MUUDISI 4
4
1Makura tani tara hena kouhanasili ou wa kara mouzuni ou. Ava ava hepeke kulira kwelike va kerera, nagumwe si gokuvakwafa, morwa vahepeki vawo va kara nononkondo kombinga zawo. 2Makura tani pakere mfudu ava va za va fa; awo hasa ko kupitakana ava vana kara simpe nomwenyo. 3Nye hasa ko zakwanayinye eyi, zava va dira kuhampuruka rumwe, ava va dira kumona uhanausili ou womouzuni ou.
4Na lironga hena asi yinke ava ruganene vantu unene yi va wapere: morwa awo kupakera mfudu vamaparambo vawo. Nye kapi ya paka sikwafa. Ngwendi mpepo tupu ono kutjida. 5Awo kutanta asi ogu a likumbata mugova, mwene a litwara konomfa. 6Kuvhura yi kare ngoso, nye nani yahasa po yokukara naka kokanunu ove nondunge zoge, kupitakana kukara moupyakadi siruwo nasinye nomawoko goge gavali, o kambadare kukwata mpepo. 7Na dimburura hena yimwe moukaro eyi ya pira sikwafa. 8Apa pa kara muntu ogu ga kara moulike. Kapi ga paka muna gomugara, ndi mumbyendi gomugara, nye age nkenye apa kurugana, narumwe si asi u mu gwanene ugawo ou ga kara nawo. Ndi yilye ogu a rugana unene a nyoke mwene ehafo? Eyi nayo kutupu sikwafa — hena nzira zondona zokukaramwenyo.
9Vavali va pitakana gumwe, yeeyi awo kugwana mfuto zawo zongwa mosirugana sawo sosidigu. 10Nsene a tengura gumwe monyima, mukwawo ta mu kwafa a mu zerure. 11Nsene asi mufu mo, vavali kuvhura va rare kumwe va ligenyenene, ano nyamoge omu no ligenyenena ngapi? 12Vagara vavali kuvhura va funde ogu nkare a funde gumwe tupu. Rugodi oru va poha nonongodi ntatu udigu kurundembura.
13-14Muntu kuvhura a tunde moupika ta kara hompa gosirongo sawo ndi a tunde modorongo a ze kosipundi ano moukurupe wendi nye a kare mugova mokumupukurura, ga mu pitakana mumati gomuhepwe gonondunge. 15Ame kwa gazara vantu navenye ava va kara mouzuni ou, tani dimburura asi popeli mokatji kawo mumati gumwe ogu nga gusa sipundi souhompa. 16Kuvhura ngau pire po uhura wosivaro sovantu ava nga pangera ogo hompa; ano nye apa nga pira po, kutupu ogu nga mu nenepera mweyi ga rugana. Ayo kutupu sikwafa. Ayo ngwendi mpepo ono kutjida.
Currently Selected:
MUUDISI 4: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
