ମାତିଉ 16
16
କାବା ଡିନ୍ଡେମ୍ବାଇ' କାମ୍ ଡେମ' ଅସୁଇ' ଡ'ସେକ୍ ଆଜିସୁଲା ସୁଁସୁଡେନ୍
(ମାର୍କ 8:11–13; ଲୁକ 12:54–56)
1 #
ମାତିଉ 12:38; ଲୁକ 11:16 ଏନ୍ତୁକ୍ ପାରୁସିଦଲ୍ନା ରେମଲେ ମାରି ସାଦୁକି ଦଲ୍ନା ରେମଲେ ଜିସୁନ୍ବକ୍ ସାକ୍ସେକ୍ ଆମାଇ ପରିକା ଡିନ୍ଡେମ୍ପୁଲେଇ “ନ ଆନେଇ କି'ତୁଂକୁରୁଂ ମୁଇ ସିନ ଅସୁଇ'” ଡ'ସେକ୍ ସୁନ' ।
2ସା' ଜିସୁଲା ଆମା'ଏ ସୁନ' “ଲୁକ୍ସିଂବେଲା କି'ତୁଂ ବନିଲ'କୁନୁଂ ଜୁଲ'ସେକ୍ ବେରାବାଂସା' ଡାଗ୍ ଆଗୁର୍ତ ଡ'ସେକ୍ ପେ ସୁନ୍ତୁପେ, 3ମାରି ଇନ୍ଜୁର୍ କି'ତୁଂ ବନିଲ'କୁନୁଂ ମାରି ଞୁର୍କୁନୁଂ ଜୁଲ'ସେକ୍ ଆ'ନା ଉଇଡାକ୍ ଗୁର୍ଡାଗ୍ ସାପ୍ତା ଡ'ସେକ୍ ପେ ସୁନ୍ତୁପେ । କି'ତୁଂବକ୍ ଡେଂକୁନୁଂ ଜୁଲ'ସେକ୍ ମା ଡେନ୍ତା ଡ'ସେକ୍ ପେ ସୁଁସୁ ଗଂତୁପେ ମାତର୍ ଆ'ନ୍ଦିନ୍ ଆ'ନ୍କାଲ୍ ଆକେ ମାମା ଡେଂକୁନୁଂ ସିନଲେ ଜୁଲ'ସେକ୍ ମା ଡେନ୍ତା ଡ'ସେକ୍ ପେ ସୁଁସୁ ଆଗଂତୁପେ । 4#ମାତିଉ 12:39; ଲୁକ 11:29ଅଲିରାକ୍ବାଇ' କାମ୍ ଡିନ୍ଡେମ୍ରେମ୍ ମାରି ଆମାପ୍ରୁ ମମାନ୍ବାର୍ବାଇ' ରେମଲେ କାବାକାବା ଡିନ୍ଡେମ୍ବାଇ' ସିନ ତୁର'ବୁଲ୍ଲ'ତା । ମାତର୍ ଆଜୁନସ୍ଲା ମା ଡେଂଗା' ଗୁତୁନାଉ ମା'ଏପୁଲେଇ ଡୁକୁନୁଂ ସିନ ମାରି ମାସା ଆରାକ୍” ଡ'ସେକ୍ ସୁନ' । ତିର୍ଗି' ଜିସୁଲା ଆମା'ଏ ଅନ୍ତୁର'ସେ'ଗା ଡୁଂଗା' ।
ପାରୁସିଦଲ୍ନା ରେମଲେନା ମାରି ସାଦୁକିରେମଲେନା କମିର୍
(ମାର୍କ 8:14–21)
5ସା' ସିସ୍ୟଲେ ସମ୍ଦର୍କିନ୍ଡାକ୍ ଇନ୍ସିପାଟ୍ ଉଇବେଲା ରୁଟି ରିଂଅଁ' ଉଇ ବାନାଗା' । 6#ଲୁକ 12:1ଜିସୁଲା ଆମା'ଏ ସୁନ' “ଜୁ, ପେ ପାରୁସିଦଲ୍ନା ରେମଲେନା ମାରି ସାଦୁକି ଦଲ୍ନା ରେମଲେନା କମିର୍କୁରୁଂ ସଇଗା ଡେଂସେକ୍ ଡୁକୁଲା” ଡ'ସେକ୍ ସୁନ' ।
7ସା' ନେଇ' ରୁଟି ଆରିଂତୁନେଇ'ସା'ଉ ଜିସୁଲା ଡି'କେନ୍ ସୁନ'ତା ଡ'ସେକ୍ ସିସ୍ୟଲେ ମା'ଏ ମା'ଏଉ ଅ'ସୁନୁଗା' ।
8ମା'ଏ ଅ'ସୁନୁକୁନୁଂ ମାଗ'ସେକ୍ ଜିସୁଲା ଆମା'ଏ ସୁନ' “ରୁଟି ଆଡୁତା ଡ'ସେକ୍ ମାସା' ପେ ଡି'କେନା ଅଇଁୟ'ତୁପେ? ପେ ବଲ୍ ବିସ୍ବାସ୍ ଆଡେମ୍ତୁପେ! 9#ମାତିଉ 14:17–21ପେ ଆ'ନ୍ପନ୍ତେକ୍ ଆମାକ୍ତୁପେ ଇ? ପାଁନ୍ସ୍ଟା ରୁଟିକୁରୁଂ ପାଁନ୍ସ୍ ଅଜାର୍ ରେମଲେ ସୁମ'କୁନୁଂ ପେ ଆଏତ୍ତୁପେ ଇ? ମାରି ଗୁତୁନ୍ ଲଲ'କୁନୁଂ ଆ'ଇ ଡାମୁଂ ଜୁକ୍ଜୁଗ'ପେ? 10#ମାତିଉ 15:34–38ମାରି ସାତ୍ଟା ରୁଟିକୁରୁଂ ସାରି ଅଜାର୍ ରେମଲେ ସୁମ'କୁନୁଂ ମିଲେଇ? ଉନ୍ତା ଗୁତୁନ୍ ଲଲ'କୁନୁଂ ଆ'ଇ ଡାମୁଂ ଜୁକ୍ଜୁଗ'ପେ? 11ନିଂ ସୁନ'କୁନୁଂ ରୁଟିସାମ୍ ଆରାକ୍ ଡ'ସେକ୍ ମାସା' ପେ ବୁଜ୍ବାର୍ ଆଗଂତୁପେ? ମାତର୍ ପେ ପାରୁସିଦଲ୍ନା ରେମଲେନା ମାରି ସାଦୁକି ଦଲ୍ନା ରେମଲେନା କମିର୍କୁରୁଂ ସଇଗା ଡେଂସେକ୍ ଡୁକୁଲା” ଡ'ସେକ୍ ସୁନ' ।
12ଡୁ'ତୁନ୍ ସୁନ'ସା' ରୁଟିବକ୍ ବୁଂବୁଂନା କମିର୍ନା ବିସୟବକ୍ ଆରାକ୍ ମାତର୍ ପାରୁସିଦଲ୍ନା ରେମଲେ ମାରି ସାଦୁକି ଦଲ୍ନା ରେମଲେ ମାମା ଅମାକ୍ତ ଗୁତୁନ୍ ଗୁଲାଇକୁରୁଂ ସଇଗା ଡେଂସେକ୍ ଡୁକୁଲା ଡ'ସେ'ଗାଉ ଜିସୁଲା ଆନେଇ' ସୁନ' ଡ'ସେକ୍ ମା'ଏ ମାଗ' ।
ଜିସୁଲା ଜା ଡ'ସେକ୍ ପିତର୍ଲା ସୁଁସୁଡେନ୍
(ମାର୍କ 8:27–30; ଲୁକ 9:18–21)
13ଉନ୍ତ୍କୁରୁଂ ଜିସୁଲା କାଇସରିଆ ପିଲିପ୍ପି ରାଜିବକ୍ ଡୁକୁନୁଂ ମୁଇ ମୁନା'ଉଂଗମ୍ବକ୍ ଉଇଗା' । ସା' ଆତା ଆମାଇନା ସିସ୍ୟଲେ ସୁନ' “ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ ଜା ଡ'ସେକ୍ ରେମଲେ ସୁନ'ତା?” ଡ'ସେକ୍ ଅ'ଗଁସ୍ଲା'ଗା' ।
14 #
ମାତିଉ 14:1,2; ମାର୍କ 6:14,15; ଲୁକ 9:7,8 ଅ'ଗଁସ୍ଲା'ଗା'ସା' ସିସ୍ୟଲେ ସୁନ' “ଏନ୍ତୁକ୍ର ନ ଆରେମଲେ ବାପ୍ତିସ୍ମା ବିବେ'ଡେଂକୁନୁଂ ଜଅନ୍ଲା ଡେ ମାଡେ ଡ'ସେକ୍ ସୁନ'ତା, ମାରି ଏନ୍ତୁକ୍ର ନ ଏଲିୟଲା ଡେ ମାଡେ ଡ'ସେକ୍ ସୁନ'ତା । ମାରି ଏନ୍ତୁକ୍ର ନ ଜିରିମିୟଲା ଆରା'ଗେ ବାବବାଦିଲେନ୍ ବିତ୍ରେ ମୁଇନ୍ଡା ଡେ ମାଡେ ଡ'ସେକ୍ ସୁନ'ତା” ଡ'ସେ'ଗା ସୁନ' ।
15ସା' ଜିସୁଲା ଆମା'ଏ “ଆନିଂ ଜା ଡ'ସେକ୍ ପେ ଏତ୍ଗୁତୁପେ? ପେ ମା ସୁନ୍ତୁପେ?” ଡ'ସେକ୍ ଅ'ଗଁସ୍ଲା'ଗା' ।
16 #
ଜଅନ୍ 6:68,69 ସା' ସିମନ୍ ପିତର୍ଲା “ନ ଜିବନ୍ ଡୁକୁନୁଂ ମାପ୍ରୁନା ଉଁ'ଉଁ କିରିସ୍ଟଲା” ଡ'ସେକ୍ ଆମାଇ ସୁନ' ।
17ସା' ଜିସୁଲା ସୁନ' “ଅ ଜୁନସ୍ନା ଉଁ'ଉଁ ସିମନ୍, ନ ଅବୁଦି କପାଲ୍ବାଇ' ରେମ । ମାସା'ଡ'ନା ନ ଆ'ନା ସୁନ'କୁନୁଂ ଆନ ରେମଲେ ଜାଏସା ଅମାଗ' ଆଡୁତା ମାତର୍ ସରଗ୍ବକ୍ ଡୁକୁନୁଂ ନେମ୍ବାଉ ଆନ କେନା ଅମାଗ'ତା । 18ସା' ନନା ଇମି ପିତର୍, ଗୁତୁନ୍ ଅର୍ତ ବୁରେ ଡ'ସେକ୍ ଡୁତା । କେନ୍ ବୁରେ ବାଗ୍ବକ୍ ନିଂ ନିଂନା #16:18 ଆକେ ମନ୍ଡଲି ମା ଡ'ନା ଜାଜା ଆଜିସୁଲା ବିସ୍ବାସ୍ ଡେମ'ତା ମା'ଏନା ଦଲ୍ ଡ'ସେକ୍ ଅର୍ତ ଡୁତା । ରେମଲେ ଅ'ରଇଁୟ'କୁନୁଂ ମୁଇ ଡିଂଅଁ ଡ'ସେକ୍ ଆଏତ୍ଗା' ।ମନ୍ଡଲି ଅ'ରଇଁତିଂ । ପାତାଲନା ଗୁଲାଇ ବପୁ ଗୁତୁନ୍ ନାସାଇବାର୍ ଆଗଂତା ଡ'ସେକ୍ ନିଂ ଆନ ସୁନ'ତିଂ । 19#ମାତିଉ 18:18; ଜଅନ୍ 20:23ସରଗ୍ରାଜିନା କୁସିଲେ ନିଂ ଆନ ବେ'ତିଂ । ନ ଦର୍ତନିବକ୍ ମାମା ବନ୍ଦ୍ ଡେମ୍ତୁନ ଗୁତୁନ୍ ଗୁଲାଇ ସରଗ୍ବକ୍ସା ବନ୍ଦ୍ ଡେଂଉଇତା, ମାରି ଦର୍ତନିବକ୍ ନ ମାମା ରୁକ୍ତୁନ ଗୁତୁନ୍ ଗୁଲାଇ ସରଗ୍ବକ୍ସା ରୁକ୍ଉଇତା” ଡ'ସେକ୍ ଜିସୁଲା ସୁନ' । 20ମାରି “ମାଇଉ କିରିସ୍ଟଲା ଡ'ସେକ୍ ପେ ଆଜାଏସା ନିଂନା ବିସୟ ଆସୁନ'” ଡ'ସେକ୍ ଜିସୁଲା ଆମାଇନା ସିସ୍ୟଲେ ସୁନ' ।
ଜିସୁଲା ନିଜର୍ନା ଗୁଗୁଇ'ନା ମାରି ବୁର'ନା ବିସୟ ସୁଁସୁଡେନ୍
(ମାର୍କ 8:31–33; ଲୁକ 9:22–27)
21“ନିଂ ଜିରୁସାଲମ୍ ମୁନା'ଉଂଗମ୍ବକ୍ ଉଇ ଡୁତା । ମାରି ଆତା ଉଇନା ଜିଉଦିରେମଲେନା ମୁନା'ରେମେ, ମୁନା'ପୁଜାରିଲେ ମାରି ମସାଲା ବେଡ'କୁନୁଂ ନିୟମ୍ ଅମାକ୍ରେମେ ଗୁଲାଇର ଆନିଂ ଅବୁଦି କସ୍ଟ ବେଡ'ସେକ୍ ଅଗୁଇ'ତ, ମାରି ତିନ୍ଦିନ୍ବକ୍ ନିଂ ବୁରତିଂ । ଆନିଂ ଡୁ'ତୁନା ଡେଂନାଉ ଡେନ୍ତା” ଡ'ସେକ୍ ଆମାଇନା ସିସ୍ୟଲେ ଉନ୍ତ୍ ଦିନ୍ବାଂସା' ଜିସୁଲା ସିଦାସିଦା ସୁଁସୁ ମୁଲାୟ' ।
22ମାତର୍ ପିତର୍ଲା ଆମାଇ ଇ'କି ଡକ୍ରି'ତା ରିଂଅଁ'ଉଇସେକ୍ “ଅ ପ୍ରବୁ, ଆରାକ୍ ଆରାକ୍! ମାପ୍ରୁ ଆନ ଦୟା ଡେମେଇ' । ଆନ ଇନ୍ଡଇ'ଏସା ଡୁ'ତୁନା ମାଏସା କସ୍ଟ ଆସାବେଇ'” ଡ'ସେକ୍ ଆମାଇ ତର୍ଞେକ୍ସେକ୍ ସୁନ' ।
23ସା' ଜିସୁଲା ଆନ୍ଡେଇଁକିକ୍ସେକ୍ ଆପିତର୍ଲା ଜୁଲ'ସେକ୍ “ସଇତାନ୍, ନ ନିଂକୁରୁଂ ସୁଲୁଂ ଡୁଂଆଁ । ନ ଆନିଂ ଅଡ୍କାଇବାର୍ ରେମ୍ । ମାପ୍ରୁନା ମୁନ୍ ମା ଗୁତୁନା ନ ଆଏତ୍ତୁନ ମାତର୍ ରେମଲେ ଏତ୍କୁନୁଂସୁଗ ନ ଏତ୍ଗୁତୁନ” ଡ'ସେକ୍ ଆମାଇ ସୁନ' ।
24 #
ମାତିଉ 10:38; ଲୁକ 14:27 ତିର୍ଗି' ଜିସୁଲା ଆମାଇନା ସିସ୍ୟଲେ ସୁନ' “ଜାଏସା ମୁଇନ୍ଡା ଆନିଂ ତେଂଗି' ସୁସାପ୍ପୁଲେଇ ମୁନ୍ ଡେଂଗୁତା ଡ'ନା ନିଜର୍ନା ଜିବନ୍ ମୁନା' ଡ'ସେକ୍ ଆଏତ୍ଲେଇ'; #16:24 ଆକେ କୁର୍ସ ଡ'ନା, ଗୁଲାଇ ଅଡକ୍ସୁଂଅଁ'ସେକ୍, କସ୍ଟ ସାକ୍ନାସା ମାସା ଆଡେନ୍ତା ଡ'ସେକ୍ ଏତ୍ତା ମାରି ଅଗୁୟ'ନାସା ଅଗୁଇଏଇ' ଡ'ସେକ୍ ଏତ୍ତା ଡ'ସେକ୍ ଅର୍ତ ଡୁତା ।ମାପ୍ରୁନ୍ ମୁନ୍ସୁଗ ଏତ୍ସେକ୍ ମାମା ଦୁକକସ୍ଟ ଜିବନ୍ବକ୍ ସାକ୍ନାସା ନିଂ ଆସିନ୍ତାତିଂ ଡ'ସେକ୍ ଆନିଂ ତେଂଗି'ତେଂଗି' ସାବେଇ' । 25#ମାତିଉ 10:39; ଲୁକ 17:33; ଜଅନ୍ 12:25ଜାଏସା ମୁଇନ୍ଡା ନିଜର୍ନା ଜିବନ୍ ନିଜେ ରକ୍ୟା ଡିନ୍ଡେମ୍ପୁଲେଇ ମୁନ୍ ଡେଂନା ମାଇ ନିଜର୍ନା ଜିବନ୍ ବୁଡାଇତ । ମାତର୍ ଜାଏସା ମୁଇନ୍ଡା ଆନିଂ ବିସ୍ବାସ୍ ଡେମ'ତାସା' ମାଇନା ଜିବନ୍ ନସ୍ଟ ଡେମ'ତା ଡ'ନା ମାଇ ଜିବନ୍ ବାମ୍ତା । 26ଜାଏସା ମୁଇନ୍ଡା କେନ୍ ଦେସ୍ଦୁନିଆବକ୍ ଡୁକୁନୁଂ ଗୁଲାଇ ଦନ୍ସମ୍ପତି ବାଂସେକ୍ ମାପ୍ରୁନା ମୁନ୍ସୁଗ ମଡୁକୁ ମାଇ ନିଜର୍ନା ଜିବନ୍ ନସ୍ଟ ଡେମ'ନା ଆମାଇ ମା ଲାବ୍? ଆରା'ଗେ ମଡୁନମ୍ ଜିବନ୍ ବୁମ୍ବାମ୍ପୁଲେଇ ମୁଇନ୍ଡା ରେମ ଆମାପ୍ରୁ ମାଏସା ବିବେ' ଗଂତା ଇ? ଆରାକ୍! 27#ମାତିଉ 25:31; ରମିୟ 2:6ମାସା'ଡ'ନା ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ମାପ୍ରୁନା ମଇମା ବାଂସେ'ଗା ମାଇନା ଦୁତଲେବୁରଂ ସାପ୍ତା । ଉନ୍ତା ରେମଲେ କାମ୍ ଡେମ'କୁନୁଂ ଗୁଲାଇ ଜୁଲ'ସେକ୍ ଆମୁଇନ୍ଡା ଆମୁଇନ୍ଡା ପୁରାସ୍ ବେ'ତ । 28ମାରି ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ମାଇନା ରାଜିବକ୍ ସୁସାପ୍ଡେଂକୁନୁଂ ଜୁଜୁପନ୍ତେକ୍ ଆକେ ତଂକୁନୁଂ ରେମଲେନ୍ ବିତ୍ରେ ଏନ୍ତୁକ୍ର ଆଗୁଇ'ତା ଡ'ସେକ୍ ନିଂ ଆପେ ସତଇସା ସୁନ'ତିଂ” ଡ'ସେକ୍ ଜିସୁଲା ସୁନ' ।
Currently Selected:
ମାତିଉ 16: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 16
16
କାବା ଡିନ୍ଡେମ୍ବାଇ' କାମ୍ ଡେମ' ଅସୁଇ' ଡ'ସେକ୍ ଆଜିସୁଲା ସୁଁସୁଡେନ୍
(ମାର୍କ 8:11–13; ଲୁକ 12:54–56)
1 #
ମାତିଉ 12:38; ଲୁକ 11:16 ଏନ୍ତୁକ୍ ପାରୁସିଦଲ୍ନା ରେମଲେ ମାରି ସାଦୁକି ଦଲ୍ନା ରେମଲେ ଜିସୁନ୍ବକ୍ ସାକ୍ସେକ୍ ଆମାଇ ପରିକା ଡିନ୍ଡେମ୍ପୁଲେଇ “ନ ଆନେଇ କି'ତୁଂକୁରୁଂ ମୁଇ ସିନ ଅସୁଇ'” ଡ'ସେକ୍ ସୁନ' ।
2ସା' ଜିସୁଲା ଆମା'ଏ ସୁନ' “ଲୁକ୍ସିଂବେଲା କି'ତୁଂ ବନିଲ'କୁନୁଂ ଜୁଲ'ସେକ୍ ବେରାବାଂସା' ଡାଗ୍ ଆଗୁର୍ତ ଡ'ସେକ୍ ପେ ସୁନ୍ତୁପେ, 3ମାରି ଇନ୍ଜୁର୍ କି'ତୁଂ ବନିଲ'କୁନୁଂ ମାରି ଞୁର୍କୁନୁଂ ଜୁଲ'ସେକ୍ ଆ'ନା ଉଇଡାକ୍ ଗୁର୍ଡାଗ୍ ସାପ୍ତା ଡ'ସେକ୍ ପେ ସୁନ୍ତୁପେ । କି'ତୁଂବକ୍ ଡେଂକୁନୁଂ ଜୁଲ'ସେକ୍ ମା ଡେନ୍ତା ଡ'ସେକ୍ ପେ ସୁଁସୁ ଗଂତୁପେ ମାତର୍ ଆ'ନ୍ଦିନ୍ ଆ'ନ୍କାଲ୍ ଆକେ ମାମା ଡେଂକୁନୁଂ ସିନଲେ ଜୁଲ'ସେକ୍ ମା ଡେନ୍ତା ଡ'ସେକ୍ ପେ ସୁଁସୁ ଆଗଂତୁପେ । 4#ମାତିଉ 12:39; ଲୁକ 11:29ଅଲିରାକ୍ବାଇ' କାମ୍ ଡିନ୍ଡେମ୍ରେମ୍ ମାରି ଆମାପ୍ରୁ ମମାନ୍ବାର୍ବାଇ' ରେମଲେ କାବାକାବା ଡିନ୍ଡେମ୍ବାଇ' ସିନ ତୁର'ବୁଲ୍ଲ'ତା । ମାତର୍ ଆଜୁନସ୍ଲା ମା ଡେଂଗା' ଗୁତୁନାଉ ମା'ଏପୁଲେଇ ଡୁକୁନୁଂ ସିନ ମାରି ମାସା ଆରାକ୍” ଡ'ସେକ୍ ସୁନ' । ତିର୍ଗି' ଜିସୁଲା ଆମା'ଏ ଅନ୍ତୁର'ସେ'ଗା ଡୁଂଗା' ।
ପାରୁସିଦଲ୍ନା ରେମଲେନା ମାରି ସାଦୁକିରେମଲେନା କମିର୍
(ମାର୍କ 8:14–21)
5ସା' ସିସ୍ୟଲେ ସମ୍ଦର୍କିନ୍ଡାକ୍ ଇନ୍ସିପାଟ୍ ଉଇବେଲା ରୁଟି ରିଂଅଁ' ଉଇ ବାନାଗା' । 6#ଲୁକ 12:1ଜିସୁଲା ଆମା'ଏ ସୁନ' “ଜୁ, ପେ ପାରୁସିଦଲ୍ନା ରେମଲେନା ମାରି ସାଦୁକି ଦଲ୍ନା ରେମଲେନା କମିର୍କୁରୁଂ ସଇଗା ଡେଂସେକ୍ ଡୁକୁଲା” ଡ'ସେକ୍ ସୁନ' ।
7ସା' ନେଇ' ରୁଟି ଆରିଂତୁନେଇ'ସା'ଉ ଜିସୁଲା ଡି'କେନ୍ ସୁନ'ତା ଡ'ସେକ୍ ସିସ୍ୟଲେ ମା'ଏ ମା'ଏଉ ଅ'ସୁନୁଗା' ।
8ମା'ଏ ଅ'ସୁନୁକୁନୁଂ ମାଗ'ସେକ୍ ଜିସୁଲା ଆମା'ଏ ସୁନ' “ରୁଟି ଆଡୁତା ଡ'ସେକ୍ ମାସା' ପେ ଡି'କେନା ଅଇଁୟ'ତୁପେ? ପେ ବଲ୍ ବିସ୍ବାସ୍ ଆଡେମ୍ତୁପେ! 9#ମାତିଉ 14:17–21ପେ ଆ'ନ୍ପନ୍ତେକ୍ ଆମାକ୍ତୁପେ ଇ? ପାଁନ୍ସ୍ଟା ରୁଟିକୁରୁଂ ପାଁନ୍ସ୍ ଅଜାର୍ ରେମଲେ ସୁମ'କୁନୁଂ ପେ ଆଏତ୍ତୁପେ ଇ? ମାରି ଗୁତୁନ୍ ଲଲ'କୁନୁଂ ଆ'ଇ ଡାମୁଂ ଜୁକ୍ଜୁଗ'ପେ? 10#ମାତିଉ 15:34–38ମାରି ସାତ୍ଟା ରୁଟିକୁରୁଂ ସାରି ଅଜାର୍ ରେମଲେ ସୁମ'କୁନୁଂ ମିଲେଇ? ଉନ୍ତା ଗୁତୁନ୍ ଲଲ'କୁନୁଂ ଆ'ଇ ଡାମୁଂ ଜୁକ୍ଜୁଗ'ପେ? 11ନିଂ ସୁନ'କୁନୁଂ ରୁଟିସାମ୍ ଆରାକ୍ ଡ'ସେକ୍ ମାସା' ପେ ବୁଜ୍ବାର୍ ଆଗଂତୁପେ? ମାତର୍ ପେ ପାରୁସିଦଲ୍ନା ରେମଲେନା ମାରି ସାଦୁକି ଦଲ୍ନା ରେମଲେନା କମିର୍କୁରୁଂ ସଇଗା ଡେଂସେକ୍ ଡୁକୁଲା” ଡ'ସେକ୍ ସୁନ' ।
12ଡୁ'ତୁନ୍ ସୁନ'ସା' ରୁଟିବକ୍ ବୁଂବୁଂନା କମିର୍ନା ବିସୟବକ୍ ଆରାକ୍ ମାତର୍ ପାରୁସିଦଲ୍ନା ରେମଲେ ମାରି ସାଦୁକି ଦଲ୍ନା ରେମଲେ ମାମା ଅମାକ୍ତ ଗୁତୁନ୍ ଗୁଲାଇକୁରୁଂ ସଇଗା ଡେଂସେକ୍ ଡୁକୁଲା ଡ'ସେ'ଗାଉ ଜିସୁଲା ଆନେଇ' ସୁନ' ଡ'ସେକ୍ ମା'ଏ ମାଗ' ।
ଜିସୁଲା ଜା ଡ'ସେକ୍ ପିତର୍ଲା ସୁଁସୁଡେନ୍
(ମାର୍କ 8:27–30; ଲୁକ 9:18–21)
13ଉନ୍ତ୍କୁରୁଂ ଜିସୁଲା କାଇସରିଆ ପିଲିପ୍ପି ରାଜିବକ୍ ଡୁକୁନୁଂ ମୁଇ ମୁନା'ଉଂଗମ୍ବକ୍ ଉଇଗା' । ସା' ଆତା ଆମାଇନା ସିସ୍ୟଲେ ସୁନ' “ମାପ୍ରୁ ବେନ୍ଟାୟ'ସା' ସା'କୁନୁଂ ଆରେମନା ଉଁ'ଉଁ ଜା ଡ'ସେକ୍ ରେମଲେ ସୁନ'ତା?” ଡ'ସେକ୍ ଅ'ଗଁସ୍ଲା'ଗା' ।
14 #
ମାତିଉ 14:1,2; ମାର୍କ 6:14,15; ଲୁକ 9:7,8 ଅ'ଗଁସ୍ଲା'ଗା'ସା' ସିସ୍ୟଲେ ସୁନ' “ଏନ୍ତୁକ୍ର ନ ଆରେମଲେ ବାପ୍ତିସ୍ମା ବିବେ'ଡେଂକୁନୁଂ ଜଅନ୍ଲା ଡେ ମାଡେ ଡ'ସେକ୍ ସୁନ'ତା, ମାରି ଏନ୍ତୁକ୍ର ନ ଏଲିୟଲା ଡେ ମାଡେ ଡ'ସେକ୍ ସୁନ'ତା । ମାରି ଏନ୍ତୁକ୍ର ନ ଜିରିମିୟଲା ଆରା'ଗେ ବାବବାଦିଲେନ୍ ବିତ୍ରେ ମୁଇନ୍ଡା ଡେ ମାଡେ ଡ'ସେକ୍ ସୁନ'ତା” ଡ'ସେ'ଗା ସୁନ' ।
15ସା' ଜିସୁଲା ଆମା'ଏ “ଆନିଂ ଜା ଡ'ସେକ୍ ପେ ଏତ୍ଗୁତୁପେ? ପେ ମା ସୁନ୍ତୁପେ?” ଡ'ସେକ୍ ଅ'ଗଁସ୍ଲା'ଗା' ।
16 #
ଜଅନ୍ 6:68,69 ସା' ସିମନ୍ ପିତର୍ଲା “ନ ଜିବନ୍ ଡୁକୁନୁଂ ମାପ୍ରୁନା ଉଁ'ଉଁ କିରିସ୍ଟଲା” ଡ'ସେକ୍ ଆମାଇ ସୁନ' ।
17ସା' ଜିସୁଲା ସୁନ' “ଅ ଜୁନସ୍ନା ଉଁ'ଉଁ ସିମନ୍, ନ ଅବୁଦି କପାଲ୍ବାଇ' ରେମ । ମାସା'ଡ'ନା ନ ଆ'ନା ସୁନ'କୁନୁଂ ଆନ ରେମଲେ ଜାଏସା ଅମାଗ' ଆଡୁତା ମାତର୍ ସରଗ୍ବକ୍ ଡୁକୁନୁଂ ନେମ୍ବାଉ ଆନ କେନା ଅମାଗ'ତା । 18ସା' ନନା ଇମି ପିତର୍, ଗୁତୁନ୍ ଅର୍ତ ବୁରେ ଡ'ସେକ୍ ଡୁତା । କେନ୍ ବୁରେ ବାଗ୍ବକ୍ ନିଂ ନିଂନା #16:18 ଆକେ ମନ୍ଡଲି ମା ଡ'ନା ଜାଜା ଆଜିସୁଲା ବିସ୍ବାସ୍ ଡେମ'ତା ମା'ଏନା ଦଲ୍ ଡ'ସେକ୍ ଅର୍ତ ଡୁତା । ରେମଲେ ଅ'ରଇଁୟ'କୁନୁଂ ମୁଇ ଡିଂଅଁ ଡ'ସେକ୍ ଆଏତ୍ଗା' ।ମନ୍ଡଲି ଅ'ରଇଁତିଂ । ପାତାଲନା ଗୁଲାଇ ବପୁ ଗୁତୁନ୍ ନାସାଇବାର୍ ଆଗଂତା ଡ'ସେକ୍ ନିଂ ଆନ ସୁନ'ତିଂ । 19#ମାତିଉ 18:18; ଜଅନ୍ 20:23ସରଗ୍ରାଜିନା କୁସିଲେ ନିଂ ଆନ ବେ'ତିଂ । ନ ଦର୍ତନିବକ୍ ମାମା ବନ୍ଦ୍ ଡେମ୍ତୁନ ଗୁତୁନ୍ ଗୁଲାଇ ସରଗ୍ବକ୍ସା ବନ୍ଦ୍ ଡେଂଉଇତା, ମାରି ଦର୍ତନିବକ୍ ନ ମାମା ରୁକ୍ତୁନ ଗୁତୁନ୍ ଗୁଲାଇ ସରଗ୍ବକ୍ସା ରୁକ୍ଉଇତା” ଡ'ସେକ୍ ଜିସୁଲା ସୁନ' । 20ମାରି “ମାଇଉ କିରିସ୍ଟଲା ଡ'ସେକ୍ ପେ ଆଜାଏସା ନିଂନା ବିସୟ ଆସୁନ'” ଡ'ସେକ୍ ଜିସୁଲା ଆମାଇନା ସିସ୍ୟଲେ ସୁନ' ।
ଜିସୁଲା ନିଜର୍ନା ଗୁଗୁଇ'ନା ମାରି ବୁର'ନା ବିସୟ ସୁଁସୁଡେନ୍
(ମାର୍କ 8:31–33; ଲୁକ 9:22–27)
21“ନିଂ ଜିରୁସାଲମ୍ ମୁନା'ଉଂଗମ୍ବକ୍ ଉଇ ଡୁତା । ମାରି ଆତା ଉଇନା ଜିଉଦିରେମଲେନା ମୁନା'ରେମେ, ମୁନା'ପୁଜାରିଲେ ମାରି ମସାଲା ବେଡ'କୁନୁଂ ନିୟମ୍ ଅମାକ୍ରେମେ ଗୁଲାଇର ଆନିଂ ଅବୁଦି କସ୍ଟ ବେଡ'ସେକ୍ ଅଗୁଇ'ତ, ମାରି ତିନ୍ଦିନ୍ବକ୍ ନିଂ ବୁରତିଂ । ଆନିଂ ଡୁ'ତୁନା ଡେଂନାଉ ଡେନ୍ତା” ଡ'ସେକ୍ ଆମାଇନା ସିସ୍ୟଲେ ଉନ୍ତ୍ ଦିନ୍ବାଂସା' ଜିସୁଲା ସିଦାସିଦା ସୁଁସୁ ମୁଲାୟ' ।
22ମାତର୍ ପିତର୍ଲା ଆମାଇ ଇ'କି ଡକ୍ରି'ତା ରିଂଅଁ'ଉଇସେକ୍ “ଅ ପ୍ରବୁ, ଆରାକ୍ ଆରାକ୍! ମାପ୍ରୁ ଆନ ଦୟା ଡେମେଇ' । ଆନ ଇନ୍ଡଇ'ଏସା ଡୁ'ତୁନା ମାଏସା କସ୍ଟ ଆସାବେଇ'” ଡ'ସେକ୍ ଆମାଇ ତର୍ଞେକ୍ସେକ୍ ସୁନ' ।
23ସା' ଜିସୁଲା ଆନ୍ଡେଇଁକିକ୍ସେକ୍ ଆପିତର୍ଲା ଜୁଲ'ସେକ୍ “ସଇତାନ୍, ନ ନିଂକୁରୁଂ ସୁଲୁଂ ଡୁଂଆଁ । ନ ଆନିଂ ଅଡ୍କାଇବାର୍ ରେମ୍ । ମାପ୍ରୁନା ମୁନ୍ ମା ଗୁତୁନା ନ ଆଏତ୍ତୁନ ମାତର୍ ରେମଲେ ଏତ୍କୁନୁଂସୁଗ ନ ଏତ୍ଗୁତୁନ” ଡ'ସେକ୍ ଆମାଇ ସୁନ' ।
24 #
ମାତିଉ 10:38; ଲୁକ 14:27 ତିର୍ଗି' ଜିସୁଲା ଆମାଇନା ସିସ୍ୟଲେ ସୁନ' “ଜାଏସା ମୁଇନ୍ଡା ଆନିଂ ତେଂଗି' ସୁସାପ୍ପୁଲେଇ ମୁନ୍ ଡେଂଗୁତା ଡ'ନା ନିଜର୍ନା ଜିବନ୍ ମୁନା' ଡ'ସେକ୍ ଆଏତ୍ଲେଇ'; #16:24 ଆକେ କୁର୍ସ ଡ'ନା, ଗୁଲାଇ ଅଡକ୍ସୁଂଅଁ'ସେକ୍, କସ୍ଟ ସାକ୍ନାସା ମାସା ଆଡେନ୍ତା ଡ'ସେକ୍ ଏତ୍ତା ମାରି ଅଗୁୟ'ନାସା ଅଗୁଇଏଇ' ଡ'ସେକ୍ ଏତ୍ତା ଡ'ସେକ୍ ଅର୍ତ ଡୁତା ।ମାପ୍ରୁନ୍ ମୁନ୍ସୁଗ ଏତ୍ସେକ୍ ମାମା ଦୁକକସ୍ଟ ଜିବନ୍ବକ୍ ସାକ୍ନାସା ନିଂ ଆସିନ୍ତାତିଂ ଡ'ସେକ୍ ଆନିଂ ତେଂଗି'ତେଂଗି' ସାବେଇ' । 25#ମାତିଉ 10:39; ଲୁକ 17:33; ଜଅନ୍ 12:25ଜାଏସା ମୁଇନ୍ଡା ନିଜର୍ନା ଜିବନ୍ ନିଜେ ରକ୍ୟା ଡିନ୍ଡେମ୍ପୁଲେଇ ମୁନ୍ ଡେଂନା ମାଇ ନିଜର୍ନା ଜିବନ୍ ବୁଡାଇତ । ମାତର୍ ଜାଏସା ମୁଇନ୍ଡା ଆନିଂ ବିସ୍ବାସ୍ ଡେମ'ତାସା' ମାଇନା ଜିବନ୍ ନସ୍ଟ ଡେମ'ତା ଡ'ନା ମାଇ ଜିବନ୍ ବାମ୍ତା । 26ଜାଏସା ମୁଇନ୍ଡା କେନ୍ ଦେସ୍ଦୁନିଆବକ୍ ଡୁକୁନୁଂ ଗୁଲାଇ ଦନ୍ସମ୍ପତି ବାଂସେକ୍ ମାପ୍ରୁନା ମୁନ୍ସୁଗ ମଡୁକୁ ମାଇ ନିଜର୍ନା ଜିବନ୍ ନସ୍ଟ ଡେମ'ନା ଆମାଇ ମା ଲାବ୍? ଆରା'ଗେ ମଡୁନମ୍ ଜିବନ୍ ବୁମ୍ବାମ୍ପୁଲେଇ ମୁଇନ୍ଡା ରେମ ଆମାପ୍ରୁ ମାଏସା ବିବେ' ଗଂତା ଇ? ଆରାକ୍! 27#ମାତିଉ 25:31; ରମିୟ 2:6ମାସା'ଡ'ନା ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ମାପ୍ରୁନା ମଇମା ବାଂସେ'ଗା ମାଇନା ଦୁତଲେବୁରଂ ସାପ୍ତା । ଉନ୍ତା ରେମଲେ କାମ୍ ଡେମ'କୁନୁଂ ଗୁଲାଇ ଜୁଲ'ସେକ୍ ଆମୁଇନ୍ଡା ଆମୁଇନ୍ଡା ପୁରାସ୍ ବେ'ତ । 28ମାରି ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ମାଇନା ରାଜିବକ୍ ସୁସାପ୍ଡେଂକୁନୁଂ ଜୁଜୁପନ୍ତେକ୍ ଆକେ ତଂକୁନୁଂ ରେମଲେନ୍ ବିତ୍ରେ ଏନ୍ତୁକ୍ର ଆଗୁଇ'ତା ଡ'ସେକ୍ ନିଂ ଆପେ ସତଇସା ସୁନ'ତିଂ” ଡ'ସେକ୍ ଜିସୁଲା ସୁନ' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0