Vahebeli 1
1
Nonkango daKarunga mwaMunwendi
1Pwanare Karunga nga uyungisa ozinyakurwetu rorunzi nomononkedi peke‐peke motuna tovaporofete. 2Ano moyiruwo eyi yokuhulilira yantani age kuna kutuuyungisa mwaMunwendi, ogu ga ninka Karunga a kare mupingi gwanayinye, mogu ga ungira uzuni naunye. 3Epaimo lyouyerere waKarunga yilyo a paimisa, age kwa lifana naKarunga nawa‐nawa. Age kwa simba nayinye nonkango zendi zononkondo. Apa ga mene kukuhwa vantu mononzo dawo, ta ka hingira meguru korulyo rwaKarunga Munankondo nadinye.
Muna munene ga pita vaengeli
4Muna kwa mu ninka a kare munene kupitakana vaengeli, moomu lya kara edina eli ga mu pa Karunga enene li pitakane gawo. 5Karunga kapi ga tantera rumwe muengeli asi:
“Ove Munwange, naina nina ku reta.”
Ndi asi: “Ame ngani kara Guhwe,
age nga kare Munwange.”
6Ano hena Karunga apa ga retere Munwendi thi mouzuni, kwa tente asi:
“Vaengeli navenye vaKarunga va mu tongamene.”
7Karunga kwa tanta yokuhamena vaengeli asi:
“Karunga kurugana vaengeli vendi va kare nompepo,
age kurugana vakereli vendi va kare maraka gomundiro.”
8Ano yokuhamena koMuna age kwa tanta asi:
“Sipundi soge souhompa, ove Karunga,
ngasi kara narunye‐narunye,
mburo zosirongo soge
mburo zouhungami.
9Ove kwa hara uhungami, yiyo wa nyenga udona,
Karunga goge, yipo nye ga ku gwavekera ove nomagadi gehafo,
o kare Hompa, o pitakane vakweni.”
10Hena asi:
“Ove Hompa nyove wa sita uzuni petameko,
neguru nalyo yirugana yomawoko goge.
11Ayo nayinye ngayi haga po, nye ove nyove ogu,
ayo nayinye ngayi kurupa ngwendi mudwaro,
12ayo ngo yi gonya moomu ava gonyo mwaye.
Ayo ngayi lisitunuka, moomu ayi lisitunuka yikoverero,
nye ove moomu wa kara,
nomvhura doge kapi da paka uhura.”
13Ndi pweli muengeli gumwe ogu ga tantera Karunga asi:
“Yo hingire korulyo rwange,
dogoro noku ngani ninka nonkore doge
di kare ulyatero wonompadi doge.”
14Vaengeli kapisi navenye nompepo doukereli waKarunga, di ava tumine asi adi kwafe ava ngava gwana eparu?
Currently Selected:
Vahebeli 1: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Vahebeli 1
1
Nonkango daKarunga mwaMunwendi
1Pwanare Karunga nga uyungisa ozinyakurwetu rorunzi nomononkedi peke‐peke motuna tovaporofete. 2Ano moyiruwo eyi yokuhulilira yantani age kuna kutuuyungisa mwaMunwendi, ogu ga ninka Karunga a kare mupingi gwanayinye, mogu ga ungira uzuni naunye. 3Epaimo lyouyerere waKarunga yilyo a paimisa, age kwa lifana naKarunga nawa‐nawa. Age kwa simba nayinye nonkango zendi zononkondo. Apa ga mene kukuhwa vantu mononzo dawo, ta ka hingira meguru korulyo rwaKarunga Munankondo nadinye.
Muna munene ga pita vaengeli
4Muna kwa mu ninka a kare munene kupitakana vaengeli, moomu lya kara edina eli ga mu pa Karunga enene li pitakane gawo. 5Karunga kapi ga tantera rumwe muengeli asi:
“Ove Munwange, naina nina ku reta.”
Ndi asi: “Ame ngani kara Guhwe,
age nga kare Munwange.”
6Ano hena Karunga apa ga retere Munwendi thi mouzuni, kwa tente asi:
“Vaengeli navenye vaKarunga va mu tongamene.”
7Karunga kwa tanta yokuhamena vaengeli asi:
“Karunga kurugana vaengeli vendi va kare nompepo,
age kurugana vakereli vendi va kare maraka gomundiro.”
8Ano yokuhamena koMuna age kwa tanta asi:
“Sipundi soge souhompa, ove Karunga,
ngasi kara narunye‐narunye,
mburo zosirongo soge
mburo zouhungami.
9Ove kwa hara uhungami, yiyo wa nyenga udona,
Karunga goge, yipo nye ga ku gwavekera ove nomagadi gehafo,
o kare Hompa, o pitakane vakweni.”
10Hena asi:
“Ove Hompa nyove wa sita uzuni petameko,
neguru nalyo yirugana yomawoko goge.
11Ayo nayinye ngayi haga po, nye ove nyove ogu,
ayo nayinye ngayi kurupa ngwendi mudwaro,
12ayo ngo yi gonya moomu ava gonyo mwaye.
Ayo ngayi lisitunuka, moomu ayi lisitunuka yikoverero,
nye ove moomu wa kara,
nomvhura doge kapi da paka uhura.”
13Ndi pweli muengeli gumwe ogu ga tantera Karunga asi:
“Yo hingire korulyo rwange,
dogoro noku ngani ninka nonkore doge
di kare ulyatero wonompadi doge.”
14Vaengeli kapisi navenye nompepo doukereli waKarunga, di ava tumine asi adi kwafe ava ngava gwana eparu?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003