YISEWE 17
17
1Kulya sintau sosikukutu somboroto nombili hasa, kwa pitakana sipito sononyama dokutoma membo lina zura udigu.
2Mukareli gonondunge nga pangera munwahekurwendi gomugara, makura nage nga gwane ko ruha roupingwa.
3Ngorodo nosisiliveli kuyikonakonesa komundiro, nye mutjima gomuntu Hompa yige a gu konakona.
4Vantu wovadona kupurakena magazaro gomadona, ano vanayimpempa kupurakena yimpempa.
5Nsene o zora vantu woruhepo, Karunga ogu ga va unga yige ono swaura. Ngava ku pangura nsene o hafera ehudi lyamukweni.
6Vakurupe kulitumbadekera nontekuru dawo, moomu tupu ava litumbadekere vana oguhyawo.
7Vanamakuto kapi ava tanta yimpempa, ano magova kapi ga paka yuma yomulyo yokuuyunga.
8Vamwe kugazara asi mfuto zombumbo kurugana ngwendi umpure; va yi huguvara asi azo kurugana nkenye eyi.
9Nsene wa hara asi vantu va ku hare, o va dongwenene po nsene vana ku zono. Nsemburure kuteza ukwawo.
10Munandunge kulironga yoyinzi kogu vana kupa usima, kupitakana omu a lirongo mugova ogu vana kutoona yikando efere.
11Nomfa ngadi wiza ngwendi mutumwa ga hana nkenda kovadinikarunga ava ava katura nkenye apa udigu.
12Kugwanekera nehumbu lyekadi vana hakana vana valyo hasa, kapisi kumwe nokugwanekera nomagova gamwe aga gana kara mougova wago.
13Uwa nsene o u sinta udona, narumwe si asi membo lyoge ngau tunde mo udona.
14Etameko lyomutangu kwa fana mufa gomuhowo mondama; gu sitika ago gwa hana kulitwara.
15Ogu a pe usima ogu ga hana usima ndi a wapeke mudinikarunga — nayinye oyo Hompa kwa yi nyenga.
16Egova nayimwe si ngayi li kwafa yokupungwira erongo yimaliva, morwa kapi lya paka nondunge dokuliranda.
17Vantu namukwawo kulihara. Ano vantu namumbyendi wovagara nani kapisi kwa kerera po, va likwafe moudigu?
18Mugara ga hana nondunge gelike yige gokutumbwidira asi yi mu hamene yifuta yomuntu nagepeke.
19Ogu ga hara nonzo kwa hara kureta udigu. Nsene o wazauka nkenye apa, udigu ono kuzigida.
20Nkenye ogu a gazara oku ta uyunga udona neisi na rorokera asi nga gwane mo uwa — ezonauko lyelike.
21Kutupu hena yapeke mwaguhyamuntu, udona welike neguwo, nsene asi munwendi kurugana yininke yougova.
22Mutjima gehafo kukwafa mokuveruka. Kukara neguwo nkenye apa kukukutika yisupa.
23Vapanguli wovadona kutambura mfuto zombumbo mehoramo, makura tava pengesa usili.
24Munandunge kwa tamba yuma younongo, nye mugova age kupigauka noku noku.
25Mumati gomugova kuretera oguhwe ruhodi nozina eguwo lyenene.
26Kapi ya hungama yokufutisa muntu ga hana nzo; uhungiki kuupengesa, nsene o futisa vantu wovawa.
27Ogu ga lihuguvara mwamwene, kapi a uyunga nkenye apa. Vantu wovamwe kwa kara nonondungezuni. 28Negova lyeeli nsene kwa mwena lya mwena, tava li gazara asi munongo nomunandunge.
Currently Selected:
YISEWE 17: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
