Lukas 24
24
Isa telas kabali
1Pang ano Ahad siup jaga benar, tau-tau sawai nan lalo lako kubir Isa yabawa rempa-rempa ade ka yajampang nan. 2Teris yadapat mo batu panyampat kubir kamo galuntung kalis lawang kubir nan. 3Karing tama mo taunan ko dalam kubir nan, konang nonda yadapat mayit Isa, Sang Junjungan. 4Muntu tau-tau sawai nan masi bingung yapikir luk nan, embang-embang ada dua malaikat ade kenang kere lamung melik melong manang pang endeng taunan. 5Tau-tau sawai nan katakit benar, teris sujud jangka rua kena tana. Karing sadua malaikat nan beling lako taunan, "Kakuda bua nene buya tau telas pang tenga-tenga tau mate? 6Diri nomonda pang ta. Diri kamo telas kabali! Totang mo apa ade ka yasanapat ling Isa lako nene, muntu Diri masi pang Galilea, 7yanansi Anak Manusia mesti yasera lako dalam ima tau-tau badosa, teris yasamate pang kayu palang, ke pang ano katelu yatelas kabali." 8Karing yatotang mo ling taunan ka pangkeling Isa.
9Muntu tau-tau sawai nan kamo ramalik kalis kubir nan, teris yaaran sarea luk lako saolas rasul Isa ke lako sarea tau turit Isa ade lin ampo. 10Tau-tau sawai ade bararan nan, yanansi Maryam Magdalena, Yohana, ke Maryam inaʼ Yakub ke tau-tau sawai lin ade barema ke taunan. 11Konang rasul-rasul nan yasampina tau-tau sawai nan bararan luk ade no tama ko akal. Taunan no nyadu apa ade yaaran ling tau-tau sawai nan. 12Konang Petrus koat ke barari ko kubir nan. Rena ngongko nya menok ko dalam, ke yagita kere bokas bae si. Teris mo Petrus bilin nan kewa peno pakatoan pang dalam ate luk apa ade ka dadi nan.
Isa sangita diri pang ola tata desa Emaus
13Pang ano nan si ampo, dua tau kalis tau-tau turit Isa, lalo lako sopo desa ade basingin Emaus, do katokal nan yanansi kira-kira saolas kilo kalis Yerusalem. 14Taunan bakarante sakatan nya luk sarea apa ade kamo dadi. 15Muntu sadua taunan bakarante ke saling tukar pikir, datang mo Isa yaparak taunan, karing balangan mo Isa barema-rema ke taunan. 16Konang mara ada ade tili mata taunan, nan bua taunan no to rua Diri. 17Beling Isa lako taunan, "Apa ade nene karante rena nene balangan?" Karing taunan ngantang ke idung mata tangkela ngering ate. 18Sala sopo kalis taunan ade basingin Kleopas nyamung, "Ada kowa kau bae tau datang ko Yerusalem ade nongka to apa ade dadi pang nan, pang ano-ano ade ka tubungkak ta."
19Beling Isa lako taunan, "Apa denan?"
Nyamung taunan, "Apa ade dadi lako Isa tau Nazaret nan. Diri yanansi nabi, ade bakawasa pang dalam boat ke pangkeling, pang angkang Alatala ke pang angkang sasir bangsa kami. 20Konang imam-imam rea ke pemimpin-pemimpin kami kamo yasera Isa mabau Diri yahukum mate, ke taunan yasamate Diri pang kayu palang, 21padahal dunung, Diri ade tuasa ade datang sabebas bangsa Israil kalis musu-musu. Ke ano ta ano katelu kalis sarea luk nan ka dadi. 22Ke ampo pida-pida tau sawai kalis kelompok kami ka pina kami kamelas. Jaga-jaga benar taunan kamo lalo lako kubir, 23ke nongka yatumpan mayit Diri. Karing taunan datang ke ramada lako kami, luk malaikat-malaikat sangita diri lako taunan ke beling luk Isa telas. 24Karing pida-pida dengan kami lalo ko kubir nan, yatemung luk tutu si ka pangkeling tau-tau sawai nan, konang taunan nongka gita Diri."
25Karing beling mo Isa lako taunan, "He nene tau gedo, kakuda bua le laloʼ nene sadu sarea ade kamo yasepan ling nabi-nabi. 26Nene mesti to luk Raja Ade Basalamat mesti lako sarea luk nan, sanopoka yatarima kamulia Diri." 27Karing Diri yasajelas lako taunan, apa ade ka yatulis luk Diri pang dalam sarea Kitab Suci, mulai kalis kitab-kitab Musa ke sarea kitab-kitab nabi.
28Muntu taunan parak mo ke desa ya lako lalo nan, Isa mara sate samaris palangan. 29Konang taunan yasamanta Diri ke beling, "Ngantang mo basaiʼ ke kami, apaling ya selam mo mata ano ke ya roa mo ungkap." Karing tama mo Diri ke patis basaiʼ ke taunan.
30Muntu Diri tokal barema mangan ke taunan, Diri ete roti ke basukur lako Alatala, teris yapolak-polak mo roti nan ke yabagi lako taunan. 31Karing kabuka mo mata taunan, ke taunan to mo rua Diri. Konang Diri ilang kalis pangita taunan.
32Taunan bakarante sakatan nya, "Nan bua semangat benar ampa ate talekotu, muntu Diri bakarante ke kita pang tenga ola nan, ke muntu yasajelas tegas Kitab Suci lako kita."
33Teris koat mo sadua taunan ke ramalik mo ko Yerusalem. Pang nan taunan yatemung saolas rasul Isa nan muntu batompok ke dengan-dengan ade lin. 34Beling tau-tau nan ade ada pang Yerusalem lako sadua tau nan, "Tutu si Junjungan kamo telas kabali ke sangita diri lako Simon Petrus." 35Karing sadua taunan bararan apa ade ka dadi pang tenga ola, ke me ka luk yato rua Isa muntu yapolak-polak roti nan.
Isa sangita diri lako tau-tau turit Diri
36Muntu tau-tau turit Isa masi yakarante luk nan, embang-embang Isa ada manang pang tenga-tenga taunan ke beling, "Salamat mo gama sarea nene!" 37Taunan kamelas ke katakit ling yasampina ade yagita nan mulir. 38Konang Isa beling lako taunan, "Kakuda bua nene katakit ke ragu-ragu dalam ate nene? 39Gita mo ima ke ne-Ku. Aku deta, enti ke gita mo Aku. Lamin mulir, nonda isi ke tolang mara ade nene gita pang Aku ta." 40Kasuda beling menan, Isa yasangita ima ke ne lako taunan. 41Konang taunan masi nopoka nyadu benar, apaling taunan masi manang gaok ke kameri benar gita Isa. Teris beling mo Isa lako taunan, "Ada ke pakakan nene pang ta?" 42Karing taunan yabeang sapolak jangan tunung lako Isa. 43Teris yaete mo jangan nan ling Isa teris yakakan pang angkang taunan.
44Kasuda nan Isa beling lako taunan, "Ta nya ka pangkeling-Ku, ade kamo Kusanapat lako nene muntu masi Kubasaiʼ ke nene, yanansi saruntung luk ade ka yatulis luk Aku pang dalam Kitab Taurat Musa, Kitab Nabi-Nabi, ke Kitab Zabur,#24:44 Kitab Zabur yanansi sala sopo Kitab Suci. Kitab nan barisi nyanyi-nyanyi Nabi Daud ke tau-tau lin. mesti yasatunas."
45Karing Diri yabuka pikir akal taunan mabau yato tegas isi Kitab Suci. 46Teris beling Diri lako taunan, "Pang dalam Kitab Suci ada ka yatulis luk Raja Basalamat Ade Yajangiʼ Ling Alatala mesti yalangan kasakit, ke mesti telas kabali kalis kamate pang ano katelu. 47Ke kewa kawasa Raja Basalamat nan, mesti yasanapat lako sarea bangsa, mulai kalis kota Yerusalem, luk sarea tau mesti tobat ke Alatala ya ampin dosa. 48Nene ade dadi saksi kalis sarea luk nan. 49Sanenge, ya Kubeang lako nene Ruh Alatala ade kamo yajangiʼ ling Bapak-Ku. Konang nene mesti patis pang kota ta jangka Alatala beang kawasa lako nene."
Isa kangangkat ko surga
50Kasuda nan Isa yabawa tau-tau turit Diri lis ko luar kota jangka desa Baitani. Pang nan Diri angkat ima ke beang berka lako taunan. 51Muntu Diri yaboat luk nan, Diri kangangkat ko surga ke baseka ke taunan. 52Ke taunan sujud nyemba lako Diri, karing ramalik mo taunan ko kota Yerusalem kewa kameri kamore. 53Ke taunan tetap puji Alatala pang Balaʼ Alatala.
Currently Selected:
Lukas 24: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Lukas 24
24
Isa telas kabali
1Pang ano Ahad siup jaga benar, tau-tau sawai nan lalo lako kubir Isa yabawa rempa-rempa ade ka yajampang nan. 2Teris yadapat mo batu panyampat kubir kamo galuntung kalis lawang kubir nan. 3Karing tama mo taunan ko dalam kubir nan, konang nonda yadapat mayit Isa, Sang Junjungan. 4Muntu tau-tau sawai nan masi bingung yapikir luk nan, embang-embang ada dua malaikat ade kenang kere lamung melik melong manang pang endeng taunan. 5Tau-tau sawai nan katakit benar, teris sujud jangka rua kena tana. Karing sadua malaikat nan beling lako taunan, "Kakuda bua nene buya tau telas pang tenga-tenga tau mate? 6Diri nomonda pang ta. Diri kamo telas kabali! Totang mo apa ade ka yasanapat ling Isa lako nene, muntu Diri masi pang Galilea, 7yanansi Anak Manusia mesti yasera lako dalam ima tau-tau badosa, teris yasamate pang kayu palang, ke pang ano katelu yatelas kabali." 8Karing yatotang mo ling taunan ka pangkeling Isa.
9Muntu tau-tau sawai nan kamo ramalik kalis kubir nan, teris yaaran sarea luk lako saolas rasul Isa ke lako sarea tau turit Isa ade lin ampo. 10Tau-tau sawai ade bararan nan, yanansi Maryam Magdalena, Yohana, ke Maryam inaʼ Yakub ke tau-tau sawai lin ade barema ke taunan. 11Konang rasul-rasul nan yasampina tau-tau sawai nan bararan luk ade no tama ko akal. Taunan no nyadu apa ade yaaran ling tau-tau sawai nan. 12Konang Petrus koat ke barari ko kubir nan. Rena ngongko nya menok ko dalam, ke yagita kere bokas bae si. Teris mo Petrus bilin nan kewa peno pakatoan pang dalam ate luk apa ade ka dadi nan.
Isa sangita diri pang ola tata desa Emaus
13Pang ano nan si ampo, dua tau kalis tau-tau turit Isa, lalo lako sopo desa ade basingin Emaus, do katokal nan yanansi kira-kira saolas kilo kalis Yerusalem. 14Taunan bakarante sakatan nya luk sarea apa ade kamo dadi. 15Muntu sadua taunan bakarante ke saling tukar pikir, datang mo Isa yaparak taunan, karing balangan mo Isa barema-rema ke taunan. 16Konang mara ada ade tili mata taunan, nan bua taunan no to rua Diri. 17Beling Isa lako taunan, "Apa ade nene karante rena nene balangan?" Karing taunan ngantang ke idung mata tangkela ngering ate. 18Sala sopo kalis taunan ade basingin Kleopas nyamung, "Ada kowa kau bae tau datang ko Yerusalem ade nongka to apa ade dadi pang nan, pang ano-ano ade ka tubungkak ta."
19Beling Isa lako taunan, "Apa denan?"
Nyamung taunan, "Apa ade dadi lako Isa tau Nazaret nan. Diri yanansi nabi, ade bakawasa pang dalam boat ke pangkeling, pang angkang Alatala ke pang angkang sasir bangsa kami. 20Konang imam-imam rea ke pemimpin-pemimpin kami kamo yasera Isa mabau Diri yahukum mate, ke taunan yasamate Diri pang kayu palang, 21padahal dunung, Diri ade tuasa ade datang sabebas bangsa Israil kalis musu-musu. Ke ano ta ano katelu kalis sarea luk nan ka dadi. 22Ke ampo pida-pida tau sawai kalis kelompok kami ka pina kami kamelas. Jaga-jaga benar taunan kamo lalo lako kubir, 23ke nongka yatumpan mayit Diri. Karing taunan datang ke ramada lako kami, luk malaikat-malaikat sangita diri lako taunan ke beling luk Isa telas. 24Karing pida-pida dengan kami lalo ko kubir nan, yatemung luk tutu si ka pangkeling tau-tau sawai nan, konang taunan nongka gita Diri."
25Karing beling mo Isa lako taunan, "He nene tau gedo, kakuda bua le laloʼ nene sadu sarea ade kamo yasepan ling nabi-nabi. 26Nene mesti to luk Raja Ade Basalamat mesti lako sarea luk nan, sanopoka yatarima kamulia Diri." 27Karing Diri yasajelas lako taunan, apa ade ka yatulis luk Diri pang dalam sarea Kitab Suci, mulai kalis kitab-kitab Musa ke sarea kitab-kitab nabi.
28Muntu taunan parak mo ke desa ya lako lalo nan, Isa mara sate samaris palangan. 29Konang taunan yasamanta Diri ke beling, "Ngantang mo basaiʼ ke kami, apaling ya selam mo mata ano ke ya roa mo ungkap." Karing tama mo Diri ke patis basaiʼ ke taunan.
30Muntu Diri tokal barema mangan ke taunan, Diri ete roti ke basukur lako Alatala, teris yapolak-polak mo roti nan ke yabagi lako taunan. 31Karing kabuka mo mata taunan, ke taunan to mo rua Diri. Konang Diri ilang kalis pangita taunan.
32Taunan bakarante sakatan nya, "Nan bua semangat benar ampa ate talekotu, muntu Diri bakarante ke kita pang tenga ola nan, ke muntu yasajelas tegas Kitab Suci lako kita."
33Teris koat mo sadua taunan ke ramalik mo ko Yerusalem. Pang nan taunan yatemung saolas rasul Isa nan muntu batompok ke dengan-dengan ade lin. 34Beling tau-tau nan ade ada pang Yerusalem lako sadua tau nan, "Tutu si Junjungan kamo telas kabali ke sangita diri lako Simon Petrus." 35Karing sadua taunan bararan apa ade ka dadi pang tenga ola, ke me ka luk yato rua Isa muntu yapolak-polak roti nan.
Isa sangita diri lako tau-tau turit Diri
36Muntu tau-tau turit Isa masi yakarante luk nan, embang-embang Isa ada manang pang tenga-tenga taunan ke beling, "Salamat mo gama sarea nene!" 37Taunan kamelas ke katakit ling yasampina ade yagita nan mulir. 38Konang Isa beling lako taunan, "Kakuda bua nene katakit ke ragu-ragu dalam ate nene? 39Gita mo ima ke ne-Ku. Aku deta, enti ke gita mo Aku. Lamin mulir, nonda isi ke tolang mara ade nene gita pang Aku ta." 40Kasuda beling menan, Isa yasangita ima ke ne lako taunan. 41Konang taunan masi nopoka nyadu benar, apaling taunan masi manang gaok ke kameri benar gita Isa. Teris beling mo Isa lako taunan, "Ada ke pakakan nene pang ta?" 42Karing taunan yabeang sapolak jangan tunung lako Isa. 43Teris yaete mo jangan nan ling Isa teris yakakan pang angkang taunan.
44Kasuda nan Isa beling lako taunan, "Ta nya ka pangkeling-Ku, ade kamo Kusanapat lako nene muntu masi Kubasaiʼ ke nene, yanansi saruntung luk ade ka yatulis luk Aku pang dalam Kitab Taurat Musa, Kitab Nabi-Nabi, ke Kitab Zabur,#24:44 Kitab Zabur yanansi sala sopo Kitab Suci. Kitab nan barisi nyanyi-nyanyi Nabi Daud ke tau-tau lin. mesti yasatunas."
45Karing Diri yabuka pikir akal taunan mabau yato tegas isi Kitab Suci. 46Teris beling Diri lako taunan, "Pang dalam Kitab Suci ada ka yatulis luk Raja Basalamat Ade Yajangiʼ Ling Alatala mesti yalangan kasakit, ke mesti telas kabali kalis kamate pang ano katelu. 47Ke kewa kawasa Raja Basalamat nan, mesti yasanapat lako sarea bangsa, mulai kalis kota Yerusalem, luk sarea tau mesti tobat ke Alatala ya ampin dosa. 48Nene ade dadi saksi kalis sarea luk nan. 49Sanenge, ya Kubeang lako nene Ruh Alatala ade kamo yajangiʼ ling Bapak-Ku. Konang nene mesti patis pang kota ta jangka Alatala beang kawasa lako nene."
Isa kangangkat ko surga
50Kasuda nan Isa yabawa tau-tau turit Diri lis ko luar kota jangka desa Baitani. Pang nan Diri angkat ima ke beang berka lako taunan. 51Muntu Diri yaboat luk nan, Diri kangangkat ko surga ke baseka ke taunan. 52Ke taunan sujud nyemba lako Diri, karing ramalik mo taunan ko kota Yerusalem kewa kameri kamore. 53Ke taunan tetap puji Alatala pang Balaʼ Alatala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company