Firemoni 1
1
Ekundo
1Mbilive ezi kuna kutunda kwaPaurusa, ogu va mangera morwaJesus Kristusa noku kwamukwetu Timoteusa, zi ze koge ove Firemoni, murugani mukwetetu ogu twa hara, 2noku kwaApuya, mpanzetu mwaHompa ogu twa hara, naArukipusi mukwayita mukwetetu, nokovakriste ava ava pongo membo lyoge.
3Karunga Guhyetu naHompa gwetu Jesus Kristusa ava mu fire nkenda oku tava mu pe mbili!
Eharo lyaFiremoni nepuro lyendi
4Ame kupandura nkenye apa Karunga, oku tani ku diworoka momakanderero gange. 5Yeeyi ame kuzuvha omu wa hara vapongoki nomu wa kara nepuro lyokupura Hompa Jesus. 6Ekanderero lyange lyeli asi epuro lyetu limwe li tu sikililise mo mokudiva matungiko aga atu gwana moukaro wetu womwaKristusa. 7Eharo lyoge, mumbyange, lya retera nge ehafo lyenene nehengagwido lyenene. Yeeyi ove wa koreka nomutjima dovapongoki navenye.
Paurusa ta hundilire Onesimusa
8Pwangesi ame na kara nononkondo dononene mwaKristusa dokukutantera asi ngano o rugane eyi yina hepa kuyirugana. 9Nye morweharo yiyo nina kukuhundira. Eyi kuna kuyirugana nampili ni kare Paurusa, mutumwa gwaJesus Kristusa, pwantaantani hena ni munadorongo mwarwendi. 10Tani ku hundire morwaOnesimusa, munwange gwaamwange mwaKristusa, yeeyi ame kuna ya kara guhwe gopampepo omu modorongo. 11Nare kwa kere ga hana sikwafa koge, nye ntaantani ana kara nosikwafa kwange noku koge.
12Ame tani mu tumu nye a tengure koge, nye mutjima gwange koguli kwendi. 13Ame kwa here asi ngano ta kara kooku kwange, siruwo esi na kara modorongo morwaMbudi zoNgwa, asi ngano a kwafe nge pevega lyoge. 14Nye ame kapi nina hara kukusininika asi o kwafe nge, kuna hara o yi rugane moomu ono harere. Kapi nina hara kurugana yuma, ove wa hana kuyipura.
15Eyi mpamwe yiyo ya tundisire Onesimusa poge karuwogona, asi ngo ya kare nendi narunye. 16Age kapisi mupika hena, ga pitakana unene pomupika. Age mukwetetu ogu twa hara mwaKristusa. Ame kwa mu hara unene. Nsene ngove, hawe, mukweni nye mwene‐mwene moukaro ou namwaHompa.
17Ano nsene ove kugazara asi ame ni mukweni, mu tambura nye ngwendi nyame ono kutambura, moomu nkare o ya tambure nge. 18Nsene ga ku zona ndi ga ku lira makongo, ga kandwira nge. 19Tani yi tjanga nokuwoko kwaamwange ame Paurusa asi, “Nyame ngani yi futa.” Amesi kapi na hepa kukudiworokesa asi wa lira nge makongo nomwenyo goge si googu. 20Nhi, mumbyange, nina ku kanderere, kwafa nge mwaHompa, hafesa mutjima gwange mwaKristusa!
21Ame kwa ku huguvara asi ove kuzuvha, yiyo nina kukutjangera, yeeyi na diva asi ove ngo pitakanesa kurugana pweyi nina kukutantera. 22Wapaikira nge hena nzugo, yeeyi na huguvara asi, makanderero geni ngaga yi wapeka yokuwiza kwange kweni.
Makundo gokuhulisa
23Epafurasa, munadorongo mukwetu mwaJesus Kristusa, ana ku kundisire po. 24OMarukusa naAlisitarukusa naDemasa naRukasa, varugani vakwetu, nawo vana ku kundisire po.
25Hompa gwetu Jesus Kristusa a mu fire nkenda namuvenye!
Currently Selected:
Firemoni 1: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Firemoni 1
1
Ekundo
1Mbilive ezi kuna kutunda kwaPaurusa, ogu va mangera morwaJesus Kristusa noku kwamukwetu Timoteusa, zi ze koge ove Firemoni, murugani mukwetetu ogu twa hara, 2noku kwaApuya, mpanzetu mwaHompa ogu twa hara, naArukipusi mukwayita mukwetetu, nokovakriste ava ava pongo membo lyoge.
3Karunga Guhyetu naHompa gwetu Jesus Kristusa ava mu fire nkenda oku tava mu pe mbili!
Eharo lyaFiremoni nepuro lyendi
4Ame kupandura nkenye apa Karunga, oku tani ku diworoka momakanderero gange. 5Yeeyi ame kuzuvha omu wa hara vapongoki nomu wa kara nepuro lyokupura Hompa Jesus. 6Ekanderero lyange lyeli asi epuro lyetu limwe li tu sikililise mo mokudiva matungiko aga atu gwana moukaro wetu womwaKristusa. 7Eharo lyoge, mumbyange, lya retera nge ehafo lyenene nehengagwido lyenene. Yeeyi ove wa koreka nomutjima dovapongoki navenye.
Paurusa ta hundilire Onesimusa
8Pwangesi ame na kara nononkondo dononene mwaKristusa dokukutantera asi ngano o rugane eyi yina hepa kuyirugana. 9Nye morweharo yiyo nina kukuhundira. Eyi kuna kuyirugana nampili ni kare Paurusa, mutumwa gwaJesus Kristusa, pwantaantani hena ni munadorongo mwarwendi. 10Tani ku hundire morwaOnesimusa, munwange gwaamwange mwaKristusa, yeeyi ame kuna ya kara guhwe gopampepo omu modorongo. 11Nare kwa kere ga hana sikwafa koge, nye ntaantani ana kara nosikwafa kwange noku koge.
12Ame tani mu tumu nye a tengure koge, nye mutjima gwange koguli kwendi. 13Ame kwa here asi ngano ta kara kooku kwange, siruwo esi na kara modorongo morwaMbudi zoNgwa, asi ngano a kwafe nge pevega lyoge. 14Nye ame kapi nina hara kukusininika asi o kwafe nge, kuna hara o yi rugane moomu ono harere. Kapi nina hara kurugana yuma, ove wa hana kuyipura.
15Eyi mpamwe yiyo ya tundisire Onesimusa poge karuwogona, asi ngo ya kare nendi narunye. 16Age kapisi mupika hena, ga pitakana unene pomupika. Age mukwetetu ogu twa hara mwaKristusa. Ame kwa mu hara unene. Nsene ngove, hawe, mukweni nye mwene‐mwene moukaro ou namwaHompa.
17Ano nsene ove kugazara asi ame ni mukweni, mu tambura nye ngwendi nyame ono kutambura, moomu nkare o ya tambure nge. 18Nsene ga ku zona ndi ga ku lira makongo, ga kandwira nge. 19Tani yi tjanga nokuwoko kwaamwange ame Paurusa asi, “Nyame ngani yi futa.” Amesi kapi na hepa kukudiworokesa asi wa lira nge makongo nomwenyo goge si googu. 20Nhi, mumbyange, nina ku kanderere, kwafa nge mwaHompa, hafesa mutjima gwange mwaKristusa!
21Ame kwa ku huguvara asi ove kuzuvha, yiyo nina kukutjangera, yeeyi na diva asi ove ngo pitakanesa kurugana pweyi nina kukutantera. 22Wapaikira nge hena nzugo, yeeyi na huguvara asi, makanderero geni ngaga yi wapeka yokuwiza kwange kweni.
Makundo gokuhulisa
23Epafurasa, munadorongo mukwetu mwaJesus Kristusa, ana ku kundisire po. 24OMarukusa naAlisitarukusa naDemasa naRukasa, varugani vakwetu, nawo vana ku kundisire po.
25Hompa gwetu Jesus Kristusa a mu fire nkenda namuvenye!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003