Lukas 23
23
Isa pang angkang Pilatus
1Sarea Dewan Pengadilan Agama Yahudi nan koat, ke teris yabawa Isa ko angkang Pilatus, gubernur wilaya nan. 2Pang nan taunan mulai mo yatudu Isa ke beling, "Ka tudapat tau ta sakasasang bangsa kami. Nya pelang tau bayar pajak lako Raja Roma, ke sepan diri raja, yanansi Raja Basalamat Ade Yajangiʼ Ling Alatala."
3Teris Pilatus bakatoan lako Isa, "Tutu ke Kau Raja tau Yahudi?"
Nyamung Isa, "Nan ling Sia."
4Karing Pilatus beling lako imam-imam rea ke tau peno nan, "Mana ling sopo nonda kutumpan kasala pang Nya ta."
5Konang taunan sanarang keras yasamanta Pilatus, ke beling, "Nya yausuk rakyat pang sasir negeri Yudea kenang pangajar Nya, mulai kalis wilaya Galilea ke to ta kamo dapat ta."
6Muntu Pilatus menong luk nan, nya bakatoan, "Tau Galilea ke Nya ta?" 7Beru ka yato luk Isa nan tau kalis wilaya ade pang bawa kawasa Herodes, Pilatus suru mo tau bawa Isa lako Herodes, ade pang waya nan ada pang Yerusalem.
Isa pang angkang Herodes
8Herodes galak benar menong rungan luk Isa, ke le benar mo sate gita Diri. Ling luk nan muntu nya gita Isa, Herodes kameri benar. Selin ke nan, nya sate benar gita Isa pina tanda ajaib. 9Peno benar pakatoan Herodes lako Isa, konang Isa nongka nyamung mana sakedi. 10Imam-imam rea ke ahli-ahli Kitab Suci Taurat manang ko angkang ke yatudu Isa kewa keras. 11Kasuda nan, Herodes ke pasukan tentara nya yaejek ke yahina Isa, teris nya yasangkenang lako Isa juba kebesaran, ke yasamalik Isa kabali lako Pilatus. 12Sanopoka nan Herodes ke Pilatus saling musu, konang pang waya nan si taunan dadi sahabat.
Yasateri hukuman mate lako Isa
13Karing Pilatus yasaremin imam-imam rea, pemimpin-pemimpin ade lin ke rakyat, 14teris beling lako taunan, "Nene bawa tau ta lako aku ke nene beling luk Nya ta sakasasang rakyat. To ta kamo kuperiksa Nya pang angkang nene, konang mana ling sopo kasala nonda kutumpan maluk sarea ade nene tudu lako-Nya. 15Nan si luk pamikir Herodes, nan bua nya kamo yasamalik Isa lako kami. Tutu-tutu si nonda mana ling sopo kalis kaboat Nya ade pina Nya patit yahukum mate. 16Dadi to ta ya kusuru tau rapiʼ bae, suda nan nan po kulepas Nya." 17Apaling saruntung Ano Saliwat, Pilatus mesti yalepas umin rakyat sopo tau ade ka yabui.
18Konang sarea tau ade baremin pang nan barema-rema kaserak, "Samate Nya! Lepas Barabas tawa kami!" 19Barabas yanansi tau ade ka yabui ling ka pina tomas pang kota nan ke ling ka basamate.
20Beling ampo Pilatus kewa seda ade keras lako taunan, apaling nya sate lepas Isa.
21Konang sarea taunan kaserak, "Samate Nya pang kayu palang! Samate Nya pang kayu palang!"
22Ade katelu kali Pilatus beling lako taunan, "Kakuda, apa kasala ade ka yaboat ling tau ta? Nonda kutumpan mana sopo kasala ade ka yaboat ling Nya ade pina Nya patit yahukum mate! Dadi to ta Nya ya kurapiʼ, suda nan, nan po kulepas."
23Konang tau peno nan kaserak kewa seda ade keras yasamanta mabau Isa yasamate pang kayu palang. Dadi seda tau peno nan ade menang. 24Ke Pilatus yasateri mo hukuman mate lako Isa mara karoa tau peno nan. 25Mara pangeneng tau peno nan, Pilatus yalepas mo Barabas, tau ade ka yabui ling ka basatomas ke ka basamate nan. Teris Isa yasera lako tentara Roma mabau yasamate mara karoa taunan.
Isa yabawa umin yasamate pang kayu palang
26Karing prajurit-prajurit tentara Roma yabawa Isa lalo umin yasamate pang kayu palang. Muntu pang tenga ola, taunan batemung ke sopo tau ade basingin Simon kalis kota Kirene,#23:26 Simon ta kalis kota Kirene yanansi sopo kota palabu pang Libia, Afrika Utara. ade muntu tama lako kota nan. Prajurit-prajurit nan yabau ke samanta Simon pongo kayu palang pang bungkak Isa.
27Peno benar tau balangan turit Isa. Pang tenga-tenga taunan ada pida-pida tau sawai ade nangis ke ngare ngareong pedi Isa. 28Konang Isa mengo rena beling lako taunan, "He tau-tau sawai kota Yerusalem! No mo nene tangis-Ku, konang tangis mo diri nene diri ke anak dadi nene! 29Apaling ya ada masa beling tau, 'Luk baruntung tau sawai ade bangkal, ade nongka kadu baranak ke nongka kadu basanusu!' 30Pang waya nan mo tau-tau ya beling lako olat-olat, 'Ruru depat mo kami!' Ke lako untir-untir, 'Tapin mo kami!' 31Apaling lamin lako kayu basa bae taunan ka po boat ta luk, goyo po lako kayu ade kamo toar#23:31 Deta sopo umpama. Kayu ade basa yasatitang lako Isa, ade nongka boat sala konang yahukum mate. Tau ade ka boat sala ke patit yahukum yasatitang mara kayu ade toar ke mudi lako tau-tau nan yaboat lebe merang ampo. pasti yaboat lebe merang ampo."
Isa yasamate pang kayu palang
32Selin ke Isa ada dua tau jahat ade yabawa ampo mabau yahukum mate barema-rema ke Diri. 33Muntu taunan kamo dapat katokal ade basingin Tangkorak, pang nan Isa yasamate pang kayu palang ke sadua tau jahat nan, ade sopo ola satoe kanan Diri, ke ade sopo ola satoe kiri Diri.
34Beling Isa, "O Bapak, ampin mo gama tau-tau nan, apaling taunan no to apa ade muntu yaboat nan." Ke prajurit-prajurit nan bolang undi umin yakamaeng kere lamung Diri tawa taunan diri. 35Tau peno manang pang nan ke yapaniat sarea luk nan. Pemimpin-pemimpin yaejek Diri ke beling, "Tau lin yasalamat ling Nya, beang mo Nya salamat diri, lamin tutu si Nya Raja Ade Basalamat, ade ka yapili ling Alatala."
36Nan si luk ampo prajurit-prajurit yakenye-kenye Diri, ke datang parak yabeang anggur ade masam lako Diri, 37ke beling, "Lamin Kau Raja tau Yahudi salamat mo diri-Mu." 38Ada si ampo tulisan pang kayu palang pang bao otak Isa, "Ta nya Raja tau Yahudi."
39Sala sopo tau jahat ade ka yagantong pang kayu palang nan yahina Diri ke beling, "Lamin Kau tutu-tutu Raja Basalamat Ade Yajangiʼ Ling Alatala, salamat mo diri-Mu ke salamat mo kami ampo!"
40Konang tau jahat ade lin yasasala nya, ke beling, "Kakuda no mutakit Alatala? Kau nan yahukum mate si ampo mara Diri. 41Lamin kita, pantas yahukum. Kita tutarima pamalas ade pantas ke kaboat kita diri. Konang Diri ta nongka boat apa-apa ade sala." 42Karing beling nya, "Isa, totang gama aku muntu Sia datang dadi Raja."
43Beling Isa lako nya, "Tutu-tutu si Kubeling lako kau, ano ta si kau ya ada barema-rema ke Aku pang dalam Firdaus."
Kamate Isa
44Pang waya nan, kira-kira kamo jam dua olas tengari, sasir daera nan dadi ungkap batangkap jangka jam telu rawi, 45apaling mata ano nongka selis caya. Ke tabir#23:45 Tabir pang Balaʼ Alatala nan dadi panyeka antara Ruang Suci ke Ruang Ade Paling Suci mabau tau ade badosa no bauʼ parak Ade Suci. Sekali setin bae Imam Ade Paling Rea bauʼ tama kewa bawa geti pameang umin yaampin dosa nya ke dosa rakyat. Muntu tabir nan berek pang waya Isa mate, bategas ola kamo kabuka umin tau nyadu lako Isa umin datang ko angkang Alatala. pang Balaʼ Alatala berek dadi dua. 46Karing kewa keras seda Isa beling, "O Bapak, ko pang dalam ima Sia Kaji sera nyawa Kaji." Kasuda beling menan putis mo iak Diri.
47Muntu yagita sarea apa ade ka dadi nan ling perwira pasukan, teris nya yasamulia Alatala ke beling, "Tutu-tutu tau ta tau ade benar."
48Kasuda yagita sarea apa ade ka dadi ling tau peno ade ada baremin pang nan umin yapaniat, mole mo taunan rena pukil-pukil dada dadi tanda panesal. 49Sarea tau ade to rua Isa ke tau-tau sawai ade ka turit Diri kalis Galilea, manang kalis do ke yapaniat sarea denan.
Isa yakubir
50-51Ada sopo tau ade basingin Yusuf kalis kota Arimatea pang wilaya Yudea. Nya tau ade balong ke benar. Nya muntu tari waya Alatala mulai marinta dadi Raja. Mana ling nya anggota Dewan Pengadilan Agama Yahudi, Yusuf nongka setuju lako apa ade ka yasaputis ke ade ka yaboat ling Pengadilan Agama nan. 52Nya lalo eneng mayit Isa lako Pilatus. 53Beru kasuda nan, Yusuf yasaturin mayit Isa kalis bao kayu palang, teris yabokas ke kere puti ade alis. Karing ya sangulang mo mayit Isa pang dalam kubir ade nopoka kadu yakenang, ade ka ya kali pang dalam olat batu.#23:53 Kamiasa tau-tau Yahudi pang saman nan, lamin ada tau mate yakubir pang dalam liang batu ade kamo ada nyang, atawa ade beru yakali pang olat batu. 54Ano nan ano Jemat ke yaroa mo tama Ano Barenang tau Yahudi.
55Tau-tau sawai ade ka datang barema ke Isa kalis wilaya Galilea, yaturit Yusuf kalis do ke lalo gita kubir Isa. Taunan yagita si ampo me luk mayit Isa yasangulang pang dalam kubir nan. 56Karing tau-tau sawai nan teris mole ko pang ngentang, lalo jampang rempa-rempa ke minyak mampis umin yaera pang mayit Isa.
Pang Ano Barenang, taunan barenang enti boat umin yapati parinta Kitab Suci Taurat.
Currently Selected:
Lukas 23: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Lukas 23
23
Isa pang angkang Pilatus
1Sarea Dewan Pengadilan Agama Yahudi nan koat, ke teris yabawa Isa ko angkang Pilatus, gubernur wilaya nan. 2Pang nan taunan mulai mo yatudu Isa ke beling, "Ka tudapat tau ta sakasasang bangsa kami. Nya pelang tau bayar pajak lako Raja Roma, ke sepan diri raja, yanansi Raja Basalamat Ade Yajangiʼ Ling Alatala."
3Teris Pilatus bakatoan lako Isa, "Tutu ke Kau Raja tau Yahudi?"
Nyamung Isa, "Nan ling Sia."
4Karing Pilatus beling lako imam-imam rea ke tau peno nan, "Mana ling sopo nonda kutumpan kasala pang Nya ta."
5Konang taunan sanarang keras yasamanta Pilatus, ke beling, "Nya yausuk rakyat pang sasir negeri Yudea kenang pangajar Nya, mulai kalis wilaya Galilea ke to ta kamo dapat ta."
6Muntu Pilatus menong luk nan, nya bakatoan, "Tau Galilea ke Nya ta?" 7Beru ka yato luk Isa nan tau kalis wilaya ade pang bawa kawasa Herodes, Pilatus suru mo tau bawa Isa lako Herodes, ade pang waya nan ada pang Yerusalem.
Isa pang angkang Herodes
8Herodes galak benar menong rungan luk Isa, ke le benar mo sate gita Diri. Ling luk nan muntu nya gita Isa, Herodes kameri benar. Selin ke nan, nya sate benar gita Isa pina tanda ajaib. 9Peno benar pakatoan Herodes lako Isa, konang Isa nongka nyamung mana sakedi. 10Imam-imam rea ke ahli-ahli Kitab Suci Taurat manang ko angkang ke yatudu Isa kewa keras. 11Kasuda nan, Herodes ke pasukan tentara nya yaejek ke yahina Isa, teris nya yasangkenang lako Isa juba kebesaran, ke yasamalik Isa kabali lako Pilatus. 12Sanopoka nan Herodes ke Pilatus saling musu, konang pang waya nan si taunan dadi sahabat.
Yasateri hukuman mate lako Isa
13Karing Pilatus yasaremin imam-imam rea, pemimpin-pemimpin ade lin ke rakyat, 14teris beling lako taunan, "Nene bawa tau ta lako aku ke nene beling luk Nya ta sakasasang rakyat. To ta kamo kuperiksa Nya pang angkang nene, konang mana ling sopo kasala nonda kutumpan maluk sarea ade nene tudu lako-Nya. 15Nan si luk pamikir Herodes, nan bua nya kamo yasamalik Isa lako kami. Tutu-tutu si nonda mana ling sopo kalis kaboat Nya ade pina Nya patit yahukum mate. 16Dadi to ta ya kusuru tau rapiʼ bae, suda nan nan po kulepas Nya." 17Apaling saruntung Ano Saliwat, Pilatus mesti yalepas umin rakyat sopo tau ade ka yabui.
18Konang sarea tau ade baremin pang nan barema-rema kaserak, "Samate Nya! Lepas Barabas tawa kami!" 19Barabas yanansi tau ade ka yabui ling ka pina tomas pang kota nan ke ling ka basamate.
20Beling ampo Pilatus kewa seda ade keras lako taunan, apaling nya sate lepas Isa.
21Konang sarea taunan kaserak, "Samate Nya pang kayu palang! Samate Nya pang kayu palang!"
22Ade katelu kali Pilatus beling lako taunan, "Kakuda, apa kasala ade ka yaboat ling tau ta? Nonda kutumpan mana sopo kasala ade ka yaboat ling Nya ade pina Nya patit yahukum mate! Dadi to ta Nya ya kurapiʼ, suda nan, nan po kulepas."
23Konang tau peno nan kaserak kewa seda ade keras yasamanta mabau Isa yasamate pang kayu palang. Dadi seda tau peno nan ade menang. 24Ke Pilatus yasateri mo hukuman mate lako Isa mara karoa tau peno nan. 25Mara pangeneng tau peno nan, Pilatus yalepas mo Barabas, tau ade ka yabui ling ka basatomas ke ka basamate nan. Teris Isa yasera lako tentara Roma mabau yasamate mara karoa taunan.
Isa yabawa umin yasamate pang kayu palang
26Karing prajurit-prajurit tentara Roma yabawa Isa lalo umin yasamate pang kayu palang. Muntu pang tenga ola, taunan batemung ke sopo tau ade basingin Simon kalis kota Kirene,#23:26 Simon ta kalis kota Kirene yanansi sopo kota palabu pang Libia, Afrika Utara. ade muntu tama lako kota nan. Prajurit-prajurit nan yabau ke samanta Simon pongo kayu palang pang bungkak Isa.
27Peno benar tau balangan turit Isa. Pang tenga-tenga taunan ada pida-pida tau sawai ade nangis ke ngare ngareong pedi Isa. 28Konang Isa mengo rena beling lako taunan, "He tau-tau sawai kota Yerusalem! No mo nene tangis-Ku, konang tangis mo diri nene diri ke anak dadi nene! 29Apaling ya ada masa beling tau, 'Luk baruntung tau sawai ade bangkal, ade nongka kadu baranak ke nongka kadu basanusu!' 30Pang waya nan mo tau-tau ya beling lako olat-olat, 'Ruru depat mo kami!' Ke lako untir-untir, 'Tapin mo kami!' 31Apaling lamin lako kayu basa bae taunan ka po boat ta luk, goyo po lako kayu ade kamo toar#23:31 Deta sopo umpama. Kayu ade basa yasatitang lako Isa, ade nongka boat sala konang yahukum mate. Tau ade ka boat sala ke patit yahukum yasatitang mara kayu ade toar ke mudi lako tau-tau nan yaboat lebe merang ampo. pasti yaboat lebe merang ampo."
Isa yasamate pang kayu palang
32Selin ke Isa ada dua tau jahat ade yabawa ampo mabau yahukum mate barema-rema ke Diri. 33Muntu taunan kamo dapat katokal ade basingin Tangkorak, pang nan Isa yasamate pang kayu palang ke sadua tau jahat nan, ade sopo ola satoe kanan Diri, ke ade sopo ola satoe kiri Diri.
34Beling Isa, "O Bapak, ampin mo gama tau-tau nan, apaling taunan no to apa ade muntu yaboat nan." Ke prajurit-prajurit nan bolang undi umin yakamaeng kere lamung Diri tawa taunan diri. 35Tau peno manang pang nan ke yapaniat sarea luk nan. Pemimpin-pemimpin yaejek Diri ke beling, "Tau lin yasalamat ling Nya, beang mo Nya salamat diri, lamin tutu si Nya Raja Ade Basalamat, ade ka yapili ling Alatala."
36Nan si luk ampo prajurit-prajurit yakenye-kenye Diri, ke datang parak yabeang anggur ade masam lako Diri, 37ke beling, "Lamin Kau Raja tau Yahudi salamat mo diri-Mu." 38Ada si ampo tulisan pang kayu palang pang bao otak Isa, "Ta nya Raja tau Yahudi."
39Sala sopo tau jahat ade ka yagantong pang kayu palang nan yahina Diri ke beling, "Lamin Kau tutu-tutu Raja Basalamat Ade Yajangiʼ Ling Alatala, salamat mo diri-Mu ke salamat mo kami ampo!"
40Konang tau jahat ade lin yasasala nya, ke beling, "Kakuda no mutakit Alatala? Kau nan yahukum mate si ampo mara Diri. 41Lamin kita, pantas yahukum. Kita tutarima pamalas ade pantas ke kaboat kita diri. Konang Diri ta nongka boat apa-apa ade sala." 42Karing beling nya, "Isa, totang gama aku muntu Sia datang dadi Raja."
43Beling Isa lako nya, "Tutu-tutu si Kubeling lako kau, ano ta si kau ya ada barema-rema ke Aku pang dalam Firdaus."
Kamate Isa
44Pang waya nan, kira-kira kamo jam dua olas tengari, sasir daera nan dadi ungkap batangkap jangka jam telu rawi, 45apaling mata ano nongka selis caya. Ke tabir#23:45 Tabir pang Balaʼ Alatala nan dadi panyeka antara Ruang Suci ke Ruang Ade Paling Suci mabau tau ade badosa no bauʼ parak Ade Suci. Sekali setin bae Imam Ade Paling Rea bauʼ tama kewa bawa geti pameang umin yaampin dosa nya ke dosa rakyat. Muntu tabir nan berek pang waya Isa mate, bategas ola kamo kabuka umin tau nyadu lako Isa umin datang ko angkang Alatala. pang Balaʼ Alatala berek dadi dua. 46Karing kewa keras seda Isa beling, "O Bapak, ko pang dalam ima Sia Kaji sera nyawa Kaji." Kasuda beling menan putis mo iak Diri.
47Muntu yagita sarea apa ade ka dadi nan ling perwira pasukan, teris nya yasamulia Alatala ke beling, "Tutu-tutu tau ta tau ade benar."
48Kasuda yagita sarea apa ade ka dadi ling tau peno ade ada baremin pang nan umin yapaniat, mole mo taunan rena pukil-pukil dada dadi tanda panesal. 49Sarea tau ade to rua Isa ke tau-tau sawai ade ka turit Diri kalis Galilea, manang kalis do ke yapaniat sarea denan.
Isa yakubir
50-51Ada sopo tau ade basingin Yusuf kalis kota Arimatea pang wilaya Yudea. Nya tau ade balong ke benar. Nya muntu tari waya Alatala mulai marinta dadi Raja. Mana ling nya anggota Dewan Pengadilan Agama Yahudi, Yusuf nongka setuju lako apa ade ka yasaputis ke ade ka yaboat ling Pengadilan Agama nan. 52Nya lalo eneng mayit Isa lako Pilatus. 53Beru kasuda nan, Yusuf yasaturin mayit Isa kalis bao kayu palang, teris yabokas ke kere puti ade alis. Karing ya sangulang mo mayit Isa pang dalam kubir ade nopoka kadu yakenang, ade ka ya kali pang dalam olat batu.#23:53 Kamiasa tau-tau Yahudi pang saman nan, lamin ada tau mate yakubir pang dalam liang batu ade kamo ada nyang, atawa ade beru yakali pang olat batu. 54Ano nan ano Jemat ke yaroa mo tama Ano Barenang tau Yahudi.
55Tau-tau sawai ade ka datang barema ke Isa kalis wilaya Galilea, yaturit Yusuf kalis do ke lalo gita kubir Isa. Taunan yagita si ampo me luk mayit Isa yasangulang pang dalam kubir nan. 56Karing tau-tau sawai nan teris mole ko pang ngentang, lalo jampang rempa-rempa ke minyak mampis umin yaera pang mayit Isa.
Pang Ano Barenang, taunan barenang enti boat umin yapati parinta Kitab Suci Taurat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company