Vaefeso 4
4
Uumwe wongereka zaKristusa
1Tani mu korangeda, ame nkwate morwaHompa, mu kare moyikara yokuliza nezigido eli ga mu zigidira Karunga. 2Omu kare valinunupiki novanambili, oku tomu lididimike‐didimike meharo. 3Omu kondjere uumwe ou za mu pa Mpepo mu kare nombili novakweneni. 4Rutu rumwe tupu rwa kara po, ano Mpepo hena zimwe tupu za kara po, moomu tupu lya kara po ehuguvaro limwe, eli ga mu zigidira Karunga. 5Hompa gumwe, epuro limwe, ekuho limwe, 6Karunga gumwe, Guhyanavenye, ogu ga pitakana navenye, age kurugana mwanavenye, age kwa kara mwanavenye.
7Mpili yi kare ngoso, nkenye ogu kwa mu pa hena uhwi wendi wonkenda, ruha rwendi romouhwi waKristusa. 8Moomu aga tanta matjangwa asi:
“Apa ga rondere meguru,
kwa pitwilire nononkwate,
makura ta pe vantu mauhwi.”
9Oko kuronda yinke aku tanta? Ako kutanta asi, age kwa humburukire tanko muhowo pevhu. 10Ogu ga humburukire pevhu, yige tupu hena ga ronda, a ka kare kondaga‐ndaga zeguru, a kare mwene‐mwene nkenye apa. 11Ta pe vantu mauhwi yinke ayi tanta? Ayo kutanta asi, age kwa panga asi vamwe va kare vapositoli, vamwe vaporofete, vamwe vavangeliste, ano ava vamwe mo vasita novarongi ngoso. 12Sirugana sawo sokuwapaikira vapongoki sirugana sekwafo, sokutunga rutu rwaKristusa, 13dogoro noku ngatu ka sike natuvenye mouumwe wemepuro nou wokudiva MunwaKarunga, ngatu sike mo moukurona wene?-?wene, ou au tundu kwaKristusa. 14Makura kapi ngatu kara hena ngwendi vanona, ava aga yeragura mankumpi, zi va yeragure mpepo zomarongo govantu woyimpempa, ava ava twara vantu moudona, va va pukisise. 15Nye nyose tupu kuhamesa ukaro wetu kousili nekeharo, tu kure momalikwatakano gene‐gene naKristusa. Age yige mutwe. 16Age yige a pangere maruha nagenye gorutu, ano rutu mudima kwa ru gwanekedesa kumwe nonongongo edi ga paka po Karunga. Age yige ga pa nkenye ruha sirugana saro, makura rutu taru kuru, taru litungu rwene meharo.
Ukaro woupe womwaKristusa
17Eyi tani yi mu tantere oku tani yi mu korangedere medina lyaHompa asi: Sigeni yokurugana moomu ava rugana vapagani moukaro wawo wa hana nondunge. 18Nondunge dawo kwa govakana, awo kwa linapa noukaro ou a gava Karunga mokudira kudiva kwawo yuma nomokukukuta nomutjima dawo. 19Nonomuga da va pira, yiyo va lizumbilira moruhonda nemedowo lyokurugana nayinye eyi ya nyata.
20Nye one kapisi yimo mwa lironga ngoso yokuhamena Kristusa. 21Amesi one mwa mu purakena, ano moukriste weni va mu ronga usili ou wa kara mwaJesus. 22Zumbeni muntu gomukuru‐kuru, ogu nga pangere ukaro weni nogu a lizonagura mokukwama madowo goyimpempa, 23mu situnuke, nomutjima deni nonompepo deni di kare nompe. 24Guseni muntu gomupe, ogu va unga a kare sihwi saKarunga, ogu a lihorora moukaro ou wa hungama, awo wa pongoka. Ukaro wangoso mousili au tundu.
25Ano nye zumbeni yimpempa! Nkenye ogu a uyunge namukwawo yosili, yeeyi ose maruha gorutu rumwe tupu rwaKristusa twa kara. 26Nsene mu handuka, mwa ha tarerera ehandu lyeni li mu tulise nzo, nye tomu lizuvhu alyo ezuva lya hana kutoka. 27Walye omu pe Muzonguli evega. 28Muwidi a zumbe widi wendi, a rugane nomawoko gendi yirugana yoyiwa yokumuretera eparu, a gwane mo hena yuma yokukwafesa vanaruhepo. 29Walye omu uyunga nonkango dononkukutu, nani omu uyunge donongwa dokuwapeka muntu, edi da fira kupurakena. 30Walye omu retere eguwo Mpepo zoKupongoka zaKarunga, ezi ga mu tura Karunga, zi kare sidiviso nosikorekeso sEzuva lyEzoworo. 31Nyanya nazinye noukenya nehandu lyenene nonomutangu nomatuka noudona naunye, ayi mu kare ure. 32Nye omu likara‐kare nombili, tomu lifira‐fire nkenda, oku tomu lidongwenene?-?dongwenene po, moomu ga mu dongwenena po Karunga morwaKristusa.
Currently Selected:
Vaefeso 4: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Vaefeso 4
4
Uumwe wongereka zaKristusa
1Tani mu korangeda, ame nkwate morwaHompa, mu kare moyikara yokuliza nezigido eli ga mu zigidira Karunga. 2Omu kare valinunupiki novanambili, oku tomu lididimike‐didimike meharo. 3Omu kondjere uumwe ou za mu pa Mpepo mu kare nombili novakweneni. 4Rutu rumwe tupu rwa kara po, ano Mpepo hena zimwe tupu za kara po, moomu tupu lya kara po ehuguvaro limwe, eli ga mu zigidira Karunga. 5Hompa gumwe, epuro limwe, ekuho limwe, 6Karunga gumwe, Guhyanavenye, ogu ga pitakana navenye, age kurugana mwanavenye, age kwa kara mwanavenye.
7Mpili yi kare ngoso, nkenye ogu kwa mu pa hena uhwi wendi wonkenda, ruha rwendi romouhwi waKristusa. 8Moomu aga tanta matjangwa asi:
“Apa ga rondere meguru,
kwa pitwilire nononkwate,
makura ta pe vantu mauhwi.”
9Oko kuronda yinke aku tanta? Ako kutanta asi, age kwa humburukire tanko muhowo pevhu. 10Ogu ga humburukire pevhu, yige tupu hena ga ronda, a ka kare kondaga‐ndaga zeguru, a kare mwene‐mwene nkenye apa. 11Ta pe vantu mauhwi yinke ayi tanta? Ayo kutanta asi, age kwa panga asi vamwe va kare vapositoli, vamwe vaporofete, vamwe vavangeliste, ano ava vamwe mo vasita novarongi ngoso. 12Sirugana sawo sokuwapaikira vapongoki sirugana sekwafo, sokutunga rutu rwaKristusa, 13dogoro noku ngatu ka sike natuvenye mouumwe wemepuro nou wokudiva MunwaKarunga, ngatu sike mo moukurona wene?-?wene, ou au tundu kwaKristusa. 14Makura kapi ngatu kara hena ngwendi vanona, ava aga yeragura mankumpi, zi va yeragure mpepo zomarongo govantu woyimpempa, ava ava twara vantu moudona, va va pukisise. 15Nye nyose tupu kuhamesa ukaro wetu kousili nekeharo, tu kure momalikwatakano gene‐gene naKristusa. Age yige mutwe. 16Age yige a pangere maruha nagenye gorutu, ano rutu mudima kwa ru gwanekedesa kumwe nonongongo edi ga paka po Karunga. Age yige ga pa nkenye ruha sirugana saro, makura rutu taru kuru, taru litungu rwene meharo.
Ukaro woupe womwaKristusa
17Eyi tani yi mu tantere oku tani yi mu korangedere medina lyaHompa asi: Sigeni yokurugana moomu ava rugana vapagani moukaro wawo wa hana nondunge. 18Nondunge dawo kwa govakana, awo kwa linapa noukaro ou a gava Karunga mokudira kudiva kwawo yuma nomokukukuta nomutjima dawo. 19Nonomuga da va pira, yiyo va lizumbilira moruhonda nemedowo lyokurugana nayinye eyi ya nyata.
20Nye one kapisi yimo mwa lironga ngoso yokuhamena Kristusa. 21Amesi one mwa mu purakena, ano moukriste weni va mu ronga usili ou wa kara mwaJesus. 22Zumbeni muntu gomukuru‐kuru, ogu nga pangere ukaro weni nogu a lizonagura mokukwama madowo goyimpempa, 23mu situnuke, nomutjima deni nonompepo deni di kare nompe. 24Guseni muntu gomupe, ogu va unga a kare sihwi saKarunga, ogu a lihorora moukaro ou wa hungama, awo wa pongoka. Ukaro wangoso mousili au tundu.
25Ano nye zumbeni yimpempa! Nkenye ogu a uyunge namukwawo yosili, yeeyi ose maruha gorutu rumwe tupu rwaKristusa twa kara. 26Nsene mu handuka, mwa ha tarerera ehandu lyeni li mu tulise nzo, nye tomu lizuvhu alyo ezuva lya hana kutoka. 27Walye omu pe Muzonguli evega. 28Muwidi a zumbe widi wendi, a rugane nomawoko gendi yirugana yoyiwa yokumuretera eparu, a gwane mo hena yuma yokukwafesa vanaruhepo. 29Walye omu uyunga nonkango dononkukutu, nani omu uyunge donongwa dokuwapeka muntu, edi da fira kupurakena. 30Walye omu retere eguwo Mpepo zoKupongoka zaKarunga, ezi ga mu tura Karunga, zi kare sidiviso nosikorekeso sEzuva lyEzoworo. 31Nyanya nazinye noukenya nehandu lyenene nonomutangu nomatuka noudona naunye, ayi mu kare ure. 32Nye omu likara‐kare nombili, tomu lifira‐fire nkenda, oku tomu lidongwenene?-?dongwenene po, moomu ga mu dongwenena po Karunga morwaKristusa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003