Levitikus 1
1
Nonzambo dokuswakerera nuunu
1 Hompa kwa zigidire Mosesa moNkongoronzugo zoMagwanekerero, ta mu tantere asi: 2“Uyunga nombunga zoVaisraeli, o zi tantere asi: Nsene pweli ogu ana hara kuzamba nzambo zosimuna, zi kare zonongombe ndi zononzwi ndi zoyikombo, 3ano nsene asi ngombe zendi zimwe po yizo ana kukazamba nzambo zeswakerero, a tware ntwedu za hana sipo. A zi tware pevero lyoNkongoronzugo zoMagwanekerero, asi a ka zi zambere Hompa. 4A kambeke kuwoko kwendi komutwe gwazo, makura tava zi tambura nye, zi kare nzambo zokugusa po nonzo dendi. 5Ntwedu a zi dipagere poopo kosipara saHompa, makura vana vaArona wovapristeli va guse honde, va zi sampere komaruha nagenye gane gosizambero, esi sa kara pevero lyoNkongoronzugo. 6Makura ntani nye ana kuhuva oso simuna, a si topagure. 7Vapristeli makura tava tura yitare posizambero, tava yi hwameke. 8Makura tava tura nontumba dosimuna rambangako nomutwe nomagadi pomundiro. 9Ogo mugara a kuhwe yemezimo noyirama yomatako, makura mupristeli ta swakererere nzambo nazinye posizambero. Edumba eli lyonzambo zonondya kwa za Hompa komutjima.
10“Nsene asi ta ka zamba po nzwi zendi zimwe ndi sikombo sendi simwe, si kare sosikungwe sa hana sipo. 11A si dipagere korwaMuzogo‐zogo gosizambero kosipara saHompa. Ano vapristeli va sampere honde zaso komaruha nagenye gane gosizambero. 12Nsene ana mana kusitopagura, vapristeli va ture nye nontumba nadinye rambangako nomutwe nomagadi pomundiro. 13Ogo mugara a kuhwe yemezimo noyirama yomatako. Mupristeli makura ta twara ozo nzambo kwaHompa, ta zi swakerere po nazinye posizambero. Edumba eli lyonzambo zonondya kwa za Hompa komutjima.
14“Ano nsene asi ta ka zamba sidira nzambo zeswakerero, ntudi nkutji ndi mputukuwa ntani. 15Mupristeli a zi tware kosizambero, a zupure ko mutwe gwazo, a gu swakererere posizambero. Ano honde zazo a zi zozesere konompatji dimwe dosizambero. 16A guse po ehahali neyi yamo, makura a li zugumine korwaUpumezuva wosizambero, oku ava kombere enoto. 17A zi tawire pokatji komavava, nye kapisi kugateta ko. Makura ta zi swakererere posizambero. Edumba eli lyonzambo zonondya kwa za Hompa komutjima.
Currently Selected:
Levitikus 1: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Levitikus 1
1
Nonzambo dokuswakerera nuunu
1 Hompa kwa zigidire Mosesa moNkongoronzugo zoMagwanekerero, ta mu tantere asi: 2“Uyunga nombunga zoVaisraeli, o zi tantere asi: Nsene pweli ogu ana hara kuzamba nzambo zosimuna, zi kare zonongombe ndi zononzwi ndi zoyikombo, 3ano nsene asi ngombe zendi zimwe po yizo ana kukazamba nzambo zeswakerero, a tware ntwedu za hana sipo. A zi tware pevero lyoNkongoronzugo zoMagwanekerero, asi a ka zi zambere Hompa. 4A kambeke kuwoko kwendi komutwe gwazo, makura tava zi tambura nye, zi kare nzambo zokugusa po nonzo dendi. 5Ntwedu a zi dipagere poopo kosipara saHompa, makura vana vaArona wovapristeli va guse honde, va zi sampere komaruha nagenye gane gosizambero, esi sa kara pevero lyoNkongoronzugo. 6Makura ntani nye ana kuhuva oso simuna, a si topagure. 7Vapristeli makura tava tura yitare posizambero, tava yi hwameke. 8Makura tava tura nontumba dosimuna rambangako nomutwe nomagadi pomundiro. 9Ogo mugara a kuhwe yemezimo noyirama yomatako, makura mupristeli ta swakererere nzambo nazinye posizambero. Edumba eli lyonzambo zonondya kwa za Hompa komutjima.
10“Nsene asi ta ka zamba po nzwi zendi zimwe ndi sikombo sendi simwe, si kare sosikungwe sa hana sipo. 11A si dipagere korwaMuzogo‐zogo gosizambero kosipara saHompa. Ano vapristeli va sampere honde zaso komaruha nagenye gane gosizambero. 12Nsene ana mana kusitopagura, vapristeli va ture nye nontumba nadinye rambangako nomutwe nomagadi pomundiro. 13Ogo mugara a kuhwe yemezimo noyirama yomatako. Mupristeli makura ta twara ozo nzambo kwaHompa, ta zi swakerere po nazinye posizambero. Edumba eli lyonzambo zonondya kwa za Hompa komutjima.
14“Ano nsene asi ta ka zamba sidira nzambo zeswakerero, ntudi nkutji ndi mputukuwa ntani. 15Mupristeli a zi tware kosizambero, a zupure ko mutwe gwazo, a gu swakererere posizambero. Ano honde zazo a zi zozesere konompatji dimwe dosizambero. 16A guse po ehahali neyi yamo, makura a li zugumine korwaUpumezuva wosizambero, oku ava kombere enoto. 17A zi tawire pokatji komavava, nye kapisi kugateta ko. Makura ta zi swakererere posizambero. Edumba eli lyonzambo zonondya kwa za Hompa komutjima.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003