Exodus 39
39
Erugano lyoyikoverero yovapristeli
(Ex 28:1-14)
1Yikoverero yokudwara vapristeli poukereli wemEvega lyoKupongoka kwa yi rugene nomakehe gonongodi dosineguru nedi dopurupuli nedi donongeha. Awo kwa ruganenene Arona yikoverero yosiupristeli, moomu ga yi pangerere Hompa Mosesa.
2Awo kwa rugene sikoverero sokupongoka sokomapepe sonongodi dolina zene‐zene dosineguru nedi dopurupuli nedi donongeha nedi dongorodo. 3Awo kwa hambwire ngorodo, tazi kara tupapi‐tupapi, makura tava zi tenge motungodi-tungodi, va tu honzere momakehe gonongodi dolina zosineguru noupurupuli nougeha. 4Awo kwa rugene tumukwi topomapepe tosikoverero sokupongoka sokomapepe tokusigwanekedesesa konohuro daso mbali, asi si kore. 5Ngama zokusimangesa nazo zekehe lyonongodi dokulifana naso va honzerera kumwe, azo zonongodi dongorodo nedi domavara nedi dopurupuli nedi donongeha, ezi va tunga nonongodi dokupoha, moomu ga tanterere Hompa Mosesa. 6Awo kwa wapaikire mamanya gokareneliya, tava ga tura momaukwatero gongorodo, apo kwa tjokwere po nounkurungu madina murongo nagavali govana vaJakopo wovagara. 7Makura tava ga tura komapepe mosikoverero sokomapepe, ga kare sidiworokeso somarudi murongo nagavali gaIsraeli, moomu tupu ga yi pangerere Hompa Mosesa.
Erugano lyondjato zoponturo
(Ex 28:15-30)
8Awo kwa rugene ndjato zoponturo zekehe lyokufana lyosikoverero sokomapepe, makura tava zi limbagura ngwendi yiso. 9Azo kwa zi rambakanene, tazi kara zosikwambando, monaure nomonompatji namunye nosentimeta nomurongo mbali nantatu ngoso. 10Awo kwa tulire mo nomukweyo ne domamanya gomulyo. Momukweyo gomuhowo kwa tulire mo mamanya aga: rubini natopasi nagarenedi. 11Momukweyo gwauvali gaga: emeralidi nasafire nakawe. 12Momukweyo gwautatu: bereli naakate naametisi. 13Ano momukweyo gwaune: kilisolite nakareneliya naonikisi. Aga yigo ga tulire momaukwatero gongorodo. 14Pogo mamanya murongo nagavali, nkenye eli va tjokwere po edina limwe lyamunwaJakopo gomugara, ga faneke marudi murongo nagavali gaIsraeli. 15Awo kwa rugene tulyenge tongorodo zene‐zene, tava tu poho, moomu ava poho nongodi, tu kare kondjato zoponturo. 16Awo kwa rugene maukwatero gavali gongorodo nonolinga mbali dongorodo, makura odo nolinga mbali dongorodo tava di kogeke komakovhu gavali gepeguru gondjato zoponturo. 17Awo kwa mangere nongodi mbali dongorodo konolinga mbali, 18ano edi nohuro dimwe donongodi odo mbali tava di manga komaukwatero gavali, monkedi ezi tava tu gwanekedesa nosikoverero sokomapepe korwameho. 19Awo kwa rugene hena nolinga mbali dongorodo, tava di kogeke komakovhu gavali gepevhu gondjato zoponturo, kouhura wokonhi, ou wa hamena kosikoverero sokomapepe. 20Awo kwa rugene hena nolinga dimwe mbali, tava di kogeke konohuro dokomeho dotumukwi tuvali tokosikoverero sokomapepe, pepi nomukunkuro keguru lyongama zokutunga zosikoverero sokomapepe. 21Nolinga dondjato zoponturo nedi dosikoverero sokomapepe tava di manga nongodi zosineguru, asi ndjato zoponturo zi kambame kongama, zi dire kuhenya, moomu tupu ga yi pangerere Hompa Mosesa.
Erugano lyoyikoverero yapeke yosiupristeli
(Ex 28:31-43)
22Awo kwa honzere erwakani lyokupitakana sikoverero sokomapepe lyonongodi dosineguru delike. 23Kompito zalyo zokomutwe kwa honzerere ko nsingo zompu, asi li dire kutauka. 24-26Komukunkuro gwalyo gepevhu kwa ruganene ko nopomegaranate dolina zene‐zene nonongodi dosineguru nopurupuli nedi donongeha. Pokatji konopomegaranate tava pitaike po tungenzo tongorodo zene‐zene, moomu tupu ga yi pangerere Hompa Mosesa.
27Awo kwa rugene mayerera goArona novana vendi wovagara, 28nosinsumbere noyiduraduro nonomburukweva dolina 29nongama zolina zene‐zene, ezi va limbagura nonongodi dosineguru nopurupuli nedi donongeha, moomu tupu ga yi pangerere Hompa Mosesa. 30Awo kwa rugene mbandi zourenga zosidiviso sepongoro zongorodo zene‐zene, makura tava tjokora po asi: “Kwa pongokera Hompa.” 31Azo kwa zi honzere nongodi zosineguru komeho zosinsumbere, moomu tupu ga yi pangerere Hompa Mosesa.
Ehuliso lyoyirugana
(Ex 35:10-19)
32Yirugana nayinye yokuhamena koNkongoronzugo zoMagwanekerero makura tayi pu nye. Vaisraeli kwa rugene nayinye, moomu tupu ga yi pangerere Hompa Mosesa. 33Awo kwa twarerere Mosesa Nkongoronzugo noyiruganeso yazo nayinye, noyinkongo yazo noyikuravero yazo nonompigetji dazo nonongundi dazo nomatako gazo, 34noukudumikiso wazo woyipapa yoyikungwe, eyi va geheka, noukudumikiso woyipapa, eyi ya pya kusunta, nekehe lyokuvivisa 35nosikesa, omu mwa kara yitafura yomamanya noyitji yaso nomudigo nonswiko zaso 36nositafura noyiruganeso yaso nayinye nonomboroto dokuzambera kwaKarunga 37nositenteko sonoramba songorodo zene‐zene nonoramba daso noyiruganeso yaso nayinye nomawoli gonoramba 38nosizambero songorodo nomagadi gokugwavekesa nomanganganga gokututumikidisa gedumba lyewa nekehe lyepevero lyoNkongoronzugo 39nosizambero songoporo nosikangero saso sokurugana pakwe noyitji yaso yonomudigo noyiruganeso yaso nayinye nosiyaha sokulikuhwira netako lyaso 40nomakehe gorugumbo nonongundi nomatako gado nekehe lyepevero lyorugumbo nonongodi daro noyikwateso yoNkongoronzugo noyiruganeso nayinye yomoukereli womoNkongoronzugo 41noyikoverero yoyiwa yokudwara vapristeli mEvega lyoKupongoka — yikoverero yokupongoka yomupristeli Arona novana vendi wovagara. 42Vaisraeli kwa rugene yirugana nayinye, moomu tupu ga pangerere Hompa Mosesa. 43Mosesa kwa kona‐konene nkenye aka, ta mono asi nayinye vana hungike kuyirugana, moomu tupu ga yi penge Hompa. Makura Mosesa ta va tungike.
Currently Selected:
Exodus 39: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 39
39
Erugano lyoyikoverero yovapristeli
(Ex 28:1-14)
1Yikoverero yokudwara vapristeli poukereli wemEvega lyoKupongoka kwa yi rugene nomakehe gonongodi dosineguru nedi dopurupuli nedi donongeha. Awo kwa ruganenene Arona yikoverero yosiupristeli, moomu ga yi pangerere Hompa Mosesa.
2Awo kwa rugene sikoverero sokupongoka sokomapepe sonongodi dolina zene‐zene dosineguru nedi dopurupuli nedi donongeha nedi dongorodo. 3Awo kwa hambwire ngorodo, tazi kara tupapi‐tupapi, makura tava zi tenge motungodi-tungodi, va tu honzere momakehe gonongodi dolina zosineguru noupurupuli nougeha. 4Awo kwa rugene tumukwi topomapepe tosikoverero sokupongoka sokomapepe tokusigwanekedesesa konohuro daso mbali, asi si kore. 5Ngama zokusimangesa nazo zekehe lyonongodi dokulifana naso va honzerera kumwe, azo zonongodi dongorodo nedi domavara nedi dopurupuli nedi donongeha, ezi va tunga nonongodi dokupoha, moomu ga tanterere Hompa Mosesa. 6Awo kwa wapaikire mamanya gokareneliya, tava ga tura momaukwatero gongorodo, apo kwa tjokwere po nounkurungu madina murongo nagavali govana vaJakopo wovagara. 7Makura tava ga tura komapepe mosikoverero sokomapepe, ga kare sidiworokeso somarudi murongo nagavali gaIsraeli, moomu tupu ga yi pangerere Hompa Mosesa.
Erugano lyondjato zoponturo
(Ex 28:15-30)
8Awo kwa rugene ndjato zoponturo zekehe lyokufana lyosikoverero sokomapepe, makura tava zi limbagura ngwendi yiso. 9Azo kwa zi rambakanene, tazi kara zosikwambando, monaure nomonompatji namunye nosentimeta nomurongo mbali nantatu ngoso. 10Awo kwa tulire mo nomukweyo ne domamanya gomulyo. Momukweyo gomuhowo kwa tulire mo mamanya aga: rubini natopasi nagarenedi. 11Momukweyo gwauvali gaga: emeralidi nasafire nakawe. 12Momukweyo gwautatu: bereli naakate naametisi. 13Ano momukweyo gwaune: kilisolite nakareneliya naonikisi. Aga yigo ga tulire momaukwatero gongorodo. 14Pogo mamanya murongo nagavali, nkenye eli va tjokwere po edina limwe lyamunwaJakopo gomugara, ga faneke marudi murongo nagavali gaIsraeli. 15Awo kwa rugene tulyenge tongorodo zene‐zene, tava tu poho, moomu ava poho nongodi, tu kare kondjato zoponturo. 16Awo kwa rugene maukwatero gavali gongorodo nonolinga mbali dongorodo, makura odo nolinga mbali dongorodo tava di kogeke komakovhu gavali gepeguru gondjato zoponturo. 17Awo kwa mangere nongodi mbali dongorodo konolinga mbali, 18ano edi nohuro dimwe donongodi odo mbali tava di manga komaukwatero gavali, monkedi ezi tava tu gwanekedesa nosikoverero sokomapepe korwameho. 19Awo kwa rugene hena nolinga mbali dongorodo, tava di kogeke komakovhu gavali gepevhu gondjato zoponturo, kouhura wokonhi, ou wa hamena kosikoverero sokomapepe. 20Awo kwa rugene hena nolinga dimwe mbali, tava di kogeke konohuro dokomeho dotumukwi tuvali tokosikoverero sokomapepe, pepi nomukunkuro keguru lyongama zokutunga zosikoverero sokomapepe. 21Nolinga dondjato zoponturo nedi dosikoverero sokomapepe tava di manga nongodi zosineguru, asi ndjato zoponturo zi kambame kongama, zi dire kuhenya, moomu tupu ga yi pangerere Hompa Mosesa.
Erugano lyoyikoverero yapeke yosiupristeli
(Ex 28:31-43)
22Awo kwa honzere erwakani lyokupitakana sikoverero sokomapepe lyonongodi dosineguru delike. 23Kompito zalyo zokomutwe kwa honzerere ko nsingo zompu, asi li dire kutauka. 24-26Komukunkuro gwalyo gepevhu kwa ruganene ko nopomegaranate dolina zene‐zene nonongodi dosineguru nopurupuli nedi donongeha. Pokatji konopomegaranate tava pitaike po tungenzo tongorodo zene‐zene, moomu tupu ga yi pangerere Hompa Mosesa.
27Awo kwa rugene mayerera goArona novana vendi wovagara, 28nosinsumbere noyiduraduro nonomburukweva dolina 29nongama zolina zene‐zene, ezi va limbagura nonongodi dosineguru nopurupuli nedi donongeha, moomu tupu ga yi pangerere Hompa Mosesa. 30Awo kwa rugene mbandi zourenga zosidiviso sepongoro zongorodo zene‐zene, makura tava tjokora po asi: “Kwa pongokera Hompa.” 31Azo kwa zi honzere nongodi zosineguru komeho zosinsumbere, moomu tupu ga yi pangerere Hompa Mosesa.
Ehuliso lyoyirugana
(Ex 35:10-19)
32Yirugana nayinye yokuhamena koNkongoronzugo zoMagwanekerero makura tayi pu nye. Vaisraeli kwa rugene nayinye, moomu tupu ga yi pangerere Hompa Mosesa. 33Awo kwa twarerere Mosesa Nkongoronzugo noyiruganeso yazo nayinye, noyinkongo yazo noyikuravero yazo nonompigetji dazo nonongundi dazo nomatako gazo, 34noukudumikiso wazo woyipapa yoyikungwe, eyi va geheka, noukudumikiso woyipapa, eyi ya pya kusunta, nekehe lyokuvivisa 35nosikesa, omu mwa kara yitafura yomamanya noyitji yaso nomudigo nonswiko zaso 36nositafura noyiruganeso yaso nayinye nonomboroto dokuzambera kwaKarunga 37nositenteko sonoramba songorodo zene‐zene nonoramba daso noyiruganeso yaso nayinye nomawoli gonoramba 38nosizambero songorodo nomagadi gokugwavekesa nomanganganga gokututumikidisa gedumba lyewa nekehe lyepevero lyoNkongoronzugo 39nosizambero songoporo nosikangero saso sokurugana pakwe noyitji yaso yonomudigo noyiruganeso yaso nayinye nosiyaha sokulikuhwira netako lyaso 40nomakehe gorugumbo nonongundi nomatako gado nekehe lyepevero lyorugumbo nonongodi daro noyikwateso yoNkongoronzugo noyiruganeso nayinye yomoukereli womoNkongoronzugo 41noyikoverero yoyiwa yokudwara vapristeli mEvega lyoKupongoka — yikoverero yokupongoka yomupristeli Arona novana vendi wovagara. 42Vaisraeli kwa rugene yirugana nayinye, moomu tupu ga pangerere Hompa Mosesa. 43Mosesa kwa kona‐konene nkenye aka, ta mono asi nayinye vana hungike kuyirugana, moomu tupu ga yi penge Hompa. Makura Mosesa ta va tungike.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003