1 Vatesaronika 2
2
Yirugana yaPaurusa yomoTesaronika
1Vakwetu, mwa diva nyamweni asi kapi twa mu dingwire mawoko‐woko. 2Mwa diva omu va tu hepekere nokututekura momudona moFilipi. Nye Karunga ga tu korekere, tu vhure kuyamusansekera Mbudi zoNgwa zaKarunga, nampili ngomu pwa kere malilimbo gomanene. 3Yeeyi ose kapi twa lipukire pokumupukurura ndi tu kare moufeke ndi tu mu pukise mowina. 4Hawe, ose kuuyunga moomu ya wapera vantu ava ga horowora Karunga, va udise Mbudi zoNgwa. Ose kwa harerera kuhafesa Karunga, ogu ga diva yomonomutjima dovantu, kapisi tu hafese vantu. 5Mwa diva sa asi kapi twa wizire kweni, tu ya peye ndi tu mu uyungire nonkango domawore gokahore‐hore — mbangi zetu Karunga! 6Ose kapi twa here asi vantu va tu fumadeke, none si, nava si vapeke, 7nampili ngomu twa kara nononkondo dokumupangera, morwa ose tu vatumwa vaKristusa. Nye ose twa litekureni nawa, moomu a tekura mukadi vana vendi. 8Pokumuhara one yipo twa mu tokomenene, kapisi pokumuretera Mbudi zoNgwa zaKarunga pwelike, hawe, nampili pokumufira, yimo twa mu here nye ngoso. 9Yosili vakwetu, mwa yi diva omu twa rugana noupampi. Masiku nomutenya ngatu rugana, tu dire kumulinyenyetesa, apa twa mu udisilire Mbudi zoNgwa zaKarunga.
10Nyone nombangi detu naKarunga googu, ose kwa kere nonomukaro donongwa dokuhungama dokupira unzoni kweni one vapuli. 11Mwa diva omu twa tekwire nkenye ogu mokatji keni, moomu tupu a tekura guhya vana vamwene. 12Ose twa mu korangedere, twa mu hengagwidire, yiyo twa mu pamperekedere, mu kare nonkedi zokuwapera Karunga, ogu ga mu zigidira Untungi nouyerere wendi.
13Yiyo nye atu mu pandere Karunga ose nkenye apa. Yeeyi apa twa mu reterere nonkango daKarunga, mwa di zuvhire, tomu di tambura, kapisi panonkango‐nkango tupu, nye ado nonkango daKarunga, edi dina kurugana simpe mweni, one vapuli mo. 14One vakwetu, ntaantani muna kara nye vahoneni wongereka zaKarunga ezi za kara moJudeya, zamwaJesus Kristusa, none yiyo ya mu horokerere. None vantu vanyamweni va mu hepekere, moomu va hepekere vena Vajuda, 15ava va dipagere Hompa Jesus noVaporofete, rambanga ko nose va tu hepekere mo. Eh, yireru omu va dira kuza Karunga komutjima, nomu va linyengesa kovantu navenye! 16Nomokuudisira vapagani kooku yezoworo, va hetekerere ko kutusilika. Yimo nye ngesi va kulisa mausima gawo, aga ngava tura nkenye apa, ga sikilire mo. Ntaantani ehandu lyaKarunga lina va sara.
Etokomeno lyaPaurusa lyokuvadingura
17Vakwetu, konyima zokuligaunuka kwetu none mokaruwogona — kapisi pokudira kumugazara, ntudi pokudira kumumona no — ose ha twa tokomenena kuyamutara ko hena. 18Yipo twa here kumutengwira. Ame ko Paurusa na hetekerere ko kutengura, kapisi rumwe tupu, Satana yige ga tu limbikire. 19Wolye ngatu huguvara, tu va hafere? Wolye ngava tu fumanekesa komeho zaHompa Jesus, apa nga wiza? 20Amesi nyonelike, kutupu hena vamwe. One nyone malikangangero getu nehafo lyetu.
Currently Selected:
1 Vatesaronika 2: KWN
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
1 Vatesaronika 2
2
Yirugana yaPaurusa yomoTesaronika
1Vakwetu, mwa diva nyamweni asi kapi twa mu dingwire mawoko‐woko. 2Mwa diva omu va tu hepekere nokututekura momudona moFilipi. Nye Karunga ga tu korekere, tu vhure kuyamusansekera Mbudi zoNgwa zaKarunga, nampili ngomu pwa kere malilimbo gomanene. 3Yeeyi ose kapi twa lipukire pokumupukurura ndi tu kare moufeke ndi tu mu pukise mowina. 4Hawe, ose kuuyunga moomu ya wapera vantu ava ga horowora Karunga, va udise Mbudi zoNgwa. Ose kwa harerera kuhafesa Karunga, ogu ga diva yomonomutjima dovantu, kapisi tu hafese vantu. 5Mwa diva sa asi kapi twa wizire kweni, tu ya peye ndi tu mu uyungire nonkango domawore gokahore‐hore — mbangi zetu Karunga! 6Ose kapi twa here asi vantu va tu fumadeke, none si, nava si vapeke, 7nampili ngomu twa kara nononkondo dokumupangera, morwa ose tu vatumwa vaKristusa. Nye ose twa litekureni nawa, moomu a tekura mukadi vana vendi. 8Pokumuhara one yipo twa mu tokomenene, kapisi pokumuretera Mbudi zoNgwa zaKarunga pwelike, hawe, nampili pokumufira, yimo twa mu here nye ngoso. 9Yosili vakwetu, mwa yi diva omu twa rugana noupampi. Masiku nomutenya ngatu rugana, tu dire kumulinyenyetesa, apa twa mu udisilire Mbudi zoNgwa zaKarunga.
10Nyone nombangi detu naKarunga googu, ose kwa kere nonomukaro donongwa dokuhungama dokupira unzoni kweni one vapuli. 11Mwa diva omu twa tekwire nkenye ogu mokatji keni, moomu tupu a tekura guhya vana vamwene. 12Ose twa mu korangedere, twa mu hengagwidire, yiyo twa mu pamperekedere, mu kare nonkedi zokuwapera Karunga, ogu ga mu zigidira Untungi nouyerere wendi.
13Yiyo nye atu mu pandere Karunga ose nkenye apa. Yeeyi apa twa mu reterere nonkango daKarunga, mwa di zuvhire, tomu di tambura, kapisi panonkango‐nkango tupu, nye ado nonkango daKarunga, edi dina kurugana simpe mweni, one vapuli mo. 14One vakwetu, ntaantani muna kara nye vahoneni wongereka zaKarunga ezi za kara moJudeya, zamwaJesus Kristusa, none yiyo ya mu horokerere. None vantu vanyamweni va mu hepekere, moomu va hepekere vena Vajuda, 15ava va dipagere Hompa Jesus noVaporofete, rambanga ko nose va tu hepekere mo. Eh, yireru omu va dira kuza Karunga komutjima, nomu va linyengesa kovantu navenye! 16Nomokuudisira vapagani kooku yezoworo, va hetekerere ko kutusilika. Yimo nye ngesi va kulisa mausima gawo, aga ngava tura nkenye apa, ga sikilire mo. Ntaantani ehandu lyaKarunga lina va sara.
Etokomeno lyaPaurusa lyokuvadingura
17Vakwetu, konyima zokuligaunuka kwetu none mokaruwogona — kapisi pokudira kumugazara, ntudi pokudira kumumona no — ose ha twa tokomenena kuyamutara ko hena. 18Yipo twa here kumutengwira. Ame ko Paurusa na hetekerere ko kutengura, kapisi rumwe tupu, Satana yige ga tu limbikire. 19Wolye ngatu huguvara, tu va hafere? Wolye ngava tu fumanekesa komeho zaHompa Jesus, apa nga wiza? 20Amesi nyonelike, kutupu hena vamwe. One nyone malikangangero getu nehafo lyetu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003