Titusa 3
3
Nkareso zosikriste
1O diworokese wombunga zoge asi va zuvhe yovapangeli noVeta zosirongo, ava liwapaikire nkenye apa kurugana yoyiwa. 2Walye ava uyungire vantu momudona ndi asi va kare nomarwanambo. Ava kare nombili nonkenda novantu navenye. 3Yeeyi nose si nare tu magova twa kere, kapi ngatu zuvhu, kwa pukire, tatu kara vapika womadowo noyitokomena peke‐peke. Kwa kere moyirwanangana nomomfudu. Vantu ngava tu nyenge, makura nose tatu va nyenge. 4Nye ufenkenda neharo lyaKarunga, Muzowoli gwetu apa lya horoka, 5makura yiyo ga tu parura. Kapisi morwayirugana youhunga eyi twa rugana, nani nye morwaufenkenda wendi, yiyo ga tu parwira mekuho, omu za tu hampurukwira Mpepo zoKupongoka, yiyo za tu pa ukaro woupe. 6Mpepo ezi zoKupongoka, Karunga ga zi tu poomwena zonzi mwaJesus Kristusa, Muzowoli gwetu, 7asi a tu hungamekese konkenda zendi, ngatu kare vapingi womwenyo gwanarunye, ogu tuna kundindira.
8Nonkango edi dosili. Ame kuna hara asi yininke eyi o yi sanseke nomupampi asi, ava va pura Karunga va kare nosinka sokukovekeda kurugana yoyiwa. Eyi yiwa ayo ya kara nomulyo kovantu. 9Nye o nyoke nompata dougova nomalikwamo gomazimo nonompata nonomutangu dokuhamena noVeta, yeeyi ayo kapi ya paka mulyo nositambo si seesi. 10Muntu ogu a piyaganeke mbungakriste, to mu korangeda mwarumwe naruvali, makura to mu sigi a kare.
11Yeeyi ono diva asi muntu gwangoso ga lilimba, ano nonzo dendi yido adi mu pangura asi ga puka.
Makorangedo gokuhulilira
12Nsene ngani tuma Arutemasa ndi Tikikusa koge, ngo genderere kuwiza kwange koNikopolisi, yeeyi ame kuna tokora asi yimo ngani ka rumba kufu nakunye. 13Kara nosinka sokukatwisa Zenasa, munaVeta naAporo, nye va rongerera nawa yi gwane po. 14O pukurure vakwetetu tava kara moyirugana yoyiwa, ava kwafe mweyi yohepero zosili, kapisi va kare tupu yeeyi va hingira.
15Navenye ava twa kara nawo, vana ku kundisire po. Kundisira po vakwetetu navenye vemepuro. Karunga a mu fire nkenda namuvenye! Amen.
Currently Selected:
Titusa 3: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Titusa 3
3
Nkareso zosikriste
1O diworokese wombunga zoge asi va zuvhe yovapangeli noVeta zosirongo, ava liwapaikire nkenye apa kurugana yoyiwa. 2Walye ava uyungire vantu momudona ndi asi va kare nomarwanambo. Ava kare nombili nonkenda novantu navenye. 3Yeeyi nose si nare tu magova twa kere, kapi ngatu zuvhu, kwa pukire, tatu kara vapika womadowo noyitokomena peke‐peke. Kwa kere moyirwanangana nomomfudu. Vantu ngava tu nyenge, makura nose tatu va nyenge. 4Nye ufenkenda neharo lyaKarunga, Muzowoli gwetu apa lya horoka, 5makura yiyo ga tu parura. Kapisi morwayirugana youhunga eyi twa rugana, nani nye morwaufenkenda wendi, yiyo ga tu parwira mekuho, omu za tu hampurukwira Mpepo zoKupongoka, yiyo za tu pa ukaro woupe. 6Mpepo ezi zoKupongoka, Karunga ga zi tu poomwena zonzi mwaJesus Kristusa, Muzowoli gwetu, 7asi a tu hungamekese konkenda zendi, ngatu kare vapingi womwenyo gwanarunye, ogu tuna kundindira.
8Nonkango edi dosili. Ame kuna hara asi yininke eyi o yi sanseke nomupampi asi, ava va pura Karunga va kare nosinka sokukovekeda kurugana yoyiwa. Eyi yiwa ayo ya kara nomulyo kovantu. 9Nye o nyoke nompata dougova nomalikwamo gomazimo nonompata nonomutangu dokuhamena noVeta, yeeyi ayo kapi ya paka mulyo nositambo si seesi. 10Muntu ogu a piyaganeke mbungakriste, to mu korangeda mwarumwe naruvali, makura to mu sigi a kare.
11Yeeyi ono diva asi muntu gwangoso ga lilimba, ano nonzo dendi yido adi mu pangura asi ga puka.
Makorangedo gokuhulilira
12Nsene ngani tuma Arutemasa ndi Tikikusa koge, ngo genderere kuwiza kwange koNikopolisi, yeeyi ame kuna tokora asi yimo ngani ka rumba kufu nakunye. 13Kara nosinka sokukatwisa Zenasa, munaVeta naAporo, nye va rongerera nawa yi gwane po. 14O pukurure vakwetetu tava kara moyirugana yoyiwa, ava kwafe mweyi yohepero zosili, kapisi va kare tupu yeeyi va hingira.
15Navenye ava twa kara nawo, vana ku kundisire po. Kundisira po vakwetetu navenye vemepuro. Karunga a mu fire nkenda namuvenye! Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003