JESAYA 15
15
Karunga nga haraganesa po Mowaba
1Ezi yizo mbudi zokuhamena Mowaba. Yitata yaAre naKire kwa yi haraganesa po ezuva limwe tupu. Sirongo nasinye sina mwena teete. 2Vantu womoDiboni tava rondo kondundu zokupongoka va ka lilire ko. Vantu womoMowaba tawa kwenaukire neguwo yitata yaNebo naMedeba. Awo vana kurwisa nomutwe dawo nononzwedu dawo noruhodi rorunene. 3Vantu kuna dwara nonsako mononzira dositata nokomaguru gononzugo oku tava lili unene nokukuga. 4Vantu womoHesiboni nava womoEliyare kuna kukuga. Ano nkugo zawo zina zuvhika koure dogoro koJahasi. Vakwayita kuna kumenga, upenda wawo una pu po. 5Mutjima gwange kuna kulira Mowaba! Vantu vana duka mo mositata saSowara, va dukire koEgirate‐Selisiya. Vamwe vana kanduka monzira zokuvyuka koRuhiti awo kuna kulira. Vamwe vana ka vanda koHoronayimu noruhodi rwawo rorunene. 6Mukuro gwaNimulimu guna pwire. Wayi ou wa kara konontere una rembuka. Kutupu ou una hupu po woutarara. 7Vantu vana vindakana mukuro va ka vande kumwe nomaugawo gawo nagenye. 8Ezwi lyonkugo kuna kuzuvhika konomururani nadinye daMowaba nomoyitata yaEgirayimu naBera‐Elimu. 9Mositata saDiboni, mukuro kuna gehe honde, Karunga kuna pungwire vantu vamo yoyidona ko nye unene. Nhi, edipago lyohonde ngali kara lyankenye ogu ana hupu mo moMowaba.
Currently Selected:
JESAYA 15: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
