।
23ମାରି ସରଗ୍ରାଜି ମିବାଇ' ଡ'ନା ଆମାଇନା ଗୁପାମ୍ରେମ୍ ଉଦାର୍ ବେଡ'କୁନୁଂ ଡାବୁ ଲୁଲୁ'ପୁଲେଇ ମୁନ୍ଡେଂକୁନୁଂ ମୁଇ ରାଜାସୁଗ । 24ମାଇ ଏଜା ମୁଲାୟ'ସା' କଟିକଟି ଡାବୁ ରିଂକୁନୁଂ ଆମୁଇନ୍ଡା ଗୁପାମ୍ରେମ୍ ମାଇନ୍ବକ୍ ୱାୟ' ରିଂଅଁ' । 25ମାତର୍ ମାଇନା ରିନ୍ ଅସି'ପୁଲେଇ ମାଇନ୍ବକ୍ ମାସା ଆଡୁତାସା' ସାକାର୍ ସୁନ' “ଆମାଇ ମାରି ଆମାଇନା କୁନୁଇ'ଉଁ'ଉଁନେ, ମାରି ମାଇନ୍ବକ୍ ମାମା ଡୁତା ଗୁତୁନ୍ ଗୁଲାଇ ସୁଂଅଁ'ସେକ୍ ମାଇନା ରିନ୍ ଆନିଂ ଅସି'” ଡ'ସେକ୍ ସୁନ' ।
26ସା' ଗୁତୁନ୍ ଗୁପାମ୍ରେମ୍ ସାକାର୍ନା ସାର୍ମ'କନ୍ଡେକ୍ ଏନ୍ଡିକ୍ ସୁନ୍ଡ୍ରକ୍ସେକ୍ ସୁନ' “ଆ'ଇଦିନ୍ସୁଗ ନ ଜାଗ୍, ନିଂ ନନା ରିନ୍ ଗୁଲାଇ ଅସିଡ'ସୁଂତିଂ” ଡ'ସେକ୍ ସୁନ' । 27ସା' ଗୁତୁନ୍ ଗୁପାମ୍ରେମ୍ନା ସାକାର୍ ଆମାଇ ଲିବିସୁପ୍ସେ'ଗା' ନନା ରିନ୍ ଆବେଡ' ଡ'ସେକ୍ ସୁନ'ସେକ୍ ଆମାଇ ସରଉ ବେନ୍ଟାୟ' ।
28ମାତର୍ ଗୁତୁନ୍ ଗୁପାମ୍ରେମ୍ ଉନ୍ତ୍କୁରୁଂ ଡୁଂଡୁଂବେଲା ମାଇବୁରଂ କାମ୍ ଡେମ'କୁନୁଂ ଆପାଲ୍ ମୁଇନ୍ଡା ଗୁପାମ୍ରେମ୍ ସୁସପ୍ବାଂଗା' । ଗୁତୁନ୍ ପାଲ୍ ଗୁପାମ୍ରେମ୍ ମାଇନ୍କୁରୁଂ ସଏଟା ରୁପାନ୍ ଡାବୁ ରିଂକୁ; ସା' ମାଇ ଆମାଇ ସବ' ଲେଗୁଗ'ସେକ୍ ନିଂକୁରୁଂ ନ ସଏଟା ରୁପାନ୍ ଡାବୁ ରିଂକୁନୁଂ ଆନିଂ ଅ'ଆନ୍ଡେଇଁୟଁ'ବେ' ଡ'ସେକ୍ ସୁନ' । 29ସା' ମାଇବୁରଂ କାମ୍ ଡେମ'କୁନୁଂ ଗୁତୁନ୍ ଗୁପାମ୍ରେମ୍ ଏନ୍ଡିକ୍ ସୁନ୍ଡ୍ରକ୍ସେକ୍ ଆମାଇ ସୁନ', “ଆ'ଇଦିନ୍ସୁଗ ନ ଜାଗ୍, ନିଂ ନନା ରିନ୍ ଗୁଲାଇ ଅସିଡ'ସୁଂତିଂ” ଡ'ସେକ୍ ସୁନ' । 30ମାତର୍ ମାଇ ରାଜି ଆଡେନ୍ତା । ମାରି ମାଇ ଗୁଲାଇ ରିନ୍ ଅସି' ପନ୍ତେକ୍ ଆମାଇ ବନ୍ଦିବକ୍ ସୁରୁଂଅଁ'ବେଡ' । 31ସା' ପାଲ୍ ଗୁପାମ୍ରେମେ ଗୁତୁନ୍ ଗୁଲାଇ ଡେଂକୁନୁଂ ଜୁଲ'ସେକ୍ ଅବୁଦି ସିନ୍ତାଲ' ମାରି ଉଇସେକ୍ ଆମା'ଏନ୍ ସାକାର୍ ଗୁତୁନ୍ ଗୁଲାଇ ସୁନ'ବେଡ' । 32ସା' ଗୁତୁନ୍ ସାକାର୍ ଆମାଇ ମାଇନ୍ବକ୍ ୱାୟ'ସେକ୍ ସୁନ', “ଅ ଅଲିରାକ୍ବାଇ' କାମ୍ ଡେମ'କୁନୁଂ ଗୁପାମ୍ରେମ୍! ନ ଆନିଂ ସୁନ୍ଡ୍ରବାଲୁକ୍ସେକ୍ ସୁନ'ନସା' ନିଂ ନନା ଗୁତୁନ୍ ରିନ୍ ଗୁଲାଇ ଆବେଡ' ଡ'ସେକ୍ ଆନ ଅନ୍ତୁର' ବେଡ'ନିଂ; 33ନିଂ ଆନ ଦୟା ଡେମ'କୁନୁଂସୁଗ ନବୁରଂ କାମ୍ ଡେମ'କୁନୁଂ ଆତୁନ୍ ଗୁପାମ୍ରେମ୍ ନ ଦୟା ଡିନ୍ଡେମ୍ ଆଗଂଆଁନ ଇ?” ଡ'ସେକ୍ ସୁନ' । 34ମାରି ମାଇନା ସାକାର୍ ଅବୁଦି ଗିସେକ୍ସେକ୍ ଗୁଲାଇ ରିନ୍ ଅସି' ପନ୍ତେକ୍ ଆମାଇ କସ୍ଟ ବିବେ'ପୁଲେଇ ବନ୍ଦିବକ୍ ସୁରୁଂଅଁ' । 35ସା' “ପେ ଗୁଲାଇର ଜିବନ୍କୁରୁଂ ଅ'ତୁର୍ସେକ୍ ଆପାଲ୍ ରେମଲେ କେମା ଆଡେମ୍ତୁପେ ଡ'ନା ସରଗ୍ବକ୍ ଡୁକୁନୁଂ ନେମ୍ବାସା ଆପେ ଗୁତୁନ୍ ରାଜାଲା ଡେମ'କୁନୁଂସୁଗ ଡେମ୍ତ” ଡ'ସେକ୍ ଜିସୁଲା ସୁନ' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0