2 Vakolinte 10
10
Paurusa ta popere upostoli wendi
1Nyame Paurusa nina kumukanderera medina lyougomoki nombili zaKristusa. Vantu kuuyunga nge asi ame kulinunupika nsene na kara koyipara yeni, nye nsene na pili po, tani di mu vyuka. 2Na mu kanderere, nokuyasininika nge si, asi ni di mu vyuke, nsene ngani wiza, yeeyi ame na yi diva nawa‐nawa asi, ame kuvhura kuyadivavyuka, ava ava tanta asi ose kuturuganesa eharo lyopasiuntu. 3Nye nampili ngomu twa kara mouzuni, kapisi yirwiso youzuni atu rwisa. 4Yirwiso eyi tuna kurwisisa, kapisi yomouzuni ou, ayo yirwiso yononkondo daKarunga, eyi ayi hanagura po nohotepopero dovantu. 5Ose kuhanagura po yipanga yonondunge nankenye ndunge za litumba, asi zi kondjese ediwo lyaKarunga. Ose kuvhulilira po nkenye egazaro lyosintu, asi li limburukwe kwaKristusa. 6Ose kuna liwapaikire nkenye ogu a dili kuzuvha, nye muhowo tomu kara tanko valimburukwi nawa‐nawa.
7Tareni nye yininke moomu ya kara! Nsene pweli ogu ga lihuguvara asi age kwa hama kwaKristusa, a ligazare mwene asi nose hena kwa hama kwaKristusa nawa‐nawa moomu ga hama ko age. 8Nampili ni lifumadekere unene nonkondo edi ga tu pa Hompa, ame nokufisa nge si nomuga. Hompa kwa di tu pera, asi atu di mu tungisise ko, kapi si asi atu di mu zonagwisise ko. 9Walye omu gazara asi ame kuhetaika asi ni mu tjilise nonombilive dange. 10Yeeyi gumwe ta tanta asi, “Nombilive daPaurusa nonkukutu, ado nonkondo, nye muntu mwene‐mwene mokumutara murupiranonkondo, nonkango dendi hena nayimwe si.” 11Ano ogu a uyunga ngesi, a dive asi, patupu malisigo pononkango edi atu tjanga monombilive, neyi atu rugana nsene potuli pweni.
12Ose nokuvhura si kulitura mwava ndi asi tu lihetaike nagumwe gwava ava litura kounene. Eh, ugovagona ou va kara nawo. Awo kulihetaika noyihetekeso yavene, oku tava lipangwisa‐pwangisa noyipangwiso yavene. 13Ose kapi atu lifumadekere, kupita apa va tu pangera, nye ose kukara moomu ga tu pangera Karunga mokutupa sirugana dogoro kweni koVakolinte. 14Ose nyose twa hova kuwiza kweni, tu mu retere Mbudi zoNgwa zaKristusa. Nye mokumulifumadekera, ose kapi tuna hara tu pitakane murudi ogu va tu pangera. 15Kapi atu lifumadekere yirugana yovantu peke, tu pitakane murudi ogu va tu tulira po. Nye ose kuna huguvara asi, epuro lyeni nsene li kora, ose ngatu vhura kurugana yirugana yoyinene yokupitakana eyi mokatji keni. 16Makura ngatu ka tware hena moyirongo yapeke kesinya kwina lyaKolinte Mbudi zoNgwa. Nye ose kapi tuna hara kulifumadekera yirugana eyi va rugana nare vamwe moyirongo yapeke.
17Moomu va tjanga asi:
“Ogu ana hara kulifumadeka,
a lifumadekere mweyi yaHompa.”
18Nye ogu a lifumadeke mwene ogo nayimwe si, googu a panda Hompa ntani.
Currently Selected:
2 Vakolinte 10: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
2 Vakolinte 10
10
Paurusa ta popere upostoli wendi
1Nyame Paurusa nina kumukanderera medina lyougomoki nombili zaKristusa. Vantu kuuyunga nge asi ame kulinunupika nsene na kara koyipara yeni, nye nsene na pili po, tani di mu vyuka. 2Na mu kanderere, nokuyasininika nge si, asi ni di mu vyuke, nsene ngani wiza, yeeyi ame na yi diva nawa‐nawa asi, ame kuvhura kuyadivavyuka, ava ava tanta asi ose kuturuganesa eharo lyopasiuntu. 3Nye nampili ngomu twa kara mouzuni, kapisi yirwiso youzuni atu rwisa. 4Yirwiso eyi tuna kurwisisa, kapisi yomouzuni ou, ayo yirwiso yononkondo daKarunga, eyi ayi hanagura po nohotepopero dovantu. 5Ose kuhanagura po yipanga yonondunge nankenye ndunge za litumba, asi zi kondjese ediwo lyaKarunga. Ose kuvhulilira po nkenye egazaro lyosintu, asi li limburukwe kwaKristusa. 6Ose kuna liwapaikire nkenye ogu a dili kuzuvha, nye muhowo tomu kara tanko valimburukwi nawa‐nawa.
7Tareni nye yininke moomu ya kara! Nsene pweli ogu ga lihuguvara asi age kwa hama kwaKristusa, a ligazare mwene asi nose hena kwa hama kwaKristusa nawa‐nawa moomu ga hama ko age. 8Nampili ni lifumadekere unene nonkondo edi ga tu pa Hompa, ame nokufisa nge si nomuga. Hompa kwa di tu pera, asi atu di mu tungisise ko, kapi si asi atu di mu zonagwisise ko. 9Walye omu gazara asi ame kuhetaika asi ni mu tjilise nonombilive dange. 10Yeeyi gumwe ta tanta asi, “Nombilive daPaurusa nonkukutu, ado nonkondo, nye muntu mwene‐mwene mokumutara murupiranonkondo, nonkango dendi hena nayimwe si.” 11Ano ogu a uyunga ngesi, a dive asi, patupu malisigo pononkango edi atu tjanga monombilive, neyi atu rugana nsene potuli pweni.
12Ose nokuvhura si kulitura mwava ndi asi tu lihetaike nagumwe gwava ava litura kounene. Eh, ugovagona ou va kara nawo. Awo kulihetaika noyihetekeso yavene, oku tava lipangwisa‐pwangisa noyipangwiso yavene. 13Ose kapi atu lifumadekere, kupita apa va tu pangera, nye ose kukara moomu ga tu pangera Karunga mokutupa sirugana dogoro kweni koVakolinte. 14Ose nyose twa hova kuwiza kweni, tu mu retere Mbudi zoNgwa zaKristusa. Nye mokumulifumadekera, ose kapi tuna hara tu pitakane murudi ogu va tu pangera. 15Kapi atu lifumadekere yirugana yovantu peke, tu pitakane murudi ogu va tu tulira po. Nye ose kuna huguvara asi, epuro lyeni nsene li kora, ose ngatu vhura kurugana yirugana yoyinene yokupitakana eyi mokatji keni. 16Makura ngatu ka tware hena moyirongo yapeke kesinya kwina lyaKolinte Mbudi zoNgwa. Nye ose kapi tuna hara kulifumadekera yirugana eyi va rugana nare vamwe moyirongo yapeke.
17Moomu va tjanga asi:
“Ogu ana hara kulifumadeka,
a lifumadekere mweyi yaHompa.”
18Nye ogu a lifumadeke mwene ogo nayimwe si, googu a panda Hompa ntani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003