Vaefeso 3
3
Sirugana saPaurusa movapagani
1Morwayininke eyi, ame Paurusa, munadorongo gwaJesus Kristusa mwarweni, kumukandererera kwaKarunga one ava mwa kere vapagani. 2Amesi mwa zuvha asi Karunga kwa huguvarera nge nkenda zendi, ni zi mu divisire. 3Karunga kwa horwera nge sihorekwa sendi a si divise nge memoneko, moomu na yi mu tjangera pausupi. 4Nsene mu yi resa, ngano ngomu dimburura ediwo lyange lyokuhamena sihorekwa saKristusa. 5Pwanare sihorekwa esi kapi va si horwere vantu, nye pwantaantani Karunga ana si horwesesa Mpepo zendi kovapositoli vendi wokupongoka nokovaporofete. 6Sihorekwa yiso sesi: Mbudi zoNgwa kwa kwatakanesa vapagani noVajuda mwaJesus Kristusa, navenye va gwane matungiko gaKarunga. Navenye maruha gorutu rumwe tupu, ano matumbwidiro gaKarunga nago gawo hena.
7Ame kwa tura nge ni kare mukereli goMbudi ezi zoNgwa kouhwi wonkenda zaKarunga ou ga pa nge, ni rugane nononkondo dendi. 8Mpili ngomu na kara ni mununu movapongoki navenye, Karunga kwa pa nge nkenda, asi ni udisire vapagani Mbudi zoNgwa zougawo waKristusa ou wa ha si kuvhura kuheteka. 9Ame kwa pa nge ni horwere vantu navenye sihorekwa saKarunga, asi sitambo saso sipi. Karunga, Musiti gwanayinye, kwa horekere sihorekwa sendi moyiruwo ya ka pita, 10asi ngereka zi divise pwantaantani unongo waKarunga wounzi unene kovapangeli nokovanankondo womompepo. 11Eyi Karunga kwa yi rugana mokuliza kumwe nositambo sendi sanarunye, esi ga sikilisa mo kosirugana saHompa gwetu Jesus Kristusa. 12Momalikwatakano nendi nomokumupura, ose kuwapa kuza memanguruko kosipara saKarunga twa hana woma. 13Na mu kanderere, walye omu dombo nomutjima, morwakuhepekera nge mwarweni; pweyi yangesi tomu fumanene po.
Eharo lyaKristusa lyokuhara vantu
14Mokonda zeyi ame kutongekera nongoro kosipara saTate Karunga. 15Yige Guhyetu nawa‐nawa, mwendi yimo mwa tunda madina gomazimo nagenye aga ga kara pevhu naga ga kara meguru. 16Ame tani hundire Karunga mouyerere wendi wa mana mpata, asi a mu pe nonkondo domoMpepo zendi, nomutjima deni di kore, 17makura Kristusa a tunge monomutjima deni morwepuro, hena asi mu hoke, one mu simbame meharo. 18Ame kukanderera asi one, kumwe novapongoki navenye vaKarunga, mu gwane nonkondo dokudiva unene nounaure nomusika nosinko seharo lyaKristusa asi papi ya hura. 19Nhi, ame kuna kukanderera asi mu dive eharo lyaKristusa, eli lya pitakana ediwo nalinye, makura esikiliro mo lyaKarunga li mu sikilise mo nawa‐nawa. 20Karunga kuvhura kurugana yoyinzi‐yoyinzi, kupita nayinye eyi atu hundire neyi atu gazara, nononkondo dendi edi adi rugana mwetu. 21Karunga a fumane mongereka morwaJesus Kristusa momaruvharo nagenye narunye‐nanarunye. Amen.
Currently Selected:
Vaefeso 3: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Vaefeso 3
3
Sirugana saPaurusa movapagani
1Morwayininke eyi, ame Paurusa, munadorongo gwaJesus Kristusa mwarweni, kumukandererera kwaKarunga one ava mwa kere vapagani. 2Amesi mwa zuvha asi Karunga kwa huguvarera nge nkenda zendi, ni zi mu divisire. 3Karunga kwa horwera nge sihorekwa sendi a si divise nge memoneko, moomu na yi mu tjangera pausupi. 4Nsene mu yi resa, ngano ngomu dimburura ediwo lyange lyokuhamena sihorekwa saKristusa. 5Pwanare sihorekwa esi kapi va si horwere vantu, nye pwantaantani Karunga ana si horwesesa Mpepo zendi kovapositoli vendi wokupongoka nokovaporofete. 6Sihorekwa yiso sesi: Mbudi zoNgwa kwa kwatakanesa vapagani noVajuda mwaJesus Kristusa, navenye va gwane matungiko gaKarunga. Navenye maruha gorutu rumwe tupu, ano matumbwidiro gaKarunga nago gawo hena.
7Ame kwa tura nge ni kare mukereli goMbudi ezi zoNgwa kouhwi wonkenda zaKarunga ou ga pa nge, ni rugane nononkondo dendi. 8Mpili ngomu na kara ni mununu movapongoki navenye, Karunga kwa pa nge nkenda, asi ni udisire vapagani Mbudi zoNgwa zougawo waKristusa ou wa ha si kuvhura kuheteka. 9Ame kwa pa nge ni horwere vantu navenye sihorekwa saKarunga, asi sitambo saso sipi. Karunga, Musiti gwanayinye, kwa horekere sihorekwa sendi moyiruwo ya ka pita, 10asi ngereka zi divise pwantaantani unongo waKarunga wounzi unene kovapangeli nokovanankondo womompepo. 11Eyi Karunga kwa yi rugana mokuliza kumwe nositambo sendi sanarunye, esi ga sikilisa mo kosirugana saHompa gwetu Jesus Kristusa. 12Momalikwatakano nendi nomokumupura, ose kuwapa kuza memanguruko kosipara saKarunga twa hana woma. 13Na mu kanderere, walye omu dombo nomutjima, morwakuhepekera nge mwarweni; pweyi yangesi tomu fumanene po.
Eharo lyaKristusa lyokuhara vantu
14Mokonda zeyi ame kutongekera nongoro kosipara saTate Karunga. 15Yige Guhyetu nawa‐nawa, mwendi yimo mwa tunda madina gomazimo nagenye aga ga kara pevhu naga ga kara meguru. 16Ame tani hundire Karunga mouyerere wendi wa mana mpata, asi a mu pe nonkondo domoMpepo zendi, nomutjima deni di kore, 17makura Kristusa a tunge monomutjima deni morwepuro, hena asi mu hoke, one mu simbame meharo. 18Ame kukanderera asi one, kumwe novapongoki navenye vaKarunga, mu gwane nonkondo dokudiva unene nounaure nomusika nosinko seharo lyaKristusa asi papi ya hura. 19Nhi, ame kuna kukanderera asi mu dive eharo lyaKristusa, eli lya pitakana ediwo nalinye, makura esikiliro mo lyaKarunga li mu sikilise mo nawa‐nawa. 20Karunga kuvhura kurugana yoyinzi‐yoyinzi, kupita nayinye eyi atu hundire neyi atu gazara, nononkondo dendi edi adi rugana mwetu. 21Karunga a fumane mongereka morwaJesus Kristusa momaruvharo nagenye narunye‐nanarunye. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003