Exodus 40
40
Ediko nepongoro lyoNkongoronzugo zaHompa zoMagwanekerero
1 Hompa kwa tanterere Mosesa asi: 2“Mezuva lyomuhowo lyokwedi komuhowo to dike Nkongoronzugo zoMagwanekerero. 3To tura mo sikesa, omu mwa kara yipango murongo, makura to vivi ko ekehe. 4To hwilida mo sitafura, makura to tura po yiruganeso. To hwilida mo hena sitenteko sonoramba, to tenteke ko noramba. 5Sizambero songorodo sokuswakererera manganganga gedumba lyewa to si tura komeho zosikesa, omu mwa kara yipango murongo, makura to tura ko ekehe kevero lyoNkongoronzugo zoMagwanekerero. 6Sizambero sokuswakererera nonzambo, to si tura komeho zoNkongoronzugo. 7Ano siyaha sokulikuhwira to si tura pokatji koNkongoronzugo zoMagwanekerero nosizambero, makura to tjire po mema, si zure. 8Makura to tura ko nye rugumbo, to tura po ekehe pevero lyaro.
9“Ntani nye ono kupongora Nkongoronzugo noyiruganeso yazo nayinye pokuyigwaveka magadi gokupongoka, makura tayi pongoka. 10Ono kuninka, to pongora sizambero noyiruganeso yaso nayinye pokusigwaveka, makura tasi pongokerere. 11Siyaha sokulikuhwira netako lyaso naso yimo mokusipongora ngorooro.
12“OArona novana vendi wovagara to va reta pevero lyoNkongoronzugo zoMagwanekerero, makura to va ninki, va likuhwe pampo. 13To dwareke Arona yikoverero yosiupristeli, to mu gwaveke, makura ngoso ono mu pongora nye, asi a vhure kukara mupristeli gokuruganena nge. 14Vana vendi wovagara to va reta, makura to va dwareke mayerera, 15ntani nye ono kuvagwaveka moomu tupu ko gwaveke guhyawo, asi va vhure kukara vapristeli wokuruganena nge. Egwaveko eli yilyo ngali va ninka asi va kare vapristeli nokomeho oko.”
16Mosesa makura ta rugana nayinye, moomu tupu ga mu pangerere Hompa, asi yimo na rugana. 17Ano mezuva lyomuhowo lyokwedi komuhowo komumvho gwauvali, kutunda apa va tundire moEgipite, yimo nye va zi dikire Nkongoronzugo zoMagwanekerero. 18Mosesa kwa tentaikire matako gazo, ta tura po yikuravero yazo, ta zwekaike mo nompigetji dazo, makura ta sinsaike mo nongundi dazo. 19Makura ta kudumike ko koNkongoronzugo ukudumikiso wokontunda, moomu tupu ga yi pangere Hompa. 20Ntani nye ana kugusa yitafura yivali yomamanya, ta yi tura mosikesa. Yitji yonomudigo ta yi zweke monolinga dokoSikesa sEgwanekero, makura ta kudumike ko nswiko zako. 21Oso sikesa ta si tura moNkongoronzugo, makura ta vivi ko ekehe. Monkedi zangesi yimo ga vivire sikesa, omu mwa kere yitafura yomamanya, moomu tupu ga yi pangere Hompa.
22Ta tura sitafura moNkongoronzugo korwaMuzogo‐zogo kesinya oku lyekehe lyokuvivisa. 23Makura ta tura po nomboroto dokuzambera kwaHompa, moomu tupu ga yi pangere Hompa. 24Ta tura sitenteko sonoramba moNkongoronzugo korwaMbindakano, si livyuke nositafura. 25Makura ta hwameke noramba komeho zaHompa, moomu tupu ga yi pangere Hompa. 26Ta tura mo sizambero songorodo moNkongoronzugo komeho zekehe, 27makura ta swakerere po manganganga gedumba lyewa, moomu tupu ga yi pangere Hompa. 28Pevero lyoNkongoronzugo ta tura po ekehe. 29Ano oko komeho zekehe ta tura ko sizambero sokuswakererera nonzambo. Opo yipo nye ga zambererere nzambo zeswakerero nezi zonombuto, moomu tupu ga yi pangere Hompa. 30Siyaha sokulikuhwira ta si tura pokatji koNkongoronzugo nosizambero, makura ta tjire po mema, si zure. 31OMosesa naArona novana vendi wovagara yimo nye mokukuhwira mawoko gawo nonompadi dawo, 32sinene tava zi moNkongoronzugo ndi kosizambero, moomu tupu ga yi pangere Hompa. 33Mosesa ta tura ko rugumbo, ru kundurukide Nkongoronzugo nosizambero, makura ta tura po ekehe kevero lyorugumbo. Mosesa yimo nye ngoso ga mene yirugana nayinye.
Eremo tali kudumike Nkongoronzugo zaHompa
(Num 9:15-23)
34Eremo makura tali kudumike Nkongoronzugo zoMagwanekerero, ano uyerere waHompa tau zi zwida. 35Makura Mosesa kapi ga vhulire hena kuza moNkongoronzugo zoMagwanekerero morwaeremo eli lya kere po, nouyerere waHompa ou wa zi zwidire. 36Sinene eremo lina rondo, li tunde poNkongoronzugo zoMagwanekerero, makura Vaisraeli nawo tava katuka, va ze, va ka dike kamba nazo peke. 37Nye nsene eremo halya kerera poopo, nawo nokukatuka si va zungurure kamba. 38Morugendo rwawo namunye omo ngava mono eremo lyouyerere waHompa kontunda zoNkongoronzugo mutenya, ano masiku mundiro gokutwera kontunda zazo.
Currently Selected:
Exodus 40: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 40
40
Ediko nepongoro lyoNkongoronzugo zaHompa zoMagwanekerero
1 Hompa kwa tanterere Mosesa asi: 2“Mezuva lyomuhowo lyokwedi komuhowo to dike Nkongoronzugo zoMagwanekerero. 3To tura mo sikesa, omu mwa kara yipango murongo, makura to vivi ko ekehe. 4To hwilida mo sitafura, makura to tura po yiruganeso. To hwilida mo hena sitenteko sonoramba, to tenteke ko noramba. 5Sizambero songorodo sokuswakererera manganganga gedumba lyewa to si tura komeho zosikesa, omu mwa kara yipango murongo, makura to tura ko ekehe kevero lyoNkongoronzugo zoMagwanekerero. 6Sizambero sokuswakererera nonzambo, to si tura komeho zoNkongoronzugo. 7Ano siyaha sokulikuhwira to si tura pokatji koNkongoronzugo zoMagwanekerero nosizambero, makura to tjire po mema, si zure. 8Makura to tura ko nye rugumbo, to tura po ekehe pevero lyaro.
9“Ntani nye ono kupongora Nkongoronzugo noyiruganeso yazo nayinye pokuyigwaveka magadi gokupongoka, makura tayi pongoka. 10Ono kuninka, to pongora sizambero noyiruganeso yaso nayinye pokusigwaveka, makura tasi pongokerere. 11Siyaha sokulikuhwira netako lyaso naso yimo mokusipongora ngorooro.
12“OArona novana vendi wovagara to va reta pevero lyoNkongoronzugo zoMagwanekerero, makura to va ninki, va likuhwe pampo. 13To dwareke Arona yikoverero yosiupristeli, to mu gwaveke, makura ngoso ono mu pongora nye, asi a vhure kukara mupristeli gokuruganena nge. 14Vana vendi wovagara to va reta, makura to va dwareke mayerera, 15ntani nye ono kuvagwaveka moomu tupu ko gwaveke guhyawo, asi va vhure kukara vapristeli wokuruganena nge. Egwaveko eli yilyo ngali va ninka asi va kare vapristeli nokomeho oko.”
16Mosesa makura ta rugana nayinye, moomu tupu ga mu pangerere Hompa, asi yimo na rugana. 17Ano mezuva lyomuhowo lyokwedi komuhowo komumvho gwauvali, kutunda apa va tundire moEgipite, yimo nye va zi dikire Nkongoronzugo zoMagwanekerero. 18Mosesa kwa tentaikire matako gazo, ta tura po yikuravero yazo, ta zwekaike mo nompigetji dazo, makura ta sinsaike mo nongundi dazo. 19Makura ta kudumike ko koNkongoronzugo ukudumikiso wokontunda, moomu tupu ga yi pangere Hompa. 20Ntani nye ana kugusa yitafura yivali yomamanya, ta yi tura mosikesa. Yitji yonomudigo ta yi zweke monolinga dokoSikesa sEgwanekero, makura ta kudumike ko nswiko zako. 21Oso sikesa ta si tura moNkongoronzugo, makura ta vivi ko ekehe. Monkedi zangesi yimo ga vivire sikesa, omu mwa kere yitafura yomamanya, moomu tupu ga yi pangere Hompa.
22Ta tura sitafura moNkongoronzugo korwaMuzogo‐zogo kesinya oku lyekehe lyokuvivisa. 23Makura ta tura po nomboroto dokuzambera kwaHompa, moomu tupu ga yi pangere Hompa. 24Ta tura sitenteko sonoramba moNkongoronzugo korwaMbindakano, si livyuke nositafura. 25Makura ta hwameke noramba komeho zaHompa, moomu tupu ga yi pangere Hompa. 26Ta tura mo sizambero songorodo moNkongoronzugo komeho zekehe, 27makura ta swakerere po manganganga gedumba lyewa, moomu tupu ga yi pangere Hompa. 28Pevero lyoNkongoronzugo ta tura po ekehe. 29Ano oko komeho zekehe ta tura ko sizambero sokuswakererera nonzambo. Opo yipo nye ga zambererere nzambo zeswakerero nezi zonombuto, moomu tupu ga yi pangere Hompa. 30Siyaha sokulikuhwira ta si tura pokatji koNkongoronzugo nosizambero, makura ta tjire po mema, si zure. 31OMosesa naArona novana vendi wovagara yimo nye mokukuhwira mawoko gawo nonompadi dawo, 32sinene tava zi moNkongoronzugo ndi kosizambero, moomu tupu ga yi pangere Hompa. 33Mosesa ta tura ko rugumbo, ru kundurukide Nkongoronzugo nosizambero, makura ta tura po ekehe kevero lyorugumbo. Mosesa yimo nye ngoso ga mene yirugana nayinye.
Eremo tali kudumike Nkongoronzugo zaHompa
(Num 9:15-23)
34Eremo makura tali kudumike Nkongoronzugo zoMagwanekerero, ano uyerere waHompa tau zi zwida. 35Makura Mosesa kapi ga vhulire hena kuza moNkongoronzugo zoMagwanekerero morwaeremo eli lya kere po, nouyerere waHompa ou wa zi zwidire. 36Sinene eremo lina rondo, li tunde poNkongoronzugo zoMagwanekerero, makura Vaisraeli nawo tava katuka, va ze, va ka dike kamba nazo peke. 37Nye nsene eremo halya kerera poopo, nawo nokukatuka si va zungurure kamba. 38Morugendo rwawo namunye omo ngava mono eremo lyouyerere waHompa kontunda zoNkongoronzugo mutenya, ano masiku mundiro gokutwera kontunda zazo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003