Vakorosi 4
4
1One ohekurwa, omu tekure nawa vakareli veni neyi ya va wapera, yeeyi mwa diva asi none mwa kara naHekurweni meguru.
Mapukururo
2Omu kare mupampi mokukanderera. Ano nsene tomu kanderere, tomu vangarara oku tomu pandura. 3Nose omu tu kandererere, asi Karunga a tu pe evega lyokuudisa Mbudi zoNgwa, tu uyunge yihoramo yaKristusa, eyi ya pakesa nge modorongo. 4Omu kanderere asi ni yi zerese nawa moomu va hepa ko kwange ni yi uyunge.
5Omu kare nounongo momalikaro nava va dira kupura, tomu ruganesa nawa nkenye mpito ezi muna gwana. 6Nonkango deni adi kare nkenye apa donongwa donontovara domungwa, asi mu dive kulimburura nkenye ogu ana kumupura.
Makundo gokuhulisa
7Namunye omu na kerere oku, nga ya mu sansekera nye Tikikusi. Age murugani mukwetetu mwaHompa ogu twa hara, yiyo twa mu huguvara. 8Eyi nina mu tumine, yokuyamutantera omu tuna kerere, age hena a ya mu korangede. 9Ta wiza naOnesimusa, mukwetetu ogu twa huguvara yiyo twa mu hara, age gokooko kweni. Awo ngava ya mu sansekera nayinye eyi ya kara oku kwetu.
10Aresitarekusi, munadorongo mukwetu, ana mu kundisire po. NaMarukusa, simpumba saBaranabasa, ogu va mu tanterere asi nsene nga wiza kweni tomu mu tambura, nage ana mu kundisire po, 11naJesus ogu ava tumbura asi Jusitusa. Vagara ava kwa va rugana yovamba. Yiwo yelike varuganeni woVajuda woUntungi waKarunga, awo ngava kwafa nge unene.
12Mukweneni gumwe Epafurasa, mukereli gwaKristusa, ana mu kundisire po. Age kumukondjera nkenye apa momakanderero, asi mu sikilire mo, one hena mu kore mwanayinye eyi ga panga Karunga. 13Ame kuvhura kugava undipo wokumuhamena, asi age kurugana unene mwarweni nava womoRawodikeya nava womoHirapolisi. 14Ndokotora gwetu Rukasa ogu twa hara naDemasa, vana mu kundisire po.
15Sikiseni makundo getu kovakwetetu ava va kara moRawodikeya noku kwaNimufa nombungakriste ezi azi pongo membo lyendi. 16Mbilive ezi nsene zina pu kuzimuresera, tomu zi tumu ngava ka zi resere mbungakriste zokoRawodikeya. Ano ezi ngazi tunda koRawodikeya, nkumwe ngava ya zi mu resere. 17Tantereni Arekipusa asi, “Kwata mawoko gavali mosirugana esi ga ku pa Hompa, ove o si sikise mo.”
18Makundo aga nyamwange Paurusa na ga tjanga nokuwoko kwange. Mwa ha divara asi ame modorongo nina kara.
Karunga a mu fire nkenda.
Currently Selected:
Vakorosi 4: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Vakorosi 4
4
1One ohekurwa, omu tekure nawa vakareli veni neyi ya va wapera, yeeyi mwa diva asi none mwa kara naHekurweni meguru.
Mapukururo
2Omu kare mupampi mokukanderera. Ano nsene tomu kanderere, tomu vangarara oku tomu pandura. 3Nose omu tu kandererere, asi Karunga a tu pe evega lyokuudisa Mbudi zoNgwa, tu uyunge yihoramo yaKristusa, eyi ya pakesa nge modorongo. 4Omu kanderere asi ni yi zerese nawa moomu va hepa ko kwange ni yi uyunge.
5Omu kare nounongo momalikaro nava va dira kupura, tomu ruganesa nawa nkenye mpito ezi muna gwana. 6Nonkango deni adi kare nkenye apa donongwa donontovara domungwa, asi mu dive kulimburura nkenye ogu ana kumupura.
Makundo gokuhulisa
7Namunye omu na kerere oku, nga ya mu sansekera nye Tikikusi. Age murugani mukwetetu mwaHompa ogu twa hara, yiyo twa mu huguvara. 8Eyi nina mu tumine, yokuyamutantera omu tuna kerere, age hena a ya mu korangede. 9Ta wiza naOnesimusa, mukwetetu ogu twa huguvara yiyo twa mu hara, age gokooko kweni. Awo ngava ya mu sansekera nayinye eyi ya kara oku kwetu.
10Aresitarekusi, munadorongo mukwetu, ana mu kundisire po. NaMarukusa, simpumba saBaranabasa, ogu va mu tanterere asi nsene nga wiza kweni tomu mu tambura, nage ana mu kundisire po, 11naJesus ogu ava tumbura asi Jusitusa. Vagara ava kwa va rugana yovamba. Yiwo yelike varuganeni woVajuda woUntungi waKarunga, awo ngava kwafa nge unene.
12Mukweneni gumwe Epafurasa, mukereli gwaKristusa, ana mu kundisire po. Age kumukondjera nkenye apa momakanderero, asi mu sikilire mo, one hena mu kore mwanayinye eyi ga panga Karunga. 13Ame kuvhura kugava undipo wokumuhamena, asi age kurugana unene mwarweni nava womoRawodikeya nava womoHirapolisi. 14Ndokotora gwetu Rukasa ogu twa hara naDemasa, vana mu kundisire po.
15Sikiseni makundo getu kovakwetetu ava va kara moRawodikeya noku kwaNimufa nombungakriste ezi azi pongo membo lyendi. 16Mbilive ezi nsene zina pu kuzimuresera, tomu zi tumu ngava ka zi resere mbungakriste zokoRawodikeya. Ano ezi ngazi tunda koRawodikeya, nkumwe ngava ya zi mu resere. 17Tantereni Arekipusa asi, “Kwata mawoko gavali mosirugana esi ga ku pa Hompa, ove o si sikise mo.”
18Makundo aga nyamwange Paurusa na ga tjanga nokuwoko kwange. Mwa ha divara asi ame modorongo nina kara.
Karunga a mu fire nkenda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003