ମାତିଉ 14
14
ଆଜଅନ୍ଲା ଗପେ'ଡେନ୍
(ମାର୍କ 6:14–29; ଲୁକ 9:7–9)
1ଆଇ'ତୁନ୍ବେଲା ଜିସୁଲା ଡେମ'କୁନୁଂ ଗୁଲାଇ ବିସୟ ଗାଲିଲି ଜିଲାନା ମୁନା'ରେମ୍ ଏରଦ୍ ରାଜାଲା ଅଂଅଁ' । 2ସା' ମାଇ ଆମାଇନା ଗୁପାମ୍ରେମେ ସୁନ' “କୁନା ଜା ଡ'ନା ଗୁତୁନ୍ ବାପ୍ତିସ୍ମା ବିବେ'ଡା ଜଅନ୍ଲା ଗୁଇ'କୁନୁଂକୁରୁଂ ବୁରଗୁତା । ଗୁତୁନ୍ସା'ଉ ମାଇ ଡି'କେନ୍ବାଇ' କାବାକାବା ଡିନ୍ଡେମ୍ବାଇ' କାମ୍ ଡିନ୍ଡେମ୍ ଗଂଗୁତା” ଡ'ସେକ୍ ସୁନ' ।
3 #
ଲୁକ 3:19,20 ମାସା'ଡ'ନା ଆଜଅନ୍ଲା ସବ'ସେକ୍ ତୁଲ'ରେଡ' ବନ୍ଦିବକ୍ ସୁରୁଂପୁଲେଇ ଏରଦ୍ଲା ଇନ୍ତେ ସୁନ'କୁ । ମାସା' ଡୁ'ତୁନ୍ ଡେମ'କୁ ଡ'ନା ମାଇନା ବୁୟାଂ ପିଲିପ୍ପନା କୁନୁଇ' ଏରଦିଆନାସା' ଡୁ'ତୁନ୍ ଡେମ'କୁ । 4ମାସା'ଡ'ନା ଜଅନ୍ଲା ଆଏରଦ୍ଲା ସୁନ'କୁ “ଆତୁନ୍ ସେଲାନ୍ଲା ନ ବୁଂବୁଂନା ମାପ୍ରୁନା ନିୟମ୍ବକ୍ ଆଡୁତା” ଡ'ସେକ୍ ସୁନ'କୁ । 5ସା' ଏରଦ୍ଲା ଆଜଅନ୍ଲା ଅଗୁଇ'ତିଂ ଡ'ସେକ୍ ଏତ୍କୁ ମାତର୍ ରେମଲେ ଆଜଅନ୍ଲା ମୁଇନ୍ଡା ବାବବାଦିଲା ଡ'ସେକ୍ ଜୁଲ'କୁସା' ଆରେମଲେ ବୁତୁଂସେକ୍ ଏରଦ୍ଲା ଡୁ'ତୁନ୍ ଆଡେମ୍ତ ।
6ମୁସିଂ ଏରଦ୍ନା ଜନମ୍ଦିନ୍ ସା'ଗା'ସା' ଉନ୍ତା ଏରଦିଆନା ଉଁ'ଉଁ ସେଲାନେଲା ଆତା ସାକ୍ସେକ୍ ମିମେ ମେଗା' । ମାଇନା ମିମେ ଜୁଲ'ସେକ୍ ଏରଦ୍ଲା ଅବୁଦି ସାର୍ଦା ଡେଂଗା' । 7ସା' ମାଇ ଆତୁନ୍ ସେଲାନ୍ଲା ୱାୟ'ସେକ୍ “ଅ ମିଂ, ଆନ ମା ମୁନ୍ ଡୁତା ଗୁତୁନ୍ ଆନିଂ ସୁଁ, ନିଂ ଆନ ବେ'ତିଂ” ଡ'ସେକ୍ ତିତିବାଡ'ସେକ୍ ସୁନ' ।
8ସା' ଗୁତୁନ୍ ସେଲାନ୍ଲା ୟଂଡେଇଁନ୍ବକ୍ ଉଇସେକ୍ ଅ'ଗଁସ୍ଲାଗା'ସା' ୟଂଡେଇଁ ସୁନ'କୁନୁଂସୁଗ ରାଜାନ୍ବକ୍ ଉଇସେକ୍ “ବାପ୍ତିସ୍ମା ବିବେ'ଡା ଆଜଅନ୍ଲା ଗପେଡ'ସେକ୍ ମାଇନା ବ'ବ୍ ମୁଇ ତାଲିବକ୍ ଆକେ ଆନିଂ ରିଂଅଁ'ବେ'” ଡ'ସେକ୍ ମାଇ ସୁନ' ।
9ସା' ଗୁତୁନ୍ ଅଂଅଁ'ସେକ୍ ରାଜାଲା ଅବୁଦି ସିନ୍ତାଲ' । ମାତର୍ ଗୁଲାଇ କିଲମ୍ରେମେ ଲେଇ'କୁନୁଂବକ୍ ଆମାଇ ତିତିବାଡ'ସେକ୍ ମା ନ ଲୁଡ'ନାସା ନିଂ ଆନ ବେ'ତିଂ ଡ'ସେକ୍ ସୁନ'କୁସା' ସେଲାନ୍ଲା ମା ଲୁଡ' ଗୁତୁନା ଆମାଇ ବେ' ଡ'ସେକ୍ ସୁନ' । 10ସା' ଆଜଅନ୍ଲା ବନ୍ଦିବକ୍ ଗପେଡ'ସୁଂଅଁ' । 11ଗପେଡ'ସେକ୍ ମାଇନା ବ'ବ୍ ମୁଇ ତାଲିବକ୍ ବୁଂଅଁ'ସେକ୍ ଆତୁନ୍ ସେଲାନ୍ଲା ରିଂଅଁ' ବେଡ' । ସା' ମାଇ ଗୁତୁନ୍ ରିଂସେକ୍ ଆମାଇନା ୟଂ ବେଡ' । 12ମାରି ଜଅନ୍ନା ସିସ୍ୟଲେ ସାକ୍ସେକ୍ ମାଇନା ମଟ୍ ରିଂଅଁ' ଉଇସେକ୍ ଆତିଲ'ସୁଂଅଁ' । ତିର୍ଗି' ମା'ଏ ଉଇସେକ୍ ଆଜିସୁଲା ଗୁତୁନ୍ ବିସୟ ସୁନ' ।
ଜିସୁଲା ପାଁନ୍ସ୍ ଅଜାର୍ ରେମଲେବକ୍ ସୁସୁମ୍ପୁଲେଇ ବିବେ'ଡେନ୍
(ମାର୍କ 6:30–44; ଲୁକ 9:10–17; ଜଅନ୍ 6:1–14)
13ସା' ଗୁତୁନ୍ ଅଂଅଁ'ସେକ୍ ଜିସୁଲା ଆତାକୁରୁଂ ମୁଇ ଡଂଗାବକ୍ ଲେଇ'ସେକ୍ ଜାଏସା ମଡୁକୁବକ୍ ଉଇସେକ୍ ଡୁକୁପୁଲେଇ ମାଇ ସାକ୍ମାଇଉ ଉଇଗା' । ମାତର୍ ରେମଲେ ଗୁତୁନ୍ ଅଂଅଁ'ସେକ୍ ମା'ଏନ୍ ଉଂଗମ୍କୁରୁଂ ତୁର୍ସେକ୍ ଆଜିସୁଲା ତେଂଗି' ଉରିଂଅଁ' ଉରିଂଅଁ' ଉଇଗା' । 14ସା' ମାଇ ଡଂଗାକୁରୁଂ ଜୁଜର୍ବେଲା ଆତା ଅବୁଦି ରେମଲେ ଡୁକୁନୁଂ ଜୁଲ'ସେକ୍ ଆମା'ଏ ଲିବିସୁପ୍ଗା' ମାରି ମା'ଏନା ସିରେମ୍ବକ୍ ମାଇ ବଲ୍ ଡେମ' ।
15ଉନ୍ତ୍ ମୁନ୍ଡିପ୍ ମାଇନା ସିସ୍ୟଲେ ମାଇନ୍ବକ୍ ସାକ୍ସେକ୍, “କେନ୍ ପାଦା ସିମ୍ରାଗୁମ୍ରାକୁନୁଂ ଜାଗା, ଆକେ ମାସା ସୁସୁମ୍ପୁଲେଇ ଆବାମ୍ତା । ମାରି ବେଲାସା ଅବୁଦି ଡେଂଉଇଗା' । ସା' ଉନ୍ତୁ' ତନାଂନା ଉଂଗମ୍ବକ୍ ରେମଲେ ଉଇସେକ୍ ମାମା ସୁସୁମ୍ପୁଲେଇ ଆତା ଡୁକୁନା ମା'ଏ ନିଜେ ସବ'ସେକ୍ ସୁସୁମ୍ପୁଲେଇ ଆମା'ଏ ବେନ୍ଟାୟ'ବେ'” ଡ'ସେକ୍ ସୁନ' ।
16ସା' ଜିସୁଲା ଆମା'ଏ ସୁନ' “ଆରାକ୍, ମା'ଏ ଉଇ ଦର୍କାର୍ ଆରାକ୍ । ପେ ଆମା'ଏ ସୁସୁମ୍ପୁଲେଇ ବେ'” ଡ'ସେକ୍ ସୁନ' ।
17ସା' ମା'ଏ ସୁନ' “ଆକେ ନେନ୍ବକ୍ ପାଁନ୍ସ୍ଟା ରୁଟି ମାରି ଇମ୍ବାର୍ ଆ'ଡଂଉ ଡୁତା, ମାରି ମାଏସା ନେନ୍ବକ୍ ଆଡୁତା” ଡ'ସେକ୍ ସୁନ' ।
18ସା' “ଆକେ ନିଂବକ୍ ଗୁତୁନ୍ ରିଂଅଁ' ସା'ବା” ଡ'ସେକ୍ ଜିସୁଲା ସୁନ' । 19ମାରି ଆଗୁଲାଇ ରେମଲେ ସେପ୍ସାକ୍ବକ୍ ଲିଲେଇ'ଆରା ଡ'ସେକ୍ ମାଇ ସୁନ' । ମାରି ମାଇ ଗୁତୁନ୍ ପାଁନ୍ସ୍ଟା ରୁଟି ମାରି ଇମ୍ବାରୁ ଆ'ଡଂ ତିତିବକ୍ ସକ୍ସେକ୍ ସରଗ୍ବକ୍ ତାଂଡାୟ'ସେକ୍ ଆମାପ୍ରୁ ସୁନ୍ଡ୍ରଗା' । ସୁନ୍ଡ୍ରକ୍ସେ'ଗା ମାଇନା ତିତିବୁରଂ ଗୁତୁନ୍ ସେତୁଗ'ସେକ୍ ଆଗୁଲାଇର ବାନ୍ଟାଲ'ବେ' ଡ'ସେକ୍ ଆମାଇନା ସିସ୍ୟଲେ ବେଡ' । 20ବେଡ'ସା' ଗୁଲାଇର ବୁସୁପନ୍ତେକ୍ ସୁମ' । ମାରି ଗୁତୁନ୍ ଲଲ' ଲୁଗାବ'କୁନୁଂ ସିସି' ଲୁଲାର୍କୁନୁଂ ସିସ୍ୟଲେ ବାରଟା ଡାମୁଂବକ୍ ବର୍ତି ଡେମ' । 21ଆତା ସୁସୁମ୍ବେଲା ଅବୁଦିର ଡୁକୁନୁଂବକ୍ ଆସେଲାନେ ମାରି ଆଗୁବୁଲେ ମଏଜା ଇଂଗେରେଉ ପାଁନ୍ସ୍ ଅଜାର୍ସୁଗ ଡୁକୁଗା' ।
ଜିସୁଲା ଡାଗ୍ ବାଗ୍ବକ୍ ଉରିଂଡେନ୍
(ମାର୍କ 6:45–52; ଜଅନ୍ 6:15–21)
22ତିର୍ଗି' ଜିସୁଲା ଆରେମଲେ ଆଗୁଲାଇର ପେ ପେନ୍ ଡିଂଅଁବକ୍ ଇ'ଡା ଡ'ସେକ୍ ବେନ୍ଟାଇବାର୍ବେଲା ଆମାଇନା ସିସ୍ୟଲେ ଡଂଗାବକ୍ ସୁରୁଇ' ଅ'ଲେୟ'ସେକ୍ ନିଂନା ସିଁସେଇଁ ପେ ସମ୍ଦର୍କିନ୍ଡାକ୍ ଇନ୍ସିପାଟ୍ ଉଇ ଡୁତା ଡ'ସେକ୍ ସୁନ' ବେନ୍ଟାୟ' । 23ଆରେମଲେ ଆଗୁଲାଇର ବେନ୍ଟାୟ'ସେକ୍ ମାଇ ମୁଇ କୁନ୍ଡା ବାଗ୍ବକ୍ ସାକ୍ମାଇଉ ପାର୍ତନା ଡିନ୍ଡେମ୍ପୁଲେଇ ଡାଇ'ଗା' । ମୁନ୍ଡି'ଗା'ସା' ମାଇ ମୁଇନ୍ଡାଉ ଆତା ଡୁକୁ । 24ମାତର୍ ସିସ୍ୟଲେ ଡୁକୁନୁଂ ଗୁତୁନ୍ ଡଂଗା ସମ୍ଦର୍କିନ୍ଡାକ୍ ପାଲିକୁରୁଂ ଅବୁଦି ସୁଲୁଂ ଡୁକୁ । ମାରି ଅବୁଦି ଉଇଡାଗ'କୁସା' ଡାଗ୍ ଅବୁଦି ତଂକୁକ୍ଡାଗ'କୁଗା' । ସା' ମା'ଏ ଅବୁଦି କସ୍ଟ ବାଂକୁ ।
25ସା' ଜିସୁଲା ତାଇ'ସୁଗିସିଂବେଲା ଡାଗ୍ ବାଗ୍ବକ୍ ଉରିଂଅଁ' ଉରିଂଅଁ' ମା'ଏନ୍ବକ୍ ସା'ଗା' । 26ମାଇ ଡାଗ୍ ବାଗ୍ବକ୍ ଉରିଂଅଁ'କୁନୁଂ ଜୁଲ'ସେକ୍ ସିସ୍ୟଲେ ଗୁଲାଇର ବୁତୁଂଆର୍ଉଇଗା' । ମା'ଏ ବୁତୁଂସେକ୍ ଗୁତୁନା ମୁଇ ବୁତ୍ ଡ'ସେକ୍ ଡକ୍ତି'ତା କିରଗା' ।
27ମାତର୍ ଜିସୁଲା ଆମା'ଏ ସୁରୁଇ' ସୁନ' “ଆବୁତୁଂଗା', ପେ ବପୁବାଂସେକ୍ ଡୁକୁଲା, ନିଂଉ କେନା” ଡ'ସେକ୍ ସୁନ' ।
28ସା' ପିତର୍ଲା ଆମାଇ “ଅ ପ୍ରବୁ, ସତଇସା ଗୁତୁନା ନ ଡ'ନା ନିଂ ଡାଗ୍ ବାଗ୍ବକ୍ ଉରିଂଅଁ' ନନ୍ବକ୍ ସୁସାପ୍ପୁଲେଇ ଆନିଂ ସୁଁ” ଡ'ସେକ୍ ସୁନ' ।
29ସା' ଜିସୁଲା “ନ ଲ” ଡ'ସେକ୍ ସୁନ' ।
ସା' ପିତର୍ଲା ଡଂଗାକୁରୁଂ ଜର୍ସେକ୍ ଡାଗ୍ ବାଗ୍ବକ୍ ଉରିଂଅଁ'ସେକ୍ ଜିସୁନ୍ବକ୍ ସୁସାପ୍ଡେଂକୁ । 30ମାତର୍ ଉଇଡାଗ'କୁନୁଂ ଜୁଲ'ସେକ୍ ମାଇ ଅବୁଦି ବୁତୁଂଗା' ମାରି ମାଇ ଲୁବ୍ଡାଗ୍ ଉଇଡେଂକୁ । ସା' ମାଇ “ଅ ପ୍ରବୁ, ଆନିଂ ରକ୍ୟା ଡେମ୍” ଡ'ସେକ୍ ଡକ୍ତି'ତା ଉକ୍ସେକ୍ ସୁନ' ।
31ସା' ଜିସୁଲା ଆଇ'କୁ ଆମାଇନା ତିତି ସବ'ସେକ୍ “ନ ଆନିଂ ବଲ୍ ବିସ୍ବାସ୍ ଆଡେମ୍ତୁନ; ମାସା' ନ ଡି'କେନା ଏତ୍କୁନଲେଇ?” ଡ'ସେକ୍ ସୁନ' ।
32ମାରି ମାଇପା ଡଂଗାବକ୍ ଡାଇ'ଗା'ସା' ଉଇଡାକ୍ ଗୁଲାଇ ତେପ୍ଗା' । 33ସା' ଡଂଗାବକ୍ ଡୁକୁନୁଂ ରେମଲେ ଗୁଲାଇର “ସତଇସା ନ ମାପ୍ରୁନା ଉଁ'ଉଁ” ଡ'ସେକ୍ ଆମାଇ ଏନ୍ଡିକ୍ସେକ୍ ସୁନ୍ଡ୍ରଗା' ।
ଗିନେସରତ୍ ଉଂଗମ୍ବକ୍ ଜିସୁଲା ଆସିରେମେ ବଲ୍ ଡିନ୍ଡେମ୍ଡେନ୍
(ମାର୍କ 6:53–56)
34ତିର୍ଗି' ଗୁତୁନ୍ ସମ୍ଦର୍କିନ୍ଡାକ୍ବକ୍ ପକ୍ସେକ୍ ମା'ଏ ଗୁଲାଇର ଗିନେସରତ୍ ଦେସ୍ବକ୍ ଡେଲ' । 35ସା' ଉଂଗମ୍ରେମ୍ ଗୁଲାଇର ଆଜିସୁଲା ସମଡ' । ସା' ମା'ଏ ଉନ୍ତୁ'ତ'ନାଂ ଡୁକୁନୁଂ ଆଗୁଲାଇ ଉଂଗମ୍ବକ୍ କବର୍ ବେନ୍ଟାୟ'ସା' ଆସିରେମେ ଅବୁଦିରବକ୍ ରେମଲେ ମାଇନ୍ବକ୍ ରିଂଅଁ' ସା'ଗା' । 36ମାରି ସିରେମେ ଆମାଇନା ସାକ୍ଡିଂସକାସା ଇ'କି ଆଲାମ୍ପୁଲେଇ ନ ସୁଁ ଡ'ସେକ୍ ସୁନ' । ମାରି ଆଲାମ'କୁନୁଂ ଗୁଲାଇ ରେମଲେ ବଲ୍ ଡେଂଗା' ।
Currently Selected:
ମାତିଉ 14: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 14
14
ଆଜଅନ୍ଲା ଗପେ'ଡେନ୍
(ମାର୍କ 6:14–29; ଲୁକ 9:7–9)
1ଆଇ'ତୁନ୍ବେଲା ଜିସୁଲା ଡେମ'କୁନୁଂ ଗୁଲାଇ ବିସୟ ଗାଲିଲି ଜିଲାନା ମୁନା'ରେମ୍ ଏରଦ୍ ରାଜାଲା ଅଂଅଁ' । 2ସା' ମାଇ ଆମାଇନା ଗୁପାମ୍ରେମେ ସୁନ' “କୁନା ଜା ଡ'ନା ଗୁତୁନ୍ ବାପ୍ତିସ୍ମା ବିବେ'ଡା ଜଅନ୍ଲା ଗୁଇ'କୁନୁଂକୁରୁଂ ବୁରଗୁତା । ଗୁତୁନ୍ସା'ଉ ମାଇ ଡି'କେନ୍ବାଇ' କାବାକାବା ଡିନ୍ଡେମ୍ବାଇ' କାମ୍ ଡିନ୍ଡେମ୍ ଗଂଗୁତା” ଡ'ସେକ୍ ସୁନ' ।
3 #
ଲୁକ 3:19,20 ମାସା'ଡ'ନା ଆଜଅନ୍ଲା ସବ'ସେକ୍ ତୁଲ'ରେଡ' ବନ୍ଦିବକ୍ ସୁରୁଂପୁଲେଇ ଏରଦ୍ଲା ଇନ୍ତେ ସୁନ'କୁ । ମାସା' ଡୁ'ତୁନ୍ ଡେମ'କୁ ଡ'ନା ମାଇନା ବୁୟାଂ ପିଲିପ୍ପନା କୁନୁଇ' ଏରଦିଆନାସା' ଡୁ'ତୁନ୍ ଡେମ'କୁ । 4ମାସା'ଡ'ନା ଜଅନ୍ଲା ଆଏରଦ୍ଲା ସୁନ'କୁ “ଆତୁନ୍ ସେଲାନ୍ଲା ନ ବୁଂବୁଂନା ମାପ୍ରୁନା ନିୟମ୍ବକ୍ ଆଡୁତା” ଡ'ସେକ୍ ସୁନ'କୁ । 5ସା' ଏରଦ୍ଲା ଆଜଅନ୍ଲା ଅଗୁଇ'ତିଂ ଡ'ସେକ୍ ଏତ୍କୁ ମାତର୍ ରେମଲେ ଆଜଅନ୍ଲା ମୁଇନ୍ଡା ବାବବାଦିଲା ଡ'ସେକ୍ ଜୁଲ'କୁସା' ଆରେମଲେ ବୁତୁଂସେକ୍ ଏରଦ୍ଲା ଡୁ'ତୁନ୍ ଆଡେମ୍ତ ।
6ମୁସିଂ ଏରଦ୍ନା ଜନମ୍ଦିନ୍ ସା'ଗା'ସା' ଉନ୍ତା ଏରଦିଆନା ଉଁ'ଉଁ ସେଲାନେଲା ଆତା ସାକ୍ସେକ୍ ମିମେ ମେଗା' । ମାଇନା ମିମେ ଜୁଲ'ସେକ୍ ଏରଦ୍ଲା ଅବୁଦି ସାର୍ଦା ଡେଂଗା' । 7ସା' ମାଇ ଆତୁନ୍ ସେଲାନ୍ଲା ୱାୟ'ସେକ୍ “ଅ ମିଂ, ଆନ ମା ମୁନ୍ ଡୁତା ଗୁତୁନ୍ ଆନିଂ ସୁଁ, ନିଂ ଆନ ବେ'ତିଂ” ଡ'ସେକ୍ ତିତିବାଡ'ସେକ୍ ସୁନ' ।
8ସା' ଗୁତୁନ୍ ସେଲାନ୍ଲା ୟଂଡେଇଁନ୍ବକ୍ ଉଇସେକ୍ ଅ'ଗଁସ୍ଲାଗା'ସା' ୟଂଡେଇଁ ସୁନ'କୁନୁଂସୁଗ ରାଜାନ୍ବକ୍ ଉଇସେକ୍ “ବାପ୍ତିସ୍ମା ବିବେ'ଡା ଆଜଅନ୍ଲା ଗପେଡ'ସେକ୍ ମାଇନା ବ'ବ୍ ମୁଇ ତାଲିବକ୍ ଆକେ ଆନିଂ ରିଂଅଁ'ବେ'” ଡ'ସେକ୍ ମାଇ ସୁନ' ।
9ସା' ଗୁତୁନ୍ ଅଂଅଁ'ସେକ୍ ରାଜାଲା ଅବୁଦି ସିନ୍ତାଲ' । ମାତର୍ ଗୁଲାଇ କିଲମ୍ରେମେ ଲେଇ'କୁନୁଂବକ୍ ଆମାଇ ତିତିବାଡ'ସେକ୍ ମା ନ ଲୁଡ'ନାସା ନିଂ ଆନ ବେ'ତିଂ ଡ'ସେକ୍ ସୁନ'କୁସା' ସେଲାନ୍ଲା ମା ଲୁଡ' ଗୁତୁନା ଆମାଇ ବେ' ଡ'ସେକ୍ ସୁନ' । 10ସା' ଆଜଅନ୍ଲା ବନ୍ଦିବକ୍ ଗପେଡ'ସୁଂଅଁ' । 11ଗପେଡ'ସେକ୍ ମାଇନା ବ'ବ୍ ମୁଇ ତାଲିବକ୍ ବୁଂଅଁ'ସେକ୍ ଆତୁନ୍ ସେଲାନ୍ଲା ରିଂଅଁ' ବେଡ' । ସା' ମାଇ ଗୁତୁନ୍ ରିଂସେକ୍ ଆମାଇନା ୟଂ ବେଡ' । 12ମାରି ଜଅନ୍ନା ସିସ୍ୟଲେ ସାକ୍ସେକ୍ ମାଇନା ମଟ୍ ରିଂଅଁ' ଉଇସେକ୍ ଆତିଲ'ସୁଂଅଁ' । ତିର୍ଗି' ମା'ଏ ଉଇସେକ୍ ଆଜିସୁଲା ଗୁତୁନ୍ ବିସୟ ସୁନ' ।
ଜିସୁଲା ପାଁନ୍ସ୍ ଅଜାର୍ ରେମଲେବକ୍ ସୁସୁମ୍ପୁଲେଇ ବିବେ'ଡେନ୍
(ମାର୍କ 6:30–44; ଲୁକ 9:10–17; ଜଅନ୍ 6:1–14)
13ସା' ଗୁତୁନ୍ ଅଂଅଁ'ସେକ୍ ଜିସୁଲା ଆତାକୁରୁଂ ମୁଇ ଡଂଗାବକ୍ ଲେଇ'ସେକ୍ ଜାଏସା ମଡୁକୁବକ୍ ଉଇସେକ୍ ଡୁକୁପୁଲେଇ ମାଇ ସାକ୍ମାଇଉ ଉଇଗା' । ମାତର୍ ରେମଲେ ଗୁତୁନ୍ ଅଂଅଁ'ସେକ୍ ମା'ଏନ୍ ଉଂଗମ୍କୁରୁଂ ତୁର୍ସେକ୍ ଆଜିସୁଲା ତେଂଗି' ଉରିଂଅଁ' ଉରିଂଅଁ' ଉଇଗା' । 14ସା' ମାଇ ଡଂଗାକୁରୁଂ ଜୁଜର୍ବେଲା ଆତା ଅବୁଦି ରେମଲେ ଡୁକୁନୁଂ ଜୁଲ'ସେକ୍ ଆମା'ଏ ଲିବିସୁପ୍ଗା' ମାରି ମା'ଏନା ସିରେମ୍ବକ୍ ମାଇ ବଲ୍ ଡେମ' ।
15ଉନ୍ତ୍ ମୁନ୍ଡିପ୍ ମାଇନା ସିସ୍ୟଲେ ମାଇନ୍ବକ୍ ସାକ୍ସେକ୍, “କେନ୍ ପାଦା ସିମ୍ରାଗୁମ୍ରାକୁନୁଂ ଜାଗା, ଆକେ ମାସା ସୁସୁମ୍ପୁଲେଇ ଆବାମ୍ତା । ମାରି ବେଲାସା ଅବୁଦି ଡେଂଉଇଗା' । ସା' ଉନ୍ତୁ' ତନାଂନା ଉଂଗମ୍ବକ୍ ରେମଲେ ଉଇସେକ୍ ମାମା ସୁସୁମ୍ପୁଲେଇ ଆତା ଡୁକୁନା ମା'ଏ ନିଜେ ସବ'ସେକ୍ ସୁସୁମ୍ପୁଲେଇ ଆମା'ଏ ବେନ୍ଟାୟ'ବେ'” ଡ'ସେକ୍ ସୁନ' ।
16ସା' ଜିସୁଲା ଆମା'ଏ ସୁନ' “ଆରାକ୍, ମା'ଏ ଉଇ ଦର୍କାର୍ ଆରାକ୍ । ପେ ଆମା'ଏ ସୁସୁମ୍ପୁଲେଇ ବେ'” ଡ'ସେକ୍ ସୁନ' ।
17ସା' ମା'ଏ ସୁନ' “ଆକେ ନେନ୍ବକ୍ ପାଁନ୍ସ୍ଟା ରୁଟି ମାରି ଇମ୍ବାର୍ ଆ'ଡଂଉ ଡୁତା, ମାରି ମାଏସା ନେନ୍ବକ୍ ଆଡୁତା” ଡ'ସେକ୍ ସୁନ' ।
18ସା' “ଆକେ ନିଂବକ୍ ଗୁତୁନ୍ ରିଂଅଁ' ସା'ବା” ଡ'ସେକ୍ ଜିସୁଲା ସୁନ' । 19ମାରି ଆଗୁଲାଇ ରେମଲେ ସେପ୍ସାକ୍ବକ୍ ଲିଲେଇ'ଆରା ଡ'ସେକ୍ ମାଇ ସୁନ' । ମାରି ମାଇ ଗୁତୁନ୍ ପାଁନ୍ସ୍ଟା ରୁଟି ମାରି ଇମ୍ବାରୁ ଆ'ଡଂ ତିତିବକ୍ ସକ୍ସେକ୍ ସରଗ୍ବକ୍ ତାଂଡାୟ'ସେକ୍ ଆମାପ୍ରୁ ସୁନ୍ଡ୍ରଗା' । ସୁନ୍ଡ୍ରକ୍ସେ'ଗା ମାଇନା ତିତିବୁରଂ ଗୁତୁନ୍ ସେତୁଗ'ସେକ୍ ଆଗୁଲାଇର ବାନ୍ଟାଲ'ବେ' ଡ'ସେକ୍ ଆମାଇନା ସିସ୍ୟଲେ ବେଡ' । 20ବେଡ'ସା' ଗୁଲାଇର ବୁସୁପନ୍ତେକ୍ ସୁମ' । ମାରି ଗୁତୁନ୍ ଲଲ' ଲୁଗାବ'କୁନୁଂ ସିସି' ଲୁଲାର୍କୁନୁଂ ସିସ୍ୟଲେ ବାରଟା ଡାମୁଂବକ୍ ବର୍ତି ଡେମ' । 21ଆତା ସୁସୁମ୍ବେଲା ଅବୁଦିର ଡୁକୁନୁଂବକ୍ ଆସେଲାନେ ମାରି ଆଗୁବୁଲେ ମଏଜା ଇଂଗେରେଉ ପାଁନ୍ସ୍ ଅଜାର୍ସୁଗ ଡୁକୁଗା' ।
ଜିସୁଲା ଡାଗ୍ ବାଗ୍ବକ୍ ଉରିଂଡେନ୍
(ମାର୍କ 6:45–52; ଜଅନ୍ 6:15–21)
22ତିର୍ଗି' ଜିସୁଲା ଆରେମଲେ ଆଗୁଲାଇର ପେ ପେନ୍ ଡିଂଅଁବକ୍ ଇ'ଡା ଡ'ସେକ୍ ବେନ୍ଟାଇବାର୍ବେଲା ଆମାଇନା ସିସ୍ୟଲେ ଡଂଗାବକ୍ ସୁରୁଇ' ଅ'ଲେୟ'ସେକ୍ ନିଂନା ସିଁସେଇଁ ପେ ସମ୍ଦର୍କିନ୍ଡାକ୍ ଇନ୍ସିପାଟ୍ ଉଇ ଡୁତା ଡ'ସେକ୍ ସୁନ' ବେନ୍ଟାୟ' । 23ଆରେମଲେ ଆଗୁଲାଇର ବେନ୍ଟାୟ'ସେକ୍ ମାଇ ମୁଇ କୁନ୍ଡା ବାଗ୍ବକ୍ ସାକ୍ମାଇଉ ପାର୍ତନା ଡିନ୍ଡେମ୍ପୁଲେଇ ଡାଇ'ଗା' । ମୁନ୍ଡି'ଗା'ସା' ମାଇ ମୁଇନ୍ଡାଉ ଆତା ଡୁକୁ । 24ମାତର୍ ସିସ୍ୟଲେ ଡୁକୁନୁଂ ଗୁତୁନ୍ ଡଂଗା ସମ୍ଦର୍କିନ୍ଡାକ୍ ପାଲିକୁରୁଂ ଅବୁଦି ସୁଲୁଂ ଡୁକୁ । ମାରି ଅବୁଦି ଉଇଡାଗ'କୁସା' ଡାଗ୍ ଅବୁଦି ତଂକୁକ୍ଡାଗ'କୁଗା' । ସା' ମା'ଏ ଅବୁଦି କସ୍ଟ ବାଂକୁ ।
25ସା' ଜିସୁଲା ତାଇ'ସୁଗିସିଂବେଲା ଡାଗ୍ ବାଗ୍ବକ୍ ଉରିଂଅଁ' ଉରିଂଅଁ' ମା'ଏନ୍ବକ୍ ସା'ଗା' । 26ମାଇ ଡାଗ୍ ବାଗ୍ବକ୍ ଉରିଂଅଁ'କୁନୁଂ ଜୁଲ'ସେକ୍ ସିସ୍ୟଲେ ଗୁଲାଇର ବୁତୁଂଆର୍ଉଇଗା' । ମା'ଏ ବୁତୁଂସେକ୍ ଗୁତୁନା ମୁଇ ବୁତ୍ ଡ'ସେକ୍ ଡକ୍ତି'ତା କିରଗା' ।
27ମାତର୍ ଜିସୁଲା ଆମା'ଏ ସୁରୁଇ' ସୁନ' “ଆବୁତୁଂଗା', ପେ ବପୁବାଂସେକ୍ ଡୁକୁଲା, ନିଂଉ କେନା” ଡ'ସେକ୍ ସୁନ' ।
28ସା' ପିତର୍ଲା ଆମାଇ “ଅ ପ୍ରବୁ, ସତଇସା ଗୁତୁନା ନ ଡ'ନା ନିଂ ଡାଗ୍ ବାଗ୍ବକ୍ ଉରିଂଅଁ' ନନ୍ବକ୍ ସୁସାପ୍ପୁଲେଇ ଆନିଂ ସୁଁ” ଡ'ସେକ୍ ସୁନ' ।
29ସା' ଜିସୁଲା “ନ ଲ” ଡ'ସେକ୍ ସୁନ' ।
ସା' ପିତର୍ଲା ଡଂଗାକୁରୁଂ ଜର୍ସେକ୍ ଡାଗ୍ ବାଗ୍ବକ୍ ଉରିଂଅଁ'ସେକ୍ ଜିସୁନ୍ବକ୍ ସୁସାପ୍ଡେଂକୁ । 30ମାତର୍ ଉଇଡାଗ'କୁନୁଂ ଜୁଲ'ସେକ୍ ମାଇ ଅବୁଦି ବୁତୁଂଗା' ମାରି ମାଇ ଲୁବ୍ଡାଗ୍ ଉଇଡେଂକୁ । ସା' ମାଇ “ଅ ପ୍ରବୁ, ଆନିଂ ରକ୍ୟା ଡେମ୍” ଡ'ସେକ୍ ଡକ୍ତି'ତା ଉକ୍ସେକ୍ ସୁନ' ।
31ସା' ଜିସୁଲା ଆଇ'କୁ ଆମାଇନା ତିତି ସବ'ସେକ୍ “ନ ଆନିଂ ବଲ୍ ବିସ୍ବାସ୍ ଆଡେମ୍ତୁନ; ମାସା' ନ ଡି'କେନା ଏତ୍କୁନଲେଇ?” ଡ'ସେକ୍ ସୁନ' ।
32ମାରି ମାଇପା ଡଂଗାବକ୍ ଡାଇ'ଗା'ସା' ଉଇଡାକ୍ ଗୁଲାଇ ତେପ୍ଗା' । 33ସା' ଡଂଗାବକ୍ ଡୁକୁନୁଂ ରେମଲେ ଗୁଲାଇର “ସତଇସା ନ ମାପ୍ରୁନା ଉଁ'ଉଁ” ଡ'ସେକ୍ ଆମାଇ ଏନ୍ଡିକ୍ସେକ୍ ସୁନ୍ଡ୍ରଗା' ।
ଗିନେସରତ୍ ଉଂଗମ୍ବକ୍ ଜିସୁଲା ଆସିରେମେ ବଲ୍ ଡିନ୍ଡେମ୍ଡେନ୍
(ମାର୍କ 6:53–56)
34ତିର୍ଗି' ଗୁତୁନ୍ ସମ୍ଦର୍କିନ୍ଡାକ୍ବକ୍ ପକ୍ସେକ୍ ମା'ଏ ଗୁଲାଇର ଗିନେସରତ୍ ଦେସ୍ବକ୍ ଡେଲ' । 35ସା' ଉଂଗମ୍ରେମ୍ ଗୁଲାଇର ଆଜିସୁଲା ସମଡ' । ସା' ମା'ଏ ଉନ୍ତୁ'ତ'ନାଂ ଡୁକୁନୁଂ ଆଗୁଲାଇ ଉଂଗମ୍ବକ୍ କବର୍ ବେନ୍ଟାୟ'ସା' ଆସିରେମେ ଅବୁଦିରବକ୍ ରେମଲେ ମାଇନ୍ବକ୍ ରିଂଅଁ' ସା'ଗା' । 36ମାରି ସିରେମେ ଆମାଇନା ସାକ୍ଡିଂସକାସା ଇ'କି ଆଲାମ୍ପୁଲେଇ ନ ସୁଁ ଡ'ସେକ୍ ସୁନ' । ମାରି ଆଲାମ'କୁନୁଂ ଗୁଲାଇ ରେମଲେ ବଲ୍ ଡେଂଗା' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0