Vakorosi 2
2
1Ame kuna hara ni mu divise asi ngapi omu ani mu kondjere momunene one, nava va kara moRawodikeya nava navenye va dira kumona nge rumwe. 2Ame kuna hara asi va pendapare va lize mutjima gumwe meharo asi, va yi kwate nawa‐nawa egano, makura va ngawoperere po. Makura ngava dive sihoromo saKarunga, kuninka asi Kristusa, 3omu mwa pungukwa ugawo naunye wounongo nou wediwo waKarunga.
4Eyi ame kuna kuyimutanterera asi va ha mu pukisa vantu nononkango dawo dokupeya. 5Nampili ngomu na pili kukara ko kweni nyamwange parutu, neni na kara pampepo. Ame hena kuna hafa mokutara yikara yeni yoyiwa noukoli wepuro lyeni lyokupura Kristusa.
Esikiliromo lyomwenyo mwaKristusa
6Ano moomu mwa tambura Jesus Kristusa, a kare Hompa gweni, omu likwatakane nendi. 7Simbameni, one hena mu litungire mwendi. Nkondopeni mepuro, omu kare moomu va mu ronga, one hena omu zulilire mpandu.
8Omu takamese, walye ava mu diinine po vantu nounongo nomasanseko goyimpempa aga ga tunda konompo dovantu nekepangero lyonompepo douzuni, ya hana asi yokutunda kwaKristusa. 9Yeeyi mwaKristusa, morutu rwendi, yimo lya kara esikiliro mo nalinye lyoukarunga. 10None one mwa sikilira mo mwendi, ogu mutwe gomapangero nagenye nononkondo nadinye.
11Mwendi yimo va mu ruganena hena yovamba, kapisi yokurugana nomawoko govantu, nani nye movamba zaKristusa, pokumuyoworora mepangero lyorutu oru rononzo. 12Apa va mu kuhwire, kwa mu vhumbikire kumwe naKristusa. Mekuho one kwa mu pindura hena koufe kumwe naKristusa, morwa mwa pura asi Karunga ogu ga mu pindura koufe, ga kara nononkondo dokuyirugana. 13One kwa fire morwanonzo deni, hena morwa vapagani mwa kere, ava va dilire kurugana yovamba. Nye Karunga ga mu tura hena mwenyo kumwe naKristusa. Age kwa tu dongwenena po nonzo detu nadinye. 14Age kwa dongonona po etjangwa lyonompangera edi ngadi tu limbike. Age kwa li gusa po, yiyo ga li pamparera kosilivindakano. 15Kosilivindakano Kristusa kwa limangurura mononkondo dovapangeli nedi domapangero gonompepo, makura yiyo ga va horora poruzera, a hafere efundo lyendi lyokuvafunda.
16Ano nye ga ha mu pangura muntu mweyi yokuhamena konondya nokoyinwa ndi yokuhamena koyipito yokupongoka ndi esi sokwedi kokupe nekEsabata. 17Yininke eyi nayinye mundundumba tupu gweyi ngayi wiza; yene‐yene po kwa hamena kwaKristusa. 18Va ha mu hakana vantu mfeto zeni, ava va hara kulinunupika ndi kuruganena vaengeli, ndi va lifumadekere mamoneko gawo. Awo kwa linenepekerere nondunge dawo dopasintu. 19Awo kwa nyoka kulikwatakana naKristusa, mutwe ogu agu kulike rutu mudima oru gwa kwatakanesesa konongongo nokonosipa, ru kure moomu ga ru harera Karunga.
Mwenyo gomupe mwaKristusa
20One kwa fa kumwe naKristusa, yiyo nye mwa manguruka mo monompepo danare edi adi pangere uzuni ou. Yinke hena nomu kerera ngwendi nyone ava asi mouzuni muna kara, mu limburukwe konompangera edi asi, 21“Wa ha kwata ko, wa ha makera ko, wa ha guma ko”? 22Yininke eyi nayinye kwa yi tulira po asi ava yi ruganese, ngayi hage po, moomu adi haga po nompangera nomarongo govantu. 23Nayinye eyi polili tupu efumano lyounongo morwaukereli wonompepo danaudumba nomalinunupiko aga va lihorowera vene neyi ya pira nkenda norutu. Nye nayimwe si ayi kwafa, kwa kerera po tupu yi goromone marutu makura.
Currently Selected:
Vakorosi 2: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Vakorosi 2
2
1Ame kuna hara ni mu divise asi ngapi omu ani mu kondjere momunene one, nava va kara moRawodikeya nava navenye va dira kumona nge rumwe. 2Ame kuna hara asi va pendapare va lize mutjima gumwe meharo asi, va yi kwate nawa‐nawa egano, makura va ngawoperere po. Makura ngava dive sihoromo saKarunga, kuninka asi Kristusa, 3omu mwa pungukwa ugawo naunye wounongo nou wediwo waKarunga.
4Eyi ame kuna kuyimutanterera asi va ha mu pukisa vantu nononkango dawo dokupeya. 5Nampili ngomu na pili kukara ko kweni nyamwange parutu, neni na kara pampepo. Ame hena kuna hafa mokutara yikara yeni yoyiwa noukoli wepuro lyeni lyokupura Kristusa.
Esikiliromo lyomwenyo mwaKristusa
6Ano moomu mwa tambura Jesus Kristusa, a kare Hompa gweni, omu likwatakane nendi. 7Simbameni, one hena mu litungire mwendi. Nkondopeni mepuro, omu kare moomu va mu ronga, one hena omu zulilire mpandu.
8Omu takamese, walye ava mu diinine po vantu nounongo nomasanseko goyimpempa aga ga tunda konompo dovantu nekepangero lyonompepo douzuni, ya hana asi yokutunda kwaKristusa. 9Yeeyi mwaKristusa, morutu rwendi, yimo lya kara esikiliro mo nalinye lyoukarunga. 10None one mwa sikilira mo mwendi, ogu mutwe gomapangero nagenye nononkondo nadinye.
11Mwendi yimo va mu ruganena hena yovamba, kapisi yokurugana nomawoko govantu, nani nye movamba zaKristusa, pokumuyoworora mepangero lyorutu oru rononzo. 12Apa va mu kuhwire, kwa mu vhumbikire kumwe naKristusa. Mekuho one kwa mu pindura hena koufe kumwe naKristusa, morwa mwa pura asi Karunga ogu ga mu pindura koufe, ga kara nononkondo dokuyirugana. 13One kwa fire morwanonzo deni, hena morwa vapagani mwa kere, ava va dilire kurugana yovamba. Nye Karunga ga mu tura hena mwenyo kumwe naKristusa. Age kwa tu dongwenena po nonzo detu nadinye. 14Age kwa dongonona po etjangwa lyonompangera edi ngadi tu limbike. Age kwa li gusa po, yiyo ga li pamparera kosilivindakano. 15Kosilivindakano Kristusa kwa limangurura mononkondo dovapangeli nedi domapangero gonompepo, makura yiyo ga va horora poruzera, a hafere efundo lyendi lyokuvafunda.
16Ano nye ga ha mu pangura muntu mweyi yokuhamena konondya nokoyinwa ndi yokuhamena koyipito yokupongoka ndi esi sokwedi kokupe nekEsabata. 17Yininke eyi nayinye mundundumba tupu gweyi ngayi wiza; yene‐yene po kwa hamena kwaKristusa. 18Va ha mu hakana vantu mfeto zeni, ava va hara kulinunupika ndi kuruganena vaengeli, ndi va lifumadekere mamoneko gawo. Awo kwa linenepekerere nondunge dawo dopasintu. 19Awo kwa nyoka kulikwatakana naKristusa, mutwe ogu agu kulike rutu mudima oru gwa kwatakanesesa konongongo nokonosipa, ru kure moomu ga ru harera Karunga.
Mwenyo gomupe mwaKristusa
20One kwa fa kumwe naKristusa, yiyo nye mwa manguruka mo monompepo danare edi adi pangere uzuni ou. Yinke hena nomu kerera ngwendi nyone ava asi mouzuni muna kara, mu limburukwe konompangera edi asi, 21“Wa ha kwata ko, wa ha makera ko, wa ha guma ko”? 22Yininke eyi nayinye kwa yi tulira po asi ava yi ruganese, ngayi hage po, moomu adi haga po nompangera nomarongo govantu. 23Nayinye eyi polili tupu efumano lyounongo morwaukereli wonompepo danaudumba nomalinunupiko aga va lihorowera vene neyi ya pira nkenda norutu. Nye nayimwe si ayi kwafa, kwa kerera po tupu yi goromone marutu makura.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003