RUSUMO 1
1
1Nonsumo donongwa po unene daSaromo.
Rusumo rokuhova
Mukadi:
2Nomurungu doge tadi kudumike
nge nencumito;
eharo lyoge ewa lya pitakana vhinyu.
3Pwa kara sidumba sosiwa sokukuhamena,
ano edina lyoge tali si horora.
Kutupu mukadi ogu ga dira kukuhara.
4Pitura nge,
makura tu duke tu ze;
kara hompa gwange o piture nge
konzugo zoge.
Ngatu ka hafa kumwe,
tatu ka nwa unene
tu ka lizumbilire meharo.
Kutupu sitetu seyi va ku harera
vakadi navenye!
5Vakadi one, Vajerusarema,
ame kwa sovagana,
nye ni muwa,
kwa sovagana ngwendi notenta
domomburundu zaKedara,
nye kwa wapa ngwendi makehe
gopomakende mombara zaSaromo.
6Mwa ha swaura nge,
morwa‐sipapa sange sosisovagani,
ndi morwakuhwika nge ezuva.
Vakuru vange wovagara
kwa handukira nge,
yiyo va ninka nge ni rugane
mosikunino soyindjembere.
Ame kutupu ko siruwo
sokulipakera mbili nyaamwange.
7Geharo lyange tantera nge,
oku ngo lisira yimuna yoge
hena kupi?
Oku ngayi pwizumukira upyu
wezuva wopomutwekatji kupi?
Yinke nani ku paparera mokatji
koyimuna yovasita vapeke?
Mugara:
8Kapi wa diva evega,
ove mukadi geharo lyange
kwanavenye ndi?
Zende o ka sikure siunda;
paparera yikombo yoge maliro
popepi nonotenta dovasita wononzwi.
9Ove ogu na hara, ove kukoka
malizuvho govagara
moomu azi koko nkambe zonkadi
malizuvho gononkambe donongara
doturukara toyita twaFarawo.
10Nohuki doge nongwa komatama goge
ado kunyekura konsingo zoge
ngwendi tumanya tondiro.
11Nye ose ngatu ku ruganena
elyenge lyongorodo
lyomaurenga gosisiliveli.
Mukadi:
12Ano hompa gwange age simpe
haga rarera posipundi sokupwizumukira,
murora gwange tagu zwida
mpepo edumba lyewa.
13Ogu na hara kwa kara nedumba
lyomurora gomira
pokurara kwendi pomavere gange.
14Ogu na hara, kwa fana
ngwendi nombya domowiza
edi adi temuna moyikunino
yoyindjembere poEngedi.
Mugara:
15Ee yireru omu wa wapa ogu na hara;
meho goge yireru omu aga
paima keharo!
Mukadi:
16Ee, yireru, omu wa kara nomutaro
ogu na hara unene;
yireru omu o hafesa nge!
Wayi woutarara yiwo uro wetu;
17nosedeli ngadi kara yikonde
yonzugo zetu,
ano yitji yosiperesi ngayi kara yontara.
Currently Selected:
RUSUMO 1: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
