Marakiya 4
4
Ezuva lyaHompa tali wiza
1 Hompa Munankondo nadinye ta tanta asi: “Ezuva tali wiza, apa ngava veva po valinenepeki nava wovadona ngwendi rwenge. Mezuva olyo ngava veva po, kapi ngayi hupa po yuma. 2Nye ava omu limburukwa nge, nonkondo dange deparu ngadi mu pumina ngwendi ezuva, di mu retere everuko ngwendi nonte dezuva. Ngomu manguruka tomu hafa ngwendi yitana vana pwagesa mosinyongo. 3Mezuva eli ngani rugana, one ngomu diinina po vadinikarunga, awo ngava kara ngwendi mbundu konhi zonompadi deni.
4“Omu diworoke marongo gomukereli gwange Mosesa, noveta nonompangera edi na mu pererere kondundu zaSinayi asi dokulimburukwa vantu navenye vaIsraeli.
5“Ezuva olyo lyenene lyedigu lyaHompa alyo simpe nokuwiza si, ngani hova tanko kumutumina muporofete Eliya. 6Age nga ya pongeka hena oguhya novana pamwe; neisi ngani wiza ni ya hanagure po sirongo seni.”
Currently Selected:
Marakiya 4: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
