RUSUMO 3
3
1Mokurara kwange pouro wange
nkenye masiku
ame kurota ogu na hara;
ame kumupapara,
nye nokumugwana si.
2Tani zi ni ka kununuke omo
mwa za sitata,
omo mwa za nonzira nonomuramba.
Tani papara ogu na hara.
Tani mu papara,
nye nokumugwana si.
3Vanomeni ava va gendagwire
mositata tava mono nge.
Tani va pura asi: “Muna monene
nge ko ogu na hara ndi?”
4Tupu na tunda powo,
nare kani mu gwene.
Tani mu kwaterere,
kapi na hara ni mu sige a ze,
dogoro noku na mu twara
kembo lyonane,
monzugo ezi va hampurukira nge.
5Tumbwidireni nge,
one vakadi vaJerusarema;
ganeni konomenye edi
adi genderere nokovampunza asi
kapi ngomu tanganesa eharo lyetu.
Rusumo rwautatu
Mukadi:
6Yinke eyi yina kutundilira komburundu
ngwendi ngundi zomusi,
yina kunuka manganganga
gokututumikida nomira,
yidumba eyi ava randesa vatjingisi.
7Saromo ana kuwiza vana simbi
posipundi sendi souhompa;
vakwayita nomurongo ntano‐nazimwe wovakungirutu
vana si kundurukida,
vakwayitazuni moIsraeli.
8Navenye va diva kukwata rufuro;
awo kwa yi kotora yoyita.
Nkenye ogu norufuro rwendi
a nomene ehomono lyomasiku.
9Hompa Saromo kuna mu
simbire posipundi souhompa
soyitji yoyiwa unene.
10Maguru gaso kwa ga vambaikire sisiliveli;
kouzegameno waso ekehe
lyonongodi dongorodo.
Pouhingiro waso kwa tulire po
ekehe lyopurupuli,
yitungwa yeharo yovakadi vaJerusarema.
11Vakadi vaSiyoni, wizeni
mu ya tare hompa Saromo.
Age kuna dwara nkata ezi
va mu tura ozina komutwe
pezuva lyononkwara dendi,
ezuva lyoruhafo romutjima gwendi.
Currently Selected:
RUSUMO 3: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
