ମାତିଉ 13
13
ବିବି'ରେମ୍ନା ଉ'ସୁରାମ୍
(ମାର୍କ 4:1–9; ଲୁକ 8:4–8)
1ଉନ୍ତ୍ଦିନ୍ ଜିସୁଲା ଡିଂଅଁକୁରୁଂ ତୁର୍ସେକ୍ ସମ୍ଦର୍କିନ୍ଡାକ୍ ପାଲି ଉଇସେକ୍ ଲେଇ'ଗା' । 2#ଲୁକ 5:1–3ସା' ଆତା ଅବୁଦି ରେମଲେ ମାଇନ୍ବକ୍ ରୁନ୍ଗା', ସା' ମାଇ ମୁଇ ଡଂଗାବକ୍ ଗାଇସେକ୍ ଲେଇ'ଗା' । ମାରି ରେମଲେ କିନ୍ଡାକ୍ପାଲି ତୁନ୍ତଆର୍କୁ । 3ସା' ଆଇ'ତୁନ୍ବେଲା ଜିସୁଲା ଆମା'ଏ ଅମାକ୍ପୁଲେଇ ଅବୁଦି ଉ'ସୁରାମ୍ ଉଡ'ସେକ୍ ସୁନ' । ମାଇ ମା ସୁନ' ଡ'ନା:
“ମୁଇନ୍ଡା ବିବି'ରେମ୍ ସୁମୁ ବିବି' ତୁର୍ଗା' । 4ସା' ମାଇ ବିବି'ବେଲା ଏନ୍ତୁକ୍ ସୁମୁ କୁରୁଂପାଲି ଲ'ଗା'। କୁରୁଂପାଲି ଲ'ଗା'ସା' ପୁରି'ସୁରଇ'ଏ ସାକ୍ସେକ୍ ଗୁତୁନା ସୁମ'ସୁଂଅଁ' । 5ମାରି ଏନ୍ତୁକ୍ ସୁମୁ ଇ'କିସୁଗ ତୁବୁକ୍ ଡୁକୁନୁଂ ବୁରେ ବାଗ୍ବକ୍ ଲ'ଗା' । ସା' ପରେକ୍ ତୁର୍ବି'ଗା' । 6ତୁର୍ବି'କୁନୁଂ ରେ'ଗି ବିତ୍ରେ ଗୁଗାଇ ଆଗଂତାସା' ଅବୁଦି ଞା'ବର୍ ବେଡ'ସା' ଆଇ'କୁ ଗୁଇ'ଉଇଗା' । 7ମାରି ଏନ୍ତୁକ୍ ସୁମୁ ଗୁରାଇ'କୁରିଂବକ୍ ଲ'ଗା' । ଗୁତୁନ୍ ତୁର୍ବିକ୍ସେ'ଗା ମୁନା' ଡେଂକୁନୁଂବେଲା ଗୁତୁନ୍ ଗୁରାଇ'କୁରିଂ ରେଡ'ସୁଂଅଁ' । 8ମାତର୍ ଏନ୍ତୁକ୍ ସୁମୁ ବାନିବାଇ' ତୁବୁକ୍ବକ୍ ଲଗ୍ସେକ୍ ଗିଲେସୁ'ଉଗା', ସା' ଗୁତୁନ୍ ସୁନୁମ୍ବ'ଗେବକ୍ ଗିଲେସୁ'ଉକ୍ସେକ୍ ସଏ ଗୁନ୍, ସାଟେ ଗୁନ୍ ମାରି ତିରିସ୍ ଗୁନ୍ସା ବାଂଗା'। 9ନିଂ ସୁନ'କୁନୁଂ ମା ଡ'ସେକ୍ ମାଗ୍ମାକ୍ପୁଲେଇ ଆପେ ମୁନ୍ ଡୁକୁନା ପେ ବଲ୍ ଅଂଅଁ'କୁଲା” ଡ'ସେକ୍ ଜିସୁଲା ସୁନ' ।
ମାପୁଲେଇ ଗୁତୁନ୍ ଉ'ସୁରାମ୍ ଉଡ'ନିଂ ଡ'ସେକ୍ ସୁଁସୁଡେନ୍
(ମାର୍କ 4:10–12; ଲୁକ 8:9–10)
10ସା' ମାଇନା ସିସ୍ୟଲେ ମାଇନ୍ବକ୍ ସାକ୍ସେକ୍ “ନ ମାସା' ଆରେମଲେ ଉ'ସୁରାମେ ଉଡ'ସେକ୍ ସୁଁସୁ ଡେନ୍ତୁନ?” ଡ'ସେକ୍ ଅ'ଗଁସ୍ଲା'ଗା' ।
11ସା' ଜିସୁଲା ଆମା'ଏ ସୁନ' “ସରଗ୍ରାଜି ମିବାଇ' ଡ'ସେକ୍ ରେମଲେ ମମୁନାକ୍ ଡୁକୁ । ଗୁତୁନ୍ ଆପେ ଅମାଗ'ତା ମାତର୍ ଆମା'ଏ ଆରାକ୍ । 12#ମାତିଉ 25:29; ମାର୍କ 4:25; ଲୁକ 8:18; 19:26ସା' ଆଜାଆଜା ନିଂନା ତୁମ' ଅଂପୁଲେଇ ମୁନ୍ ଡୁତା ଆମା'ଏ ମାରି ଅଦିକ୍ ମାଗ୍ମାକ୍ପୁଲେଇ ସାନ୍ଡୁଂତ, ସା' ଆମା'ଏ ଦର୍କାର୍ ଡୁକୁନୁଂକୁରୁଂ ମାରି ଅବୁଦି ବୁଦି ବାମ୍ତା । ମାତର୍ ଆଜାଆଜା ନିଂନା ତୁମ' ଅଂପୁଲେଇ ମୁନ୍ ଆଡୁତା ମା'ଏ ଇ'କିସୁଗ ମାଗ'କୁନୁଂସା ମା'ଏନ୍କୁରୁଂ ରିଂଅଁ' ଡୁଂତା । 13ଡୁ'ତୁନ୍ସା'ଉ ନିଂ ଆମା'ଏ ଉ'ସୁରାମେ ଉଡ'ସେକ୍ ସୁଁସୁ ଡେନ୍ତିଂ । ମାସା'ଡ'ନା,
‘ମା'ଏ ଜୁଲ'ନାସା ମଜୁନୁସୁଗ;
ମାରି ମା'ଏ ଅଂଅଁ'ନାସା ମଉନଂସୁଗ ଆରା'ଗେ ମମୁନାକ୍ସୁଗ ଡୁତା ।’
14ଇନ୍ତେକନ୍ଡେ'କା ମାପ୍ରୁନା ଉଲାକ୍ବକ୍ ଜିସାୟଲା ଡ'କୁନୁଂ ବାବବାଦିଲା ମା'ଏନ୍ ବିସୟ ଲେକ୍ଲ'କୁନୁଂ ଡି'କେନା ଆ'ନା ସତ୍ ଡେଂଗା' । ମାଇ ମା ଲେକ୍ଲ'ବୁଂଅଁ' ଡ'ନା:
‘ପେ ଅଂତୁପେ ମାତର୍ ଗୁତୁନା ମା ଡ'ସେକ୍ ଇନ୍ଡଇ'ଏସା ଆମାକ୍ତୁପେ ।
ପେ ଜୁତୁପେ ମାତର୍ ଗୁତୁନା ମା ଡ'ସେକ୍ ଆସମ'ତୁପେ ।’
15ମାସା'ଡ'ନା କେନ୍ ରେମଲେନା ଜିବନ୍ ଅବୁଦି ସୁଡଂବାଇ' ଡେଂଉଇଗା',
ସା' ମା'ଏ ଗା'ଡମ୍ ଅଂଅଁ'ତା,
ମାରି ମା'ଏ ମା'ଏନା ମ' କାନିକ୍ସୁଂଅଁ' ।
ଆରାକ୍ନା ମା'ଏ ମା'ଏନା ମ'ବୁରଂ ଜୁଜୁ ଗଂଆଁନା,
ଲୁନ୍ତୁର୍ବୁରଂ ଅଂ ଗଂଆଁନା,
ମାରି ମା'ଏନ୍ ଜିବନ୍ବକ୍ ବଲ୍ ମାଗ'ସେକ୍
ମା'ଏ ଡେମ'କୁନୁଂ ଗୁଲାଇ ପାପ୍କାମ୍ ଅଡକ୍ସୁଂଅଁ'ସେକ୍ ନିଂବକ୍ ଆନ୍ଡେଇଁ ଗଂଆଁନା ମାରି ନିଂ ଆମା'ଏ ବଲ୍ ଡେମ୍ନିଂ ।
16 #
ଲୁକ 10:23,24 ମାତର୍ ପେ ଜୁଜୁ ଗଂଗୁତୁପେ ମାରି ଅଂ ଗଂଗୁତୁପେ ସା' ପେ ଅବୁଦି କପାଲ୍ବାଇ' ରେମଲେ । 17ମାସା'ଡ'ନା ପେ ମାମା ଆ'ନା ଜୁଲ'ତୁପେ ମାରି ଅଂଅଁ'ତୁପେ ଗୁତୁନ୍ ଜୁଜୁପୁଲେଇ ମାରି ଅଂପୁଲେଇ ଇନ୍ତେକନ୍ଡେକ୍ ବାବବାଦିଲେ ମାରି ମାପ୍ରୁ ଜୁଲ'ନା ବଲ୍ ଡ'କୁନୁଂ ରେମଲେ ଅବୁଦି ମୁନ୍ଡେଂକୁ ମାତର୍ ମା'ଏ ଜୁଜୁ ଆଗଂତା ମାରି ଅଂ ଆଗଂତା ଡ'ସେକ୍ ନିଂ ଆପେ ସତଇସା ସୁନ'ତିଂ ।”
ସୁମୁ ବିବି'ରେମ୍ନା ଉ'ସୁରାମ୍ନା ଅର୍ତ ସୁଁସୁଡେନ୍
(ମାର୍କ 4:13–20; ଲୁକ 8:11–15)
18“ସା' ଆ'ନା ଗୁତୁନ୍ ସୁମୁ ବିବି'ରେମ୍ନା ଉ'ସୁରାମ୍ନା ଅର୍ତ ମା ଡ'ସେକ୍ ନିଂ ସୁନ୍ତିଂ, ଗୁତୁନ୍ ପେ ଅଂ: 19ମାପ୍ରୁନା ରାଜିନା ବଲ୍କବର୍ ଅଂଅଁ'ସେକ୍ ଜା ଗୁତୁନ୍ ବଲ୍ ମାଗ୍ମାକ୍ ଆଗଂତା ମାଇ କୁରୁଂପାଲି ଲ'କୁନୁଂ ସୁମୁସୁଗ ଡୁତା । ସଇତାନ୍ ସାକ୍ସେକ୍ ମାଇ ଅଂଅଁ'କୁନୁଂ ଗୁତୁନ୍ ବଲ୍କବର୍ ମାଇନା ଜିବନ୍କୁରୁଂ ରିଂଅଁ' ଡୁଂତା । 20ବୁରେବାଇ' ଡୁକୁନୁଂ ତୁବୁକ୍ବକ୍ ଲ'କୁନୁଂ ସୁମୁ ମା ଡ'ନା, ଜା ମାପ୍ରୁନା ତୁମ' ଅଂଅଁ'ସେକ୍ ଆଇ'କୁ ସାର୍ଦାକୁସି ଡେଂସେକ୍ ମାଇନା ଜିବନ୍ବକ୍ ଗୁତୁନ୍ ବୁଂତ ଡୁ'ତୁନ୍ବାଇ' ରେମସୁଗ ମାଇ ଡୁତା । 21ମାତର୍ ଗୁତୁନ୍ ତୁମ' ମାଇନା ଜିବନ୍ ବିତ୍ରେ ବଲ୍ ଆଗାଇତାସା' ମାଇ ଅବୁଦି ଦିନ୍ ଡୁ'ତୁନ୍ଉ ସାର୍ଦାକୁସି ଡେଂସେକ୍ ଡୁକୁ ଆଗଂତା । ସା' ଆମାଇ ମାମା ଦୁକକସ୍ଟ ସାକ୍ନା ମାରି ମାଇ ମାପ୍ରୁନା ବଲ୍କବର୍ ବିସ୍ବାସ୍ ଡେମ'ତାସା' ମାଇନା ଜିବନ୍ବକ୍ ରେମଲେ କସ୍ଟ ବେଡ'ନା ମାଇ ଆମାପ୍ରୁ ଆଇ'କୁ ଅନ୍ତୁର'ଡୁଂତା । 22ଗୁରାଇ'କୁରିଂବକ୍ ଲ'କୁନୁଂ ସୁମୁ ମା ଡ'ନା ଜାଜା ମାପ୍ରୁନା ତୁମ' ଅଂତ ମାତର୍ ଗୁତୁନ୍ ଗୁରାଇ' ଆତୁନ୍ ସୁମୁ ତୁର୍ବିକୁନୁଂ ଜିରାୟ'ସୁଂଅଁ'କୁନୁଂସୁଗ ମା'ଏନ୍ ଜିବନ୍ବକ୍ ବେର୍ ମାର୍ତକ୍ ମା ସୁମ'ବୁରତୁନେଇ ମାରି ମି ଡୁତୁନେଇ ଡ'ସେକ୍ ଡି'କେନ୍ବାଇ' କେନ୍ ଦେସ୍ଦୁନିଆନା ଗୁଲାଇ ପାଲ୍ପାଲ୍ ଏତ୍ ସାପ୍ତାସା' ମା'ଏ ଅଂଅଁ'କୁନୁଂ ଗୁତୁନ୍ ବଲ୍କବର୍ ମା'ଏନ୍ ଜିବନ୍ବକ୍ କାମ୍ ଡିନ୍ଡେମ୍ ଆଗଂତା, ସା' ମା'ଏ ବଲ୍କାମ୍ ଡେମ' ଡୁକୁ ଆଗଂତା । 23ମାତର୍ ବଲ୍ ତୁବୁକ୍ବକ୍ ଲ'କୁନୁଂ ସୁମୁ ମା ଡ'ନା ଜାଜା ମାପ୍ରୁନା ତୁମ' ଅଂଅଁ'ତା ମାରି ଗୁତୁନ୍ ବଲ୍ ମାଗ'ତା ଡୁ'ତୁନ୍ବାଇ' ରେମସୁଗ ଡୁତା । ମା'ଏ ମା'ଏନ୍ ଜିବନ୍ବକ୍ ବଲ୍କାମ୍ଉ ଡେମ'ସେ'ଗା ଡୁତା । ସା' ଗୁତୁନ୍ ସୁନୁମ୍ବ'ଗେବକ୍ ଗିଲେସୁ'ଉକ୍ସେକ୍ ସଏ ଗୁନ୍, ସାଟେ ଗୁନ୍ ମାରି ତିରିସ୍ ଗୁନ୍ଲେ'କା ବାଂକୁନୁଂସୁଗ ମା'ଏ ଡୁତା ।”
କିରେଇଁଏନା ଉ'ସୁରାମ୍
24ଜିସୁଲା ଆମା'ଏ ଅମାକ୍ପୁଲେଇ ମାରି ମୁଇ ଉ'ସୁରାମ୍ ଉଡ' । ମାଇ ସୁନ': “ସରଗ୍ରାଜି ମିବାଇ' ଡ'ନା ମୁଇନ୍ଡା ରେମ ବଲ୍ଟା ସୁମୁ ମାଇନା ବୁରଂବକ୍ ବିଡ'କୁନୁଂସୁଗ ଡୁତା । 25ମାତର୍ ତୁମୁଂଗ ଗୁଲାଇର ଲେମ'କୁନୁଂବେଲା ମାଇନା ଦାଇରେମ୍ ସାକ୍ସେକ୍ ଗୁତୁନ୍ ଗମ୍ ବିଡ'କୁନୁଂବକ୍ କିରେଇଁଏନା ସୁମୁ ବିଡ'ସେକ୍ ଡୁଂଗା' । 26ସା' ଗୁତୁନ୍ ଗମ୍ ତୁର୍ବିକ୍ସେକ୍ ଗିଲେସୁ'ଉବେଲା ଗୁତୁନ୍ କିରେଇଁଏସା ତୁର୍ଗା' ।”
27ସା' ଗୁତୁନ୍ ସାକାର୍ନା ଗୁପାମ୍ରେମେ ମାଇନ୍ବକ୍ ଉଇସେକ୍ ସୁନ' “ଅ ବାବୁ, ନନା ବୁରଂବକ୍ ନ ବଲ୍ଟା ସୁମୁଉ ବିଡ'ନକି ଆରାକ୍? ଆ'ନା ଗୁତୁନ୍ କିରେଇଁଏ ଗୁଲାଇ ଇମ୍ବ'କୁରୁଂ ସା'ଗା'?” ଡ'ସେକ୍ ସୁନ' । 28ସା' ମାଇ ଆମା'ଏ “ମୁଇନ୍ଡା ଦାଇରେମ୍ ଡୁ'ତୁନା ଡେମ'ତା” ଡ'ସେକ୍ ସୁନ' । ସା' ଗୁପାମ୍ରେମେ ଆମାଇ “ନେଇ ଉଇସେକ୍ ଗୁତୁନ୍ କିରେଇଏଁ ଗୁଲାଇ ଡୁଗ' ଅଡକ୍ସୁଂ ଡ'ସେକ୍ ନ ଏତ୍ଗୁତୁନ ଇ?” ଡ'ସେକ୍ ଅ'ଗଁସ୍ଲା'ଗା' । 29ସା' “ଆରାକ୍, ପେ କିରେଇଁଏ ଡୁକ୍ଡୁକ୍ବେଲା ଗମ୍ସା ଗୁତୁନ୍ବୁରଂ ଡୁକ୍ଉଇତା । 30ସା' ଅଇ' ସିସି'ପନ୍ତେ'କା ଇମ୍ବାରୁ ମିସ୍ସେକ୍ ମୁନାଡେଇ' । ଉନ୍ତା ଅଇ'ସିସି'ବେଲା ନିଂ ଅଇ'ରେମେବକ୍ ମୁଲ୍ କିରେଇଁଏ ଡୁଗ'ସେକ୍ ତୁପାଗ' ବାଲ'ସୁଂ ତିର୍ଗି' ଗୁତୁନ୍ ଗମ୍ ଅୟ'ସେକ୍ ନିଂନା ରାଂଡାଗ୍ବକ୍ ବୁଂ ଡ'ସେକ୍ ନିଂ ସୁନ୍ତିଂ” ଡ'ସେକ୍ ସୁନ' ।
ସର୍ସୁ ମନ୍ଜିନା ଉ'ସୁରାମ୍
(ମାର୍କ 4:30–32; ଲୁକ 13:18–19)
31ଜିସୁଲା ଆମା'ଏ ଅମାକ୍ପୁଲେଇ ମାରି ମୁଇ ଉ'ସୁରାମ୍ ଉଡ' । ମାଇ ସୁନ: ସରଗ୍ରାଜି ମିବାଇ' ଡ'ନା ମୁଇନ୍ଡା ରେମ ମାଇନା ଜମିବକ୍ ସର୍ସୁ ମନ୍ଜି ଜୁଗ'ସେକ୍ ଉନ'କୁନୁଂସୁଗ ଡୁତା । 32ଗୁତୁନ୍ ଗୁଲାଇ ମନ୍ଜିନ୍କୁରୁଂ ଅବୁଦି ଡାଉ । ମାତର୍ ଗୁତୁନ୍ ମୁନା'ଗା' ଡ'ନା ଡିନ୍ଜାବୁର୍ବକ୍ ଡୁକୁନୁଂ ଗୁଲାଇ ସୁଲ'ବେନ୍କୁରୁଂ ଅବୁଦି ମୁନା'ବାଇ' ସୁଲପ୍ ଡେନ୍ତା । ସା' ଆତା ପୁରି'ସୁରଇ'ଏ ସାକ୍ସେକ୍ ଗୁତୁନ୍ କେନ୍ଡାଲେବକ୍ ଇନ୍ସାକ୍ତ ।
କମିର୍ନା ଉ'ସୁରାମ୍
(ଲୁକ 13:20–21)
33ଜିସୁଲା ଆମା'ଏ ଅମାକ୍ପୁଲେଇ ମାରି ମୁଇ ଉ'ସୁରାମ୍ ଉଡ' । ମାଇ ସୁନ': ସରଗ୍ରାଜି ମିବାଇ' ଡ'ନା, ମୁଇନ୍ଡା ସେଲାନ୍ଲା ରୁଟି ଅ'ରଇଁପୁଲେଇ ମୁଇ ମୁନା'ବାଇ' ତାଲିବକ୍ ତିନ୍ଟା କୁଁନ୍ସ ତର୍ଲା' ଜୁଗ'ସେକ୍ ଆତୁନ୍ ଗୁଲାଇ ତର୍ଲା' ଅ'ପୁଲ୍ପୁଲେଇ ମାୟ'କୁନୁଂ ଗୁତୁନ୍ ଇ'କି କମିର୍ସୁଗ ମାପ୍ରୁନା ରାଜି ଡୁତା ।
ଉ'ସୁରାମେ ମାପୁଲେଇ ଡ'ସେକ୍ ସୁଁସୁଡେନ୍
(ମାର୍କ 4:33–34)
34ଆରେମଲେ ଅମାକ୍ପୁଲେଇ ଜିସୁଲା ଡି'କେନା ଉ'ସୁରାମ୍ ଉଡ'ସେ'ଗାଉ ଅମାଗ'କୁ । ଡୁ'ତୁନ୍ଉ ଉ'ସୁରାମ୍ ମଉନୁ' ମାଇ ଆରେମଲେ ମାଏସା ଅମାଗ' ଆଡୁତା । 35ମାଇ ଡି'କେନ୍ ଡେମ'ସା' ବାବବାଦି ଇନ୍ତେକନ୍ଡେକ୍ ସୁନ'କୁନୁଂ ଆ'ନା ସତ୍ ଡେଂଗା' । ମାଇ ମା ଡ' ସୁନ'କୁ ଡ'ନା:
“ନିଂ ଆପେ ସୁଁସୁବେଲା ଉ'ସୁରାମ୍ ଉଡ'ସେକ୍ ସୁନ୍ତିଂ,
ଦେସ୍ଦୁନିଆ ଅ'ରଇଁବେଲାବାଂସା' ରେମଲେ ଜାଏସା ମମୁନାକ୍ ଡୁକୁନୁଂ ଗୁଲାଇ ନିଂ ଆପେ ସୁନ୍ତିଂ ।”
କିରେଇଁଏନା ଉ'ସୁରାମ୍ନା ଅର୍ତ ସୁଁସୁଡେନ୍
36ତିର୍ଗି' ଜିସୁଲା ଆରେମଲେ ଅନ୍ତୁର'ସେକ୍ ଡିଂଅଁବକ୍ ଗାଇଗା' । ସା' ମାଇନା ସିସ୍ୟଲେ ମାଇନ୍ବକ୍ ସାକ୍ସେକ୍ “ଗୁତୁନ୍ ବୁରଂବକ୍ ବିଡ'କୁନୁଂ କିରେଇଁଏନା ଉ'ସୁରାମ୍ନା ଅର୍ତ ମା ଡ'ସେକ୍ ଆନେଇ ନ ବାନି ଅମାଗ'ବେ'” ଡ'ସେକ୍ ସୁନ' ।
37ସା' ଜିସୁଲା ଆମା'ଏ ସୁନ' “ଗୁତୁନ୍ ବାନିବାଇ' ସୁମୁ ବିଡ'କୁନୁଂ ରେମ ଜା ଡ'ନା ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ । 38ଗୁତୁନ୍ ବିଡ'କୁନୁଂ ବୁରଂ ମା ଡ'ନା କେନ୍ ଦେସ୍ଦୁନିଆ । ବାନିବାଇ' ସୁମୁ ମା ଡ'ନା ମାପ୍ରୁନା ମୁନ୍ସୁଗ ଡୁକୁକ୍ସେକ୍ ମାପ୍ରୁନା ରାଜିବକ୍ ଉଇଡେଂକୁନୁଂ ରେମଲେ । ମାରି ଗୁତୁନ୍ କିରେଇଁଏ ମା ଡ'ନା ସଇତାନ୍ନା ମୁନ୍ସୁଗ ଉଇଡେଂକୁନୁଂ ରେମଲେ । 39ଇମ୍ବ'ନ୍ ଦାଇରେମ୍ କିରେଇଁନା ସୁମୁ ବିଡ'ବୁଂଅଁ' ମାଇ ଜା ଡ'ନା ସଇତାନ୍ । ଅଇ'ସିସି'ନା ମା ଡ'ନା କେନ୍ ଦେସ୍ଦୁନିଆ ଗୁଲାଇ ଡୁନନ୍ଡମ୍ବେଲା ମାରି ଅଇ'ରେମେ ଜା ଡ'ନା ସରଗ୍ନା ଦୁତଲେ ।”
40“ଆକିରେଇଁଏ ଡୁଗ'ସେକ୍ ସୁଂଅଁବକ୍ ବାଲ'ସୁଂସୁଂସୁଗ ଦେସ୍ଦୁନିଆ ଗୁଲାଇ ଡୁନନ୍ଡମ୍ବେଲାସା ଡୁ'ତୁନା ଡେନ୍ତା 41ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ, ଆମାଇନା ଦୁତଲେ ବେନ୍ଟାୟ'ସେକ୍ ଜାଜା ପାପ୍କାମ୍ ଅ'ଡେମ'ସେକ୍ ମାରି ଅଲିରାକ୍ବାଇ'କାମ୍ ଡେମ'ସେକ୍ ଡୁତା ଆମା'ଏ ଆଗୁଲାଇର ମାଇନା ରାଜିକୁରୁଂ ଅ'ତୁର'ସେକ୍ ରୁନ୍ଡାଇତ । 42ରୁନ୍ଡାୟ'ସେକ୍ ମା'ଏ ଆମା'ଏ ଗର୍ଜାୟ'କୁନୁଂ ସୁଂଅଁବକ୍ ରାନ୍ଡେଲ' ବେ'ତ । ଆତା ରେମଲେ ଅବୁଦି ଉକ୍ସେ'ୱାଇସେକ୍ସେକ୍ ଗେନ୍ଡ୍ରେଇ'ସି ଗେନ୍ଡ୍ରେଇ'ବକ୍ସେକ୍ ଡୁତା । 43ମାରି ଜାଜା ଦରମ୍ବାଇ' ରେମଲେ ଡୁତା ମା'ଏ ବାଡେଇଁନା ରାଜିବକ୍ ସିଂଇଁସୁଗ ତାର୍ତା । ନିଂ ସୁନ'କୁନୁଂ ମା ଡ'ସେକ୍ ମାଗ୍ମାକ୍ପୁଲେଇ ଆପେ ମୁନ୍ ଡୁକୁନା ପେ ବଲ୍ ଅଂଅଁ'କୁଲା ।”
ଆତିଲ'ବୁଂଅଁ'କୁନୁଂ ସୁନାବାନାଲେନା ଉ'ସୁରାମ୍
44“ସରଗ୍ରାଜି ମିବାଇ' ଡ'ନା ମୁଇ ଜମିବକ୍ ଆତିଲ'ବୁଂଅଁ'କୁନୁଂ ସୁନାବାନାଲେସୁଗ । ମୁଇନ୍ଡା ରେମ ଗୁତୁନ୍ ଜୁଲ'ସେକ୍ ମାରି ଆତାଉ ଆତିଲ'ସୁଂଅଁ' । ମାରି ଆମାଇ ଅବୁଦି ସାର୍ଦା ଡେଂଗା'ସା' ମାଇ ଉଇସେକ୍ ମାଇନା ଗୁଲାଇ ଦନ୍ସମ୍ପତି ସୁଂଅଁ'ସେକ୍ ଗୁତୁନ୍ ଜମି ମାଇ ସବ' ।”
ମୁକ୍ତା ଡ'କୁନୁଂ ଅବୁଦି ଦାମ୍ବାଇ' ବୁରେନା ଉ'ସୁରାମ୍
45ମାରି ସରଗ୍ରାଜି ମିବାଇ' ଡ'ନା ମୁଇନ୍ଡା ବେବାର୍ରେମ୍ ମୁକ୍ତା ଡ'କୁନୁଂ ଅବୁଦି ଦାମ୍ବାଇ' ମୁକ୍ତା ତୁର'କୁନୁଂସୁଗ । 46ମାଇ ଅବୁଦି ଦାମ୍ବାଇ'ନା ମୁଇ ମୁକ୍ତା ଜୁଲ'ସେକ୍ ମାଇ ମାଇନା ଗୁଲାଇ ଦନ୍ସମ୍ପତି ସୁଂଅଁ'ସେକ୍ ଗୁତୁନ୍ ମୁକ୍ତା ସବ' ।
ଜାଲ୍ନା ଉ'ସୁରାମ୍
47ମାରି ସରଗ୍ରାଜି ମିବାଇ' ଡ'ନା ମୁଇ ଜାଲ୍ ସମ୍ଦର୍କିନ୍ଡାକ୍ବକ୍ ରାନ୍ଡେଲ'ସା' ଅବୁଦି ପାଲ୍ପାଲ୍ବାଇ'ନା ଆ'ଡଂଏଁ ଗୁତୁନ୍ବକ୍ ବାଂକୁନୁଂସୁଗ । 48ଗୁତୁନ୍ ଜାଲ୍ବକ୍ ଆ'ଡଂଏଁ ବର୍ତି ଡେଂଗା'ସା' ଜୁକ୍ଜାଲ୍ରେମେ ଗୁତୁନ୍ ଜାଲ୍ କିନ୍ଡାକ୍ପାଲି ୱାନ'ରିଂଅଁ' । ମାରି ମା'ଏ ଲେଇ'ସେକ୍ ବଲ୍ବଲ୍ବାଇ' ଆ'ଡଂ ସିରେଲ'ସେକ୍ ଡାମୁଂବକ୍ ବର୍ତି ଡେମ' ମାରି ଅଲିରାକ୍ବାଇ'ନା ଆ'ଡଂଏଁ ଅଡକ୍ସୁଂଅଁ' । 49କେନ୍ ଦେସ୍ଦୁନିଆ ଗୁଲାଇ ଡୁନନ୍ଡମ୍ବେଲାସା ଡୁ'ତୁନାଉ ଡେନ୍ତା । ମି ଡେନ୍ତା ଡ'ନା: ସରଗ୍ନା ଦୁତଲେ ସାକ୍ସେକ୍ ମାପ୍ରୁ ଜୁଲ'ନା ବଲ୍ ଡ'କୁନୁଂ ରେମଲେନ୍କୁରୁଂ ଅଲିରାକ୍ବାଇ' କାମ୍ ଡେମ'ସେକ୍ ଡୁକୁନୁଂ ରେମଲେବକ୍ ପାଲ୍ ଡେମ୍ତ । 50ପାଲ୍ ଡେମ'ସେକ୍ ଆମା'ଏ ଗର୍ଜାଇକୁନୁଂ ସୁଂଅଁବକ୍ ରାନ୍ଡେଲ' ବେ'ତ । ଆତା ରେମଲେ ଅବୁଦି ଉକ୍ସେ'ୱାଇସେକ୍ସେକ୍ ଗେନ୍ଡ୍ରେଇ'ସି ଗେନ୍ଡ୍ରେଇ'ବକ୍ତା ।
51ମାରି ଜିସୁଲା ଆମାଇନା ସିସ୍ୟଲେ “ପେ କେନ୍ ଗୁଲାଇନା ଅର୍ତ ମାଗ'ପେ ଇ?” ଡ'ସେକ୍ ଅ'ଗଁସ୍ଲା'ଗା'ସା'
ମା'ଏ “ଅଁ'ଅଁ, ନେଇ ମାଗ'ନେଇ” ଡ'ସେକ୍ ସୁନ' ।
52ସା' ଜିସୁଲା ମାରି ଆମା'ଏ ସୁନ' “ଡୁ'ତୁନ୍ସା' ଆରେମଲେ ନିୟମ୍ ଅମାଗ'କୁନୁଂ ମୁଇନ୍ଡା ରେମ ସରଗ୍ରାଜିନା ବିସୟ ମାଗ'କୁନୁଂ ସିସ୍ୟ ଏଗୁତା ଡ'ନା ମାଇ ଗୁଲାଇ ଜିନିସ ବୁଂବୁଂନା ମୁଇ ଡିଂଅଁନା ସାକାର୍ସୁଗ ଡୁତା । ଗୁତୁନ୍ ସାକାର୍ ମାଇନା ଡିଂଅଁବକ୍ ଗୁଲାଇ ଜିନିସ ବୁଂବୁଂନା ଗୁତୁନ୍ ଡିଂଅଁକୁରୁଂ ଅବୁଦି ଦାମ୍ବାଇ'ନା ତିମେବାଇ' ମାରି ବାୟୁର୍ବାଇ' ଜିନିସ ବାଇରି ଅ'ତୁର୍ତ ।”
ନାଜରିତ୍ ଉଂଗମ୍ବକ୍ ରେମଲେ ଆଜିସୁଲା ବଲ୍ ଆଜୁତ
(ମାର୍କ 6:1–6; ଲୁକ 4:16–30)
53କେନ୍ ଉ'ସୁରାମେ ଗୁଲାଇ ସୁଁସୁ ଅ'ଡମ'ସେକ୍ ଜିସୁଲା ଉନ୍ତ୍କୁରୁଂ ଡୁଂଗା' । 54ମାଇ ମାଇନା ନିଜର୍ନା ଉଂଗମ୍ବକ୍ ସାକ୍ସେକ୍ ମା'ଏନା ପାର୍ତନା ଡିଂଅଁବକ୍ ଆରେମଲେ ଅମାକ୍ ମୁଲାୟ' । ସା' ରେମଲେ ମାଇ ସୁନ'କୁନୁଂ ଅଂଅଁ'ସେକ୍ କାବାକାବା ଡେଂଉଇଆର୍ଗା' । ମାରି ମା'ଏ ସୁନ' “ଆମାଇ କେନ୍ ବୁଦିଗିୟାନ୍ ମାରି କାବାକାବା ଡିନ୍ଡେମ୍ବାଇ' କାମ୍ ଡିନ୍ଡେମ୍ନା ବପୁ ଗୁଲାଇ ଇମ୍ବ'କୁରୁଂ ବାଂଗା'? 55ମାଇ ଗୁତୁନ୍ ବାଡାଇନା ଉଁ'ଉଁ ଆରାକ୍ ଇ? ମାଇନା ୟଂନା ଇମି ମରିୟମ୍ ମାରି ମାଇନା ବୁୟାଂଏଁନା ଇମି ଜାକୁବ୍, ଜସେପ୍, ସିମନ୍ ମାରି ଜିଉଦା ଡ'କୁନୁଂଏଁ ଆରାକ୍ ଇ? 56ମାଇନା ତୁନାଲେସା ଆକେ ନେ'ନ୍ ଉଂଗମ୍ବକ୍ ଡୁତା କି ଆରାକ୍? ଡୁ'ତୁନ୍ ଡ'ନା ଆମାଇ କେନ୍ ଗୁଲାଇ ଇମ୍ବ'କୁରୁଂ ବାଂଗା'?” ଡ'ସେକ୍ ସୁନ' । 57#ଜଅନ୍ 4:44ମା'ଏ ଡୁ'ତୁନ୍ଉ ଅବୁଦି ଗିସେକ୍ସେକ୍ ଆମାଇ ବିସ୍ବାସ୍ ଆଡେମ୍ତ ।
ମାତର୍ ଜିସୁଲା ଆମା'ଏ ସୁନ' “ଆମୁଇନ୍ଡା ବାବବାଦିଲା ମାଇନା ନିଜର୍ନା ଉଂଗମ୍ରେମେ ମାରି ନିଜର୍ନା ଡିଂଅଁନ୍ରେମେଉ ବଲ୍ ଆଜୁତ ମାତର୍ ପାଲ୍ ଆମ୍ବ' ଆମ୍ବ' ଉଇନା ଆମାଇ ରେମଲେ ବଲ୍ ଜୁତ ।”
58ମାରି ମାଇନା ଉଂଗମ୍ରେମ୍ ଆମାଇ ବିସ୍ବାସ୍ ଆଡେମ୍ତସା' ମାଇ ଆତା କାବାକାବା ଡିନ୍ଡେମ୍ବାଇ' ମାଏସା କାମ୍ ଆଡେମ୍ତ ।
Currently Selected:
ମାତିଉ 13: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ମାତିଉ 13
13
ବିବି'ରେମ୍ନା ଉ'ସୁରାମ୍
(ମାର୍କ 4:1–9; ଲୁକ 8:4–8)
1ଉନ୍ତ୍ଦିନ୍ ଜିସୁଲା ଡିଂଅଁକୁରୁଂ ତୁର୍ସେକ୍ ସମ୍ଦର୍କିନ୍ଡାକ୍ ପାଲି ଉଇସେକ୍ ଲେଇ'ଗା' । 2#ଲୁକ 5:1–3ସା' ଆତା ଅବୁଦି ରେମଲେ ମାଇନ୍ବକ୍ ରୁନ୍ଗା', ସା' ମାଇ ମୁଇ ଡଂଗାବକ୍ ଗାଇସେକ୍ ଲେଇ'ଗା' । ମାରି ରେମଲେ କିନ୍ଡାକ୍ପାଲି ତୁନ୍ତଆର୍କୁ । 3ସା' ଆଇ'ତୁନ୍ବେଲା ଜିସୁଲା ଆମା'ଏ ଅମାକ୍ପୁଲେଇ ଅବୁଦି ଉ'ସୁରାମ୍ ଉଡ'ସେକ୍ ସୁନ' । ମାଇ ମା ସୁନ' ଡ'ନା:
“ମୁଇନ୍ଡା ବିବି'ରେମ୍ ସୁମୁ ବିବି' ତୁର୍ଗା' । 4ସା' ମାଇ ବିବି'ବେଲା ଏନ୍ତୁକ୍ ସୁମୁ କୁରୁଂପାଲି ଲ'ଗା'। କୁରୁଂପାଲି ଲ'ଗା'ସା' ପୁରି'ସୁରଇ'ଏ ସାକ୍ସେକ୍ ଗୁତୁନା ସୁମ'ସୁଂଅଁ' । 5ମାରି ଏନ୍ତୁକ୍ ସୁମୁ ଇ'କିସୁଗ ତୁବୁକ୍ ଡୁକୁନୁଂ ବୁରେ ବାଗ୍ବକ୍ ଲ'ଗା' । ସା' ପରେକ୍ ତୁର୍ବି'ଗା' । 6ତୁର୍ବି'କୁନୁଂ ରେ'ଗି ବିତ୍ରେ ଗୁଗାଇ ଆଗଂତାସା' ଅବୁଦି ଞା'ବର୍ ବେଡ'ସା' ଆଇ'କୁ ଗୁଇ'ଉଇଗା' । 7ମାରି ଏନ୍ତୁକ୍ ସୁମୁ ଗୁରାଇ'କୁରିଂବକ୍ ଲ'ଗା' । ଗୁତୁନ୍ ତୁର୍ବିକ୍ସେ'ଗା ମୁନା' ଡେଂକୁନୁଂବେଲା ଗୁତୁନ୍ ଗୁରାଇ'କୁରିଂ ରେଡ'ସୁଂଅଁ' । 8ମାତର୍ ଏନ୍ତୁକ୍ ସୁମୁ ବାନିବାଇ' ତୁବୁକ୍ବକ୍ ଲଗ୍ସେକ୍ ଗିଲେସୁ'ଉଗା', ସା' ଗୁତୁନ୍ ସୁନୁମ୍ବ'ଗେବକ୍ ଗିଲେସୁ'ଉକ୍ସେକ୍ ସଏ ଗୁନ୍, ସାଟେ ଗୁନ୍ ମାରି ତିରିସ୍ ଗୁନ୍ସା ବାଂଗା'। 9ନିଂ ସୁନ'କୁନୁଂ ମା ଡ'ସେକ୍ ମାଗ୍ମାକ୍ପୁଲେଇ ଆପେ ମୁନ୍ ଡୁକୁନା ପେ ବଲ୍ ଅଂଅଁ'କୁଲା” ଡ'ସେକ୍ ଜିସୁଲା ସୁନ' ।
ମାପୁଲେଇ ଗୁତୁନ୍ ଉ'ସୁରାମ୍ ଉଡ'ନିଂ ଡ'ସେକ୍ ସୁଁସୁଡେନ୍
(ମାର୍କ 4:10–12; ଲୁକ 8:9–10)
10ସା' ମାଇନା ସିସ୍ୟଲେ ମାଇନ୍ବକ୍ ସାକ୍ସେକ୍ “ନ ମାସା' ଆରେମଲେ ଉ'ସୁରାମେ ଉଡ'ସେକ୍ ସୁଁସୁ ଡେନ୍ତୁନ?” ଡ'ସେକ୍ ଅ'ଗଁସ୍ଲା'ଗା' ।
11ସା' ଜିସୁଲା ଆମା'ଏ ସୁନ' “ସରଗ୍ରାଜି ମିବାଇ' ଡ'ସେକ୍ ରେମଲେ ମମୁନାକ୍ ଡୁକୁ । ଗୁତୁନ୍ ଆପେ ଅମାଗ'ତା ମାତର୍ ଆମା'ଏ ଆରାକ୍ । 12#ମାତିଉ 25:29; ମାର୍କ 4:25; ଲୁକ 8:18; 19:26ସା' ଆଜାଆଜା ନିଂନା ତୁମ' ଅଂପୁଲେଇ ମୁନ୍ ଡୁତା ଆମା'ଏ ମାରି ଅଦିକ୍ ମାଗ୍ମାକ୍ପୁଲେଇ ସାନ୍ଡୁଂତ, ସା' ଆମା'ଏ ଦର୍କାର୍ ଡୁକୁନୁଂକୁରୁଂ ମାରି ଅବୁଦି ବୁଦି ବାମ୍ତା । ମାତର୍ ଆଜାଆଜା ନିଂନା ତୁମ' ଅଂପୁଲେଇ ମୁନ୍ ଆଡୁତା ମା'ଏ ଇ'କିସୁଗ ମାଗ'କୁନୁଂସା ମା'ଏନ୍କୁରୁଂ ରିଂଅଁ' ଡୁଂତା । 13ଡୁ'ତୁନ୍ସା'ଉ ନିଂ ଆମା'ଏ ଉ'ସୁରାମେ ଉଡ'ସେକ୍ ସୁଁସୁ ଡେନ୍ତିଂ । ମାସା'ଡ'ନା,
‘ମା'ଏ ଜୁଲ'ନାସା ମଜୁନୁସୁଗ;
ମାରି ମା'ଏ ଅଂଅଁ'ନାସା ମଉନଂସୁଗ ଆରା'ଗେ ମମୁନାକ୍ସୁଗ ଡୁତା ।’
14ଇନ୍ତେକନ୍ଡେ'କା ମାପ୍ରୁନା ଉଲାକ୍ବକ୍ ଜିସାୟଲା ଡ'କୁନୁଂ ବାବବାଦିଲା ମା'ଏନ୍ ବିସୟ ଲେକ୍ଲ'କୁନୁଂ ଡି'କେନା ଆ'ନା ସତ୍ ଡେଂଗା' । ମାଇ ମା ଲେକ୍ଲ'ବୁଂଅଁ' ଡ'ନା:
‘ପେ ଅଂତୁପେ ମାତର୍ ଗୁତୁନା ମା ଡ'ସେକ୍ ଇନ୍ଡଇ'ଏସା ଆମାକ୍ତୁପେ ।
ପେ ଜୁତୁପେ ମାତର୍ ଗୁତୁନା ମା ଡ'ସେକ୍ ଆସମ'ତୁପେ ।’
15ମାସା'ଡ'ନା କେନ୍ ରେମଲେନା ଜିବନ୍ ଅବୁଦି ସୁଡଂବାଇ' ଡେଂଉଇଗା',
ସା' ମା'ଏ ଗା'ଡମ୍ ଅଂଅଁ'ତା,
ମାରି ମା'ଏ ମା'ଏନା ମ' କାନିକ୍ସୁଂଅଁ' ।
ଆରାକ୍ନା ମା'ଏ ମା'ଏନା ମ'ବୁରଂ ଜୁଜୁ ଗଂଆଁନା,
ଲୁନ୍ତୁର୍ବୁରଂ ଅଂ ଗଂଆଁନା,
ମାରି ମା'ଏନ୍ ଜିବନ୍ବକ୍ ବଲ୍ ମାଗ'ସେକ୍
ମା'ଏ ଡେମ'କୁନୁଂ ଗୁଲାଇ ପାପ୍କାମ୍ ଅଡକ୍ସୁଂଅଁ'ସେକ୍ ନିଂବକ୍ ଆନ୍ଡେଇଁ ଗଂଆଁନା ମାରି ନିଂ ଆମା'ଏ ବଲ୍ ଡେମ୍ନିଂ ।
16 #
ଲୁକ 10:23,24 ମାତର୍ ପେ ଜୁଜୁ ଗଂଗୁତୁପେ ମାରି ଅଂ ଗଂଗୁତୁପେ ସା' ପେ ଅବୁଦି କପାଲ୍ବାଇ' ରେମଲେ । 17ମାସା'ଡ'ନା ପେ ମାମା ଆ'ନା ଜୁଲ'ତୁପେ ମାରି ଅଂଅଁ'ତୁପେ ଗୁତୁନ୍ ଜୁଜୁପୁଲେଇ ମାରି ଅଂପୁଲେଇ ଇନ୍ତେକନ୍ଡେକ୍ ବାବବାଦିଲେ ମାରି ମାପ୍ରୁ ଜୁଲ'ନା ବଲ୍ ଡ'କୁନୁଂ ରେମଲେ ଅବୁଦି ମୁନ୍ଡେଂକୁ ମାତର୍ ମା'ଏ ଜୁଜୁ ଆଗଂତା ମାରି ଅଂ ଆଗଂତା ଡ'ସେକ୍ ନିଂ ଆପେ ସତଇସା ସୁନ'ତିଂ ।”
ସୁମୁ ବିବି'ରେମ୍ନା ଉ'ସୁରାମ୍ନା ଅର୍ତ ସୁଁସୁଡେନ୍
(ମାର୍କ 4:13–20; ଲୁକ 8:11–15)
18“ସା' ଆ'ନା ଗୁତୁନ୍ ସୁମୁ ବିବି'ରେମ୍ନା ଉ'ସୁରାମ୍ନା ଅର୍ତ ମା ଡ'ସେକ୍ ନିଂ ସୁନ୍ତିଂ, ଗୁତୁନ୍ ପେ ଅଂ: 19ମାପ୍ରୁନା ରାଜିନା ବଲ୍କବର୍ ଅଂଅଁ'ସେକ୍ ଜା ଗୁତୁନ୍ ବଲ୍ ମାଗ୍ମାକ୍ ଆଗଂତା ମାଇ କୁରୁଂପାଲି ଲ'କୁନୁଂ ସୁମୁସୁଗ ଡୁତା । ସଇତାନ୍ ସାକ୍ସେକ୍ ମାଇ ଅଂଅଁ'କୁନୁଂ ଗୁତୁନ୍ ବଲ୍କବର୍ ମାଇନା ଜିବନ୍କୁରୁଂ ରିଂଅଁ' ଡୁଂତା । 20ବୁରେବାଇ' ଡୁକୁନୁଂ ତୁବୁକ୍ବକ୍ ଲ'କୁନୁଂ ସୁମୁ ମା ଡ'ନା, ଜା ମାପ୍ରୁନା ତୁମ' ଅଂଅଁ'ସେକ୍ ଆଇ'କୁ ସାର୍ଦାକୁସି ଡେଂସେକ୍ ମାଇନା ଜିବନ୍ବକ୍ ଗୁତୁନ୍ ବୁଂତ ଡୁ'ତୁନ୍ବାଇ' ରେମସୁଗ ମାଇ ଡୁତା । 21ମାତର୍ ଗୁତୁନ୍ ତୁମ' ମାଇନା ଜିବନ୍ ବିତ୍ରେ ବଲ୍ ଆଗାଇତାସା' ମାଇ ଅବୁଦି ଦିନ୍ ଡୁ'ତୁନ୍ଉ ସାର୍ଦାକୁସି ଡେଂସେକ୍ ଡୁକୁ ଆଗଂତା । ସା' ଆମାଇ ମାମା ଦୁକକସ୍ଟ ସାକ୍ନା ମାରି ମାଇ ମାପ୍ରୁନା ବଲ୍କବର୍ ବିସ୍ବାସ୍ ଡେମ'ତାସା' ମାଇନା ଜିବନ୍ବକ୍ ରେମଲେ କସ୍ଟ ବେଡ'ନା ମାଇ ଆମାପ୍ରୁ ଆଇ'କୁ ଅନ୍ତୁର'ଡୁଂତା । 22ଗୁରାଇ'କୁରିଂବକ୍ ଲ'କୁନୁଂ ସୁମୁ ମା ଡ'ନା ଜାଜା ମାପ୍ରୁନା ତୁମ' ଅଂତ ମାତର୍ ଗୁତୁନ୍ ଗୁରାଇ' ଆତୁନ୍ ସୁମୁ ତୁର୍ବିକୁନୁଂ ଜିରାୟ'ସୁଂଅଁ'କୁନୁଂସୁଗ ମା'ଏନ୍ ଜିବନ୍ବକ୍ ବେର୍ ମାର୍ତକ୍ ମା ସୁମ'ବୁରତୁନେଇ ମାରି ମି ଡୁତୁନେଇ ଡ'ସେକ୍ ଡି'କେନ୍ବାଇ' କେନ୍ ଦେସ୍ଦୁନିଆନା ଗୁଲାଇ ପାଲ୍ପାଲ୍ ଏତ୍ ସାପ୍ତାସା' ମା'ଏ ଅଂଅଁ'କୁନୁଂ ଗୁତୁନ୍ ବଲ୍କବର୍ ମା'ଏନ୍ ଜିବନ୍ବକ୍ କାମ୍ ଡିନ୍ଡେମ୍ ଆଗଂତା, ସା' ମା'ଏ ବଲ୍କାମ୍ ଡେମ' ଡୁକୁ ଆଗଂତା । 23ମାତର୍ ବଲ୍ ତୁବୁକ୍ବକ୍ ଲ'କୁନୁଂ ସୁମୁ ମା ଡ'ନା ଜାଜା ମାପ୍ରୁନା ତୁମ' ଅଂଅଁ'ତା ମାରି ଗୁତୁନ୍ ବଲ୍ ମାଗ'ତା ଡୁ'ତୁନ୍ବାଇ' ରେମସୁଗ ଡୁତା । ମା'ଏ ମା'ଏନ୍ ଜିବନ୍ବକ୍ ବଲ୍କାମ୍ଉ ଡେମ'ସେ'ଗା ଡୁତା । ସା' ଗୁତୁନ୍ ସୁନୁମ୍ବ'ଗେବକ୍ ଗିଲେସୁ'ଉକ୍ସେକ୍ ସଏ ଗୁନ୍, ସାଟେ ଗୁନ୍ ମାରି ତିରିସ୍ ଗୁନ୍ଲେ'କା ବାଂକୁନୁଂସୁଗ ମା'ଏ ଡୁତା ।”
କିରେଇଁଏନା ଉ'ସୁରାମ୍
24ଜିସୁଲା ଆମା'ଏ ଅମାକ୍ପୁଲେଇ ମାରି ମୁଇ ଉ'ସୁରାମ୍ ଉଡ' । ମାଇ ସୁନ': “ସରଗ୍ରାଜି ମିବାଇ' ଡ'ନା ମୁଇନ୍ଡା ରେମ ବଲ୍ଟା ସୁମୁ ମାଇନା ବୁରଂବକ୍ ବିଡ'କୁନୁଂସୁଗ ଡୁତା । 25ମାତର୍ ତୁମୁଂଗ ଗୁଲାଇର ଲେମ'କୁନୁଂବେଲା ମାଇନା ଦାଇରେମ୍ ସାକ୍ସେକ୍ ଗୁତୁନ୍ ଗମ୍ ବିଡ'କୁନୁଂବକ୍ କିରେଇଁଏନା ସୁମୁ ବିଡ'ସେକ୍ ଡୁଂଗା' । 26ସା' ଗୁତୁନ୍ ଗମ୍ ତୁର୍ବିକ୍ସେକ୍ ଗିଲେସୁ'ଉବେଲା ଗୁତୁନ୍ କିରେଇଁଏସା ତୁର୍ଗା' ।”
27ସା' ଗୁତୁନ୍ ସାକାର୍ନା ଗୁପାମ୍ରେମେ ମାଇନ୍ବକ୍ ଉଇସେକ୍ ସୁନ' “ଅ ବାବୁ, ନନା ବୁରଂବକ୍ ନ ବଲ୍ଟା ସୁମୁଉ ବିଡ'ନକି ଆରାକ୍? ଆ'ନା ଗୁତୁନ୍ କିରେଇଁଏ ଗୁଲାଇ ଇମ୍ବ'କୁରୁଂ ସା'ଗା'?” ଡ'ସେକ୍ ସୁନ' । 28ସା' ମାଇ ଆମା'ଏ “ମୁଇନ୍ଡା ଦାଇରେମ୍ ଡୁ'ତୁନା ଡେମ'ତା” ଡ'ସେକ୍ ସୁନ' । ସା' ଗୁପାମ୍ରେମେ ଆମାଇ “ନେଇ ଉଇସେକ୍ ଗୁତୁନ୍ କିରେଇଏଁ ଗୁଲାଇ ଡୁଗ' ଅଡକ୍ସୁଂ ଡ'ସେକ୍ ନ ଏତ୍ଗୁତୁନ ଇ?” ଡ'ସେକ୍ ଅ'ଗଁସ୍ଲା'ଗା' । 29ସା' “ଆରାକ୍, ପେ କିରେଇଁଏ ଡୁକ୍ଡୁକ୍ବେଲା ଗମ୍ସା ଗୁତୁନ୍ବୁରଂ ଡୁକ୍ଉଇତା । 30ସା' ଅଇ' ସିସି'ପନ୍ତେ'କା ଇମ୍ବାରୁ ମିସ୍ସେକ୍ ମୁନାଡେଇ' । ଉନ୍ତା ଅଇ'ସିସି'ବେଲା ନିଂ ଅଇ'ରେମେବକ୍ ମୁଲ୍ କିରେଇଁଏ ଡୁଗ'ସେକ୍ ତୁପାଗ' ବାଲ'ସୁଂ ତିର୍ଗି' ଗୁତୁନ୍ ଗମ୍ ଅୟ'ସେକ୍ ନିଂନା ରାଂଡାଗ୍ବକ୍ ବୁଂ ଡ'ସେକ୍ ନିଂ ସୁନ୍ତିଂ” ଡ'ସେକ୍ ସୁନ' ।
ସର୍ସୁ ମନ୍ଜିନା ଉ'ସୁରାମ୍
(ମାର୍କ 4:30–32; ଲୁକ 13:18–19)
31ଜିସୁଲା ଆମା'ଏ ଅମାକ୍ପୁଲେଇ ମାରି ମୁଇ ଉ'ସୁରାମ୍ ଉଡ' । ମାଇ ସୁନ: ସରଗ୍ରାଜି ମିବାଇ' ଡ'ନା ମୁଇନ୍ଡା ରେମ ମାଇନା ଜମିବକ୍ ସର୍ସୁ ମନ୍ଜି ଜୁଗ'ସେକ୍ ଉନ'କୁନୁଂସୁଗ ଡୁତା । 32ଗୁତୁନ୍ ଗୁଲାଇ ମନ୍ଜିନ୍କୁରୁଂ ଅବୁଦି ଡାଉ । ମାତର୍ ଗୁତୁନ୍ ମୁନା'ଗା' ଡ'ନା ଡିନ୍ଜାବୁର୍ବକ୍ ଡୁକୁନୁଂ ଗୁଲାଇ ସୁଲ'ବେନ୍କୁରୁଂ ଅବୁଦି ମୁନା'ବାଇ' ସୁଲପ୍ ଡେନ୍ତା । ସା' ଆତା ପୁରି'ସୁରଇ'ଏ ସାକ୍ସେକ୍ ଗୁତୁନ୍ କେନ୍ଡାଲେବକ୍ ଇନ୍ସାକ୍ତ ।
କମିର୍ନା ଉ'ସୁରାମ୍
(ଲୁକ 13:20–21)
33ଜିସୁଲା ଆମା'ଏ ଅମାକ୍ପୁଲେଇ ମାରି ମୁଇ ଉ'ସୁରାମ୍ ଉଡ' । ମାଇ ସୁନ': ସରଗ୍ରାଜି ମିବାଇ' ଡ'ନା, ମୁଇନ୍ଡା ସେଲାନ୍ଲା ରୁଟି ଅ'ରଇଁପୁଲେଇ ମୁଇ ମୁନା'ବାଇ' ତାଲିବକ୍ ତିନ୍ଟା କୁଁନ୍ସ ତର୍ଲା' ଜୁଗ'ସେକ୍ ଆତୁନ୍ ଗୁଲାଇ ତର୍ଲା' ଅ'ପୁଲ୍ପୁଲେଇ ମାୟ'କୁନୁଂ ଗୁତୁନ୍ ଇ'କି କମିର୍ସୁଗ ମାପ୍ରୁନା ରାଜି ଡୁତା ।
ଉ'ସୁରାମେ ମାପୁଲେଇ ଡ'ସେକ୍ ସୁଁସୁଡେନ୍
(ମାର୍କ 4:33–34)
34ଆରେମଲେ ଅମାକ୍ପୁଲେଇ ଜିସୁଲା ଡି'କେନା ଉ'ସୁରାମ୍ ଉଡ'ସେ'ଗାଉ ଅମାଗ'କୁ । ଡୁ'ତୁନ୍ଉ ଉ'ସୁରାମ୍ ମଉନୁ' ମାଇ ଆରେମଲେ ମାଏସା ଅମାଗ' ଆଡୁତା । 35ମାଇ ଡି'କେନ୍ ଡେମ'ସା' ବାବବାଦି ଇନ୍ତେକନ୍ଡେକ୍ ସୁନ'କୁନୁଂ ଆ'ନା ସତ୍ ଡେଂଗା' । ମାଇ ମା ଡ' ସୁନ'କୁ ଡ'ନା:
“ନିଂ ଆପେ ସୁଁସୁବେଲା ଉ'ସୁରାମ୍ ଉଡ'ସେକ୍ ସୁନ୍ତିଂ,
ଦେସ୍ଦୁନିଆ ଅ'ରଇଁବେଲାବାଂସା' ରେମଲେ ଜାଏସା ମମୁନାକ୍ ଡୁକୁନୁଂ ଗୁଲାଇ ନିଂ ଆପେ ସୁନ୍ତିଂ ।”
କିରେଇଁଏନା ଉ'ସୁରାମ୍ନା ଅର୍ତ ସୁଁସୁଡେନ୍
36ତିର୍ଗି' ଜିସୁଲା ଆରେମଲେ ଅନ୍ତୁର'ସେକ୍ ଡିଂଅଁବକ୍ ଗାଇଗା' । ସା' ମାଇନା ସିସ୍ୟଲେ ମାଇନ୍ବକ୍ ସାକ୍ସେକ୍ “ଗୁତୁନ୍ ବୁରଂବକ୍ ବିଡ'କୁନୁଂ କିରେଇଁଏନା ଉ'ସୁରାମ୍ନା ଅର୍ତ ମା ଡ'ସେକ୍ ଆନେଇ ନ ବାନି ଅମାଗ'ବେ'” ଡ'ସେକ୍ ସୁନ' ।
37ସା' ଜିସୁଲା ଆମା'ଏ ସୁନ' “ଗୁତୁନ୍ ବାନିବାଇ' ସୁମୁ ବିଡ'କୁନୁଂ ରେମ ଜା ଡ'ନା ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ । 38ଗୁତୁନ୍ ବିଡ'କୁନୁଂ ବୁରଂ ମା ଡ'ନା କେନ୍ ଦେସ୍ଦୁନିଆ । ବାନିବାଇ' ସୁମୁ ମା ଡ'ନା ମାପ୍ରୁନା ମୁନ୍ସୁଗ ଡୁକୁକ୍ସେକ୍ ମାପ୍ରୁନା ରାଜିବକ୍ ଉଇଡେଂକୁନୁଂ ରେମଲେ । ମାରି ଗୁତୁନ୍ କିରେଇଁଏ ମା ଡ'ନା ସଇତାନ୍ନା ମୁନ୍ସୁଗ ଉଇଡେଂକୁନୁଂ ରେମଲେ । 39ଇମ୍ବ'ନ୍ ଦାଇରେମ୍ କିରେଇଁନା ସୁମୁ ବିଡ'ବୁଂଅଁ' ମାଇ ଜା ଡ'ନା ସଇତାନ୍ । ଅଇ'ସିସି'ନା ମା ଡ'ନା କେନ୍ ଦେସ୍ଦୁନିଆ ଗୁଲାଇ ଡୁନନ୍ଡମ୍ବେଲା ମାରି ଅଇ'ରେମେ ଜା ଡ'ନା ସରଗ୍ନା ଦୁତଲେ ।”
40“ଆକିରେଇଁଏ ଡୁଗ'ସେକ୍ ସୁଂଅଁବକ୍ ବାଲ'ସୁଂସୁଂସୁଗ ଦେସ୍ଦୁନିଆ ଗୁଲାଇ ଡୁନନ୍ଡମ୍ବେଲାସା ଡୁ'ତୁନା ଡେନ୍ତା 41ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ, ଆମାଇନା ଦୁତଲେ ବେନ୍ଟାୟ'ସେକ୍ ଜାଜା ପାପ୍କାମ୍ ଅ'ଡେମ'ସେକ୍ ମାରି ଅଲିରାକ୍ବାଇ'କାମ୍ ଡେମ'ସେକ୍ ଡୁତା ଆମା'ଏ ଆଗୁଲାଇର ମାଇନା ରାଜିକୁରୁଂ ଅ'ତୁର'ସେକ୍ ରୁନ୍ଡାଇତ । 42ରୁନ୍ଡାୟ'ସେକ୍ ମା'ଏ ଆମା'ଏ ଗର୍ଜାୟ'କୁନୁଂ ସୁଂଅଁବକ୍ ରାନ୍ଡେଲ' ବେ'ତ । ଆତା ରେମଲେ ଅବୁଦି ଉକ୍ସେ'ୱାଇସେକ୍ସେକ୍ ଗେନ୍ଡ୍ରେଇ'ସି ଗେନ୍ଡ୍ରେଇ'ବକ୍ସେକ୍ ଡୁତା । 43ମାରି ଜାଜା ଦରମ୍ବାଇ' ରେମଲେ ଡୁତା ମା'ଏ ବାଡେଇଁନା ରାଜିବକ୍ ସିଂଇଁସୁଗ ତାର୍ତା । ନିଂ ସୁନ'କୁନୁଂ ମା ଡ'ସେକ୍ ମାଗ୍ମାକ୍ପୁଲେଇ ଆପେ ମୁନ୍ ଡୁକୁନା ପେ ବଲ୍ ଅଂଅଁ'କୁଲା ।”
ଆତିଲ'ବୁଂଅଁ'କୁନୁଂ ସୁନାବାନାଲେନା ଉ'ସୁରାମ୍
44“ସରଗ୍ରାଜି ମିବାଇ' ଡ'ନା ମୁଇ ଜମିବକ୍ ଆତିଲ'ବୁଂଅଁ'କୁନୁଂ ସୁନାବାନାଲେସୁଗ । ମୁଇନ୍ଡା ରେମ ଗୁତୁନ୍ ଜୁଲ'ସେକ୍ ମାରି ଆତାଉ ଆତିଲ'ସୁଂଅଁ' । ମାରି ଆମାଇ ଅବୁଦି ସାର୍ଦା ଡେଂଗା'ସା' ମାଇ ଉଇସେକ୍ ମାଇନା ଗୁଲାଇ ଦନ୍ସମ୍ପତି ସୁଂଅଁ'ସେକ୍ ଗୁତୁନ୍ ଜମି ମାଇ ସବ' ।”
ମୁକ୍ତା ଡ'କୁନୁଂ ଅବୁଦି ଦାମ୍ବାଇ' ବୁରେନା ଉ'ସୁରାମ୍
45ମାରି ସରଗ୍ରାଜି ମିବାଇ' ଡ'ନା ମୁଇନ୍ଡା ବେବାର୍ରେମ୍ ମୁକ୍ତା ଡ'କୁନୁଂ ଅବୁଦି ଦାମ୍ବାଇ' ମୁକ୍ତା ତୁର'କୁନୁଂସୁଗ । 46ମାଇ ଅବୁଦି ଦାମ୍ବାଇ'ନା ମୁଇ ମୁକ୍ତା ଜୁଲ'ସେକ୍ ମାଇ ମାଇନା ଗୁଲାଇ ଦନ୍ସମ୍ପତି ସୁଂଅଁ'ସେକ୍ ଗୁତୁନ୍ ମୁକ୍ତା ସବ' ।
ଜାଲ୍ନା ଉ'ସୁରାମ୍
47ମାରି ସରଗ୍ରାଜି ମିବାଇ' ଡ'ନା ମୁଇ ଜାଲ୍ ସମ୍ଦର୍କିନ୍ଡାକ୍ବକ୍ ରାନ୍ଡେଲ'ସା' ଅବୁଦି ପାଲ୍ପାଲ୍ବାଇ'ନା ଆ'ଡଂଏଁ ଗୁତୁନ୍ବକ୍ ବାଂକୁନୁଂସୁଗ । 48ଗୁତୁନ୍ ଜାଲ୍ବକ୍ ଆ'ଡଂଏଁ ବର୍ତି ଡେଂଗା'ସା' ଜୁକ୍ଜାଲ୍ରେମେ ଗୁତୁନ୍ ଜାଲ୍ କିନ୍ଡାକ୍ପାଲି ୱାନ'ରିଂଅଁ' । ମାରି ମା'ଏ ଲେଇ'ସେକ୍ ବଲ୍ବଲ୍ବାଇ' ଆ'ଡଂ ସିରେଲ'ସେକ୍ ଡାମୁଂବକ୍ ବର୍ତି ଡେମ' ମାରି ଅଲିରାକ୍ବାଇ'ନା ଆ'ଡଂଏଁ ଅଡକ୍ସୁଂଅଁ' । 49କେନ୍ ଦେସ୍ଦୁନିଆ ଗୁଲାଇ ଡୁନନ୍ଡମ୍ବେଲାସା ଡୁ'ତୁନାଉ ଡେନ୍ତା । ମି ଡେନ୍ତା ଡ'ନା: ସରଗ୍ନା ଦୁତଲେ ସାକ୍ସେକ୍ ମାପ୍ରୁ ଜୁଲ'ନା ବଲ୍ ଡ'କୁନୁଂ ରେମଲେନ୍କୁରୁଂ ଅଲିରାକ୍ବାଇ' କାମ୍ ଡେମ'ସେକ୍ ଡୁକୁନୁଂ ରେମଲେବକ୍ ପାଲ୍ ଡେମ୍ତ । 50ପାଲ୍ ଡେମ'ସେକ୍ ଆମା'ଏ ଗର୍ଜାଇକୁନୁଂ ସୁଂଅଁବକ୍ ରାନ୍ଡେଲ' ବେ'ତ । ଆତା ରେମଲେ ଅବୁଦି ଉକ୍ସେ'ୱାଇସେକ୍ସେକ୍ ଗେନ୍ଡ୍ରେଇ'ସି ଗେନ୍ଡ୍ରେଇ'ବକ୍ତା ।
51ମାରି ଜିସୁଲା ଆମାଇନା ସିସ୍ୟଲେ “ପେ କେନ୍ ଗୁଲାଇନା ଅର୍ତ ମାଗ'ପେ ଇ?” ଡ'ସେକ୍ ଅ'ଗଁସ୍ଲା'ଗା'ସା'
ମା'ଏ “ଅଁ'ଅଁ, ନେଇ ମାଗ'ନେଇ” ଡ'ସେକ୍ ସୁନ' ।
52ସା' ଜିସୁଲା ମାରି ଆମା'ଏ ସୁନ' “ଡୁ'ତୁନ୍ସା' ଆରେମଲେ ନିୟମ୍ ଅମାଗ'କୁନୁଂ ମୁଇନ୍ଡା ରେମ ସରଗ୍ରାଜିନା ବିସୟ ମାଗ'କୁନୁଂ ସିସ୍ୟ ଏଗୁତା ଡ'ନା ମାଇ ଗୁଲାଇ ଜିନିସ ବୁଂବୁଂନା ମୁଇ ଡିଂଅଁନା ସାକାର୍ସୁଗ ଡୁତା । ଗୁତୁନ୍ ସାକାର୍ ମାଇନା ଡିଂଅଁବକ୍ ଗୁଲାଇ ଜିନିସ ବୁଂବୁଂନା ଗୁତୁନ୍ ଡିଂଅଁକୁରୁଂ ଅବୁଦି ଦାମ୍ବାଇ'ନା ତିମେବାଇ' ମାରି ବାୟୁର୍ବାଇ' ଜିନିସ ବାଇରି ଅ'ତୁର୍ତ ।”
ନାଜରିତ୍ ଉଂଗମ୍ବକ୍ ରେମଲେ ଆଜିସୁଲା ବଲ୍ ଆଜୁତ
(ମାର୍କ 6:1–6; ଲୁକ 4:16–30)
53କେନ୍ ଉ'ସୁରାମେ ଗୁଲାଇ ସୁଁସୁ ଅ'ଡମ'ସେକ୍ ଜିସୁଲା ଉନ୍ତ୍କୁରୁଂ ଡୁଂଗା' । 54ମାଇ ମାଇନା ନିଜର୍ନା ଉଂଗମ୍ବକ୍ ସାକ୍ସେକ୍ ମା'ଏନା ପାର୍ତନା ଡିଂଅଁବକ୍ ଆରେମଲେ ଅମାକ୍ ମୁଲାୟ' । ସା' ରେମଲେ ମାଇ ସୁନ'କୁନୁଂ ଅଂଅଁ'ସେକ୍ କାବାକାବା ଡେଂଉଇଆର୍ଗା' । ମାରି ମା'ଏ ସୁନ' “ଆମାଇ କେନ୍ ବୁଦିଗିୟାନ୍ ମାରି କାବାକାବା ଡିନ୍ଡେମ୍ବାଇ' କାମ୍ ଡିନ୍ଡେମ୍ନା ବପୁ ଗୁଲାଇ ଇମ୍ବ'କୁରୁଂ ବାଂଗା'? 55ମାଇ ଗୁତୁନ୍ ବାଡାଇନା ଉଁ'ଉଁ ଆରାକ୍ ଇ? ମାଇନା ୟଂନା ଇମି ମରିୟମ୍ ମାରି ମାଇନା ବୁୟାଂଏଁନା ଇମି ଜାକୁବ୍, ଜସେପ୍, ସିମନ୍ ମାରି ଜିଉଦା ଡ'କୁନୁଂଏଁ ଆରାକ୍ ଇ? 56ମାଇନା ତୁନାଲେସା ଆକେ ନେ'ନ୍ ଉଂଗମ୍ବକ୍ ଡୁତା କି ଆରାକ୍? ଡୁ'ତୁନ୍ ଡ'ନା ଆମାଇ କେନ୍ ଗୁଲାଇ ଇମ୍ବ'କୁରୁଂ ବାଂଗା'?” ଡ'ସେକ୍ ସୁନ' । 57#ଜଅନ୍ 4:44ମା'ଏ ଡୁ'ତୁନ୍ଉ ଅବୁଦି ଗିସେକ୍ସେକ୍ ଆମାଇ ବିସ୍ବାସ୍ ଆଡେମ୍ତ ।
ମାତର୍ ଜିସୁଲା ଆମା'ଏ ସୁନ' “ଆମୁଇନ୍ଡା ବାବବାଦିଲା ମାଇନା ନିଜର୍ନା ଉଂଗମ୍ରେମେ ମାରି ନିଜର୍ନା ଡିଂଅଁନ୍ରେମେଉ ବଲ୍ ଆଜୁତ ମାତର୍ ପାଲ୍ ଆମ୍ବ' ଆମ୍ବ' ଉଇନା ଆମାଇ ରେମଲେ ବଲ୍ ଜୁତ ।”
58ମାରି ମାଇନା ଉଂଗମ୍ରେମ୍ ଆମାଇ ବିସ୍ବାସ୍ ଆଡେମ୍ତସା' ମାଇ ଆତା କାବାକାବା ଡିନ୍ଡେମ୍ବାଇ' ମାଏସା କାମ୍ ଆଡେମ୍ତ ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0