Mateusa 4
4
Maheteko gaJesus
1Jesus kwa mu twere Mpepo zaKarunga mosirongo somburundu, a ka mu heteke Muzonaguli. 2Eyi ga dira kulya mazuva nomurongo ne nomasiku nomurongo ne, makura nzara tazi mu kwata. 3Muheteki ta heda kwendi, ta ninki asi: “Nsenesi o MunwaKarunga, ninka mamanya aga, ga lisitunuke nomboroto no.” 4Nye age ta mu limburura asi: “Kwa tjanga va tjanga asi, ‘Muntu kapi a paruka komboroto zelike, muntu kuparuka kwankenye nkango ezi azi tundu mokana kaKarunga.’ ”
5Kutunda opo Muzonaguli ta mu twara kositata sokupongoka, ta ka mu tura keguru lyoruhungu rontembeli. 6Makura ta mu tantere asi: “Nsenesi o MunwaKarunga, vatukira pevhu, yeeyi kwa tjanga asi:
‘Age nga tantera vaengeli vendi va ku kaure,
asi o dire kupundura mpadi zoge kemanya.’ ”
7Jesus makura ta mu limburura asi: “Kwa tjanga hena asi, ‘Walye o heteke Hompa Karunga goge!’ ”
8Muzonaguli makura ta mu twara hena kondundu zonde unene, ta ka mu likida mauntungi gouzuni nomaufuuli gamo. 9Makura ta mu tantere asi: “Nayinye eyi ono kumona ngano nani yi ku pa, nsene o twa nongoro pevhu o tongamene nge.” 10Makura opo Jesus ta mu tantere asi: “Zende kwina, Satana, yeeyi kwa tjanga asi, ‘Hompa Karunga goge gelike no tongamena no kerera a huru.’ ” 11Makura Muzonaguli ta mu sigi, ano vaengeli tava wiza tava ya kerere Jesus.
Jesus ta vareke yirugana yendi moGalireya
12Apa ga zuvhire Jesus asi Johanesa vana mu tura modorongo, makura ta zi koGalireya. 13Age kwa dirukire moNasareta, ta ka tunga moKaperenaumu poyiha yekurudiva, momukunda gwaSeburoni naNafitali, 14asi nonkango domuporofete Jesaya di sike mo asi:
15“Ove sirongo saSeburoni, nove sirongo saNafitali,
koyiha yekurudiva, mesinya mwina lyaJorodana,
ove Galireya zovanayirongo!
16Muhoko ogu gwa hingira mendema
tagu mono uzera wounene.
Ano vene vatuli womosirongo nomomundundumba gonomfa,
uzera tau va zerere.”
17Kutunda opo Jesus makura ta vareke nye kuudisa asi: “Litezurureni, yeeyi Untungi waKarunga pepi una kara!”
Jesus ta horowora varongwa wokuhova
18Haga za Jesus mokukurangeda kononkenkera dekurudiva lyaGalireya, a tare ko, Simoni — ogu ava tumbura asi Peturusa — namumbyendi Andiliyasa vava, awo tava tegaike ekwe lyawo mekurudiva, morwa awo vakwati wonomfi va kere. 19Makura age ta va tantere asi: “Kwameni nge, ni ka mu ninke mu kare vakwati wovantu.” 20Awo kwa zuvha tupu ngesi, makura tava sigi makwe gawo, tava mu kwama.
21Eyi ga zaaza ko, ta mono hena vantu namumbyendi, oJakopo naJohanesa, vana vaSebede, awo vana kara mowato kumwe naguhyawo Sebede, tava wapaike makwe gawo. Makura ta va zigida. 22Nawo kapi va likwata‐kwata, makura tava sigi wato naguhyawo, tava ka kwama Jesus.
Jesus ta rongo oku ta verura vantu
23Makura ntani ana kugendagura Jesus moGalireya mudima, oku ta rongo monosinagoge dawo, ta zuvhisa Mbudi zoNgwa zoUntungi waKarunga, oku ta hakura nkenye uvera nokuyova nakunye kovantu. 24Efumano lyendi makura tali zi tururu moSiliya mudima. Awo makura tava mu retere navenye ava ngava vere mauvera nkenye aga nonomupya, nava wonompepo donondona nava womaugonde noyirema, age makura ta va verura navenye. 25Nombunga nonombunga ngadi mu kwama‐kwama, tadi tundu moGalireya nomoDekapolisi nomoJerusarema nomoJudeya nemesinya mwina lyaJorodana.
Currently Selected:
Mateusa 4: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Mateusa 4
4
Maheteko gaJesus
1Jesus kwa mu twere Mpepo zaKarunga mosirongo somburundu, a ka mu heteke Muzonaguli. 2Eyi ga dira kulya mazuva nomurongo ne nomasiku nomurongo ne, makura nzara tazi mu kwata. 3Muheteki ta heda kwendi, ta ninki asi: “Nsenesi o MunwaKarunga, ninka mamanya aga, ga lisitunuke nomboroto no.” 4Nye age ta mu limburura asi: “Kwa tjanga va tjanga asi, ‘Muntu kapi a paruka komboroto zelike, muntu kuparuka kwankenye nkango ezi azi tundu mokana kaKarunga.’ ”
5Kutunda opo Muzonaguli ta mu twara kositata sokupongoka, ta ka mu tura keguru lyoruhungu rontembeli. 6Makura ta mu tantere asi: “Nsenesi o MunwaKarunga, vatukira pevhu, yeeyi kwa tjanga asi:
‘Age nga tantera vaengeli vendi va ku kaure,
asi o dire kupundura mpadi zoge kemanya.’ ”
7Jesus makura ta mu limburura asi: “Kwa tjanga hena asi, ‘Walye o heteke Hompa Karunga goge!’ ”
8Muzonaguli makura ta mu twara hena kondundu zonde unene, ta ka mu likida mauntungi gouzuni nomaufuuli gamo. 9Makura ta mu tantere asi: “Nayinye eyi ono kumona ngano nani yi ku pa, nsene o twa nongoro pevhu o tongamene nge.” 10Makura opo Jesus ta mu tantere asi: “Zende kwina, Satana, yeeyi kwa tjanga asi, ‘Hompa Karunga goge gelike no tongamena no kerera a huru.’ ” 11Makura Muzonaguli ta mu sigi, ano vaengeli tava wiza tava ya kerere Jesus.
Jesus ta vareke yirugana yendi moGalireya
12Apa ga zuvhire Jesus asi Johanesa vana mu tura modorongo, makura ta zi koGalireya. 13Age kwa dirukire moNasareta, ta ka tunga moKaperenaumu poyiha yekurudiva, momukunda gwaSeburoni naNafitali, 14asi nonkango domuporofete Jesaya di sike mo asi:
15“Ove sirongo saSeburoni, nove sirongo saNafitali,
koyiha yekurudiva, mesinya mwina lyaJorodana,
ove Galireya zovanayirongo!
16Muhoko ogu gwa hingira mendema
tagu mono uzera wounene.
Ano vene vatuli womosirongo nomomundundumba gonomfa,
uzera tau va zerere.”
17Kutunda opo Jesus makura ta vareke nye kuudisa asi: “Litezurureni, yeeyi Untungi waKarunga pepi una kara!”
Jesus ta horowora varongwa wokuhova
18Haga za Jesus mokukurangeda kononkenkera dekurudiva lyaGalireya, a tare ko, Simoni — ogu ava tumbura asi Peturusa — namumbyendi Andiliyasa vava, awo tava tegaike ekwe lyawo mekurudiva, morwa awo vakwati wonomfi va kere. 19Makura age ta va tantere asi: “Kwameni nge, ni ka mu ninke mu kare vakwati wovantu.” 20Awo kwa zuvha tupu ngesi, makura tava sigi makwe gawo, tava mu kwama.
21Eyi ga zaaza ko, ta mono hena vantu namumbyendi, oJakopo naJohanesa, vana vaSebede, awo vana kara mowato kumwe naguhyawo Sebede, tava wapaike makwe gawo. Makura ta va zigida. 22Nawo kapi va likwata‐kwata, makura tava sigi wato naguhyawo, tava ka kwama Jesus.
Jesus ta rongo oku ta verura vantu
23Makura ntani ana kugendagura Jesus moGalireya mudima, oku ta rongo monosinagoge dawo, ta zuvhisa Mbudi zoNgwa zoUntungi waKarunga, oku ta hakura nkenye uvera nokuyova nakunye kovantu. 24Efumano lyendi makura tali zi tururu moSiliya mudima. Awo makura tava mu retere navenye ava ngava vere mauvera nkenye aga nonomupya, nava wonompepo donondona nava womaugonde noyirema, age makura ta va verura navenye. 25Nombunga nonombunga ngadi mu kwama‐kwama, tadi tundu moGalireya nomoDekapolisi nomoJerusarema nomoJudeya nemesinya mwina lyaJorodana.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003