HOSEYA 11
11
Eharo lyaKarunga kombunga zendi zouhezuvhu
1 Hompa ta tanta asi:
“Apa ga kere Israeli unona wendi,
ame kwa mu here
ame kwa mu zigida mo
moEgipite munwange gomugara.
2Mokumuzigida ame rorunzi,
yimo hena mokutunda ko
kwange a hede ko.
Vantu vange kuzambera Bara;
tava swakererere yedumba lyewa
vakarunga woyimpempa.
3Nye ame nye nyame na ronga
Israeli kugenda.
Ame kwa damuna mbunga zange
momawoko gange,
nye awo nokudiva si asi
nyame ani va pakere mbili.
4Ame kwa va koka nonongama
dovantu neharo.
Kwa va damwine tani va tura
komatama gange;
Tani va nyongamene ni va rere.
5“Awo tava nyoka kutengwira kwange, ngoso yiwo kutengwira koEgipite, makura Asiliya nga va pangere. 6Yita ngayi genda mwa za yitata yawo, tayi tezagura marungavero goyitata yawo. Ngayi hanagura vantu vange morwa awo kurugana yeeyi ava gazara vene asi yiyo yiwa po. 7Awo kukondjera kutunda ko kwange. Ngava lira kondjoko ezi zina kara kwawo, nye nagumwe si ogu nga zi va zerura.
8“Ngapi omu nani ku siga, ove Israeli?
Ngapi omu nani ku zumba?
Na ku hanagura rumwe moomu
na yi rugene Adima,
ndi ni ku rugane moomu
na rugene Seboyimu ndi?
Mutjima gwange kapi ngagu
siga nge ni yi rugane!
Eharo lyange koge enene unene.
9Kapi ngani ku futisa mehandu lyange;
Kapi ngani hanagura hena Israeli.
Morwa ame ni Karunga kapisi
ni muntu.
Ame Mupongoki neni na kara.
Kapi ngani wiza kweni mehandu.
10“Vantu vange ngava kwama nge apa ngani wulira nonkore dawo ngwendi nyime. Ngava genderera kutunda koUtokero va wize kwange. 11Ngava tunda koEgipite kuna kufweka ngwendi yidira, nokoAsiliya ngwendi nomputukuwa: Ame ngani va reta hena komambo gawo. Ame Hompa, nyame na yi uyunga.”
Israeli naJuda tava va pangura
12 Hompa ta tanta asi: “Mbunga zaIsraeli kuna kundurukida nge noyimpempa nomakumbagero, ano mbunga zaJuda simpe kuna kuvyuka nge, ame mulimburukwi Karunga gokupongoka.
Currently Selected:
HOSEYA 11: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
