HOSEYA 3
3
Hoseya nomukadi gomuhalimburukwi
1 Hompa kwa tanterere nge asi: “Zende hena o ka hore mukadi ogu a hondere nosihora. To mu hara moomu tupu hana harera ame simpe Israeli, nampili ngomu ga vyuka kovakarunga peke, yiyo ga hara kutwarera vakarunga woyimpempa mandjembere gokukukuta.”
2Makura ogo mukadi tani mu gondo yimaliva yosisiliveli murongo nayitano nonokilogarama doyilya 150. 3Tani mu tantere a ndindire nge siruwo sosire ga hana kukara hondedi ndi asi a hondere; ano posiruwo esi yipo ngani mu ndindira ni mu tarere po. 4Vantu vaIsraeli nawo yimo ngava kara ngorooro siruwo sosire va hana hompa ndi vagendesi, va hana nonzambo ndi nongundi dokupongoka domamanya, va hana vakarunga woyimpempa ndi mafano gokuruganesa yikoverero youkerelikarunga. 5Nye siruwo ngasi wiza apa ngava tengwira hena Vaisraeli kwaHompa Karunga gwawo, nokontekuru zahompa gwawo Ndafita. Makura yipo ngava tjira Hompa, ngava gwane mauhwi gendi gomawa.
Currently Selected:
HOSEYA 3: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
