Vaefeso 5
5
Ukaro womouzera
1One mu vana vaKarunga, age kwa mu hara. 2Omu heteke nye kukara moomu ga kara age! Omu lihara‐hare, moomu ga tu here Kristusa, yiyo ga tu ligavera mwene a kare nzambo, nzambo zedumba lyewa lyokuza Karunga komutjima.
3Vapongoki va likare ure noruhonda nonyata nazinye nomawore gemona. Nampili kuuyunga yangoso ku dime mo nye mweni. 4Walye omu uyunga nonkango donomuga ndi muteu gougova ogu gwa dira kuzira mo, nye one omu pandure Karunga. 5Eyi nomu diva po yeyi asi, kutupu muhondedi ndi gonyata nogu gokudowokera unene emona, ogu nga pinga Untungi waKristusa naKarunga. Yeeyi nayinye eyi kwa hamena koukereli wovakarunga woyimpempa.
6Walye ava mu kumbagere nononkango domawoko‐woko. Eyi yiyo ayi reta ehandu lyenene lyaKarunga kwava ava dili kulimburukwa kwendi. 7Ano walye omu kwama yawo. 8Nare ngomu kara momundema, ano nye apa muna ya hama kwaHompa, muna kara nye mouzera. Ano omu kare nye moomu ava kara ava va hamena kouzera. 9Uzera kureta uwa naunye nouhungami nousili. 10Omu kambadare kulironga eyi ya za Hompa komutjima. 11Walye omu lizuku mundiro novantu ava va hamena komundema, nye one omu yi va nyokere. 12Nampili mokuyitumbura eyi ava rugana vangoso mehoramo, nomuga delike. 13Ano yininke nayinye nsene yina wiza poruzera, tayi lihorora nawa‐nawa moomu ya kerera. 14Yeeyi nkenye eyi ayi horoka poruzera, kureta uzera. Yiyo nye ga tantera Karunga asi:
“Pinduka ove wa rara ngoso,
pinduka ko koufe,
Kristusa a ku minikire!”
15Omu litakamese nye omu nomu kara. Omu vangarare ngwendi vanandunge, kapisi mu kare ugova. 16Nkenye aka karuwo muna gwana, kukaruganesa nawa, yeeyi mazuva aga madona. 17Walye omu kara ugova, omu kondjere kudiva eyi ana mu harere Hompa, asi mu yi rugane.
18Walye omu nu mu korwe, neisi yi zonagura ukaro weni mudima. Nye one omu zure Mpepo zoKupongoka. 19Omu litantera‐tantere mapisarome nononsumo depando nononzumo dopaMpepo, oku tomu dimbi nonomutjima nadinye, mu fumadeke Hompa. 20Omu pandwire nkenye apa Karunga Guhyetu nkenye kaninke, medina lyaHompa gwetu Jesus Kristusa.
Yovalikwali
21Omu lizuvha‐zuvhe morwakutjira Kristusa.
22Vakadi, omu zuvhe vagara veni moomu omu zuvhu Hompa. 23Yeeyi mugara yige mupangeli gomukadi, moomu ga kara Kristusa mutwe, kuninka asi mupangeli gongereka, age hena Muparuli gongereka, azo yizo rutu rwendi. 24Moomu azi zuvhu ngereka kwaKristusa, novakadi nawo ngosikwawo ava zuvhe kovagara vawo mwankenye eyi.
25Vagara, omu hare vakadi veni, moomu ga hara Kristusa ngereka, yiyo ga lizumbilira mwarwazo monomfa. 26Eyi kwa yi rugene, a zereke oku ta pongwere Karunga ngereka nomema gekuho nononkango, 27a zi lisikamekesere, azo zina zere, za hana sivadi ndi egonye ndi nkenye eyi yangoso, nye zi pongoke zi pire usima. 28Vagara nawo ava hare vakadi vawo moomu va hara marutu gavene. Ogu ga hara mukadendi, mwene ga lihara. 29Nagumwe si ogu ga nyenga rutu rwamwene, nye age kurutekura oku ta ru pakere mbili, moomu a pakere mbili Kristusa ngereka zendi. 30Yeeyi ose maruha gorutu rwendi. 31Matjangwa kwa tanta asi, “Yipo nye na sigira mugara oguhwe nozina, a hamene mukadendi, ano mouvali wawo makura va kare nye rutu rumwe tupu.” 32Esi sihoramo sosinene. Ame kuna kuyihamesera kwaKristusa nongereka zendi. 33Eyi yina kumuhamena one namuvenye yeyi asi, nkenye mugara a hare mukadendi moomu ga lihara mwene, ano mukadi hena a fumadeke yendi.
Currently Selected:
Vaefeso 5: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Vaefeso 5
5
Ukaro womouzera
1One mu vana vaKarunga, age kwa mu hara. 2Omu heteke nye kukara moomu ga kara age! Omu lihara‐hare, moomu ga tu here Kristusa, yiyo ga tu ligavera mwene a kare nzambo, nzambo zedumba lyewa lyokuza Karunga komutjima.
3Vapongoki va likare ure noruhonda nonyata nazinye nomawore gemona. Nampili kuuyunga yangoso ku dime mo nye mweni. 4Walye omu uyunga nonkango donomuga ndi muteu gougova ogu gwa dira kuzira mo, nye one omu pandure Karunga. 5Eyi nomu diva po yeyi asi, kutupu muhondedi ndi gonyata nogu gokudowokera unene emona, ogu nga pinga Untungi waKristusa naKarunga. Yeeyi nayinye eyi kwa hamena koukereli wovakarunga woyimpempa.
6Walye ava mu kumbagere nononkango domawoko‐woko. Eyi yiyo ayi reta ehandu lyenene lyaKarunga kwava ava dili kulimburukwa kwendi. 7Ano walye omu kwama yawo. 8Nare ngomu kara momundema, ano nye apa muna ya hama kwaHompa, muna kara nye mouzera. Ano omu kare nye moomu ava kara ava va hamena kouzera. 9Uzera kureta uwa naunye nouhungami nousili. 10Omu kambadare kulironga eyi ya za Hompa komutjima. 11Walye omu lizuku mundiro novantu ava va hamena komundema, nye one omu yi va nyokere. 12Nampili mokuyitumbura eyi ava rugana vangoso mehoramo, nomuga delike. 13Ano yininke nayinye nsene yina wiza poruzera, tayi lihorora nawa‐nawa moomu ya kerera. 14Yeeyi nkenye eyi ayi horoka poruzera, kureta uzera. Yiyo nye ga tantera Karunga asi:
“Pinduka ove wa rara ngoso,
pinduka ko koufe,
Kristusa a ku minikire!”
15Omu litakamese nye omu nomu kara. Omu vangarare ngwendi vanandunge, kapisi mu kare ugova. 16Nkenye aka karuwo muna gwana, kukaruganesa nawa, yeeyi mazuva aga madona. 17Walye omu kara ugova, omu kondjere kudiva eyi ana mu harere Hompa, asi mu yi rugane.
18Walye omu nu mu korwe, neisi yi zonagura ukaro weni mudima. Nye one omu zure Mpepo zoKupongoka. 19Omu litantera‐tantere mapisarome nononsumo depando nononzumo dopaMpepo, oku tomu dimbi nonomutjima nadinye, mu fumadeke Hompa. 20Omu pandwire nkenye apa Karunga Guhyetu nkenye kaninke, medina lyaHompa gwetu Jesus Kristusa.
Yovalikwali
21Omu lizuvha‐zuvhe morwakutjira Kristusa.
22Vakadi, omu zuvhe vagara veni moomu omu zuvhu Hompa. 23Yeeyi mugara yige mupangeli gomukadi, moomu ga kara Kristusa mutwe, kuninka asi mupangeli gongereka, age hena Muparuli gongereka, azo yizo rutu rwendi. 24Moomu azi zuvhu ngereka kwaKristusa, novakadi nawo ngosikwawo ava zuvhe kovagara vawo mwankenye eyi.
25Vagara, omu hare vakadi veni, moomu ga hara Kristusa ngereka, yiyo ga lizumbilira mwarwazo monomfa. 26Eyi kwa yi rugene, a zereke oku ta pongwere Karunga ngereka nomema gekuho nononkango, 27a zi lisikamekesere, azo zina zere, za hana sivadi ndi egonye ndi nkenye eyi yangoso, nye zi pongoke zi pire usima. 28Vagara nawo ava hare vakadi vawo moomu va hara marutu gavene. Ogu ga hara mukadendi, mwene ga lihara. 29Nagumwe si ogu ga nyenga rutu rwamwene, nye age kurutekura oku ta ru pakere mbili, moomu a pakere mbili Kristusa ngereka zendi. 30Yeeyi ose maruha gorutu rwendi. 31Matjangwa kwa tanta asi, “Yipo nye na sigira mugara oguhwe nozina, a hamene mukadendi, ano mouvali wawo makura va kare nye rutu rumwe tupu.” 32Esi sihoramo sosinene. Ame kuna kuyihamesera kwaKristusa nongereka zendi. 33Eyi yina kumuhamena one namuvenye yeyi asi, nkenye mugara a hare mukadendi moomu ga lihara mwene, ano mukadi hena a fumadeke yendi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003