Mateusa 2
2
Vakonentu woko Upumezuva
1Opo va mu hampurukilire Jesus moBeterehema zomoJudeya mouzuni wahompa Herodesa, yipo va wizire vakonentu vamwe koJerusarema, va tunde koUpumezuva. 2Makura tava pura asi: “Kupi ko ana kara hompa goVajuda, ogu kava hampurukire? Yeeyi ose kwa monena mbungururu zendi koUpumezuva, makura yiyo tuna wiza, tu ya mu tongamene.” 3Apa ga yi zuvhire hompa Herodesa eyi, tagu mu pwaga, ano Jerusarema mudima tagu zi pwaga kumwe nendi. 4Makura age ta zigida nye vapristeli wovanene novalirongi womatjangwa womomuhoko gwawo, ta va pura asi: “Kristusa kupi ko ngano ngava mu hampurukira?” 5Vena tava mu limburura asi: “MoBeterehema zomoJudeya, morwa yimo ga yi tjanga muporofete asi:
6‘Ove Beterehema zomosirongo saJuda,
kapi si nyove wa nunupa po
mokatji koyitata yoyinene yomoJuda,
yeeyi moge yimo ngamu tunda mugendesi,
ogu nga gendesa muhoko gwange gwaIsraeli!’ ”
7Makura Herodesa ta zigida vakonentu mokahore‐hore, ta ya va pururura yosiruwo semoneko lyombungururu. 8Makura ta va tumu koBeterehema asi: “Zendeni, mu ka pupide nawa munona ogo. Ano nsene muna ka mu gwana, ngomu divise nge ko, name ngani ze ko, ni ka mu tongamene.” 9Eyi va mana kupurakena hompa, makura tava ka za. Va tara ko, mbungururu ezi va mwene awo koUpumezuva, zezi, kuna kuvapitisira komeho zawo, dogoro noku za ka sikire, zi ka sikame apa ga kere munona. 10Apa va mwene mbungururu, tava hafa makuruhafa. 11Makura tava hwilire monzugo, tava gwana mo munona nozina Mariya, tava tu nongoro va mu tongamene. Kutunda opo tava rongorora ugawo wawo, tava mu hwire uhwi wongorodo nomanganganga gokututumikidisa nomira. 12Morwakuvatantera Karunga konzodi asi va ha tengura hena kwaHerodesa, yiyo va tengwilire kwawo nonzira peke.
Etjwayukiro koEgipite
13Vena eyi va za ngoso, Josefa ta mu monekere muengeli gwaHompa monzodi, makura ta mu tantere asi: “Pinduka, o guse munona nozina, o tjwayukire koEgipite, o ka kare nawo kooko dogoro noku ngani ka ku tantera, yeeyi Herodesa kuna kupingira a papare munona, a ya mu dipage.” 14Makura Josefa ta pinduka, ta gusa munona nozina masiku googo, ta zi nawo koEgipite. 15Age kwa ka kere ko dogoro noku ga fire Herodesa, asi di sike mo nonkango daHompa, edi ga uyungisire muporofete asi: “Ame kwa zigida Munwange, a tunde mo moEgipite.”
Edipago lyovanona
16Apa ga nongwenene Herodesa asi vakonentu kuna mu kumbagere, makura ta handuka unene. Makura ta tumu vantu vendi, va ka dipage vanona wovagara womoBeterehema wonomvhura dokutundilira kwambali dogoro nokonhi zedi, mokuyereka mosiruwo esi ga zuvhire kovakonentu.
17Ngesi yimo ya sikire mo yiuyunga eyi ga uyungire muporofete Jeremiya pokutanta asi:
18“Ezwi kuna kuzuvhika moRama,
yiso sa siliro nononkali.
Rakera kuna kulilira vana vendi,
nye nokumuvhura si kumuhengagwida,
yeeyi nagumwe si ana hupu po.”
Etenguro koNasareta
19Eyi ga fa Herodesa, makura muengeli gwaHompa ta monekere Josefa moEgipite konzodi, 20ta mu tantere asi: “Pinduka o guse munona nozina, o ze nawo kosirongo saIsraeli, yeeyi vena vana fu nye, ava va here kudipaga munona.” 21Makura ta katuka, ta gusa munona nozina, ta tengura nawo kosirongo saIsraeli.
22Apa ga zuvhire asi Arukerausi yige ana kara mo mouhompa waguhwe Herodesa moJudeya, Josefa makura ta kara moutjirwe wokuza ko. Mokonda zerondoro lyokonzodi ta zi nye mosirongo saGalireya. 23Yipo nye ga ka tungilire mositata sedina lyaNasareta, asi yi sike mo yiuyunga yovaporofete asi: “Ngava mu tumbura asi Munasareta.”
Currently Selected:
Mateusa 2: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Mateusa 2
2
Vakonentu woko Upumezuva
1Opo va mu hampurukilire Jesus moBeterehema zomoJudeya mouzuni wahompa Herodesa, yipo va wizire vakonentu vamwe koJerusarema, va tunde koUpumezuva. 2Makura tava pura asi: “Kupi ko ana kara hompa goVajuda, ogu kava hampurukire? Yeeyi ose kwa monena mbungururu zendi koUpumezuva, makura yiyo tuna wiza, tu ya mu tongamene.” 3Apa ga yi zuvhire hompa Herodesa eyi, tagu mu pwaga, ano Jerusarema mudima tagu zi pwaga kumwe nendi. 4Makura age ta zigida nye vapristeli wovanene novalirongi womatjangwa womomuhoko gwawo, ta va pura asi: “Kristusa kupi ko ngano ngava mu hampurukira?” 5Vena tava mu limburura asi: “MoBeterehema zomoJudeya, morwa yimo ga yi tjanga muporofete asi:
6‘Ove Beterehema zomosirongo saJuda,
kapi si nyove wa nunupa po
mokatji koyitata yoyinene yomoJuda,
yeeyi moge yimo ngamu tunda mugendesi,
ogu nga gendesa muhoko gwange gwaIsraeli!’ ”
7Makura Herodesa ta zigida vakonentu mokahore‐hore, ta ya va pururura yosiruwo semoneko lyombungururu. 8Makura ta va tumu koBeterehema asi: “Zendeni, mu ka pupide nawa munona ogo. Ano nsene muna ka mu gwana, ngomu divise nge ko, name ngani ze ko, ni ka mu tongamene.” 9Eyi va mana kupurakena hompa, makura tava ka za. Va tara ko, mbungururu ezi va mwene awo koUpumezuva, zezi, kuna kuvapitisira komeho zawo, dogoro noku za ka sikire, zi ka sikame apa ga kere munona. 10Apa va mwene mbungururu, tava hafa makuruhafa. 11Makura tava hwilire monzugo, tava gwana mo munona nozina Mariya, tava tu nongoro va mu tongamene. Kutunda opo tava rongorora ugawo wawo, tava mu hwire uhwi wongorodo nomanganganga gokututumikidisa nomira. 12Morwakuvatantera Karunga konzodi asi va ha tengura hena kwaHerodesa, yiyo va tengwilire kwawo nonzira peke.
Etjwayukiro koEgipite
13Vena eyi va za ngoso, Josefa ta mu monekere muengeli gwaHompa monzodi, makura ta mu tantere asi: “Pinduka, o guse munona nozina, o tjwayukire koEgipite, o ka kare nawo kooko dogoro noku ngani ka ku tantera, yeeyi Herodesa kuna kupingira a papare munona, a ya mu dipage.” 14Makura Josefa ta pinduka, ta gusa munona nozina masiku googo, ta zi nawo koEgipite. 15Age kwa ka kere ko dogoro noku ga fire Herodesa, asi di sike mo nonkango daHompa, edi ga uyungisire muporofete asi: “Ame kwa zigida Munwange, a tunde mo moEgipite.”
Edipago lyovanona
16Apa ga nongwenene Herodesa asi vakonentu kuna mu kumbagere, makura ta handuka unene. Makura ta tumu vantu vendi, va ka dipage vanona wovagara womoBeterehema wonomvhura dokutundilira kwambali dogoro nokonhi zedi, mokuyereka mosiruwo esi ga zuvhire kovakonentu.
17Ngesi yimo ya sikire mo yiuyunga eyi ga uyungire muporofete Jeremiya pokutanta asi:
18“Ezwi kuna kuzuvhika moRama,
yiso sa siliro nononkali.
Rakera kuna kulilira vana vendi,
nye nokumuvhura si kumuhengagwida,
yeeyi nagumwe si ana hupu po.”
Etenguro koNasareta
19Eyi ga fa Herodesa, makura muengeli gwaHompa ta monekere Josefa moEgipite konzodi, 20ta mu tantere asi: “Pinduka o guse munona nozina, o ze nawo kosirongo saIsraeli, yeeyi vena vana fu nye, ava va here kudipaga munona.” 21Makura ta katuka, ta gusa munona nozina, ta tengura nawo kosirongo saIsraeli.
22Apa ga zuvhire asi Arukerausi yige ana kara mo mouhompa waguhwe Herodesa moJudeya, Josefa makura ta kara moutjirwe wokuza ko. Mokonda zerondoro lyokonzodi ta zi nye mosirongo saGalireya. 23Yipo nye ga ka tungilire mositata sedina lyaNasareta, asi yi sike mo yiuyunga yovaporofete asi: “Ngava mu tumbura asi Munasareta.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003