1 Vatesaronika 1
1
1Mbilive ezi kuna kutunda kwaPaurusa naSilivanusa naTimoteusa, zina kuza kombungakriste zokoTesaronika, ezi za hamena kwaKarunga Guhwe naHompa Jesus Kristusa.
Nkenda nombili zi kare neni.
Youkaro nepuro lyoVatesaronika
2Nkenye apa ose kupandura Karunga mwarweni one namuvenye oku tatu mu diworoka hena nkenye apa momakanderero getu. 3Ose kapi atu tuda kudiworoka komeho zaKarunga Guhyetu yirugana yepuro lyeni nomupampi geharo nehuguvaro lyeni kwaKarunga Guhyetu mwaHompa gwetu Jesus Kristusa. 4Vakwetu, ose twa diva asi Karunga kwa mu hara, yiyo ga mu horowora, mu kare vendi. 5Morwa twa mu reterere Mbudi zoNgwa, kapisi mononkango delike, hawe, nomononkondo nomoMpepo zoKupongoka, moomu ose ava twa diva asi yosili atu uyunga. Mwa diva omu twa likareni asi ngapi. Nayinye eyi morwarweni. 6One mwa tu honena ose naHompa. Nampili ngomu twa hepere unene, mwa tambwire Mbudi nehafo lyokutunda koMpepo zoKupongoka. 7Ngesi yimo mwa geve nye sihonena kovapuli navenye womoMakedoniya nava womoGereka. 8Yeeyi Mbudi zokuhamena Hompa kweni za tundire, zi lihane kapisi moMakedoniya nomoGereka mwelike, hawe, epuro lyeni lyokupura Karunga kwa lihanene napenye. Kapi twa hepa hena kuuyunga yuma, 9woowo vantu vene navenye yiwo ava yi sanseke, omu mwa tu tambwire pokumudingura, nomu mwa zumbire maukereli gosipagani, mu kerere Karunga gosili gomunamwenyo. 10One hena tomu ndindire Munwendi ogu nga tunda meguru, Munwendi Jesus, ogu ga vhumbukisire Karunga koufe, a ya tu zowore kehandu lyaKarunga, eli ngali wiza.
Currently Selected:
1 Vatesaronika 1: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
1 Vatesaronika 1
1
1Mbilive ezi kuna kutunda kwaPaurusa naSilivanusa naTimoteusa, zina kuza kombungakriste zokoTesaronika, ezi za hamena kwaKarunga Guhwe naHompa Jesus Kristusa.
Nkenda nombili zi kare neni.
Youkaro nepuro lyoVatesaronika
2Nkenye apa ose kupandura Karunga mwarweni one namuvenye oku tatu mu diworoka hena nkenye apa momakanderero getu. 3Ose kapi atu tuda kudiworoka komeho zaKarunga Guhyetu yirugana yepuro lyeni nomupampi geharo nehuguvaro lyeni kwaKarunga Guhyetu mwaHompa gwetu Jesus Kristusa. 4Vakwetu, ose twa diva asi Karunga kwa mu hara, yiyo ga mu horowora, mu kare vendi. 5Morwa twa mu reterere Mbudi zoNgwa, kapisi mononkango delike, hawe, nomononkondo nomoMpepo zoKupongoka, moomu ose ava twa diva asi yosili atu uyunga. Mwa diva omu twa likareni asi ngapi. Nayinye eyi morwarweni. 6One mwa tu honena ose naHompa. Nampili ngomu twa hepere unene, mwa tambwire Mbudi nehafo lyokutunda koMpepo zoKupongoka. 7Ngesi yimo mwa geve nye sihonena kovapuli navenye womoMakedoniya nava womoGereka. 8Yeeyi Mbudi zokuhamena Hompa kweni za tundire, zi lihane kapisi moMakedoniya nomoGereka mwelike, hawe, epuro lyeni lyokupura Karunga kwa lihanene napenye. Kapi twa hepa hena kuuyunga yuma, 9woowo vantu vene navenye yiwo ava yi sanseke, omu mwa tu tambwire pokumudingura, nomu mwa zumbire maukereli gosipagani, mu kerere Karunga gosili gomunamwenyo. 10One hena tomu ndindire Munwendi ogu nga tunda meguru, Munwendi Jesus, ogu ga vhumbukisire Karunga koufe, a ya tu zowore kehandu lyaKarunga, eli ngali wiza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003