Vaefeso 6
6
Vanona novakurona
1Anone vanona, omu limburukwe kovakurona veni mwaHompa, yeeyi eyi yiyo ya hungama po. 2“O fumadeke oguho nonyoko.” Esi yiso sipango somuhowo sa kara nomatumbwidiro asi, 3“Asi o gwane erago nomwenyo gokupukura pevhu.”
4Anone oguhya ko, walye omu pakere vana veni nyanya, hawe, omu va tekure oku tomu va pukurura nokuliza neyi ga hara Hompa.
Vakareli nohekurwawo
5None vakareli, omu limburukwe kohekurweni vepevhu moutjirwe nemefumadeko, nonomutjima donongwa, ngwendi Kristusa muna kukerera. 6Walye omu rugana morwameho‐meho govantu, asi mu yi rugane va mu kangangere po, hawe, nani nye ngwendi vakereli tupu vaKristusa, ava ava sikisa mo mpango zaKarunga nomutjima nagunye. 7Omu rugane neharo lyosili. Hompa muna kuruganena, kapisi vantu tupu. 8Diveni asi, Hompa kutengwidira kuwoko nkenye ogu mokuliza noyirugana yendi yoyiwa, a kare mupika ndi mumanguruki.
9None ohekurwawo, yimo ngorooro nomu ruganena vakareli veni. Hagekeni malininkiliro mo, yeeyi mwa diva asi, namuvenye Hekurweni gumwe tupu, ogu ga kara meguru, ano age kapi ga paka mpongo.
Yirwiso yomukwayita gwaKarunga
10Mokuhulilira, vakwetu, dwareni nonkondo daHompa, nonkondo domononkondo dendi dononene. 11Humateni yirwiso nayinye eyi a mu pe Karunga, asi mu vhure kukondjesa ko makoto goumbudi goMuzonaguli. 12Yeeyi kapisi vantu atu rwanesa, nani nye mapangero gonompepo atu rwanesa novanankondo novapangeli wouzuni ou womundema, nonompepo donondona dekeguru‐guru. 13Yipo nye nomu dwarera yirwiso nayinye yaKarunga, asi mu vhure kulipoperesa ko mezuva lyedona, one ngomu sikame ndjikiti, apa ngomu mana kurwa paapa mwa hulira.
14Kareni nye muna liwapaike. Usili u kare liva romonombunda deni, ano uhungami yiwo sikoverero sosivera pononturo deni. 15Ano maliwapaikiro gokuudisa Mbudi zoNgwa zombili ga kare nonkaku dokonompadi deni. 16Unene po damuneni silikandwiso sepuro sokudimisisa yikutji yomundiro, eyi a ponyesa Mudona. 17Tambureni uhwi weparu u kare ekoli lyeni, ano nonkango daKarunga edi azi mu pe Mpepo, di kare rufuro rweni. 18Omu kanderere nkenye apa oku tomu hundire ekwafo kwaKarunga. Omu kanderere omu azi mu pitisire Mpepo. Omu vangare oku tomu kovekeda kukanderera nkenye apa vapongoki navenye. 19Name omu kanderere nge asi, ntene tani uyunga, Karunga ngano ta pe nge nonkango, ani horore noupampi yihorekwa yoMbudi zoNgwa. 20MorwaMbudi ezi yiyo na kerera mutumwa, nomu modorongo namo. Kanderereni asi ani manguruke kuziuyunga noupampi paapa na hulira.
Makundo gokuhulilira
21Tikikusi mukwetetu ogu twa hara, ogu ga limburukwa moyirugana yaHompa, nga ya mu sansekera nayinye yokuhamena nge, ngomu ya divire po omu nina kerere. 22Yiyo nye nina kumutumina kweni, a ya mu tantere nawa‐nawa omu tuna kupindukira, a ya hengagwide nomutjima deni.
23Karunga Guhyetu naHompa gwetu Jesus Kristusa ngano tava mu pe one vakwetetu namuvenye mbili neharo nepuro. 24Karunga a fire nkenda navenye ava va hara Hompa gwetu Jesus Kristusa neharo lya ha dimi.
Currently Selected:
Vaefeso 6: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Vaefeso 6
6
Vanona novakurona
1Anone vanona, omu limburukwe kovakurona veni mwaHompa, yeeyi eyi yiyo ya hungama po. 2“O fumadeke oguho nonyoko.” Esi yiso sipango somuhowo sa kara nomatumbwidiro asi, 3“Asi o gwane erago nomwenyo gokupukura pevhu.”
4Anone oguhya ko, walye omu pakere vana veni nyanya, hawe, omu va tekure oku tomu va pukurura nokuliza neyi ga hara Hompa.
Vakareli nohekurwawo
5None vakareli, omu limburukwe kohekurweni vepevhu moutjirwe nemefumadeko, nonomutjima donongwa, ngwendi Kristusa muna kukerera. 6Walye omu rugana morwameho‐meho govantu, asi mu yi rugane va mu kangangere po, hawe, nani nye ngwendi vakereli tupu vaKristusa, ava ava sikisa mo mpango zaKarunga nomutjima nagunye. 7Omu rugane neharo lyosili. Hompa muna kuruganena, kapisi vantu tupu. 8Diveni asi, Hompa kutengwidira kuwoko nkenye ogu mokuliza noyirugana yendi yoyiwa, a kare mupika ndi mumanguruki.
9None ohekurwawo, yimo ngorooro nomu ruganena vakareli veni. Hagekeni malininkiliro mo, yeeyi mwa diva asi, namuvenye Hekurweni gumwe tupu, ogu ga kara meguru, ano age kapi ga paka mpongo.
Yirwiso yomukwayita gwaKarunga
10Mokuhulilira, vakwetu, dwareni nonkondo daHompa, nonkondo domononkondo dendi dononene. 11Humateni yirwiso nayinye eyi a mu pe Karunga, asi mu vhure kukondjesa ko makoto goumbudi goMuzonaguli. 12Yeeyi kapisi vantu atu rwanesa, nani nye mapangero gonompepo atu rwanesa novanankondo novapangeli wouzuni ou womundema, nonompepo donondona dekeguru‐guru. 13Yipo nye nomu dwarera yirwiso nayinye yaKarunga, asi mu vhure kulipoperesa ko mezuva lyedona, one ngomu sikame ndjikiti, apa ngomu mana kurwa paapa mwa hulira.
14Kareni nye muna liwapaike. Usili u kare liva romonombunda deni, ano uhungami yiwo sikoverero sosivera pononturo deni. 15Ano maliwapaikiro gokuudisa Mbudi zoNgwa zombili ga kare nonkaku dokonompadi deni. 16Unene po damuneni silikandwiso sepuro sokudimisisa yikutji yomundiro, eyi a ponyesa Mudona. 17Tambureni uhwi weparu u kare ekoli lyeni, ano nonkango daKarunga edi azi mu pe Mpepo, di kare rufuro rweni. 18Omu kanderere nkenye apa oku tomu hundire ekwafo kwaKarunga. Omu kanderere omu azi mu pitisire Mpepo. Omu vangare oku tomu kovekeda kukanderera nkenye apa vapongoki navenye. 19Name omu kanderere nge asi, ntene tani uyunga, Karunga ngano ta pe nge nonkango, ani horore noupampi yihorekwa yoMbudi zoNgwa. 20MorwaMbudi ezi yiyo na kerera mutumwa, nomu modorongo namo. Kanderereni asi ani manguruke kuziuyunga noupampi paapa na hulira.
Makundo gokuhulilira
21Tikikusi mukwetetu ogu twa hara, ogu ga limburukwa moyirugana yaHompa, nga ya mu sansekera nayinye yokuhamena nge, ngomu ya divire po omu nina kerere. 22Yiyo nye nina kumutumina kweni, a ya mu tantere nawa‐nawa omu tuna kupindukira, a ya hengagwide nomutjima deni.
23Karunga Guhyetu naHompa gwetu Jesus Kristusa ngano tava mu pe one vakwetetu namuvenye mbili neharo nepuro. 24Karunga a fire nkenda navenye ava va hara Hompa gwetu Jesus Kristusa neharo lya ha dimi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003