2 Vakolinte 11
11
Paurusa novapositoli woyimpempa
1Ame kuna hara asi ngano tomu didimikire nakauke nonkango dange dougova! Komu didimike si tupu no! 2Ame tani mu rwire esupa ngwendi Karunga mwene, yeeyi ame kwa mu vandekerera mugara gumwe, Kristusa, ngani mu rete kweni ngomukadona gomukuhuki. 3Nye ame na tjira asi moomu lya kumbagerere ezoka Eva merunguruko lyalyo, mpamwe nomagazaro geni nago taga zonauka, mu zumbe uhungami noukuhuki wamwaKristusa. 4Yeeyi nsene pa wiza gumwe a ya mu udisire Jesus peke, ga hana si gogu twa mu udisira ose, ndi va mu tambwise mpepo peke, za hana si zezi mwa gwana kwetu, ndi mbudi peke, za hana asi zezi mwa gwana kwetu, tomu yi didimike nehafo.
5Ame kuna kugazara asi nayimwe si va vhura nge po “vapositoli” ava va fumana unene kweni. 6Mpili ngomu kwa puka nge kuuyunga nawa, kapisi asi nediwo kwa pira nge; eyi twa yi mu horwera mononkedi nadinye nomoyininke nayinye.
7Kwa zona sa nye eyi na linunupika, one mu nenepere po, mokumuudisira Mbudi zoNgwa zaKarunga mawoko‐woko? 8Nombungakriste peke ngani di hununa pokugwana ko yimaliva, ni mu kwafese ko. Opo ngoso na yipika nye ndi? 9Apa na kere neni, ru gwane nge ruhepo, kapi ngani mu sipageda, yeeyi vakwetu ava va tundire koMakedoniya ngava kwafa nge moruhepo rwange. Ame kapi na here asi ni mu pe udigu, nokomeho si kapi nina yi hara. 10Yosili, kousili waKarunga ou una kara mwange nina kugana, kulifumadeka kwange kwangesi nagumwe si ogu nga ku gusa nge mosirongo nasinye saGereka. 11Nani yisi nina kuuyungira ngesi? Yeeyi nye asi nampo kapi na mu hara ndi? Karunga ga yi diva asi na mu hara.
12Ame ngani rugana ngorooro moomu nina kurugana, asi yi va limbe owo vapositoli vaso vamwe kulifumadeka ndi kuuyunga asi awo kurugana moomu atu rugana ose. 13Yeeyi vantu vangoso vapositoli woyimpempa, varugani wokurungukwa, ava ava likisaukire, tava litura koupositoli waKristusa. 14Eyi kapisi yitetu! NaSatana si mwene nage kulipirura, ta kara ngwendi muengeli gouzera. 15Eyi kapisi yokutetura, nsene asi vakereli vendi va lipirura, va lipake moukereli wouhungami. Nye uhura wawo ngau liza noyirugana yawo.
Runyando rwaPaurusa moupositoli
16Tani tanta hena asi, pa ha kara ogu ana kumona nge ugova. Mpili ni kare mugova, tambureni nge tupu ngwendi ni mugova, name ni lifumadeke po nakauke. 17Eyi nina kuuyunga ntaantani, kapisi Hompa ana yi pe nge asi ni yi uyunge; mweyi yokulifumadeka ame kuna kuuyunga ngwendi ni gova sili. 18Moomu ava lifumadekere wovanzi yirugana yawo yosintu, name tani yi lifumadekere. 19One kudidimikira magova, yeeyi one nyamweni mu vanandunge sa asi! 20Amesi one kudidimika, nsene a mu paka muntu upika ndi tava mu hununa ndi tava mu tege ndi tava mu dini ndi tava mu toona moyipara. 21Ame tani uyunga nonomuga asi, mweyi ose nowoma twa kere.
Nye ntene pweli ogu ana kukambadara kulifumadeka — ame tani uyunga ngwendi egova — name tani kambadara kulifumadeka. 22Nsene awo Vajuda, name ni Mujuda. Awo Vaisraeli asi? Name si. Awo nontekuru daAbirahamu asi? Name si. 23Awo vakareli nye vaKristusa asi? Tani uyunga hena ngwendi moupirandunge asi, ame ni mukereli gomuwa na va pita. Kwa va pita moyirugana nomokuzedilira nge rorunzi modorongo nomokuramagura nge unene, rorunzi kukahunyuka. 24Vajuda kwa sopwere nge yikando yitano nongora nomurongo ntatu nantano‐nane. 25Rutatu kwa ramagwire nge, rumwe kwa toonene nge nomamanya, rutatu kwa tekererere nge sikepa, rumwe kwa pupangerere masiku nomutenya mefuta. 26Momarugendo gange gomanzi ame ngani kara moyimpagwa yomonomukuro, nomu mweyi yovamahaka, moyimpagwa yava vange nomu mweyi yovapagani. Kwa kara moyimpagwa yomoyitata nomu mweyi yomomburundu nomu mweyi yemefuta, nomoyimpagwa yokutunda movakwetu woyimpempa. 27Kwa rugana unene, kwa kara momaudigu gomanzi, kwa rara mbanze masiku gomanzi, kwa kara monzara nenota, pamwe kutupu nondya, pamwe nomufu ndi rutu‐rutu. 28Yinka yonombungakriste nayo kuhepeka nge unene nkenye ezuva. 29Nsene a pira po gumwe nonkondo, name tadi pili nge nonkondo. Nsene a zapuka po gumwe, name tani guwu unene.
30Nsene ni lifumadeka, tani lifumadekere upiranonkondo wange. 31Karunga, GuhyaHompa gwetu Jesus, ana yi diva asi kapi nina kutanta yimpempa. Ava mu pande narunye‐narunye! 32Apa na kere moDamasikusi, erenga lyahompa Aretasi kwa ninkire, va nomene marungavero gositata, asi va kwate nge. 33Nye kwa tulire nge mosikumba, va tupukidire nge pekende lyekekuma, makura tani mu siuka.
Currently Selected:
2 Vakolinte 11: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
2 Vakolinte 11
11
Paurusa novapositoli woyimpempa
1Ame kuna hara asi ngano tomu didimikire nakauke nonkango dange dougova! Komu didimike si tupu no! 2Ame tani mu rwire esupa ngwendi Karunga mwene, yeeyi ame kwa mu vandekerera mugara gumwe, Kristusa, ngani mu rete kweni ngomukadona gomukuhuki. 3Nye ame na tjira asi moomu lya kumbagerere ezoka Eva merunguruko lyalyo, mpamwe nomagazaro geni nago taga zonauka, mu zumbe uhungami noukuhuki wamwaKristusa. 4Yeeyi nsene pa wiza gumwe a ya mu udisire Jesus peke, ga hana si gogu twa mu udisira ose, ndi va mu tambwise mpepo peke, za hana si zezi mwa gwana kwetu, ndi mbudi peke, za hana asi zezi mwa gwana kwetu, tomu yi didimike nehafo.
5Ame kuna kugazara asi nayimwe si va vhura nge po “vapositoli” ava va fumana unene kweni. 6Mpili ngomu kwa puka nge kuuyunga nawa, kapisi asi nediwo kwa pira nge; eyi twa yi mu horwera mononkedi nadinye nomoyininke nayinye.
7Kwa zona sa nye eyi na linunupika, one mu nenepere po, mokumuudisira Mbudi zoNgwa zaKarunga mawoko‐woko? 8Nombungakriste peke ngani di hununa pokugwana ko yimaliva, ni mu kwafese ko. Opo ngoso na yipika nye ndi? 9Apa na kere neni, ru gwane nge ruhepo, kapi ngani mu sipageda, yeeyi vakwetu ava va tundire koMakedoniya ngava kwafa nge moruhepo rwange. Ame kapi na here asi ni mu pe udigu, nokomeho si kapi nina yi hara. 10Yosili, kousili waKarunga ou una kara mwange nina kugana, kulifumadeka kwange kwangesi nagumwe si ogu nga ku gusa nge mosirongo nasinye saGereka. 11Nani yisi nina kuuyungira ngesi? Yeeyi nye asi nampo kapi na mu hara ndi? Karunga ga yi diva asi na mu hara.
12Ame ngani rugana ngorooro moomu nina kurugana, asi yi va limbe owo vapositoli vaso vamwe kulifumadeka ndi kuuyunga asi awo kurugana moomu atu rugana ose. 13Yeeyi vantu vangoso vapositoli woyimpempa, varugani wokurungukwa, ava ava likisaukire, tava litura koupositoli waKristusa. 14Eyi kapisi yitetu! NaSatana si mwene nage kulipirura, ta kara ngwendi muengeli gouzera. 15Eyi kapisi yokutetura, nsene asi vakereli vendi va lipirura, va lipake moukereli wouhungami. Nye uhura wawo ngau liza noyirugana yawo.
Runyando rwaPaurusa moupositoli
16Tani tanta hena asi, pa ha kara ogu ana kumona nge ugova. Mpili ni kare mugova, tambureni nge tupu ngwendi ni mugova, name ni lifumadeke po nakauke. 17Eyi nina kuuyunga ntaantani, kapisi Hompa ana yi pe nge asi ni yi uyunge; mweyi yokulifumadeka ame kuna kuuyunga ngwendi ni gova sili. 18Moomu ava lifumadekere wovanzi yirugana yawo yosintu, name tani yi lifumadekere. 19One kudidimikira magova, yeeyi one nyamweni mu vanandunge sa asi! 20Amesi one kudidimika, nsene a mu paka muntu upika ndi tava mu hununa ndi tava mu tege ndi tava mu dini ndi tava mu toona moyipara. 21Ame tani uyunga nonomuga asi, mweyi ose nowoma twa kere.
Nye ntene pweli ogu ana kukambadara kulifumadeka — ame tani uyunga ngwendi egova — name tani kambadara kulifumadeka. 22Nsene awo Vajuda, name ni Mujuda. Awo Vaisraeli asi? Name si. Awo nontekuru daAbirahamu asi? Name si. 23Awo vakareli nye vaKristusa asi? Tani uyunga hena ngwendi moupirandunge asi, ame ni mukereli gomuwa na va pita. Kwa va pita moyirugana nomokuzedilira nge rorunzi modorongo nomokuramagura nge unene, rorunzi kukahunyuka. 24Vajuda kwa sopwere nge yikando yitano nongora nomurongo ntatu nantano‐nane. 25Rutatu kwa ramagwire nge, rumwe kwa toonene nge nomamanya, rutatu kwa tekererere nge sikepa, rumwe kwa pupangerere masiku nomutenya mefuta. 26Momarugendo gange gomanzi ame ngani kara moyimpagwa yomonomukuro, nomu mweyi yovamahaka, moyimpagwa yava vange nomu mweyi yovapagani. Kwa kara moyimpagwa yomoyitata nomu mweyi yomomburundu nomu mweyi yemefuta, nomoyimpagwa yokutunda movakwetu woyimpempa. 27Kwa rugana unene, kwa kara momaudigu gomanzi, kwa rara mbanze masiku gomanzi, kwa kara monzara nenota, pamwe kutupu nondya, pamwe nomufu ndi rutu‐rutu. 28Yinka yonombungakriste nayo kuhepeka nge unene nkenye ezuva. 29Nsene a pira po gumwe nonkondo, name tadi pili nge nonkondo. Nsene a zapuka po gumwe, name tani guwu unene.
30Nsene ni lifumadeka, tani lifumadekere upiranonkondo wange. 31Karunga, GuhyaHompa gwetu Jesus, ana yi diva asi kapi nina kutanta yimpempa. Ava mu pande narunye‐narunye! 32Apa na kere moDamasikusi, erenga lyahompa Aretasi kwa ninkire, va nomene marungavero gositata, asi va kwate nge. 33Nye kwa tulire nge mosikumba, va tupukidire nge pekende lyekekuma, makura tani mu siuka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003