2 Vakolinte 12
12
Mamonekero nomamoneko
1Nyame tupu kulifumadeka, nampili yi dire kuwapa, nye tani tameke kuuyunga mamonekero nomamoneko aga ga pa nge Hompa. 2Ame na diva mugara gumwe gomukriste. Kutunda apa va mu vakwilire meguru lyautatu, ntaantani nomvhura nye murongo nane dina piti po. Ame kapi na diva nye asi yimo ga zire norutu rwendi ndi, ndi mwenyo gwelike gwa zire, Karunga yige ana yi diva. 3Mugara ogo na mu diva, a ze norutu rwendi ndi mpepo zelike za zire, ame nokuyidiva si, Karunga yige ana yi diva — 4asi kwa mu vakwilire moParadisa, yiyo ga zuvha nonkango dokudira kuvhura kutanta, muntu kapi va mu pa evega lyokudiuyunga. 5Mugara ogo yige nani lifumadekera, kapisi ni lifumadeke nyamwange, ntudi yokuhamena upirankondo wange ntani. 6Nsene asi ni yi lifumadekera oyo, kapisi yipo nani kerera ugova, yeeyi yosili ngano nani uyunga. Nye oyo na yi nyoka, neisi pa kara ogu ana kuzerura nge a pitakanese pweyi a mono nge neyi a zuvhu nge.
7Neisi ni linenepekera mamoneko gomanene‐nene, yiyo ga zuguma nge nsonga morutu muengeli gwaSatana, a toone nge nonyongo, neisi ni litumba. 8Ame kwa kandererere Hompa rutatu asi a yi guse nge eyi. 9Nye age ta limburura asi, “Nonkondo dange yido ono hepa po unene; yeeyi nonkondo dange kunenepa moupirankondo woge.” Siwa po kwange ame sokulifumadekera moupirankondo wange, makura nonkondo daKristusa di kare mwange. 10Ame yiyo nye na hafera upirankondo nomahepeko nomaudigu nomatjida?-?tjido nomaupyakadi morwaKristusa. Yeeyi apa na kupira nonkondo, makura tani nkondopara.
Sinka saPaurusa sokuhamena vaKolinte
11Hana za mokulitumba, hawe, egova na kara. Nye nyone mwa hwedesa nge, yeeyi one ngano nyone mwa fira kupanda nge. Yeeyi nampili ngomu na kara muntu gomawoko?-?woko, patupu apa twa livhulira novapositoli vaso veni vena wovanene. 12Yinongweneso yomupositoli gosili amesi kwa yi ruganena mokatji keni medidimiko lyenene moyidiviso nomoyitetu nomoyirugana yononkondo. 13Nombungakriste dimwe papi apa da mu vhulira, ntudi paapa sa pokudira kumusipageda ame yokuhamena ekwafo? Dongweneni nge po udona ou!
14Apa ngesi rwautatu nye oru na liwapaikire kuwiza kweni. Noru si kapi ngani ya mu sipageda, yeeyi kapisi yimaliva yeni na hara, nyamweni ko, morwa vanona kapisi yiwo ava kongere vakurona, vakurona yiwo ava kongere vanona. 15Kwange ko, ame ngani ya gava nayinye yange nehafo, nanyamwange si ngani ligava morwanomwenyo deni. Nampili ngomu na mu hara unene, one mu hare nge nakauke tupu.
16Yi sigeni yi kare! Ame kapi na mu retera udigu. Nye morwa ame nondunge, yiyo na mu kwata sa nye moyineya? 17Ame kuna tungire nye mweni kogu mukwetu na mu tumina ndi? 18Ame kwa korangeda Titusa a wize kweni kumwe namukwetu gumwe. Ee, nani Titusa mweni nye ana ya tungire? Nani ose naTitusa kapi twa kara moMpepo zimwe zaKarunga nomoyikara yimwe?
19Ndi one kuna kugazara asi ose tatu lipopere nyamwetu koyipara yeni? Hawe, ose kuna kuuyunga kosipara saKarunga mwaKristusa. Vakwetu ava na hara, nayinye eyi kwa tamba ekuliko lyeni. 20Eyi na tjira yeyi asi nampo ngani ya mu gwana, kapi muna kara moomu na yi harera, ndi one ko mu ya mone nge moomu mwa dira kuyiharera nge. Na tjira asi, ngapa ya kara nompata nomfudu nondjorogani nomalitondororo nokulirundira noyimbokauka nezinzameho nepiyagano. 21Ame kuna tjira asi, apa ngani wiza kweni, nampo Karunga nga ya nunupika nge pomeho zeni, ame ngani ya kare neguwo lyava va zona, nye va hana kulitezurura konyata nokoruhonda nokokudira kukuruka kwawo.
Currently Selected:
2 Vakolinte 12: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
2 Vakolinte 12
12
Mamonekero nomamoneko
1Nyame tupu kulifumadeka, nampili yi dire kuwapa, nye tani tameke kuuyunga mamonekero nomamoneko aga ga pa nge Hompa. 2Ame na diva mugara gumwe gomukriste. Kutunda apa va mu vakwilire meguru lyautatu, ntaantani nomvhura nye murongo nane dina piti po. Ame kapi na diva nye asi yimo ga zire norutu rwendi ndi, ndi mwenyo gwelike gwa zire, Karunga yige ana yi diva. 3Mugara ogo na mu diva, a ze norutu rwendi ndi mpepo zelike za zire, ame nokuyidiva si, Karunga yige ana yi diva — 4asi kwa mu vakwilire moParadisa, yiyo ga zuvha nonkango dokudira kuvhura kutanta, muntu kapi va mu pa evega lyokudiuyunga. 5Mugara ogo yige nani lifumadekera, kapisi ni lifumadeke nyamwange, ntudi yokuhamena upirankondo wange ntani. 6Nsene asi ni yi lifumadekera oyo, kapisi yipo nani kerera ugova, yeeyi yosili ngano nani uyunga. Nye oyo na yi nyoka, neisi pa kara ogu ana kuzerura nge a pitakanese pweyi a mono nge neyi a zuvhu nge.
7Neisi ni linenepekera mamoneko gomanene‐nene, yiyo ga zuguma nge nsonga morutu muengeli gwaSatana, a toone nge nonyongo, neisi ni litumba. 8Ame kwa kandererere Hompa rutatu asi a yi guse nge eyi. 9Nye age ta limburura asi, “Nonkondo dange yido ono hepa po unene; yeeyi nonkondo dange kunenepa moupirankondo woge.” Siwa po kwange ame sokulifumadekera moupirankondo wange, makura nonkondo daKristusa di kare mwange. 10Ame yiyo nye na hafera upirankondo nomahepeko nomaudigu nomatjida?-?tjido nomaupyakadi morwaKristusa. Yeeyi apa na kupira nonkondo, makura tani nkondopara.
Sinka saPaurusa sokuhamena vaKolinte
11Hana za mokulitumba, hawe, egova na kara. Nye nyone mwa hwedesa nge, yeeyi one ngano nyone mwa fira kupanda nge. Yeeyi nampili ngomu na kara muntu gomawoko?-?woko, patupu apa twa livhulira novapositoli vaso veni vena wovanene. 12Yinongweneso yomupositoli gosili amesi kwa yi ruganena mokatji keni medidimiko lyenene moyidiviso nomoyitetu nomoyirugana yononkondo. 13Nombungakriste dimwe papi apa da mu vhulira, ntudi paapa sa pokudira kumusipageda ame yokuhamena ekwafo? Dongweneni nge po udona ou!
14Apa ngesi rwautatu nye oru na liwapaikire kuwiza kweni. Noru si kapi ngani ya mu sipageda, yeeyi kapisi yimaliva yeni na hara, nyamweni ko, morwa vanona kapisi yiwo ava kongere vakurona, vakurona yiwo ava kongere vanona. 15Kwange ko, ame ngani ya gava nayinye yange nehafo, nanyamwange si ngani ligava morwanomwenyo deni. Nampili ngomu na mu hara unene, one mu hare nge nakauke tupu.
16Yi sigeni yi kare! Ame kapi na mu retera udigu. Nye morwa ame nondunge, yiyo na mu kwata sa nye moyineya? 17Ame kuna tungire nye mweni kogu mukwetu na mu tumina ndi? 18Ame kwa korangeda Titusa a wize kweni kumwe namukwetu gumwe. Ee, nani Titusa mweni nye ana ya tungire? Nani ose naTitusa kapi twa kara moMpepo zimwe zaKarunga nomoyikara yimwe?
19Ndi one kuna kugazara asi ose tatu lipopere nyamwetu koyipara yeni? Hawe, ose kuna kuuyunga kosipara saKarunga mwaKristusa. Vakwetu ava na hara, nayinye eyi kwa tamba ekuliko lyeni. 20Eyi na tjira yeyi asi nampo ngani ya mu gwana, kapi muna kara moomu na yi harera, ndi one ko mu ya mone nge moomu mwa dira kuyiharera nge. Na tjira asi, ngapa ya kara nompata nomfudu nondjorogani nomalitondororo nokulirundira noyimbokauka nezinzameho nepiyagano. 21Ame kuna tjira asi, apa ngani wiza kweni, nampo Karunga nga ya nunupika nge pomeho zeni, ame ngani ya kare neguwo lyava va zona, nye va hana kulitezurura konyata nokoruhonda nokokudira kukuruka kwawo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003