ମାତିଉ 15
15
ଜିସୁଲା ଅମାକ୍ଡେନ୍
(ମାର୍କ 7:1–13)
1ତିର୍ଗି' ପାରୁସିଦଲ୍ନା ରେମଲେ ମାରି ନିୟମ୍ ଅମାକ୍ରେମେ ଏନ୍ତୁକ୍ର ଜିରୁସାଲମ୍ ମୁନା'ଉଂଗମ୍କୁରୁଂ ଜିସୁନ୍ବକ୍ ସାକ୍ସେକ୍ ଆମାଇ ସୁନ', 2“ମାସା' ନନ୍ ସିସ୍ୟଲେ ନେଇନା ମୁଲର୍ନା ରେମଲେନା ନିୟମ୍ ମମାନ୍ବାର୍ ଡୁତା? ମାସା'ଡ'ନା କିୟାଂ ସୁସୁମ୍ ସିଁସେଇଁଉ ମି ଗୁଇ'ତି ଡୁତା ଡ'ସେକ୍ ସୁନ'କୁନୁଂସୁଗ ମା'ଏ ଆଡେମ୍ତ” ଡ'ସେକ୍ ସୁନ' ।
3ସା' ଜିସୁଲା ଆମା'ଏ ସୁନ' “ମୁଲର୍ନା ରେମଲେ ମା ଡେମ'ତା ଡୁ'ତୁନ୍ ପେ ଡେମ'ସେକ୍ ଡୁତୁପେ ମାତର୍ ମାପ୍ରୁ ଆପେ ଡେମ୍ ଡ'ସେକ୍ ସୁନ'କୁନୁଂ ନିୟମ୍ ଗୁଲାଇ ମାସା' ପେ ଆମାନ୍ତୁପେ? 4ମାସା'ଡ'ନା ମାପ୍ରୁ ସୁନ'ତା ‘ପେ ଆୟଂଆବା ମାନ୍ବାର୍ ଡୁତା ମାରି ଜାଏସା ମୁଇନ୍ଡା ଆୟଂଆବା ମାମା ଅଲିରାକ୍ବାଇ' ତୁମ' ସୁନ'ନା ଆମାଇ ଅଗୁୟ' ସୁଂସୁଂ ଡୁତା’ ଡ'ସେକ୍ ସୁନ'ତା । 5ମାତର୍ ପେ ସୁନ'ତୁପେ ‘ଜାଏସା ମୁଇନ୍ଡା ରେମ ଆୟଂଆବା, ଆପା ବିବେ'ପୁଲେଇ ବୁଂଅଁ'କୁନୁଂ ଆମାପ୍ରୁ ଗେତିଂ ଡ'ସେକ୍ ବୁଂଅଁ'ତିଂ, ସା' ଆପା ବାସ୍ ଆବେ'ତିଂ ଡ'ସେକ୍ ସୁନ'ନା, 6ମାଇ ଆୟଂଆବା ମାନ୍ବାର୍ ଦର୍କାର୍ ଆରାକ୍’ ଡ'ସେକ୍ ପେ ସୁନ'ତୁପେ । ଡି'କେନ୍ ପେ ସୁନ'ତୁପେସା' ପେ ମୁଲର୍ନା ରେମଲେ ଡେମ'କୁନୁଂସୁଗ ଡିନ୍ଡେମ୍ପୁଲେଇ ମାପ୍ରୁ ଡେମ୍ ଡ'ସେକ୍ ସୁନ'କୁନୁଂ ମମାନ୍ବାର୍ ଡୁତୁପେ । 7ଅ ନାଡାଇବାର୍ବାଇ' ରେମଲେ! ଇନ୍ତେକନ୍ଡେକ୍ ଜିସାୟଲା ପେନା ବିସୟ ସୁନ'କୁନୁଂ ସତ୍ ଡୁତା । ମାଇ ସୁନ'ତା:
8‘କେନ୍ ରେମଲେ ଆନିଂ ସୁନ୍ଡ୍ରକୁନୁଂସୁଗ ସରଉ ଜତ୍ନେ ଅସୁଇ'ତା ।
ମାତର୍ ମା'ଏନା ଏତ୍ ନିଂକୁରୁଂ ଅବୁଦି ସୁଲୁଂ ଡୁତା ।
9ମାରି ମା'ଏ ସୁନ୍ଡ୍ରକ୍ନାସା ମାସା ଆବାମ୍ତା ।
ମାସା'ଡ'ନା ଆମା'ଏ ନିଂ ବେଡ'କୁନୁଂ ନିୟମ୍ ଆରାକ୍ ମାତର୍ ରେମଲେନା ନିୟମ୍ ଗୁଲାଇ ମା'ଏ ଆରେମଲେ ଅମାଗ'ତା’ ଡ'ସେକ୍ ସୁନ'ତା ।”
ଇମ୍ବ'ନା ଆରେମ ଆଲିରାକ୍ବାଇ' ଅ'ଡେମ୍ତ ଡ'ସେକ୍ ସୁଁସୁଡେନ୍
(ମାର୍କ 7:14–23)
10ଆତା ରୁନ୍କୁନୁଂ ରେମଲେବକ୍ ଜିସୁଲା ମାଇନ୍ବକ୍ ୱାୟ'ସେକ୍ ଆମା'ଏ ସୁନ' “ପେ ନିଂ ସୁନ'କୁନୁଂ ବଲ୍ ଅଂଅଁ'ସେକ୍ ବଲ୍ ମାକ୍! 11ରେମଲେ ମାମା ସୁମ'କୁନୁଂ ଆମା'ଏ ଅଲିରାକ୍ ଆଡେମ୍ତ । ମାତର୍ ରେମଲେନା ଟମ୍ନାକୁରୁଂ ତୁର୍କୁନୁଂ ତୁମ'ଉ ଆମା'ଏ ଅଲିରାକ୍ ଡେମ୍ତ” ଡ'ସେକ୍ ସୁନ' ।
12ମାରି ମାଇନା ସିସ୍ୟଲେ ମାଇନ୍ବକ୍ ସାକ୍ସେକ୍ ସୁନ' “ନ ସୁନ'କୁନୁଂ ଅଂଅଁ'ସେକ୍ ପାରୁସିଦଲ୍ନା ରେମଲେ ଆନ ଗିସେ'ଗୁତା ଡ'ସେକ୍ ନ ମାଗ'ତୁନ ଇ?” ଡ'ସେକ୍ ସୁନ' ।
13ସା' ଜିସୁଲା ସୁନ' “ଇମ୍ବ'ନ୍ ଇମ୍ବ'ନ୍ ସୁଲପ୍ ଗୁଲାଇ ସରଗ୍ବକ୍ ଡୁକୁନୁଂ ନେମ୍ବା ମଉନୁ' ଡୁତା ଗୁତୁନ୍ ଗୁଲାଇ ରେ'ଗି ମିସ୍ତେ ଡୁଗ'ସୁଂତ । 14#ଲୁକ 6:39ସା' ଆମା'ଏ ଆବୁତୁଂଗା' । ମା'ଏ ଡ'ନା କାନାମ'ବାଇ' ରେମଲେ ଆକାନାମ'ଡେ କୁରୁଂ ଅସୁଇ'ରେମ୍ । ମୁଇନ୍ଡା କାନାମ'ବାଇ'ରେମ ଆମୁଇନ୍ଡା କାନାମ'ବାଇ' ରେମବକ୍ କୁରୁଂ ଅସୁଇ'ତିଂ ଡ'ନା ଇମ୍ବାୟସା କାଲ୍ବକ୍ ଲକ୍ତା” ଡ'ସେକ୍ ସୁନ' ।
15ସା' ପିତର୍ଲା ଆମାଇ “ଆ'ନା ନ ସୁନ'କୁନୁଂ ଗୁତୁନ୍ ତୁମ'ନା ଅର୍ତ ମାର୍ ମୁସଉ ଆନେଇ ବଲ୍ ଅମାକ୍” ଡ'ସେକ୍ ସୁନ' ।
16ସା' ଜିସୁଲା ଆମା'ଏ ସୁନ' “ପେସା ଆ'ନ୍ପନ୍ତେକ୍ ମୁମାକ୍ ଆଗଂତୁପେ ଇ?” ଡ'ସେକ୍ ସୁନ' ।
17“ମୁଇନ୍ଡା ମାମା ସୁମ୍ତ ଗୁତୁନ୍ ମାଇନା ଟମ୍ନାକୁରୁଂ ସୁଲଇ'ବକ୍ ଗାଇସେକ୍ ମାରି ସୁଲଇ'କୁରୁଂ ବାଇରି ତୁର୍ତା ଡ'ସେକ୍ ପେ ଆମାକ୍ତୁପେ ଇ? 18#ମାତିଉ 12:34ମାତର୍ ମୁଇନ୍ଡାନା ଟମ୍ନାକୁରୁଂ ବାଇରି ମା ତୁର୍ତା ଗୁତୁନ୍ ମାଇନା ଜିବନ୍ ବିତ୍ରେକୁରୁଂ ତୁର୍ତା । ସା' ମାଇନା ଜିବନ୍ ବିତ୍ରେକୁରୁଂ ମା ତୁର୍ତା ଗୁତୁନାଉ ଆମାଇ ଅଲିରାକ୍ ଅ'ଡେମ୍ତ । 19ମାସା'ଡ'ନା ଜିବନ୍ ବିତ୍ରେକୁରୁଂ ଅଲିରାକ୍ବାଇ' ଏତ୍, ଅଡାପ୍ନା, ଜାଲିବାଇ' କାମ୍ ଡିନ୍ଡେମ୍ନା, ବାୟାବାଇ'ନା, ଡୁଂଗାନା, ପଲୁସାକି ସୁଁସୁନା ମାରି ପାଲ୍ ମୁଇନ୍ଡାନା ବାଗ୍ବକ୍ ଅଲିରାକ୍ବାଇ' ସୁଁସୁନା ଗୁଲାଇ ଏତ୍ ସାପ୍ତା । 20ସା' କେନ୍ ଗୁଲାଇଉ ମୁଇନ୍ଡାନା ଜିବନ୍ ବିତ୍ରେ ଅଲିରାକ୍ ଅ'ଡେମ୍ତ । ମାତର୍ ମଗୁଇ'ତି ମାମା ସୁମ'ନା ଗୁତୁନ୍ ଆମୁଇନ୍ଡା ଅଲିରାକ୍ ଆ'ଡେମ୍ତ ” ଡ'ସେକ୍ ସୁନ' ।
କିନାନ୍ ଦେସ୍ନା ମୁଇନ୍ଡା ସେଲାନ୍ଲା ଆଜିସୁଲା ବିସ୍ବାସ୍ ଡିନ୍ଡେମ୍ଡେନ୍
(ମାର୍କ 7:24–30)
21ଜିସୁଲା ଗୁତୁନ୍ ଜାଗାକୁରୁଂ ତୁର୍ସେକ୍ ସର୍ ମାରି ସିଦନ୍ ଡ'କୁନୁଂ ଇମ୍ବାର୍ ଉଂଗମ୍ବକ୍ ଉଇଗା' । 22ସା' କିନାନ୍ ଦେସ୍କୁରୁଂ ଆତା ସାକ୍ସେକ୍ ଡୁକୁନୁଂ ମୁଇନ୍ଡା ସେଲାନ୍ଲା ମାଇନ୍ବକ୍ ସାକ୍ସେକ୍ “ଅ ପ୍ରବୁ, ଦାଉଦ୍ନା ଉଁ'ଉଁ, ଆନିଂ ଦୟା ଡେମ୍! ମାସା'ଡ'ନା ଆନିଂନା ସେଲାମ୍ବୁଇ'ଗୁଲା ବୁତ୍ ସବ'ସେକ୍ ଅବୁଦି କସ୍ଟ ବେଡ'ତା” ଡ'ସେକ୍ ସୁନ' ।
23ମାତର୍ ଜିସୁଲା ଆମାଇ ମାସା ଆସୁନ୍ତ । ସା' ମାଇନା ସିସ୍ୟଲେ ସାକ୍ସେକ୍ ଆମାଇ ସୁନ' “ଆମାଇ ନ ମାଏସା ସୁନ'ସେକ୍ ବେନ୍ଟାୟ'ବେ', ମାସା'ଡ'ନା ମାଇ ନେଇ'ନା ତେଂଗି'ତେଂଗି' କିରକ୍ସେକ୍ ମାରି ସୁସାପ୍ଡେନ୍” ଡ'ସେକ୍ ସୁନ' ।
24ସା' ଜିସୁଲା ଆମା'ଏ ସୁନ' “ଇସ୍ରାଏଲ୍ ରେମଲେ ଜାଜା ଆମାପ୍ରୁ ମମୁନାକ୍ ଡୁତା ମା'ଏନ୍ବକ୍ଉ ଆନିଂ ବେନ୍ଟାୟ'ତା” ଡ'ସେକ୍ ସୁନ' ।
25ଆଇ'ତୁନ୍ବେଲା ଗୁତୁନ୍ ସେଲାନ୍ଲା ଜିସୁନ୍ ତିକ୍ସୁଂକନ୍ଡେକ୍ ଏନ୍ଡିକ୍ ସୁନ୍ଡ୍ରକ୍ସେକ୍ “ଅ ପ୍ରବୁ, ନ ଆନିଂ ସାନ୍ଡୁଂ” ଡ'ସେକ୍ ସୁନ' ।
26ସା' ଜିସୁଲା ଆମାଇ ସୁନ' “ଗୁବୁଲେପୁଲେଇ ଡୁକୁନୁଂ ରୁଟି ଆଗୁସୁ'ଡେ ବିବେ' ବଲ୍ ଆରାକ୍” ଡ'ସେକ୍ ସୁନ' ।
27ସା' ମାଇ ସୁନ' “ଗୁତୁନ୍ ସତ୍ ପ୍ରବୁ, ମାତର୍ ସାକାର୍ନା ତାଲିକୁରୁଂ ଲ'କୁନୁଂ ମ'ଜାଂ ଗୁତୁନ୍ ଗୁସୁ'ଡେସା ସୁମ'ତା” ଡ'ସେକ୍ ସୁନ' ।
28ସା' ଜିସୁଲା ଆମାଇ ସୁନ' “ଅ କୁଇ', ନ ଆନିଂ ବଲ୍ ବିସ୍ବାସ୍ ଡେମ'ତୁନ । ସା' ନ ଆନିଂ ମା ଲୁଡ'ନ ଗୁତୁନା ନ ଆ'ନା ବାଂଗୁତୁନ” ଡ'ସେକ୍ ସୁନ' । ସା' ମାଇନା ଉଁ'ଉଁ ଉନ୍ତାଉ ବଲ୍ ଡେଂଗା' ।
ଅବୁଦି ସିରେମେବକ୍ ଜିସୁଲା ବଲ୍ ଡିନ୍ଡେମ୍ଡେନ୍
29ଜିସୁଲା ଉନ୍ତ୍କୁରୁଂ ତୁର୍ସେକ୍ ଗାଲିଲି ସମ୍ଦର୍କିନ୍ଡାକ୍ ପାଲି ଉଇଗା' । ମାରି ମୁଇ କୁନ୍ଡାବକ୍ ଡାଇ'ସେକ୍ ଆତା ମାଇ ଲେଇ'କୁ । 30ସା' ରେମଲେ ମାଇନ୍ବକ୍ ଜାଜା ସଟାସଟିବାଇ', କାନାକାନିବାଇ', କଲାକଲିବାଇ' ମାରି କନ୍ଦାକନ୍ଦିବାଇ' ଡି'କେନା ପାଲ୍ପାଲ୍ ଅବୁଦି ସିରେମ୍ବକ୍ ରିଂଅଁ' ସାକ୍ସେକ୍ ମାଇନା ସାର୍ମ'କନ୍ଡେକ୍ ବୁଂଅଁ' । ସା' ମାଇ ଆମା'ଏ ଆଗୁଲାଇର ବଲ୍ ଡେମ' । 31ସା' କନ୍ଦାକନ୍ଦିବାଇ' ଅଇଁୟ'କୁନୁଂ ମାରି କଲାକଲିବାଇ' ବଲ୍ ଡେଂକୁନୁଂ ମାରି ସଟାସଟିବାଇ' ଉରିଂଅଁ'କୁନୁଂ ମାରି କାନାକାନିବାଇ' ଜୁଜୁ ଗଂକୁନୁଂ ଗୁଲାଇ ଜୁଲ'ସେକ୍ ରେମଲେ ଗୁଲାଇର କାବାକାବା ଡିନ୍ଡେଂଆର୍ସେକ୍ ଆଇସ୍ରାଏଲ୍ ରେମଲେନ୍ ମାପ୍ରୁ ସୁନ୍ଡ୍ରଗା' ।
ଜିସୁଲା ସାର୍ ଅଜାର୍ ରେମଲେବକ୍ ଅ'ସୁମ୍ଡେନ୍
(ମାର୍କ 8:1–10)
32ଜିସୁଲା ଆମାଇନା ସିସ୍ୟଲେ ୱାୟ'ସେକ୍ ସୁନ' “ଜୁ, କେନ୍ ରେମଲେ ଆ'ନାବୁରଂ ତିନ୍ଦିନ୍ ଡେଂଗା' ଆକେ ନିଂବୁରଂ ଡୁତା । ସୁସୁମ୍ପୁଲେଇସା ମା'ଏନ୍ ତିତିବକ୍ ମାସା ଆଡୁତା । ଆମା'ଏ ଜୁଲ'ସେକ୍ ଆନିଂ ଅବୁଦି ଲିବିସୁପ୍ ସା'ଗୁତା । ଡୁ'ତୁନ୍ଉ ଅ'କୁଡୁଲ'ସେକ୍ ଆମା'ଏ ବେନ୍ଟାଇବାର୍ ଆନିଂ ମୁନ୍ ଆରାକ୍ ମାସା'ଡ'ନା ମା'ଏ ଉଇରେମ୍ କୁରୁଂବକ୍ ପୁଇମ'ଡ'ସେକ୍ ଲକ୍ତାବେ” ଡ'ସେକ୍ ସୁନ' ।
33ସା' ମାଇନା ସିସ୍ୟଲେ ସୁନ' “ଜୁ, କେନ୍ ଜାଗାବକ୍ ମାସା ଆବାମ୍ତା, ଆଇ'କେନ୍ ରେମଲେ ସୁସୁମ୍ପୁଲେଇ ଇମ୍ବ'କୁରୁଂ ରିଂଅଁ' ବେ'ତୁନେଇଲେଇ?” ଡ'ସେକ୍ ସୁନ' ।
34ସା' “ପେନ୍ବକ୍ ଆ'ଇସୁଗ ରୁଟି ଡୁତା?” ଡ'ସେକ୍ ଜିସୁଲା ଆମା'ଏ ଅ'ଗଁସ୍ଲା'ଗା' ।
ସା' ମା'ଏ ସୁନ' “ନେନ୍ବକ୍ ସାତ୍ଟା ରୁଟି ମାରି ଇମ୍ବାର୍ସୁଗ ଡାଉଡାଉବାଇ' ଆ'ଡଂସା ଡୁତା” ଡ'ସେକ୍ ସୁନ' ।
35ସା' ଜିସୁଲା ଆମା'ଏ ଆଗୁଲାଇର ଆଲୁଂ ଲେ'ୟା ଡ'ସେକ୍ ସୁନ' । 36ତିର୍ଗି' ଗୁତୁନ୍ ସାତ୍ଟା ରୁଟି ମାରି ଆ'ଡଂ ଜିସୁଲା ସକ୍ସେକ୍ ଆମାପ୍ରୁ ସୁନ୍ଡ୍ରଗା' । ସୁନ୍ଡ୍ରକ୍ସେ'ଗା ଗୁତୁନ୍ ସେତୁଗ'ସେକ୍ ଆଗୁଲାଇର ବାନ୍ଟାଲ'ବେ' ଡ'ସେକ୍ ଆମାଇନା ସିସ୍ୟଲେ ବେଡ' । ବେଡ'ସା' ମା'ଏ ଗୁତୁନ୍ ରୁଟି ରିଂସେକ୍ ଆଗୁଲାଇର ବାନ୍ଟାଲ' ବେଡ' । 37ଆତା ଡୁକୁନୁଂ ରେମଲେ ଗୁଲାଇର ସୁମ'ସେକ୍ ବ'ସୁଗା'ସା' ସିସ୍ୟଲେ ଗୁତୁନ୍ ଲଲ'କୁନୁଂ ଗୁଲାଇ ଜୁକ୍ଜୁଗ'ସା' ସାତ୍ଟା ଡାମୁଂବକ୍ ବର୍ତି ଡେଂଗା' । 38ଆତା ଜୁଲ'ନା ସେଲାନେ ଇଂଗେରେ ମାରି ଗୁବୁଲେ ଗୁସାକ୍ଡାରେସା ଅବୁଦିର ଡୁକୁ ମାତର୍ ଆଇଂଗେରେଉ ଏଜାଲ'ନା ସାର୍ ଅଜାର୍ସୁଗ ଡୁକୁ । 39ମାରି ଜିସୁଲା ଆମା'ଏ ଆଗୁଲାଇର ବେନ୍ଟାୟ'ବେଡ'ସେକ୍ ମାଇ ମୁଇ ଡଂଗାବକ୍ ଲେଇ'ସେକ୍ ମଗ୍ଦାନ୍ ଦେସ୍ବକ୍ ଉଇଗା' ।
Currently Selected:
ମାତିଉ 15: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 15
15
ଜିସୁଲା ଅମାକ୍ଡେନ୍
(ମାର୍କ 7:1–13)
1ତିର୍ଗି' ପାରୁସିଦଲ୍ନା ରେମଲେ ମାରି ନିୟମ୍ ଅମାକ୍ରେମେ ଏନ୍ତୁକ୍ର ଜିରୁସାଲମ୍ ମୁନା'ଉଂଗମ୍କୁରୁଂ ଜିସୁନ୍ବକ୍ ସାକ୍ସେକ୍ ଆମାଇ ସୁନ', 2“ମାସା' ନନ୍ ସିସ୍ୟଲେ ନେଇନା ମୁଲର୍ନା ରେମଲେନା ନିୟମ୍ ମମାନ୍ବାର୍ ଡୁତା? ମାସା'ଡ'ନା କିୟାଂ ସୁସୁମ୍ ସିଁସେଇଁଉ ମି ଗୁଇ'ତି ଡୁତା ଡ'ସେକ୍ ସୁନ'କୁନୁଂସୁଗ ମା'ଏ ଆଡେମ୍ତ” ଡ'ସେକ୍ ସୁନ' ।
3ସା' ଜିସୁଲା ଆମା'ଏ ସୁନ' “ମୁଲର୍ନା ରେମଲେ ମା ଡେମ'ତା ଡୁ'ତୁନ୍ ପେ ଡେମ'ସେକ୍ ଡୁତୁପେ ମାତର୍ ମାପ୍ରୁ ଆପେ ଡେମ୍ ଡ'ସେକ୍ ସୁନ'କୁନୁଂ ନିୟମ୍ ଗୁଲାଇ ମାସା' ପେ ଆମାନ୍ତୁପେ? 4ମାସା'ଡ'ନା ମାପ୍ରୁ ସୁନ'ତା ‘ପେ ଆୟଂଆବା ମାନ୍ବାର୍ ଡୁତା ମାରି ଜାଏସା ମୁଇନ୍ଡା ଆୟଂଆବା ମାମା ଅଲିରାକ୍ବାଇ' ତୁମ' ସୁନ'ନା ଆମାଇ ଅଗୁୟ' ସୁଂସୁଂ ଡୁତା’ ଡ'ସେକ୍ ସୁନ'ତା । 5ମାତର୍ ପେ ସୁନ'ତୁପେ ‘ଜାଏସା ମୁଇନ୍ଡା ରେମ ଆୟଂଆବା, ଆପା ବିବେ'ପୁଲେଇ ବୁଂଅଁ'କୁନୁଂ ଆମାପ୍ରୁ ଗେତିଂ ଡ'ସେକ୍ ବୁଂଅଁ'ତିଂ, ସା' ଆପା ବାସ୍ ଆବେ'ତିଂ ଡ'ସେକ୍ ସୁନ'ନା, 6ମାଇ ଆୟଂଆବା ମାନ୍ବାର୍ ଦର୍କାର୍ ଆରାକ୍’ ଡ'ସେକ୍ ପେ ସୁନ'ତୁପେ । ଡି'କେନ୍ ପେ ସୁନ'ତୁପେସା' ପେ ମୁଲର୍ନା ରେମଲେ ଡେମ'କୁନୁଂସୁଗ ଡିନ୍ଡେମ୍ପୁଲେଇ ମାପ୍ରୁ ଡେମ୍ ଡ'ସେକ୍ ସୁନ'କୁନୁଂ ମମାନ୍ବାର୍ ଡୁତୁପେ । 7ଅ ନାଡାଇବାର୍ବାଇ' ରେମଲେ! ଇନ୍ତେକନ୍ଡେକ୍ ଜିସାୟଲା ପେନା ବିସୟ ସୁନ'କୁନୁଂ ସତ୍ ଡୁତା । ମାଇ ସୁନ'ତା:
8‘କେନ୍ ରେମଲେ ଆନିଂ ସୁନ୍ଡ୍ରକୁନୁଂସୁଗ ସରଉ ଜତ୍ନେ ଅସୁଇ'ତା ।
ମାତର୍ ମା'ଏନା ଏତ୍ ନିଂକୁରୁଂ ଅବୁଦି ସୁଲୁଂ ଡୁତା ।
9ମାରି ମା'ଏ ସୁନ୍ଡ୍ରକ୍ନାସା ମାସା ଆବାମ୍ତା ।
ମାସା'ଡ'ନା ଆମା'ଏ ନିଂ ବେଡ'କୁନୁଂ ନିୟମ୍ ଆରାକ୍ ମାତର୍ ରେମଲେନା ନିୟମ୍ ଗୁଲାଇ ମା'ଏ ଆରେମଲେ ଅମାଗ'ତା’ ଡ'ସେକ୍ ସୁନ'ତା ।”
ଇମ୍ବ'ନା ଆରେମ ଆଲିରାକ୍ବାଇ' ଅ'ଡେମ୍ତ ଡ'ସେକ୍ ସୁଁସୁଡେନ୍
(ମାର୍କ 7:14–23)
10ଆତା ରୁନ୍କୁନୁଂ ରେମଲେବକ୍ ଜିସୁଲା ମାଇନ୍ବକ୍ ୱାୟ'ସେକ୍ ଆମା'ଏ ସୁନ' “ପେ ନିଂ ସୁନ'କୁନୁଂ ବଲ୍ ଅଂଅଁ'ସେକ୍ ବଲ୍ ମାକ୍! 11ରେମଲେ ମାମା ସୁମ'କୁନୁଂ ଆମା'ଏ ଅଲିରାକ୍ ଆଡେମ୍ତ । ମାତର୍ ରେମଲେନା ଟମ୍ନାକୁରୁଂ ତୁର୍କୁନୁଂ ତୁମ'ଉ ଆମା'ଏ ଅଲିରାକ୍ ଡେମ୍ତ” ଡ'ସେକ୍ ସୁନ' ।
12ମାରି ମାଇନା ସିସ୍ୟଲେ ମାଇନ୍ବକ୍ ସାକ୍ସେକ୍ ସୁନ' “ନ ସୁନ'କୁନୁଂ ଅଂଅଁ'ସେକ୍ ପାରୁସିଦଲ୍ନା ରେମଲେ ଆନ ଗିସେ'ଗୁତା ଡ'ସେକ୍ ନ ମାଗ'ତୁନ ଇ?” ଡ'ସେକ୍ ସୁନ' ।
13ସା' ଜିସୁଲା ସୁନ' “ଇମ୍ବ'ନ୍ ଇମ୍ବ'ନ୍ ସୁଲପ୍ ଗୁଲାଇ ସରଗ୍ବକ୍ ଡୁକୁନୁଂ ନେମ୍ବା ମଉନୁ' ଡୁତା ଗୁତୁନ୍ ଗୁଲାଇ ରେ'ଗି ମିସ୍ତେ ଡୁଗ'ସୁଂତ । 14#ଲୁକ 6:39ସା' ଆମା'ଏ ଆବୁତୁଂଗା' । ମା'ଏ ଡ'ନା କାନାମ'ବାଇ' ରେମଲେ ଆକାନାମ'ଡେ କୁରୁଂ ଅସୁଇ'ରେମ୍ । ମୁଇନ୍ଡା କାନାମ'ବାଇ'ରେମ ଆମୁଇନ୍ଡା କାନାମ'ବାଇ' ରେମବକ୍ କୁରୁଂ ଅସୁଇ'ତିଂ ଡ'ନା ଇମ୍ବାୟସା କାଲ୍ବକ୍ ଲକ୍ତା” ଡ'ସେକ୍ ସୁନ' ।
15ସା' ପିତର୍ଲା ଆମାଇ “ଆ'ନା ନ ସୁନ'କୁନୁଂ ଗୁତୁନ୍ ତୁମ'ନା ଅର୍ତ ମାର୍ ମୁସଉ ଆନେଇ ବଲ୍ ଅମାକ୍” ଡ'ସେକ୍ ସୁନ' ।
16ସା' ଜିସୁଲା ଆମା'ଏ ସୁନ' “ପେସା ଆ'ନ୍ପନ୍ତେକ୍ ମୁମାକ୍ ଆଗଂତୁପେ ଇ?” ଡ'ସେକ୍ ସୁନ' ।
17“ମୁଇନ୍ଡା ମାମା ସୁମ୍ତ ଗୁତୁନ୍ ମାଇନା ଟମ୍ନାକୁରୁଂ ସୁଲଇ'ବକ୍ ଗାଇସେକ୍ ମାରି ସୁଲଇ'କୁରୁଂ ବାଇରି ତୁର୍ତା ଡ'ସେକ୍ ପେ ଆମାକ୍ତୁପେ ଇ? 18#ମାତିଉ 12:34ମାତର୍ ମୁଇନ୍ଡାନା ଟମ୍ନାକୁରୁଂ ବାଇରି ମା ତୁର୍ତା ଗୁତୁନ୍ ମାଇନା ଜିବନ୍ ବିତ୍ରେକୁରୁଂ ତୁର୍ତା । ସା' ମାଇନା ଜିବନ୍ ବିତ୍ରେକୁରୁଂ ମା ତୁର୍ତା ଗୁତୁନାଉ ଆମାଇ ଅଲିରାକ୍ ଅ'ଡେମ୍ତ । 19ମାସା'ଡ'ନା ଜିବନ୍ ବିତ୍ରେକୁରୁଂ ଅଲିରାକ୍ବାଇ' ଏତ୍, ଅଡାପ୍ନା, ଜାଲିବାଇ' କାମ୍ ଡିନ୍ଡେମ୍ନା, ବାୟାବାଇ'ନା, ଡୁଂଗାନା, ପଲୁସାକି ସୁଁସୁନା ମାରି ପାଲ୍ ମୁଇନ୍ଡାନା ବାଗ୍ବକ୍ ଅଲିରାକ୍ବାଇ' ସୁଁସୁନା ଗୁଲାଇ ଏତ୍ ସାପ୍ତା । 20ସା' କେନ୍ ଗୁଲାଇଉ ମୁଇନ୍ଡାନା ଜିବନ୍ ବିତ୍ରେ ଅଲିରାକ୍ ଅ'ଡେମ୍ତ । ମାତର୍ ମଗୁଇ'ତି ମାମା ସୁମ'ନା ଗୁତୁନ୍ ଆମୁଇନ୍ଡା ଅଲିରାକ୍ ଆ'ଡେମ୍ତ ” ଡ'ସେକ୍ ସୁନ' ।
କିନାନ୍ ଦେସ୍ନା ମୁଇନ୍ଡା ସେଲାନ୍ଲା ଆଜିସୁଲା ବିସ୍ବାସ୍ ଡିନ୍ଡେମ୍ଡେନ୍
(ମାର୍କ 7:24–30)
21ଜିସୁଲା ଗୁତୁନ୍ ଜାଗାକୁରୁଂ ତୁର୍ସେକ୍ ସର୍ ମାରି ସିଦନ୍ ଡ'କୁନୁଂ ଇମ୍ବାର୍ ଉଂଗମ୍ବକ୍ ଉଇଗା' । 22ସା' କିନାନ୍ ଦେସ୍କୁରୁଂ ଆତା ସାକ୍ସେକ୍ ଡୁକୁନୁଂ ମୁଇନ୍ଡା ସେଲାନ୍ଲା ମାଇନ୍ବକ୍ ସାକ୍ସେକ୍ “ଅ ପ୍ରବୁ, ଦାଉଦ୍ନା ଉଁ'ଉଁ, ଆନିଂ ଦୟା ଡେମ୍! ମାସା'ଡ'ନା ଆନିଂନା ସେଲାମ୍ବୁଇ'ଗୁଲା ବୁତ୍ ସବ'ସେକ୍ ଅବୁଦି କସ୍ଟ ବେଡ'ତା” ଡ'ସେକ୍ ସୁନ' ।
23ମାତର୍ ଜିସୁଲା ଆମାଇ ମାସା ଆସୁନ୍ତ । ସା' ମାଇନା ସିସ୍ୟଲେ ସାକ୍ସେକ୍ ଆମାଇ ସୁନ' “ଆମାଇ ନ ମାଏସା ସୁନ'ସେକ୍ ବେନ୍ଟାୟ'ବେ', ମାସା'ଡ'ନା ମାଇ ନେଇ'ନା ତେଂଗି'ତେଂଗି' କିରକ୍ସେକ୍ ମାରି ସୁସାପ୍ଡେନ୍” ଡ'ସେକ୍ ସୁନ' ।
24ସା' ଜିସୁଲା ଆମା'ଏ ସୁନ' “ଇସ୍ରାଏଲ୍ ରେମଲେ ଜାଜା ଆମାପ୍ରୁ ମମୁନାକ୍ ଡୁତା ମା'ଏନ୍ବକ୍ଉ ଆନିଂ ବେନ୍ଟାୟ'ତା” ଡ'ସେକ୍ ସୁନ' ।
25ଆଇ'ତୁନ୍ବେଲା ଗୁତୁନ୍ ସେଲାନ୍ଲା ଜିସୁନ୍ ତିକ୍ସୁଂକନ୍ଡେକ୍ ଏନ୍ଡିକ୍ ସୁନ୍ଡ୍ରକ୍ସେକ୍ “ଅ ପ୍ରବୁ, ନ ଆନିଂ ସାନ୍ଡୁଂ” ଡ'ସେକ୍ ସୁନ' ।
26ସା' ଜିସୁଲା ଆମାଇ ସୁନ' “ଗୁବୁଲେପୁଲେଇ ଡୁକୁନୁଂ ରୁଟି ଆଗୁସୁ'ଡେ ବିବେ' ବଲ୍ ଆରାକ୍” ଡ'ସେକ୍ ସୁନ' ।
27ସା' ମାଇ ସୁନ' “ଗୁତୁନ୍ ସତ୍ ପ୍ରବୁ, ମାତର୍ ସାକାର୍ନା ତାଲିକୁରୁଂ ଲ'କୁନୁଂ ମ'ଜାଂ ଗୁତୁନ୍ ଗୁସୁ'ଡେସା ସୁମ'ତା” ଡ'ସେକ୍ ସୁନ' ।
28ସା' ଜିସୁଲା ଆମାଇ ସୁନ' “ଅ କୁଇ', ନ ଆନିଂ ବଲ୍ ବିସ୍ବାସ୍ ଡେମ'ତୁନ । ସା' ନ ଆନିଂ ମା ଲୁଡ'ନ ଗୁତୁନା ନ ଆ'ନା ବାଂଗୁତୁନ” ଡ'ସେକ୍ ସୁନ' । ସା' ମାଇନା ଉଁ'ଉଁ ଉନ୍ତାଉ ବଲ୍ ଡେଂଗା' ।
ଅବୁଦି ସିରେମେବକ୍ ଜିସୁଲା ବଲ୍ ଡିନ୍ଡେମ୍ଡେନ୍
29ଜିସୁଲା ଉନ୍ତ୍କୁରୁଂ ତୁର୍ସେକ୍ ଗାଲିଲି ସମ୍ଦର୍କିନ୍ଡାକ୍ ପାଲି ଉଇଗା' । ମାରି ମୁଇ କୁନ୍ଡାବକ୍ ଡାଇ'ସେକ୍ ଆତା ମାଇ ଲେଇ'କୁ । 30ସା' ରେମଲେ ମାଇନ୍ବକ୍ ଜାଜା ସଟାସଟିବାଇ', କାନାକାନିବାଇ', କଲାକଲିବାଇ' ମାରି କନ୍ଦାକନ୍ଦିବାଇ' ଡି'କେନା ପାଲ୍ପାଲ୍ ଅବୁଦି ସିରେମ୍ବକ୍ ରିଂଅଁ' ସାକ୍ସେକ୍ ମାଇନା ସାର୍ମ'କନ୍ଡେକ୍ ବୁଂଅଁ' । ସା' ମାଇ ଆମା'ଏ ଆଗୁଲାଇର ବଲ୍ ଡେମ' । 31ସା' କନ୍ଦାକନ୍ଦିବାଇ' ଅଇଁୟ'କୁନୁଂ ମାରି କଲାକଲିବାଇ' ବଲ୍ ଡେଂକୁନୁଂ ମାରି ସଟାସଟିବାଇ' ଉରିଂଅଁ'କୁନୁଂ ମାରି କାନାକାନିବାଇ' ଜୁଜୁ ଗଂକୁନୁଂ ଗୁଲାଇ ଜୁଲ'ସେକ୍ ରେମଲେ ଗୁଲାଇର କାବାକାବା ଡିନ୍ଡେଂଆର୍ସେକ୍ ଆଇସ୍ରାଏଲ୍ ରେମଲେନ୍ ମାପ୍ରୁ ସୁନ୍ଡ୍ରଗା' ।
ଜିସୁଲା ସାର୍ ଅଜାର୍ ରେମଲେବକ୍ ଅ'ସୁମ୍ଡେନ୍
(ମାର୍କ 8:1–10)
32ଜିସୁଲା ଆମାଇନା ସିସ୍ୟଲେ ୱାୟ'ସେକ୍ ସୁନ' “ଜୁ, କେନ୍ ରେମଲେ ଆ'ନାବୁରଂ ତିନ୍ଦିନ୍ ଡେଂଗା' ଆକେ ନିଂବୁରଂ ଡୁତା । ସୁସୁମ୍ପୁଲେଇସା ମା'ଏନ୍ ତିତିବକ୍ ମାସା ଆଡୁତା । ଆମା'ଏ ଜୁଲ'ସେକ୍ ଆନିଂ ଅବୁଦି ଲିବିସୁପ୍ ସା'ଗୁତା । ଡୁ'ତୁନ୍ଉ ଅ'କୁଡୁଲ'ସେକ୍ ଆମା'ଏ ବେନ୍ଟାଇବାର୍ ଆନିଂ ମୁନ୍ ଆରାକ୍ ମାସା'ଡ'ନା ମା'ଏ ଉଇରେମ୍ କୁରୁଂବକ୍ ପୁଇମ'ଡ'ସେକ୍ ଲକ୍ତାବେ” ଡ'ସେକ୍ ସୁନ' ।
33ସା' ମାଇନା ସିସ୍ୟଲେ ସୁନ' “ଜୁ, କେନ୍ ଜାଗାବକ୍ ମାସା ଆବାମ୍ତା, ଆଇ'କେନ୍ ରେମଲେ ସୁସୁମ୍ପୁଲେଇ ଇମ୍ବ'କୁରୁଂ ରିଂଅଁ' ବେ'ତୁନେଇଲେଇ?” ଡ'ସେକ୍ ସୁନ' ।
34ସା' “ପେନ୍ବକ୍ ଆ'ଇସୁଗ ରୁଟି ଡୁତା?” ଡ'ସେକ୍ ଜିସୁଲା ଆମା'ଏ ଅ'ଗଁସ୍ଲା'ଗା' ।
ସା' ମା'ଏ ସୁନ' “ନେନ୍ବକ୍ ସାତ୍ଟା ରୁଟି ମାରି ଇମ୍ବାର୍ସୁଗ ଡାଉଡାଉବାଇ' ଆ'ଡଂସା ଡୁତା” ଡ'ସେକ୍ ସୁନ' ।
35ସା' ଜିସୁଲା ଆମା'ଏ ଆଗୁଲାଇର ଆଲୁଂ ଲେ'ୟା ଡ'ସେକ୍ ସୁନ' । 36ତିର୍ଗି' ଗୁତୁନ୍ ସାତ୍ଟା ରୁଟି ମାରି ଆ'ଡଂ ଜିସୁଲା ସକ୍ସେକ୍ ଆମାପ୍ରୁ ସୁନ୍ଡ୍ରଗା' । ସୁନ୍ଡ୍ରକ୍ସେ'ଗା ଗୁତୁନ୍ ସେତୁଗ'ସେକ୍ ଆଗୁଲାଇର ବାନ୍ଟାଲ'ବେ' ଡ'ସେକ୍ ଆମାଇନା ସିସ୍ୟଲେ ବେଡ' । ବେଡ'ସା' ମା'ଏ ଗୁତୁନ୍ ରୁଟି ରିଂସେକ୍ ଆଗୁଲାଇର ବାନ୍ଟାଲ' ବେଡ' । 37ଆତା ଡୁକୁନୁଂ ରେମଲେ ଗୁଲାଇର ସୁମ'ସେକ୍ ବ'ସୁଗା'ସା' ସିସ୍ୟଲେ ଗୁତୁନ୍ ଲଲ'କୁନୁଂ ଗୁଲାଇ ଜୁକ୍ଜୁଗ'ସା' ସାତ୍ଟା ଡାମୁଂବକ୍ ବର୍ତି ଡେଂଗା' । 38ଆତା ଜୁଲ'ନା ସେଲାନେ ଇଂଗେରେ ମାରି ଗୁବୁଲେ ଗୁସାକ୍ଡାରେସା ଅବୁଦିର ଡୁକୁ ମାତର୍ ଆଇଂଗେରେଉ ଏଜାଲ'ନା ସାର୍ ଅଜାର୍ସୁଗ ଡୁକୁ । 39ମାରି ଜିସୁଲା ଆମା'ଏ ଆଗୁଲାଇର ବେନ୍ଟାୟ'ବେଡ'ସେକ୍ ମାଇ ମୁଇ ଡଂଗାବକ୍ ଲେଇ'ସେକ୍ ମଗ୍ଦାନ୍ ଦେସ୍ବକ୍ ଉଇଗା' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0