Vakorosi 1
1
1Mbilive ezi kuna kutunda kwaPaurusa, mupositoli gwaJesus Kristusa meharo lyaKarunga, nakwamukwetu Timoteusa, 2zi ze kovakwetetu wokupongoka vepuro lyokupura Kristusa ava va kara moKorosi. Karunga Guhyetu a mu fire nkenda oku ta mu pe mbili.
Paurusa ta pandura Karunga morwaVakorosi
3Nkenye apa atu mu kandererere, ose kupandura Karunga, GuhyaHompa gwetu Jesus Kristusa. 4Yeeyi twa zuvha epuro lyeni lyokupura Jesus Kristusa neharo lyeni lyokuhara vapongoki navenye. 5Ntundiliro zepuro lyeni neharo lyeni kwa kara mehuguvaro eli mwa zuvha apa za ya mu gwana Mbudi zoNgwa zosili, ehuguvaro lyeyi va mu wapaikira meguru. 6Mbudi ezi zoNgwa kuna kureta yiyimwa, azo kuna kulihanena uzuni mudima, moomu tupu azi rugana mokatji keni kutunda kezuva eli mwa zuvhire yonkenda zaKarunga mu kwate egano usili wazo. 7Eyi one kwa yi lironga kwaEpafurasa, mukereli mukwetetu ogu twa hara. Age muntu gwaKristusa gokulimburukwa mokumukwafa. 8Age yige ga tu sansekera yeharo lyeni eli za mu pa Mpepo.
9Ano ezuva lyeeli twa yi zuvha, kapi twa tuda hena kumukandererera. Ose kuhundira asi Karunga a mu zwide ediwo lyompango zendi monondunge nomounongo naunye wopampepo. 10One ntani nye ngomu wapa kukara moomu ga hara Hompa, tomu rugana nkenye apa yokumuhafesa. One ngomu yima yiyimwa yoyirugana nayinye yoyiwa moukaro weni oku tomu kuru mediwo lyokudiva Karunga. 11Ano va mu pe nonkondo nadinye edi adi tundu mononkondo douyerere wendi, asi mu vhure kudidimika maudigu nagenye nehafo. 12Pandureni nehafo Guhyeni, ogu ga mu wapaika asi none ngomu gwane ko koupingwa wovapongoki moUntungi wouzera. 13Age kwa tu parura mo mononkondo domundema, makura yiyo ga tu rundwilira moUntungi waMunwendi ogu ga hara. 14Yige ga tu zowora, kuninka asi nonzo detu ga di dongonona po.
Kristusa nosirugana sendi
15Kristusa sihwi saKarunga ogu a dili kumoneka. Age hena mbeli, muhoverera goyisitwa nayinye. 16Mwendi yimo ga sitira Karunga yininke nayinye yemeguru neyi yepevhu, eyi ayi moneka neyi ayi dili kumoneka, yi kare yipundi youhompa ndi vanamadina ndi vapangeli ndi vanankondo. Yininke nayinye kwa yi sitira mwendi, yi kare yendi. 17Age yipo ga kere, ayo yininke nayinye simpe patupu, ano mwendi yimo ya sikama ya korera. 18Jesus yige mutwe gorutu rwendi, kuninka asi gongereka. Age evareko, yige mbeli ogu va hoverera kupindura koufe, asi a kare gomuhoverera moyininke nayinye. 19Yeeyi ya waperere Karunga kutura moMuna ukarunga wokusikilira mo. 20Karunga kwa tokwere kulitengwidira yisitwa nayinye, yi pitire moMuna, yi kare yepevhu ndi yemeguru. Age kwa retesa po mbili nohonde zonomfa daMunwendi dokosilivindakano.
21Pwanare none kwa kere koure naKarunga. One kwa kere nonkore dendi mokurugana nomokugazadara yoyidona. 22Nye ntaantani Karunga ana mu kwatakanesesa nendi konomfa dorutu rwaMunwendi, nga mu sikameke komeho zendi, muna pongoka, one muna kuhuka, muna hungama. 23Karunga nga yi rugana, ntene mu sikama muna koro petateko lyepuro. Mwa ha lisigilira asi va mu zapure mo mehuguvaro lyoMbudi zoNgwa ezi mwa zuvha. Mbudi ezi kwa zi udisira nkenye sisitwa somouzuni, ame Paurusa yizo za pakesa nge mukereli.
Yirugana yaPaurusa mombungakriste
24Ame kuna hafa pokunyandera mwarweni. Morunyando rwange roparutu ame kuna kukwafa mokusikisa mo eyi ya hupa ko korunyando rwaKristusa morwarutu rwendi, aro yizo ngereka. 25Karunga kwa ninka nge ni kare mukereli gongereka. Sirugana esi kwa si pera nge mwarweni, ni mu horwere nawa‐nawa Mbudi zaKarunga. 26Sihoramo esi Karunga kwa si horekera nomuhoko nadinye kutunda pevareko lyouzuni dogoro naina, makura ntaantani yiyo ana si horwere vapongoki vendi. 27Karunga kwa here a va horwere uyerere wosihoramo esi, asi papi wa hura. Sihoramo yiso esi asi Kristusa mweni ga kara, kuninka asi one ngomu ka pinga uyerere waKarunga. 28Kristusa yige atu udisa. Ose kukorangeda nkenye muntu oku tatu rongo nkenye muntu moomu twa divira, tu horore nkenye muntu poruzera kosipara saKarunga, ana sikilire mo mwaKristusa. 29Eyi yiyo ani lihepekere oku tani kondjo mononkondo daKristusa edi adi rugana mwange unene.
Currently Selected:
Vakorosi 1: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
Vakorosi 1
1
1Mbilive ezi kuna kutunda kwaPaurusa, mupositoli gwaJesus Kristusa meharo lyaKarunga, nakwamukwetu Timoteusa, 2zi ze kovakwetetu wokupongoka vepuro lyokupura Kristusa ava va kara moKorosi. Karunga Guhyetu a mu fire nkenda oku ta mu pe mbili.
Paurusa ta pandura Karunga morwaVakorosi
3Nkenye apa atu mu kandererere, ose kupandura Karunga, GuhyaHompa gwetu Jesus Kristusa. 4Yeeyi twa zuvha epuro lyeni lyokupura Jesus Kristusa neharo lyeni lyokuhara vapongoki navenye. 5Ntundiliro zepuro lyeni neharo lyeni kwa kara mehuguvaro eli mwa zuvha apa za ya mu gwana Mbudi zoNgwa zosili, ehuguvaro lyeyi va mu wapaikira meguru. 6Mbudi ezi zoNgwa kuna kureta yiyimwa, azo kuna kulihanena uzuni mudima, moomu tupu azi rugana mokatji keni kutunda kezuva eli mwa zuvhire yonkenda zaKarunga mu kwate egano usili wazo. 7Eyi one kwa yi lironga kwaEpafurasa, mukereli mukwetetu ogu twa hara. Age muntu gwaKristusa gokulimburukwa mokumukwafa. 8Age yige ga tu sansekera yeharo lyeni eli za mu pa Mpepo.
9Ano ezuva lyeeli twa yi zuvha, kapi twa tuda hena kumukandererera. Ose kuhundira asi Karunga a mu zwide ediwo lyompango zendi monondunge nomounongo naunye wopampepo. 10One ntani nye ngomu wapa kukara moomu ga hara Hompa, tomu rugana nkenye apa yokumuhafesa. One ngomu yima yiyimwa yoyirugana nayinye yoyiwa moukaro weni oku tomu kuru mediwo lyokudiva Karunga. 11Ano va mu pe nonkondo nadinye edi adi tundu mononkondo douyerere wendi, asi mu vhure kudidimika maudigu nagenye nehafo. 12Pandureni nehafo Guhyeni, ogu ga mu wapaika asi none ngomu gwane ko koupingwa wovapongoki moUntungi wouzera. 13Age kwa tu parura mo mononkondo domundema, makura yiyo ga tu rundwilira moUntungi waMunwendi ogu ga hara. 14Yige ga tu zowora, kuninka asi nonzo detu ga di dongonona po.
Kristusa nosirugana sendi
15Kristusa sihwi saKarunga ogu a dili kumoneka. Age hena mbeli, muhoverera goyisitwa nayinye. 16Mwendi yimo ga sitira Karunga yininke nayinye yemeguru neyi yepevhu, eyi ayi moneka neyi ayi dili kumoneka, yi kare yipundi youhompa ndi vanamadina ndi vapangeli ndi vanankondo. Yininke nayinye kwa yi sitira mwendi, yi kare yendi. 17Age yipo ga kere, ayo yininke nayinye simpe patupu, ano mwendi yimo ya sikama ya korera. 18Jesus yige mutwe gorutu rwendi, kuninka asi gongereka. Age evareko, yige mbeli ogu va hoverera kupindura koufe, asi a kare gomuhoverera moyininke nayinye. 19Yeeyi ya waperere Karunga kutura moMuna ukarunga wokusikilira mo. 20Karunga kwa tokwere kulitengwidira yisitwa nayinye, yi pitire moMuna, yi kare yepevhu ndi yemeguru. Age kwa retesa po mbili nohonde zonomfa daMunwendi dokosilivindakano.
21Pwanare none kwa kere koure naKarunga. One kwa kere nonkore dendi mokurugana nomokugazadara yoyidona. 22Nye ntaantani Karunga ana mu kwatakanesesa nendi konomfa dorutu rwaMunwendi, nga mu sikameke komeho zendi, muna pongoka, one muna kuhuka, muna hungama. 23Karunga nga yi rugana, ntene mu sikama muna koro petateko lyepuro. Mwa ha lisigilira asi va mu zapure mo mehuguvaro lyoMbudi zoNgwa ezi mwa zuvha. Mbudi ezi kwa zi udisira nkenye sisitwa somouzuni, ame Paurusa yizo za pakesa nge mukereli.
Yirugana yaPaurusa mombungakriste
24Ame kuna hafa pokunyandera mwarweni. Morunyando rwange roparutu ame kuna kukwafa mokusikisa mo eyi ya hupa ko korunyando rwaKristusa morwarutu rwendi, aro yizo ngereka. 25Karunga kwa ninka nge ni kare mukereli gongereka. Sirugana esi kwa si pera nge mwarweni, ni mu horwere nawa‐nawa Mbudi zaKarunga. 26Sihoramo esi Karunga kwa si horekera nomuhoko nadinye kutunda pevareko lyouzuni dogoro naina, makura ntaantani yiyo ana si horwere vapongoki vendi. 27Karunga kwa here a va horwere uyerere wosihoramo esi, asi papi wa hura. Sihoramo yiso esi asi Kristusa mweni ga kara, kuninka asi one ngomu ka pinga uyerere waKarunga. 28Kristusa yige atu udisa. Ose kukorangeda nkenye muntu oku tatu rongo nkenye muntu moomu twa divira, tu horore nkenye muntu poruzera kosipara saKarunga, ana sikilire mo mwaKristusa. 29Eyi yiyo ani lihepekere oku tani kondjo mononkondo daKristusa edi adi rugana mwange unene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003