JESAYA 20
20
Sidiviso somuporofete gorutu‐rutu
1Mompangera zaSarugoni, hompa gwaAsiliya, ga ka rwisire mupitisili gomukurona govakwayita vaAsiliya sitata soVafilisiti Asidodo. 2Konyima zonomvhura ntatu ga tanterere Hompa Jesaya zaAmosa asi a huture ko nonkaku dendi nosikoverero sonsako esi nga dwara. Age kwa yi limburukwire, makura ta gendi rutu‐rutu nonompadi‐mpadi. 3Ano apa va kwatere Asidodo, Hompa ta mu tantere asi: “Mukereli gwange Jesaya kwa genda rutu‐rutu nonompadi‐mpadi nomvhura ntatu. Esi sidiviso seyi ngayi horokera Egipite naSudani. 4-5Nonkwate edi nga kwata hompa gwaAsiliya domoyirongo oyo yivali, nga di twara marutu‐rutu. Vanona novakurona ngava genda nompadi‐mpadi nomarutu‐rutu, matako gawo poruzera, va retere Egipite nomuga. 6Siruwo oso apa ngasi sika mo, vantu ava va kara konontere daFilisitiya ngava tanta asi: ‘Tareni eyi yina kuhorokera vantu ava twa huguvarere asi va tu popere kwahompa gwaAsiliya! Omu ngatu yoworoka‐yoworoka ngapi?’ ”
Currently Selected:
JESAYA 20: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
