YISEWE 9
9
Unongo nougova
1Unongo wa lidikira embo, yiyo wa lidikira nongundi ntano‐nambali. 2Awo wa dipaga yimuna yawo, wa runga vhinyu zawo, yiyo hena wa zara sitafura sawo. 3Awo kwa tuma vakareli vawo wovakadona, awo kukazigilira konondundu dositata asi: 4“Vasima va hwilire mo!” Ano ogu ga hana nondunge tau mu tantere asi: 5“Wiza o ya lye nondya dange, ove o ya nwe vhinyu ezi na rungu! 6Sigeni usima, ntani ngomu paruka. Gendeni monzira zonondunge.”
7Ogu a pukurura muswauli, mwene a liswaura, ano ogu a tugumukire mudinikarunga, nomuga damwene. 8Muswauli nokumutugumukira si neisi na ku nyenga, nye tugumukira munongo nga ku hare. 9Ronga munandunge, nga kare nye munandunge unene, ronga muhungami, ediwo lyendi ngali vhuke.
10Etameko lyounongo kutjira Hompa, ano ediwo lyomupongoki nondunge. 11Yeeyi ame nyame ani vhukisa mazuva goge, ku kare konomvhura doge, nyame ani ku gwederere ko. 12Nsene asi o munandunge, nondunge danyamoge, ano nsene asi o muswauli, yanyamoge nye oyo.
13Ugova kwa fana mukadi gorutegatwi ga dira kudiva yuma, age ga pira nomuga. 14Age kuhingira pevero lyonzugo zendi, posipundi poyindundu yositata, 15asi a zigide wokupitakana monzira, ava ava vyukilire kugenda mononzira dawo asi: 16“Vasima va hwilire!” Ano ogu ga hana nondunge ta mu tantere asi: 17“Mema gowidi mawa unene. Ano mboroto zowidi ntovara unene.” 18Ano ava a hwedesa kapi va diva asi ava ava zi kembo lyendi kufa ava fu, asi ava va hwilira mo nare koveli konhiinhi zosirongo sovafe.
Currently Selected:
YISEWE 9: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
