Vakorosi 3
3
1Nsene asi one kwa mu pindura koufe kumwe naKristusa, omu kondjere nye yemeguru, omu ga kara Kristusa, kuna hingire korulyo rwaKarunga. 2Omu gazare yemeguru, walye omu gazara yepevhu. 3Yeeyi one mwa fa, nye mwenyo gweni kwa gu horeka kumwe naKristusa mwaKarunga. 4Mwenyo gweni gomuzuni po, Kristusa. Ano apa nga horoka hena, none ngomu horoka nendi, ngomu yererepe moomu ga yererepa age.
Ukaro woukuru‐kuru nou woupe
5Ano omu dipage madowo aga aga rugana mweni, ngwendi gaga: ruhonda, nonyata noruho nomadowo gomadona nedowo lyokufukira yininke, kuninka asi ukereli wovakarunga woyimpempa. 6Eyi ngesi yiyo ayi retesa ehandu lyaKarunga kovadinikarunga. 7None si yimo mwa kere ngorooro, apa mwa kere moukaro wangoso.
8Ano moomu ngoso, none zumbeni nayinye eyi: ugara nehandu nonyanya nomatuka nononkango donondona motuna tweni. 9Walye omu litantere‐tantere yimpempa, one ava mwa lihutura muntu gomukuru‐kuru noyikara yendi eyi ga yika. 10One kwa dwara muntu gomupe, ogu ga wapera kutambura unongo ou wa liza nosihwi soMuungi gwendi. 11Kutupu hena Mugereka ndi Mujuda, gogu va rugana yovamba ndi gogu va dira kurugana yovamba, ogu ga dira kulironga ndi ebotwa, mupika ndi mumanguruki. Kristusa kwa kwata nayinye, age hena kwa kara mwanavenye.
12Ano one ava ga horowora Karunga, vapongoki ava ga hara, kareni nonkenda nombili nomalinunupiko nekuruko nezaverero. 13Omu lididimike?-?didimikire, tomu ligusa‐gusire po, nsene muna lizono namukweni. Omu dongwenene po vakweneni moomu ga mu dongwenena po Hompa. 14Mwanayinye kareni neharo eli lya kwata nayinye kumwe, momalikwatakano gene‐gene. 15Sigeni mbili zaKristusa, zi pangere monomutjima deni. Yeeyi mbili ezi yizo va mu horowerera morutu rumwe. Omu pandure Karunga nkenye apa. 16Nonkango daKristusa di ntungipe mweni. Omu lironga‐ronge oku tomu lipukurura‐pukurura nounongo naunye. Omu dimbe mapisarome nononsumo depando noyidimba yokupongoka. Dimbireni Karunga nonomutjima dompandu. 17Nkenye eyi omu rugana ndi yokuuyunga, omu yi rugane medina lyaHompa Jesus oku tomu pandura Karunga Guhwe mwendi.
Malikaro goukaro woupe
18One vakadi, omu limburukwe kovagara veni, moomu ya wapera Hompa.
19One vagara, omu hare vakadi veni, nokuvapakera si nyanya.
20Anone vanona, omu limburukwe kovakurona veni
mwankenye eyi, yeeyi yimo ga hara Karunga.
21One oguhya ko, walye omu tugumukire unene vana veni,
neisi va mu suwurukwa.
22One vakareli, omu limburukwe kohekurweni ava vepevhu, kapisi nange o mu mono, ntani ono kurugana, asi ntani va ku hara. Nye ruganeni nomutjima nagunye, yeeyi one kwa tjira Karunga. 23Nkenye eyi omu rugana, omu yi rugane nomutjima nagunye ngogu a ruganene Hompa, kapisi muntu. 24Mwa diva asi ngomu ka tambura kwaHompa mfeto ezi va mu tumbwidira, yeeyi one kuruganena Hompa Kristusa. 25Nye ogu a rugana yoyidona, kumurugwidira kuwoko moomu ga yi ruganena, pwa hana mpongo.
Currently Selected:
Vakorosi 3: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Vakorosi 3
3
1Nsene asi one kwa mu pindura koufe kumwe naKristusa, omu kondjere nye yemeguru, omu ga kara Kristusa, kuna hingire korulyo rwaKarunga. 2Omu gazare yemeguru, walye omu gazara yepevhu. 3Yeeyi one mwa fa, nye mwenyo gweni kwa gu horeka kumwe naKristusa mwaKarunga. 4Mwenyo gweni gomuzuni po, Kristusa. Ano apa nga horoka hena, none ngomu horoka nendi, ngomu yererepe moomu ga yererepa age.
Ukaro woukuru‐kuru nou woupe
5Ano omu dipage madowo aga aga rugana mweni, ngwendi gaga: ruhonda, nonyata noruho nomadowo gomadona nedowo lyokufukira yininke, kuninka asi ukereli wovakarunga woyimpempa. 6Eyi ngesi yiyo ayi retesa ehandu lyaKarunga kovadinikarunga. 7None si yimo mwa kere ngorooro, apa mwa kere moukaro wangoso.
8Ano moomu ngoso, none zumbeni nayinye eyi: ugara nehandu nonyanya nomatuka nononkango donondona motuna tweni. 9Walye omu litantere‐tantere yimpempa, one ava mwa lihutura muntu gomukuru‐kuru noyikara yendi eyi ga yika. 10One kwa dwara muntu gomupe, ogu ga wapera kutambura unongo ou wa liza nosihwi soMuungi gwendi. 11Kutupu hena Mugereka ndi Mujuda, gogu va rugana yovamba ndi gogu va dira kurugana yovamba, ogu ga dira kulironga ndi ebotwa, mupika ndi mumanguruki. Kristusa kwa kwata nayinye, age hena kwa kara mwanavenye.
12Ano one ava ga horowora Karunga, vapongoki ava ga hara, kareni nonkenda nombili nomalinunupiko nekuruko nezaverero. 13Omu lididimike?-?didimikire, tomu ligusa‐gusire po, nsene muna lizono namukweni. Omu dongwenene po vakweneni moomu ga mu dongwenena po Hompa. 14Mwanayinye kareni neharo eli lya kwata nayinye kumwe, momalikwatakano gene‐gene. 15Sigeni mbili zaKristusa, zi pangere monomutjima deni. Yeeyi mbili ezi yizo va mu horowerera morutu rumwe. Omu pandure Karunga nkenye apa. 16Nonkango daKristusa di ntungipe mweni. Omu lironga‐ronge oku tomu lipukurura‐pukurura nounongo naunye. Omu dimbe mapisarome nononsumo depando noyidimba yokupongoka. Dimbireni Karunga nonomutjima dompandu. 17Nkenye eyi omu rugana ndi yokuuyunga, omu yi rugane medina lyaHompa Jesus oku tomu pandura Karunga Guhwe mwendi.
Malikaro goukaro woupe
18One vakadi, omu limburukwe kovagara veni, moomu ya wapera Hompa.
19One vagara, omu hare vakadi veni, nokuvapakera si nyanya.
20Anone vanona, omu limburukwe kovakurona veni
mwankenye eyi, yeeyi yimo ga hara Karunga.
21One oguhya ko, walye omu tugumukire unene vana veni,
neisi va mu suwurukwa.
22One vakareli, omu limburukwe kohekurweni ava vepevhu, kapisi nange o mu mono, ntani ono kurugana, asi ntani va ku hara. Nye ruganeni nomutjima nagunye, yeeyi one kwa tjira Karunga. 23Nkenye eyi omu rugana, omu yi rugane nomutjima nagunye ngogu a ruganene Hompa, kapisi muntu. 24Mwa diva asi ngomu ka tambura kwaHompa mfeto ezi va mu tumbwidira, yeeyi one kuruganena Hompa Kristusa. 25Nye ogu a rugana yoyidona, kumurugwidira kuwoko moomu ga yi ruganena, pwa hana mpongo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003