Vaefeso 2
2
Eparu morwankenda
1Pwanare onakufa mwa kere, morwakudira kulimburukwa kweni nononzo deni. 2Posiruwo oso one ngomu kwama nzira zouzuni zondona. Ngomu pura yomupangeli gonompepo dononkondo mompepo. Age yige mpepo ezi zina kurugana ntaantani movantu ava ava dili kulimburukwa kwaKarunga. 3Nose natuvenye yimo twa fene ngorooro, ngatu kwama madowo neharo nomagazaro gomarutu ganyamwetu. Paunsitwe nose kwa kere vahandukirwa vaKarunga moomu va kere vantu mudima.
4Nye morwa ufenkenda waKarunga unene unene, neharo lyendi eli ga tu hara enene unene, 5yiyo ga tu tura mwenyo kumwe naKristusa, apa twa kere vafe pampepo morwamazonaguro getu. Monkenda zaKarunga yimo mwa parukira. 6Age kwa tu pindura koufe kumwe naKristusa, tu pangere nendi meguru. 7Age kwa yi rugana eyi, asi a likide nomoyiruwo yokomeho unzi wonkenda zendi neharo lyendi eli ga tu hara mokutupa Jesus Kristusa. 8Monkenda zaKarunga yimo mwa parukira, morwepuro. Eyi kapisi yanyamweni, uhwi waKarunga, 9kapisi morwayirugana yanyamweni, neisi mu linenepeka. 10Ose yiungwa yaKarunga. Kwa tu ungira tu kare mwaJesus Kristusa oku tatu rugana yirugana yoyiwa, eyi ga tu wapaikira asi tu yi rugane.
Natuvenye kwa kara gumwe tupu mwaKristusa
11Diworokeni asi one mu vapagani kokumuvhara. Vajuda kulitumbura asi wovamba, morwavamba ezi va va rugana nomawoko komarutu. Awo kumutumbura one asi wokudira kurugana yovamba. 12Diworokeni asi, posiruwo sina one kwa linapere naKristusa. One kwa kere vanayirongo, kapi mwa heme komuhoko gwaIsraeli ogu ga horowora Karunga. One kapi mwa hamene ko komagwanegero nomatumbwidiro aga ga tumbwidira Karunga muhoko gwendi. One kwa kere mouzuni ou, mwa hana ehuguvaro, mwa hana Karunga. 13Nye ntaantani, morwaJesus Kristusa, one ava mwa kere ure naKarunga, dina mu reta popepi nendi nomfa daKristusa. 14Yeeyi Kristusa mwene yige ga tu retera mbili, pokuninka Vajuda novapagani va kare muhoko gumwe tupu. Mokugava rutu rwamwene ga bamagwire ekuma eli lya kere pokatji kawo, ta gusa po unkore wawo. 15Age kwa hanagura po Veta zoVajuda noyipango yazo nonompangera dazo, a ungurure aga marudi gavali, ga kare muhoko gumwe gomupe, gu kare negwanekero kumwe nendi. Eyi yiyo ya reta mbili. 16Nomfa daKristusa dokosilivindakano yido da hanagura po unkore. Silivandakano sendi yiso sa gwanekedesa marudi gavali ga kare rutu rumwe, a ru tengwidire kwaKarunga. 17Kristusa kwa wizilire a ya udisire navenye Mbudi zoNgwa zombili, none vapagani ava mwa kere ure naKarunga noVajuda ava va kere pepi nendi. 18MwaKristusa yimo mokugwanena ose natuvenye evega lyokukasika kumwe kosipara saGuhyetu moMpepo zimwe.
19Ano one wokutunda movapagani, kapisi mu vanayirongo hena, ndi asi mu vageni. One ntaantani ngesi mu vandambo kumwe nomuhoko gwaKarunga, one onkwaKarunga. 20One ruha rumwe romontembeli zaKarunga, ezi va tungira petateko lyovapositoli novaporofete. Ano mwene Jesus Kristusa, age yige emanya lyemekovhu. 21Mwendi yimo ali likwata etungo nalinye, li kure dogoro noku ngali ka kara ntembeli zokupongoka zaHompa. 22None mwaKristusa yimo ngazi mu tungilira Mpepo mumwe novakweneni, ngomu kare nzugo zaKarunga zomoMpepo.
Currently Selected:
Vaefeso 2: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Vaefeso 2
2
Eparu morwankenda
1Pwanare onakufa mwa kere, morwakudira kulimburukwa kweni nononzo deni. 2Posiruwo oso one ngomu kwama nzira zouzuni zondona. Ngomu pura yomupangeli gonompepo dononkondo mompepo. Age yige mpepo ezi zina kurugana ntaantani movantu ava ava dili kulimburukwa kwaKarunga. 3Nose natuvenye yimo twa fene ngorooro, ngatu kwama madowo neharo nomagazaro gomarutu ganyamwetu. Paunsitwe nose kwa kere vahandukirwa vaKarunga moomu va kere vantu mudima.
4Nye morwa ufenkenda waKarunga unene unene, neharo lyendi eli ga tu hara enene unene, 5yiyo ga tu tura mwenyo kumwe naKristusa, apa twa kere vafe pampepo morwamazonaguro getu. Monkenda zaKarunga yimo mwa parukira. 6Age kwa tu pindura koufe kumwe naKristusa, tu pangere nendi meguru. 7Age kwa yi rugana eyi, asi a likide nomoyiruwo yokomeho unzi wonkenda zendi neharo lyendi eli ga tu hara mokutupa Jesus Kristusa. 8Monkenda zaKarunga yimo mwa parukira, morwepuro. Eyi kapisi yanyamweni, uhwi waKarunga, 9kapisi morwayirugana yanyamweni, neisi mu linenepeka. 10Ose yiungwa yaKarunga. Kwa tu ungira tu kare mwaJesus Kristusa oku tatu rugana yirugana yoyiwa, eyi ga tu wapaikira asi tu yi rugane.
Natuvenye kwa kara gumwe tupu mwaKristusa
11Diworokeni asi one mu vapagani kokumuvhara. Vajuda kulitumbura asi wovamba, morwavamba ezi va va rugana nomawoko komarutu. Awo kumutumbura one asi wokudira kurugana yovamba. 12Diworokeni asi, posiruwo sina one kwa linapere naKristusa. One kwa kere vanayirongo, kapi mwa heme komuhoko gwaIsraeli ogu ga horowora Karunga. One kapi mwa hamene ko komagwanegero nomatumbwidiro aga ga tumbwidira Karunga muhoko gwendi. One kwa kere mouzuni ou, mwa hana ehuguvaro, mwa hana Karunga. 13Nye ntaantani, morwaJesus Kristusa, one ava mwa kere ure naKarunga, dina mu reta popepi nendi nomfa daKristusa. 14Yeeyi Kristusa mwene yige ga tu retera mbili, pokuninka Vajuda novapagani va kare muhoko gumwe tupu. Mokugava rutu rwamwene ga bamagwire ekuma eli lya kere pokatji kawo, ta gusa po unkore wawo. 15Age kwa hanagura po Veta zoVajuda noyipango yazo nonompangera dazo, a ungurure aga marudi gavali, ga kare muhoko gumwe gomupe, gu kare negwanekero kumwe nendi. Eyi yiyo ya reta mbili. 16Nomfa daKristusa dokosilivindakano yido da hanagura po unkore. Silivandakano sendi yiso sa gwanekedesa marudi gavali ga kare rutu rumwe, a ru tengwidire kwaKarunga. 17Kristusa kwa wizilire a ya udisire navenye Mbudi zoNgwa zombili, none vapagani ava mwa kere ure naKarunga noVajuda ava va kere pepi nendi. 18MwaKristusa yimo mokugwanena ose natuvenye evega lyokukasika kumwe kosipara saGuhyetu moMpepo zimwe.
19Ano one wokutunda movapagani, kapisi mu vanayirongo hena, ndi asi mu vageni. One ntaantani ngesi mu vandambo kumwe nomuhoko gwaKarunga, one onkwaKarunga. 20One ruha rumwe romontembeli zaKarunga, ezi va tungira petateko lyovapositoli novaporofete. Ano mwene Jesus Kristusa, age yige emanya lyemekovhu. 21Mwendi yimo ali likwata etungo nalinye, li kure dogoro noku ngali ka kara ntembeli zokupongoka zaHompa. 22None mwaKristusa yimo ngazi mu tungilira Mpepo mumwe novakweneni, ngomu kare nzugo zaKarunga zomoMpepo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003