HOSEYA 8
8
Hompa ta pangura Israeli morwa?-?kutongamena vakarunga woyimpempa
1 Hompa ta tanta asi: “Tooneni katenda! Nonkore kuna kunkweura mosirongo sange ngwendi makangakodi. Vantu vange va teza po egwanekero eli na likwete nawo, makura yiyo ava rwanesa erongo lyange. 2Nampili ngomu ava tumbura nge asi Karunga gwawo tava likarwire asi va diva nge, 3va nyoka yoyiwa. Morweyi nonkore dawo ngadi va tjida‐tjida.
4“Vantu vange kuhorowora ohompa, nye kuyirugana mwavene. Awo kutumba vagendesi, ayo ya hana kutunda mwange. Awo kugusa sisiliveli nongorodo zawo, tava hambura vakarunga woyimpempa — ezonauko lyavene ava likokere. 5Ame kwa nyenga ntwedu zongorodo ezi ava tongamene Vasamaliya. Ame kuna va handukire unene. Dogoro siruwoke ntani ngava zumba ukarunga wawo woyimpempa? 6Muisraeli gonkurungu kuhambura karunga goyimpempa, nye kapisi karunga nye! Ntwedu zongorodo ezi ava tongamene moSamaliya, ngava zi sansununa po! 7Nsene va kuna mpepo, ngava teza kakunguru! Epya lyorukokotwa oru rwa hana kupya kapi ali gava mboroto. Nampili li gave, vanayirongo tupu ngava zi lya. 8Israeli kuna fana nkenye muhoko gwapeke ga hana sikwafa ngwendi kayiga kokutavauka. 9Kwa runda mutwe ngwendi yindongili yoyimbarafu, vantu vaIsraeli kulivyukira nonzira zavene. Va za va ka papare ekwafo kwaAsiliya, makura yiyo va futa nomuhoko peke di va popere.
10“Nye ngesi ame tani va pongaike kumwe ni va futise. Ntaantani tupu va litonye mokukora, apa ngava hepeka hompa gwaAsiliya.
11“Mokutunga Vaisraeli yizambero yoyinzi yokugusisa po nonzo, yimo mokuvhuka mavega gokuzonena! 12Ame kwa tjangera mbunga marongo gokudira kuvhura kuvarura, nye awo tava ga nyoka asi gokoyirongo. 13Awo kuzambera nge nonzambo, tava li nyama zononzambo. Nye ame Hompa kapi na di hafera, ano apa ngesi ame ngani diworoka nzo zawo ngani zi va futisire; makura ngani va tengwide koEgipite!
14“Vaisraeli kwa tunga nombara, nye Muungi gwawo va mu divara. Vantu vaJuda kwa tunga yitata yomakuma. Nye ngani tuma mundiro gu hwike nombara noyitata.”
Currently Selected:
HOSEYA 8: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
