Mateusa 3
3
Eudiso lyaJohanesa Mukuhwi
1Momazuva ogo, Johanesa Mukuhwi ta myauka, makura ta udisire mosirongo somburundu saJudeya, ta uyunga asi: 2“Litezurureni, yeeyi Untungi weguru pepi una kara.” 3Yeeyi age yige googu ga tambere muporofete Jesaya, apa ga tente asi:
“Ezwi kuna kuzigira momburundu asi:
‘Wapaikeni nkungwasirongo zaHompa,
mu lyalyakanese nonzira dendi.’ ”
4Johanesa nga dwara sikoverero sonohuki dongameru noliva rosipapa mombunda zendi. Ano nondya dendi simbonde nousi da kere. 5Jerusarema naJudeya mudima nosirongo saJorodana mudima kwendi ngava zi. 6Age yiyo nga va kuhwire moJorodana, awo kuna kutongonona nonzo dawo.
7Apa ga mwene Johanesa sinzi soVafalisayi noVasadukayi awo tava wiza kwendi asi a ya va kuhwe, yipo ga va tanterere asi: “One vana wonombaroka, yilye ogu ana mu tantere, mu henduke ehandu lyenene lyaKarunga lyokomeho? 8Ngomu ngoso, yimeni nye yiyimwa yomulyo yomalitezururo no! 9Walye omu ligazara asi, ‘Ose twa kara naguhyetu Abirahamu.’ Nye ame tani mu tantere asi, Karunga kwa kara nononkondo dokuninka mamanya aga, ga kare vana vaAbirahamu. 10Ekuva nare vana li tura konondandani dositji. Nkenye sitji esi sa ha yimi yiyimwa yoyiwa, ngava si teta, tava si zugumine momundiro. 11Ame kuna kumukuhwa tupu nomema, mu litezurure, ano nye ogu nga wiza konyima zange, ga vhura nge mononkondo. Ame kapi na wapera kumusimbira nonkaku dendi. Age nga ya mu kuhwa noMpepo zoKupongoka nomundiro. 12Sizereso mokuwoko kwendi sa kara. Age nga wapeka rupare rwendi: rukokotwa nga ru pongaikira koutara, ano rungu nga ru swakerera momundiro ogu gwa ha dimi.”
Ekuho lyaJesus
13Momazuva ogo yimo ga tundire Jesus moGalireya, a wize koJorodana kwaJohanesa, va ya mu kuhwe. 14Nye Johanesa kwa here kumukava, ta mu tantere asi: “Ame nyame ngano na fira kukuhwa nge ove, ngapi hena omu no wizira nge ame?” 15Makura Jesus ta limburura asi: “Siga tupu yi kare, yeeyi ntani yi tu wapera, tu sikise mo nayinye eyi ya hungama.” Makura Johanesa ta pura.
16Jesus kwa pwa tupu kumukuhwa, makura ta zauka mo momema. Va tara ko, eguru lina mu zegurukire, makura ta mono Mpepo zaKarunga tazi mu hegumukire peguru lyendi ngwendi nkutji. 17Meguru tamu tundu ezwi lina kutanta asi: “Ogu yige Munwange ogu na hara, ga za nge komutjima.”
Currently Selected:
Mateusa 3: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Mateusa 3
3
Eudiso lyaJohanesa Mukuhwi
1Momazuva ogo, Johanesa Mukuhwi ta myauka, makura ta udisire mosirongo somburundu saJudeya, ta uyunga asi: 2“Litezurureni, yeeyi Untungi weguru pepi una kara.” 3Yeeyi age yige googu ga tambere muporofete Jesaya, apa ga tente asi:
“Ezwi kuna kuzigira momburundu asi:
‘Wapaikeni nkungwasirongo zaHompa,
mu lyalyakanese nonzira dendi.’ ”
4Johanesa nga dwara sikoverero sonohuki dongameru noliva rosipapa mombunda zendi. Ano nondya dendi simbonde nousi da kere. 5Jerusarema naJudeya mudima nosirongo saJorodana mudima kwendi ngava zi. 6Age yiyo nga va kuhwire moJorodana, awo kuna kutongonona nonzo dawo.
7Apa ga mwene Johanesa sinzi soVafalisayi noVasadukayi awo tava wiza kwendi asi a ya va kuhwe, yipo ga va tanterere asi: “One vana wonombaroka, yilye ogu ana mu tantere, mu henduke ehandu lyenene lyaKarunga lyokomeho? 8Ngomu ngoso, yimeni nye yiyimwa yomulyo yomalitezururo no! 9Walye omu ligazara asi, ‘Ose twa kara naguhyetu Abirahamu.’ Nye ame tani mu tantere asi, Karunga kwa kara nononkondo dokuninka mamanya aga, ga kare vana vaAbirahamu. 10Ekuva nare vana li tura konondandani dositji. Nkenye sitji esi sa ha yimi yiyimwa yoyiwa, ngava si teta, tava si zugumine momundiro. 11Ame kuna kumukuhwa tupu nomema, mu litezurure, ano nye ogu nga wiza konyima zange, ga vhura nge mononkondo. Ame kapi na wapera kumusimbira nonkaku dendi. Age nga ya mu kuhwa noMpepo zoKupongoka nomundiro. 12Sizereso mokuwoko kwendi sa kara. Age nga wapeka rupare rwendi: rukokotwa nga ru pongaikira koutara, ano rungu nga ru swakerera momundiro ogu gwa ha dimi.”
Ekuho lyaJesus
13Momazuva ogo yimo ga tundire Jesus moGalireya, a wize koJorodana kwaJohanesa, va ya mu kuhwe. 14Nye Johanesa kwa here kumukava, ta mu tantere asi: “Ame nyame ngano na fira kukuhwa nge ove, ngapi hena omu no wizira nge ame?” 15Makura Jesus ta limburura asi: “Siga tupu yi kare, yeeyi ntani yi tu wapera, tu sikise mo nayinye eyi ya hungama.” Makura Johanesa ta pura.
16Jesus kwa pwa tupu kumukuhwa, makura ta zauka mo momema. Va tara ko, eguru lina mu zegurukire, makura ta mono Mpepo zaKarunga tazi mu hegumukire peguru lyendi ngwendi nkutji. 17Meguru tamu tundu ezwi lina kutanta asi: “Ogu yige Munwange ogu na hara, ga za nge komutjima.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003