ମାତିଉ 17
17
ଜିସୁଲା ପାଲ୍ବାଇ' ତୁନା ଡେନ୍
(ମାର୍କ 9:2–13; ଲୁକ 9:28–36)
1ସ ଦିନ୍ ତିର୍ଗି' ଜିସୁଲା ଆପିତର୍ଲା, ଆଜାକୁବ୍ଲା ମାରି ଆଜାକୁବ୍ନା ବୁୟାଂ ଆଜଅନ୍ଲା ମୁଇ ତି'ଉର୍ବାଇ' କୁନ୍ଡା ବାଗ୍ବକ୍ ୱାୟ' ଡାଇ'ଗା' । ଆତା ମା'ଏଉ ଡୁକୁଗା' । 2ସା' ଆତା ଜିସୁନା ସାର୍ମ' ସିଂଇଁ ତାର୍କି'କୁନୁଂସୁଗ ତାର୍କି'ଗା' ମାରି ମାଇନା ଇମ୍ପ'ସା ତାରା'କୁନୁଂସୁଗ ଅବୁଦି ତୁଲୁଇବାଇ' ତାର୍କି'କୁ, ସା' ମାଇ ଆମା'ଏ ପାଲ୍ବାଇ' ଅ'ତୁନାଗା' । 3ମାରି ଆଇ'ତୁନ୍ବେଲା ମସାଲା ମାରି ଏଲିୟଲା ଆତା ମା'ଏନ୍ବକ୍ ଅ'ତୁନାକ୍ସେକ୍ ଜିସୁଲାବୁରଂ ଅଇଁଡେଂକୁନୁଂ ମା'ଏ ଜୁଲ' । 4ସା' ପିତର୍ଲା ଆଜିସୁଲା ସୁନ' “ଅ ଗୁରୁ, ଆକେ ନେଇ' ଡୁକୁନା ଅବୁଦି ବଲ୍ । ଆନ ମୁନ୍ ଡୁକୁନା ଆକେ ନିଂ ତିନ୍ଟା କୁଡିୟା ଅ'ରଇଁତିଂ, ନପୁଲେଇ ମୁଇ ମସାଲାପୁଲେଇ ମୁଇ ମାରି ଏଲିୟଲାପୁଲେଇ ମୁଇ” ଡ'ସେକ୍ ସୁନ' ।
5 #
ମାତିଉ 3:17; 12:18; ମାର୍କ 1:11; ଲୁକ 3:22 #
2 ପିତର୍ 1:17,18 ପିତର୍ଲା ଡୁ'ତୁନା ସୁନ'ସେକ୍ ତଂକୁନୁଂବକ୍ଉ ଅବୁଦି ତାର୍କି'କୁନୁଂ ମୁଇ ବାଦଲ୍ ସାକ୍ସେ'ଗା ଆମା'ଏ ଆଗୁଲାଇର ଡାଲୁଲ'ସୁଂଅଁ' । ମାରି ଗୁତୁନ୍ ବାଦଲ୍କୁରୁଂ “କେନା ନିଂନା ଉଁ'ଉଁ । ଆମାଇ ନିଂ ଅବୁଦି ଲବ୍ଗୁତିଂ । ଆମାଇ ଜୁଲ'ସେକ୍ ନିଂ ସାର୍ଦା ଡେଂଗୁତିଂ । ମାଇନା ତୁମ' ପେ ମାନ୍ସେକ୍ ଡୁକୁଲା” ଡ'ସେକ୍ ସୁନ'କୁନୁଂ ମା'ଏ ଅଂଅଁ' ।
6ସା' ଗୁତୁନ୍ ଅଂଅଁ'ସେକ୍ ସିସ୍ୟଲେ ଇଁ'ଗେନ୍ଡ୍ର ଅବୁଦି ବୁତୁଂସେକ୍ ଅ'ମିକ୍ସେକ୍ ଡିରିଗ୍ଆର୍ଉଇଗା' । 7ମାତର୍ ଜିସୁଲା ମା'ଏନ୍ବକ୍ ସାକ୍ସେକ୍ ଆମା'ଏ ତୁରାମ'ସେକ୍ “ତନା, ପେ ଆବୁତୁଂଗା'” ଡ'ସେକ୍ ସୁନ' । 8ସା' ମା'ଏ ତାଂଡାୟ'ସେକ୍ ଜୁଲ'ସା' ଜିସୁଲାଉ ଡୁକୁ ମାରି ଜାଏସା ଆତା ଆଡୁତା ।
9ମା'ଏ ଗୁଲାଇର ଗୁତୁନ୍ କୁନ୍ଡା ବାଗ୍ବକ୍କୁରୁଂ ଆଲୁଂ ଜୁଜର୍ବେଲା ଜିସୁଲା ଆମା'ଏ ସୁନ' “ଜୁ, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ଗୁଇ'ସେକ୍ ବୁରପନ୍ତେକ୍ ପେ ଆ'ନା ଜୁଲ'କୁନୁଂ ଗୁଲାଇ ଆଜାସା ଆସୁନ୍ତୁପେ” ଡ'ସେକ୍ ସୁନ' ।
10ସା' ସିସ୍ୟଲେ ଆମାଇ ସୁନ' “ଏଲିୟଲା ସିଁସେଇଁ ସୁସାପ୍ ଡୁତା ଡ'ସେକ୍ ନିୟମ୍ ଅମାକ୍ରେମ୍ ମାସା' ସୁନ'ତା?” ଡ'ସେକ୍ ଅ'ଗଁସ୍ଲା'ଗା' ।
11ସା' ଜିସୁଲା ସୁନ' “ଏଲିୟଲା ସିଁସେଇଁ ସାକ୍ସେକ୍ ଗୁଲାଇ ଅଜାଗ' ବୁଂତ ଡ'ସେକ୍ ସୁନ'କୁନୁଂ ସତ୍ । 12#ମାତିଉ 11:14ମାତର୍ ନିଂ ଆପେ ସୁନ୍ତିଂ ଏଲିୟଲା ସା'କୁ, ସା' ରେମଲେ ଆମାଇ ଆସମ'ତ । ମା'ଏ ଆମାଇ ମା'ଏନ୍ ମୁନ୍ସୁଗ କସ୍ଟ ବେଡ' । ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁସା ଆଏଲିୟଲା କସ୍ଟ ବେଡ'କୁନୁଂସୁଗ କସ୍ଟ ବେ'ତ” ଡ'ସେକ୍ ସୁନ' । 13ମାଇ ଡୁ'ତୁନ୍ ସୁନ'ସା' ବାପ୍ତିସ୍ମା ବିବେ'ଡା ଜଅନ୍ନା ବିସୟଉ ମାଇ ସୁନ'ତା ଡ'ସେକ୍ ସିସ୍ୟଲେ ମାଗ' ।
ଆମୁଇନ୍ଡା ଗୁଲା ବୁତ୍ ସବ'କୁନୁଂବକ୍ ଜିସୁଲା ବଲ୍ ଡିନ୍ଡେମ୍ଡେନ୍
(ମାର୍କ 9:14–29; ଲୁକ 9:37–43)
14ମା'ଏ ଗୁତୁନ୍ କୁନ୍ଡା ବାଗ୍ବକ୍କୁରଂ ଆଲୁଂ ଜର୍ସେକ୍ ରେମଲେ ଗୁଲାଇର ରୁନ୍କୁନୁଂବକ୍ ଡେଲ'ସା', ଆତା ମୁଇନ୍ଡା ରେମ ସାକ୍ସେକ୍ ଜିସୁନା ସାର୍ମ'କନ୍ଡେକ୍ ଏନ୍ଡିକ୍ସେକ୍ ସୁନ୍ଡ୍ରଗା' । 15ମାଇ ସୁନ୍ଡ୍ରକ୍ସେକ୍ “ଅ ପ୍ରବୁ, ଆନିଂନା ଉଁ'ଉଁ ନ ଦୟା ଡେମ୍! ଆମାଇ ଗୁଇଲି' ସାକ୍ସେକ୍ ଅବୁଦି ଅ'କିରଲ' ଅ'ମରଲ'ତା । ମାରି ଅବୁଦି ଆଲେଡ' ଆବୁର'ସେକ୍ ଅ'ପର୍ ଅରାଇ'ତସା' ମାଇ ଅବୁଦି କସ୍ଟ ବାଂଗୁତା । ମାଇ ଇସାଉ ସୁଂଅଁବକ୍ ମାରି ଡାଗ୍ବକ୍ସା ଲକ୍ତା । 16ଆମାଇ ନନା ସିସ୍ୟଲେନ୍ବକ୍ ରିଂଅଁ' ସା'କୁନିଂ ମାତର୍ ମା'ଏ ବଲ୍ ଡିନ୍ଡେମ୍ ଆଗଂତା” ଡ'ସେକ୍ ମାଇ ଆଜିସୁଲା ସୁନ' ।
17ସା' ଜିସୁଲା ସୁନ' “ଅ ବିସ୍ବାସ୍ ମଡିନେମ୍ ମାରି ଅଲିରାକ୍ବାଇ' ରେମଲେ! ପେବୁରଂ ନିଂ ମାରି ଆ'ଇଦିନ୍ ଡୁକୁନା ପେ ବିସ୍ବାସ୍ ଡେମ୍ତୁପେ? ପେ ଡି'କେନ୍ ଡୁକୁନୁଂ ଆ'ଇଦିନ୍ ନିଂ ଜୁଲ' ଡୁତିଂ? ଆତୁନ୍ ଗୁଲା ନିଂବକ୍ ରିଂଅଁ' ସା'ବା” ଡ'ସେକ୍ ସୁନ' । 18ଜିସୁଲା ଆତୁନ୍ ବୁତ୍ ଡୁଂଆଁ ଡ'ସେକ୍ ତର୍ଞେଁଡାକ୍ ସୁନ'ସା' ଗୁତୁନ୍ ବୁତ୍ ତୁର୍ସେକ୍ ଡୁଂଗା' । ସା' ଆଇ'କୁ ଗୁତୁନ୍ ଗୁଲା ବଲ୍ ଡେଂଗା' ।
19ତିର୍ଗି' ପାଲ୍ ଜାଏସା ମଡୁକୁବେଲା ମାଇନା ସିସ୍ୟଲେ ଜିସୁନ୍ବକ୍ ସାକ୍ସେକ୍ “ଆତୁନ୍ ବୁତ୍ ନେଇ ମାସା' ଞୁଁଞ ଆଗଂତୁନେଇ?” ଡ'ସେକ୍ ଆମାଇ ଅ'ଗଁସ୍ଲା'ଗା' ।
20-21 #
ମାତିଉ 21:21; ମାର୍କ 11:23; 1 କରି 13:2 ସା' ମାଇ ସୁନ' “ମାସା'ଡ'ନା ପେ ବଲ୍ ବିସ୍ବାସ୍ ଆଡେମ୍ତୁପେସା'ଉ ପେ ଆତୁନ୍ ବୁତ୍ ଞୁଁଞ ଆଗଂତୁପେ । ପେନ୍ବକ୍ ସର୍ସୁ ମନ୍ଜିସୁଗ ବିସ୍ବାସ୍ ଡୁକୁନା ଆକେନ୍ କୁନ୍ଡା ଡଗ୍ରିତ୍ ଉୟା ଡ'ନା ଗୁତୁନ୍ କୁନ୍ଡା ଉଇତା । ପେ ଡିନ୍ଡେମ୍ ମଗୁନଂବାଇ' ମାଏସା ଆଡୁତା ଡ'ସେକ୍ ନିଂ ଆପେ ସତଇସା ସୁନ'ତିଂ।”#17:20–21 20 ତିର୍ଗି' 21 ପଦ ଏନ୍ତୁକ୍ ଉଲାକ୍ବକ୍ ଆଡୁତାସା' ଆକେ ଆଲେକ୍ତ । ମାତର୍ ମାର୍କ 9:29 ବକ୍ କେନ୍ ପଦ ସମାନ୍ ଡୁତା ।
ଜିସୁଲା ଆମାଇନା ସିସ୍ୟଲେ ନିଂ ମି ଗୁଇ'ତିଂ ଡ'ସେକ୍ ସୁଁସୁଡେନ୍
(ମାର୍କ 9:30–32; ଲୁକ 9:43–45)
22ମା'ଏ ଗୁଲାଇର ଗାଲିଲି ଜିଲାବକ୍ ସା'ଗା'ସା' ମାଇ ଆମା'ଏ ସୁନ' “ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ ରେମଲେନା ତିତିବକ୍ ଅସୁୟ'ବେ'ତ । 23ସା' ମା'ଏ ଆମାଇ ଅଡାପ୍ତ ମାତର୍ ମାଇ ତିନ୍ଦିନ୍ବକ୍ ବୁରତା” ଡ'ସେକ୍ ସୁନ' । ସା' ଗୁତୁନ୍ ଅଂଅଁ'ସେକ୍ ସିସ୍ୟଲେ ଅବୁଦି ସିନ୍ତାଲ'କୁ ।
ମନ୍ଦିର୍ନା ସିସ୍ତୁ
24ତିର୍ଗି' ଜିସୁଲା ମାରି ମାଇନା ସିସ୍ୟଲେ କପର୍ନାଉମ୍ ଉଂଗମ୍ବକ୍ ସା'ଗା' । ସା' ମନ୍ଦିର୍ନା ସିସ୍ତୁ ଲୁଲୁ'ରେମ୍ ପିତର୍ବକ୍ ସାକ୍ସେକ୍ “ପେନ୍ ଗୁରୁ ମନ୍ଦିର୍ନା ସିସ୍ତୁ ଆବେ'ତ ଇ?” ଡ'ସେକ୍ ଆମାଇ ଅ'ଗଁସ୍ଲା'ଗା' ।
25ସା' ପିତର୍ଲା “ଅଁ'ଅଁ, ମାଇ ବେ'ତ” ଡ'ସେକ୍ ସୁନ' । ସୁନ'ସେକ୍ ମାଇ ଡିଂଅଁ ବିତ୍ରେ ଗାଇଗା' । ସା' ମାଇ ସୁଁସୁ ସିଁସେଇଁଉ ଜିସୁଲା ଆମାଇ ସୁନ' “ଅ ସିମନ୍, କେନ୍ ଦର୍ତନିନା ରାଜାଲେ ଇମ୍ବ'ନ୍ ରେମଲେନ୍କୁରୁଂ ସିସ୍ତୁ ଗୁଲାଇ ଲୁ'ତ? ମାଇନା ନିଜର୍ନା ରେମଲେନ୍କୁରୁଂ କି ପାଲ୍ ରେମଲେନ୍କୁରୁଂ ଲୁ'ତ? ନ ମା ଡ' ଏତ୍ଗୁତୁନ?” ଡ'ସେକ୍ ଅ'ଗଁସ୍ଲା'ଗା' । 26ସା' ମାଇ “ପାଲ୍ ରେମଲେନ୍କୁରୁଂ” ଡ'ସେକ୍ ସୁନ' ।
ସା' ଜିସୁଲା ସୁନ' “ଡୁ'ତୁନ୍ ଡ'ନା ନିଜର୍ନା ରେମଲେ ବିବେ' ଦର୍କାର୍ ଆରାକ୍ । 27ମାତର୍ ନେଇ' ଆମା'ଏ ଆବେ'ତୁନେଇ ଡ'ସେକ୍ ଆ'ଗିସେ'ନେଇ' । ସା' ନ ଆ'ନା ସମ୍ଦର୍କିନ୍ଡାକ୍ବକ୍ ଉଇସେକ୍ ସିନିଆ' ବୁଂ । ମାରି ମୁଲ୍ ଇମ୍ବ'ନ୍ ଆ'ଡଂ ଅଇ'ତା ଆତୁନ୍ ଆ'ଡଂ ତାକ୍ତମ'ସେକ୍ ଜୁଲ'ନା ମୁଇ ରୁପାନ୍ ଡାବୁ ଜୁତୁନ । ଗୁତୁନ୍ ଜୁଗ'ସେକ୍ ନାଂନା ସିସ୍ତୁ ବେ'” ଡ'ସେକ୍ ସୁନ' ।
Currently Selected:
ମାତିଉ 17: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 17
17
ଜିସୁଲା ପାଲ୍ବାଇ' ତୁନା ଡେନ୍
(ମାର୍କ 9:2–13; ଲୁକ 9:28–36)
1ସ ଦିନ୍ ତିର୍ଗି' ଜିସୁଲା ଆପିତର୍ଲା, ଆଜାକୁବ୍ଲା ମାରି ଆଜାକୁବ୍ନା ବୁୟାଂ ଆଜଅନ୍ଲା ମୁଇ ତି'ଉର୍ବାଇ' କୁନ୍ଡା ବାଗ୍ବକ୍ ୱାୟ' ଡାଇ'ଗା' । ଆତା ମା'ଏଉ ଡୁକୁଗା' । 2ସା' ଆତା ଜିସୁନା ସାର୍ମ' ସିଂଇଁ ତାର୍କି'କୁନୁଂସୁଗ ତାର୍କି'ଗା' ମାରି ମାଇନା ଇମ୍ପ'ସା ତାରା'କୁନୁଂସୁଗ ଅବୁଦି ତୁଲୁଇବାଇ' ତାର୍କି'କୁ, ସା' ମାଇ ଆମା'ଏ ପାଲ୍ବାଇ' ଅ'ତୁନାଗା' । 3ମାରି ଆଇ'ତୁନ୍ବେଲା ମସାଲା ମାରି ଏଲିୟଲା ଆତା ମା'ଏନ୍ବକ୍ ଅ'ତୁନାକ୍ସେକ୍ ଜିସୁଲାବୁରଂ ଅଇଁଡେଂକୁନୁଂ ମା'ଏ ଜୁଲ' । 4ସା' ପିତର୍ଲା ଆଜିସୁଲା ସୁନ' “ଅ ଗୁରୁ, ଆକେ ନେଇ' ଡୁକୁନା ଅବୁଦି ବଲ୍ । ଆନ ମୁନ୍ ଡୁକୁନା ଆକେ ନିଂ ତିନ୍ଟା କୁଡିୟା ଅ'ରଇଁତିଂ, ନପୁଲେଇ ମୁଇ ମସାଲାପୁଲେଇ ମୁଇ ମାରି ଏଲିୟଲାପୁଲେଇ ମୁଇ” ଡ'ସେକ୍ ସୁନ' ।
5 #
ମାତିଉ 3:17; 12:18; ମାର୍କ 1:11; ଲୁକ 3:22 #
2 ପିତର୍ 1:17,18 ପିତର୍ଲା ଡୁ'ତୁନା ସୁନ'ସେକ୍ ତଂକୁନୁଂବକ୍ଉ ଅବୁଦି ତାର୍କି'କୁନୁଂ ମୁଇ ବାଦଲ୍ ସାକ୍ସେ'ଗା ଆମା'ଏ ଆଗୁଲାଇର ଡାଲୁଲ'ସୁଂଅଁ' । ମାରି ଗୁତୁନ୍ ବାଦଲ୍କୁରୁଂ “କେନା ନିଂନା ଉଁ'ଉଁ । ଆମାଇ ନିଂ ଅବୁଦି ଲବ୍ଗୁତିଂ । ଆମାଇ ଜୁଲ'ସେକ୍ ନିଂ ସାର୍ଦା ଡେଂଗୁତିଂ । ମାଇନା ତୁମ' ପେ ମାନ୍ସେକ୍ ଡୁକୁଲା” ଡ'ସେକ୍ ସୁନ'କୁନୁଂ ମା'ଏ ଅଂଅଁ' ।
6ସା' ଗୁତୁନ୍ ଅଂଅଁ'ସେକ୍ ସିସ୍ୟଲେ ଇଁ'ଗେନ୍ଡ୍ର ଅବୁଦି ବୁତୁଂସେକ୍ ଅ'ମିକ୍ସେକ୍ ଡିରିଗ୍ଆର୍ଉଇଗା' । 7ମାତର୍ ଜିସୁଲା ମା'ଏନ୍ବକ୍ ସାକ୍ସେକ୍ ଆମା'ଏ ତୁରାମ'ସେକ୍ “ତନା, ପେ ଆବୁତୁଂଗା'” ଡ'ସେକ୍ ସୁନ' । 8ସା' ମା'ଏ ତାଂଡାୟ'ସେକ୍ ଜୁଲ'ସା' ଜିସୁଲାଉ ଡୁକୁ ମାରି ଜାଏସା ଆତା ଆଡୁତା ।
9ମା'ଏ ଗୁଲାଇର ଗୁତୁନ୍ କୁନ୍ଡା ବାଗ୍ବକ୍କୁରୁଂ ଆଲୁଂ ଜୁଜର୍ବେଲା ଜିସୁଲା ଆମା'ଏ ସୁନ' “ଜୁ, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ଗୁଇ'ସେକ୍ ବୁରପନ୍ତେକ୍ ପେ ଆ'ନା ଜୁଲ'କୁନୁଂ ଗୁଲାଇ ଆଜାସା ଆସୁନ୍ତୁପେ” ଡ'ସେକ୍ ସୁନ' ।
10ସା' ସିସ୍ୟଲେ ଆମାଇ ସୁନ' “ଏଲିୟଲା ସିଁସେଇଁ ସୁସାପ୍ ଡୁତା ଡ'ସେକ୍ ନିୟମ୍ ଅମାକ୍ରେମ୍ ମାସା' ସୁନ'ତା?” ଡ'ସେକ୍ ଅ'ଗଁସ୍ଲା'ଗା' ।
11ସା' ଜିସୁଲା ସୁନ' “ଏଲିୟଲା ସିଁସେଇଁ ସାକ୍ସେକ୍ ଗୁଲାଇ ଅଜାଗ' ବୁଂତ ଡ'ସେକ୍ ସୁନ'କୁନୁଂ ସତ୍ । 12#ମାତିଉ 11:14ମାତର୍ ନିଂ ଆପେ ସୁନ୍ତିଂ ଏଲିୟଲା ସା'କୁ, ସା' ରେମଲେ ଆମାଇ ଆସମ'ତ । ମା'ଏ ଆମାଇ ମା'ଏନ୍ ମୁନ୍ସୁଗ କସ୍ଟ ବେଡ' । ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁସା ଆଏଲିୟଲା କସ୍ଟ ବେଡ'କୁନୁଂସୁଗ କସ୍ଟ ବେ'ତ” ଡ'ସେକ୍ ସୁନ' । 13ମାଇ ଡୁ'ତୁନ୍ ସୁନ'ସା' ବାପ୍ତିସ୍ମା ବିବେ'ଡା ଜଅନ୍ନା ବିସୟଉ ମାଇ ସୁନ'ତା ଡ'ସେକ୍ ସିସ୍ୟଲେ ମାଗ' ।
ଆମୁଇନ୍ଡା ଗୁଲା ବୁତ୍ ସବ'କୁନୁଂବକ୍ ଜିସୁଲା ବଲ୍ ଡିନ୍ଡେମ୍ଡେନ୍
(ମାର୍କ 9:14–29; ଲୁକ 9:37–43)
14ମା'ଏ ଗୁତୁନ୍ କୁନ୍ଡା ବାଗ୍ବକ୍କୁରଂ ଆଲୁଂ ଜର୍ସେକ୍ ରେମଲେ ଗୁଲାଇର ରୁନ୍କୁନୁଂବକ୍ ଡେଲ'ସା', ଆତା ମୁଇନ୍ଡା ରେମ ସାକ୍ସେକ୍ ଜିସୁନା ସାର୍ମ'କନ୍ଡେକ୍ ଏନ୍ଡିକ୍ସେକ୍ ସୁନ୍ଡ୍ରଗା' । 15ମାଇ ସୁନ୍ଡ୍ରକ୍ସେକ୍ “ଅ ପ୍ରବୁ, ଆନିଂନା ଉଁ'ଉଁ ନ ଦୟା ଡେମ୍! ଆମାଇ ଗୁଇଲି' ସାକ୍ସେକ୍ ଅବୁଦି ଅ'କିରଲ' ଅ'ମରଲ'ତା । ମାରି ଅବୁଦି ଆଲେଡ' ଆବୁର'ସେକ୍ ଅ'ପର୍ ଅରାଇ'ତସା' ମାଇ ଅବୁଦି କସ୍ଟ ବାଂଗୁତା । ମାଇ ଇସାଉ ସୁଂଅଁବକ୍ ମାରି ଡାଗ୍ବକ୍ସା ଲକ୍ତା । 16ଆମାଇ ନନା ସିସ୍ୟଲେନ୍ବକ୍ ରିଂଅଁ' ସା'କୁନିଂ ମାତର୍ ମା'ଏ ବଲ୍ ଡିନ୍ଡେମ୍ ଆଗଂତା” ଡ'ସେକ୍ ମାଇ ଆଜିସୁଲା ସୁନ' ।
17ସା' ଜିସୁଲା ସୁନ' “ଅ ବିସ୍ବାସ୍ ମଡିନେମ୍ ମାରି ଅଲିରାକ୍ବାଇ' ରେମଲେ! ପେବୁରଂ ନିଂ ମାରି ଆ'ଇଦିନ୍ ଡୁକୁନା ପେ ବିସ୍ବାସ୍ ଡେମ୍ତୁପେ? ପେ ଡି'କେନ୍ ଡୁକୁନୁଂ ଆ'ଇଦିନ୍ ନିଂ ଜୁଲ' ଡୁତିଂ? ଆତୁନ୍ ଗୁଲା ନିଂବକ୍ ରିଂଅଁ' ସା'ବା” ଡ'ସେକ୍ ସୁନ' । 18ଜିସୁଲା ଆତୁନ୍ ବୁତ୍ ଡୁଂଆଁ ଡ'ସେକ୍ ତର୍ଞେଁଡାକ୍ ସୁନ'ସା' ଗୁତୁନ୍ ବୁତ୍ ତୁର୍ସେକ୍ ଡୁଂଗା' । ସା' ଆଇ'କୁ ଗୁତୁନ୍ ଗୁଲା ବଲ୍ ଡେଂଗା' ।
19ତିର୍ଗି' ପାଲ୍ ଜାଏସା ମଡୁକୁବେଲା ମାଇନା ସିସ୍ୟଲେ ଜିସୁନ୍ବକ୍ ସାକ୍ସେକ୍ “ଆତୁନ୍ ବୁତ୍ ନେଇ ମାସା' ଞୁଁଞ ଆଗଂତୁନେଇ?” ଡ'ସେକ୍ ଆମାଇ ଅ'ଗଁସ୍ଲା'ଗା' ।
20-21 #
ମାତିଉ 21:21; ମାର୍କ 11:23; 1 କରି 13:2 ସା' ମାଇ ସୁନ' “ମାସା'ଡ'ନା ପେ ବଲ୍ ବିସ୍ବାସ୍ ଆଡେମ୍ତୁପେସା'ଉ ପେ ଆତୁନ୍ ବୁତ୍ ଞୁଁଞ ଆଗଂତୁପେ । ପେନ୍ବକ୍ ସର୍ସୁ ମନ୍ଜିସୁଗ ବିସ୍ବାସ୍ ଡୁକୁନା ଆକେନ୍ କୁନ୍ଡା ଡଗ୍ରିତ୍ ଉୟା ଡ'ନା ଗୁତୁନ୍ କୁନ୍ଡା ଉଇତା । ପେ ଡିନ୍ଡେମ୍ ମଗୁନଂବାଇ' ମାଏସା ଆଡୁତା ଡ'ସେକ୍ ନିଂ ଆପେ ସତଇସା ସୁନ'ତିଂ।”#17:20–21 20 ତିର୍ଗି' 21 ପଦ ଏନ୍ତୁକ୍ ଉଲାକ୍ବକ୍ ଆଡୁତାସା' ଆକେ ଆଲେକ୍ତ । ମାତର୍ ମାର୍କ 9:29 ବକ୍ କେନ୍ ପଦ ସମାନ୍ ଡୁତା ।
ଜିସୁଲା ଆମାଇନା ସିସ୍ୟଲେ ନିଂ ମି ଗୁଇ'ତିଂ ଡ'ସେକ୍ ସୁଁସୁଡେନ୍
(ମାର୍କ 9:30–32; ଲୁକ 9:43–45)
22ମା'ଏ ଗୁଲାଇର ଗାଲିଲି ଜିଲାବକ୍ ସା'ଗା'ସା' ମାଇ ଆମା'ଏ ସୁନ' “ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ ରେମଲେନା ତିତିବକ୍ ଅସୁୟ'ବେ'ତ । 23ସା' ମା'ଏ ଆମାଇ ଅଡାପ୍ତ ମାତର୍ ମାଇ ତିନ୍ଦିନ୍ବକ୍ ବୁରତା” ଡ'ସେକ୍ ସୁନ' । ସା' ଗୁତୁନ୍ ଅଂଅଁ'ସେକ୍ ସିସ୍ୟଲେ ଅବୁଦି ସିନ୍ତାଲ'କୁ ।
ମନ୍ଦିର୍ନା ସିସ୍ତୁ
24ତିର୍ଗି' ଜିସୁଲା ମାରି ମାଇନା ସିସ୍ୟଲେ କପର୍ନାଉମ୍ ଉଂଗମ୍ବକ୍ ସା'ଗା' । ସା' ମନ୍ଦିର୍ନା ସିସ୍ତୁ ଲୁଲୁ'ରେମ୍ ପିତର୍ବକ୍ ସାକ୍ସେକ୍ “ପେନ୍ ଗୁରୁ ମନ୍ଦିର୍ନା ସିସ୍ତୁ ଆବେ'ତ ଇ?” ଡ'ସେକ୍ ଆମାଇ ଅ'ଗଁସ୍ଲା'ଗା' ।
25ସା' ପିତର୍ଲା “ଅଁ'ଅଁ, ମାଇ ବେ'ତ” ଡ'ସେକ୍ ସୁନ' । ସୁନ'ସେକ୍ ମାଇ ଡିଂଅଁ ବିତ୍ରେ ଗାଇଗା' । ସା' ମାଇ ସୁଁସୁ ସିଁସେଇଁଉ ଜିସୁଲା ଆମାଇ ସୁନ' “ଅ ସିମନ୍, କେନ୍ ଦର୍ତନିନା ରାଜାଲେ ଇମ୍ବ'ନ୍ ରେମଲେନ୍କୁରୁଂ ସିସ୍ତୁ ଗୁଲାଇ ଲୁ'ତ? ମାଇନା ନିଜର୍ନା ରେମଲେନ୍କୁରୁଂ କି ପାଲ୍ ରେମଲେନ୍କୁରୁଂ ଲୁ'ତ? ନ ମା ଡ' ଏତ୍ଗୁତୁନ?” ଡ'ସେକ୍ ଅ'ଗଁସ୍ଲା'ଗା' । 26ସା' ମାଇ “ପାଲ୍ ରେମଲେନ୍କୁରୁଂ” ଡ'ସେକ୍ ସୁନ' ।
ସା' ଜିସୁଲା ସୁନ' “ଡୁ'ତୁନ୍ ଡ'ନା ନିଜର୍ନା ରେମଲେ ବିବେ' ଦର୍କାର୍ ଆରାକ୍ । 27ମାତର୍ ନେଇ' ଆମା'ଏ ଆବେ'ତୁନେଇ ଡ'ସେକ୍ ଆ'ଗିସେ'ନେଇ' । ସା' ନ ଆ'ନା ସମ୍ଦର୍କିନ୍ଡାକ୍ବକ୍ ଉଇସେକ୍ ସିନିଆ' ବୁଂ । ମାରି ମୁଲ୍ ଇମ୍ବ'ନ୍ ଆ'ଡଂ ଅଇ'ତା ଆତୁନ୍ ଆ'ଡଂ ତାକ୍ତମ'ସେକ୍ ଜୁଲ'ନା ମୁଇ ରୁପାନ୍ ଡାବୁ ଜୁତୁନ । ଗୁତୁନ୍ ଜୁଗ'ସେକ୍ ନାଂନା ସିସ୍ତୁ ବେ'” ଡ'ସେକ୍ ସୁନ' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0