Lukas 22
22
Yudas sate sera Isa lako pemimpin agama Yahudi
1Perayaan Roti Nonda Ragi ade yasepan Ano Saliwat, kamo parak.#22:1 Perayaan Roti Nonda Ragi ke hari raya Ano Saliwat lelas batempa yarayakan, nan bua galak yasepan sama. Sadua perayaan nan, yarayakan umin yatotang muntu tau Israil yabawa lis ling Alatala kalis Tana Mesir, pang taunan yasanadi ulin. Ano Saliwat dadi pasatotang luk waya Alatala yasamate sarea anak salaki manusia ade paling rea, ke sarea anak salaki binatang ade mula pang Tana Mesir. Konang Alatala yasaliwat bale-bale tau Israil ade ada tanda geti doma ade ka yaera pang bao boa lawang taunan. Ke Perayaan Roti Nonda Ragi nan dadi pasatotang luk tau Israil mesti lis kewa kotar kalis Tana Mesir, jangka taunan no bauʼ olo ragi pang adonan roti ade yabawa nan. Perayaan Roti Nonda Ragi yarayakan saleʼ pitu ano ke Ano Saliwat yarayakan sale sangano bae. 2Imam-imam rea ke ahli-ahli Kitab Suci Taurat muntu buya ola sate samate Isa kewa tedu-tedu, apaling taunan katakit tau peno dadi ngarai.
3Karing Pemimpin Setan tama lako dalam Yudas ade ya kelek Iskariot, yanansi sala sopo kalis sadua olas tau-tau turit Isa. 4Teris lalo mo Yudas sasopo karante ke imam-imam rea ke kepala-kepala pengawal Balaʼ Alatala, me luk cara Yudas mudi yasera Isa lako taunan. 5Taunan kameri benar ke bajangi ya beang pipis lako Yudas. 6Ke Yudas roa si, ke mulai mo tari waya ade balong umin sera Isa lako taunan kewa nongka yato ling tau peno.
Tau-tau turit Isa jampang Mangan Barema Ano Saliwat
7Karing dapat mo waya Perayaan Roti Nonda Ragi yanansi ano tau-tau mesti samele Anak Doma Tanda Saliwat.#22:7 Anak Doma Tanda Saliwat yanansi doma ade yasamele mabau Alatala yasaliwat bale-bale tau Israil ke no yasamate anak salaki ade paling rea, muntu Alatala ya roa mo bawa lis tau Israil kalis Tana Mesir dunung ana. Saruntung tin tau Yahudi yasamele ke yakakan anak doma Tanda Saliwat umin yatotang me luk Alatala yasalamat taunan dunung. 8Teris beling mo Isa lako Petrus ke Yahya, "Lalo mo jampang tawa kita, sarea ade tuperlu umin Mangan Barema Ano Saliwat."
9Beling Petrus ke Yahya, "Junjungan, me pang Sia suru kami jampang mangan barema nan?"
10Nyamung Isa, "Pang waya nene tama ko kota Yerusalem, ya nene batemung ke sopo tau salaki ade muntu pongo pariuk barisi aiʼ. Turit mo nya ko bale me lako nya tama, 11ke beling mo lako tau ade baeng bale nan, 'Beling Guru: Me pang ruang ade yasadia tawa Aku ke tau-tau turit Aku pang tusangada Mangan Barema Ano Saliwat?' 12Ke mudi, baeng bale nan yasangita lako nene sopo ruang rea ade ada pang tingkat dua, lengkap ke sarea isi. Jampang mo sarea pang ana."
13Karing lalo mo Petrus ke Yahya, teris yadapat sarea mara ka pangkeling Isa. Ke taunan yajampang mo Mangan Barema Ano Saliwat nan.
Isa ke rasul-rasul mangan barema pang Ano Saliwat
14Beru kamo dapat waya mangan pang Mangan Barema Ano Saliwat nan, Isa tokal barema ke rasul-rasul Diri pang katokal mangan. 15Teris Isa beling lako taunan, "Kusate benar kakan pakakan Mangan Barema Ano Saliwat ta barema ke nene sanopoka Kulangan kasakit! 16Apaling, tutu-tutu si, no si ya Kukakan pakakan ta jangka dapat waya tegas Ano Saliwat ta ya satunas pang waya Alatala marinta dadi Raja."
17Karing suda nan Isa ete sopo cangkir ade barisi aiʼ anggur, ke basukur lako Alatala, teris beling, "Ete mo deta, ke saruntung nene inum mo. 18Apaling Kubeling lako nene, kasuda ta no si Kuinum aiʼ anggur ampo jangka Alatala datang marinta."
19Teris Isa ete roti. Ke kasuda basukur, Diri yatoe-toe roti nan, karing yabeang mo lako taunan ke beling, "Ta nya parana-Ku ade yasera umin nene. Boat mo nan luk mabau nene totang-Ku." 20Nan si luk ampo suda mangan, Diri beang cangkir nan ade barisi aiʼ anggur lako taunan ke beling, "Cangkir ta tanda jangi Alatala ade beru ade yasangesa ke geti-Ku ade yatumpak umin nene.
21"Konang gita! Tau ade ya sera-Ku lako pemimpin-pemimpin tau Yahudi ada mangan basaiʼ ke Aku pang ta! 22Anak Manusia pasti mate maluk ade ka yasatentu ling Alatala, konang calaka mo tau ade sera Nya!"
23Karing taunan mulai mo saling katoan sakatan nya, "Sai kalis kita ade ya boat luk nan."
Tau-tau turit Isa basengkal ling luk sai ade paling tingi katokal
24Tau-tau turit Isa mulai basengkal ling ampo luk sai ade yaanggap paling tingi katokal pang antara taunan. 25Ling luk nan beling Isa lako taunan, "Raja-raja bangsa-bangsa ade siong bangsa Israil yajaja rakyat, ke tau-tau ade bakawasa lako taunan yasate mabau yasepan tau lindung rakyat. 26Konang naʼ nan luk nene. Ade sabenar, tau ade paling tingi katokal kalis nene mesti dadi mara tau ade paling peras, ke pemimpin mesti mo dadi mara ulin. 27Sai ade lebe rea, tau ade tokal mangan pang mejang, atawa tau ade jatu nya? Pasti mo tau ade tokal nan. Konang Aku ada pang tenga-tenga nene dadi tau ade jatu nene.
28Nene mo ade teris-teris ada basaiʼ ke Aku pang dalam sarea susa ier-Ku. 29Mara ka luk Bapak-Ku beang kawasa lako Aku umin marinta, nan si luk Aku ampo ya Kubeang si kawasa umin marinta lako nene. 30Kewa nan luk nene bauʼ tokal mangan barema ke Aku muntu Aku dadi raja, ke ya nene tokal pang katokal raja umin marinta lako sadua olas suku bangsa Israil."
Isa beling luk mudi Simon Petrus no roa akuʼ Isa
31Karing beling mo Isa lako Simon Petrus, "Simon, Simon, sanenge mo! Iblis#22:31 Iblis: Pang dalam Kitab Suci Taurat, Zabur ke Injil, lamin ada kata Iblis, denan bategas mahluk ruh ade dadi lawan ke musu Alatala ade utama, siong manusia ade yatama ling Iblis atawa setan. Iblis dalam Kitab Suci Taurat, Zabur ke Injil yanansi singin pemimpin sarea setan (Injil Matius 9:34, 12:24), ke nya sopo bae. nuntut, ke Alatala yabeang isin lako nya umin uji sarea nene, mara gandum yatepi seka modeng ke lukit. 32Konang kamo Kudoamu, mabau naʼ gier panyadumu. Ke muntu muramalik mudi lako Aku, mesti musatego panyadu dengan-denganmu ampo."
33Nyamung Petrus, "Junjungan, kaji roa si tama bui ke mate barema-rema ke Sia!"
34Beling Isa, "Petrus, Kubeling lako kau, subu ta sanopoka ngungku ayam, telu kali ya mubeling luk no muto rua Aku."
Isa satotang tau-tau turit Diri mabau siap yalangan kasakit
35Suda nan bakatoan Isa lako tau-tau turit Diri, "Dunung muntu Kuutus nene ke nongka Kubeang nene bawa ponyan pipis, tas atawa sendal, ada ke ade kurang pang nene?"
Nyamung taunan, "Nonda!"
36Beling Isa, "Konang to ta, sai ade ada ponyan pipis atawa tas, mesti yabawa, ke sai ade nonda pedang mesti jual juba umin beli pedang. 37Kubeling ta luk lako nene, apaling mesti dadi lako Aku apa ade ka yatulis pang dalam Kitab Suci, yanansi, 'Nya yapina mara tau jahat,'#22:37 Pangkeling ta ka yaete kalis Kitab Nabi Yesaya 53: 12. ke denan kamo mulai dadi to ta."
38Beling tau-tau turit Isa, "Junjungan, gita mo, pang ta ada dua pedang."
Nyamung Isa, "Man mo."
Isa eneng doa pang Olat Zaitun
39Isa bilin kota nan ke lalo mara biasa ko Olat Zaitun, ke tau-tau turit Diri lalo si ampo barema ke Diri. 40Muntu kamo dapat nan, Isa beling lako taunan, "Eneng mo doa mabau no mo nene kena coba."
41Karing Diri lalo sangedo diri sakedi kalis taunan, kira-kira ma do tupalentong batu, teris Diri ngentin ke eneng doa. 42"O Bapak, lamin Sia reda, ete mo gama kalis Kaji cangkir kasakit ade mesti Kaji inum ta. Konang no mo mara karoa Kaji, beang mara karoa Sia bae mo." 43Karing sopo malaikat kalis bao awan datang lako Isa ke sakuat Diri. 44Diri susa benar ate ke sanarang tutu-tutu eneng doa. Sio Diri mara geti katitis ko tana.
45Beru kasuda eneng doa, Diri koat ke ramalik lako tau-tau turit Diri, konang Diri yadapat taunan muntu tunung ling ngering benar ate. 46Teris beling Isa lako taunan, "Kakuda bua nene tunung? Koat ke eneng mo doa, mabau no mo nene kena coba."
Yudas ke rombongan datang sate bau Isa
47Muntu Isa masi bakarante, datang mo rombongan tau ade yapimpin ling Yudas. Yudas yanansi sala sopo kalis dua olas tau turit Isa. Ke nya yaparak Isa sate yabeang salam kewa yaiduk. 48Konang beling Isa lako nya, "He Yudas, muhianat Anak Manusia kewa muiduk!"
49Muntu yagita apa ade ya dadi ling tau-tau ade barema-rema ke Isa, beling mo taunan, "Junjungan, mesti ke tuserang taunan kenang pedang?" 50Ke sala sopo kalis taunan yalemat ulin Imam Ade Paling Rea jangka rotas kuping kanan.
51Konang beling Isa, "Man mo!" Teris yaenti kuping tau nan ke yasaterang. 52Karing Isa beling lako imam-imam rea, kepala-kepala pangawal Balaʼ Alatala, ke tau-tau loka Yahudi ade datang bau Diri, "Kakuda bua nene datang mara tau sate bau parampok kewa nene bawa pedang ke pamukil? 53Padahal saruntung ano Aku ada pang tenga-tenga nene pang dalam Balaʼ Alatala, ke nongka nene bau-Ku. Konang ta waya nene, ke ta waya ampo kawasa ungkap sapalangan boat."
Petrus no akuʼ Isa
54Karing Isa yabau ke yabawa lako bale Imam Ade Paling Rea. Ke ada Petrus nurit kalis do. 55Pang tenga-tenga siding bale nan tau sangamir api ke tau-tau tokal yaliuk api nan. Petrus ampo ada tokal barema-rema ke taunan. 56Sopo hamba sawai yagita Petrus tokal parak ke amir api nan. Karing hamba sawai nan yapaniat nya teris beling, "Tau ta ampo ada ka barema-rema ke Isa."
57Konang Petrus nongka ngaku, ke beling, "Siong, no kuto rua Nya!"
58No mongka le kasuda nan, tau ade lin yagita Petrus ke beling, "Kau ampo sala sopo kalis taunan!"
Konang nyamung Petrus, "Siong, siong aku!"
59Kira-kira sejam kasuda nan, tau lin ampo beling kewa tegas, "Tutu si tau ta ka barema ke Isa, apaling nya tau Galilea."#22:59 Taunan bauʼ to luk Petrus tau Galilea mara Isa kalis logat bakarante.
60Konang beling Petrus, "Siong! No kuto tegas apa maksud pangkeling kau nan." Pang waya nan muntu nya beling, teris ngungku mo ayam. 61Teris mengo mo Isa, Sang Junjungan, ingo Petrus. Karing yatotang mo ling Petrus luk ka pangkeling Sang Junjungan lako nya, "Petang ta, sanopoka ngungku ayam, kamo telu kali mubeling luk no muto rua-Ku." 62Teris Petrus lis ke nangis ngering ate.
63Ke tau-tau ade jaga Isa yaejek ke yapukil Diri. 64Taunan yatutup rua Diri ke bakatoan, "Aji ka kau nabi, coba muramada sai ade ka pukil Kau?" 65Ke peno sumpa sena lin yasatata ling taunan lako Diri.
Isa pang angkang Dewan Pengadilan Agama tau Yahudi
66Beru kamo lis mata ano, tau-tau loka Yahudi, imam-imam rea, ke ahli-ahli Kitab Suci Taurat baremin, teris yabawa Isa ko angkang Dewan Pengadilan Agama taunan.
67Beling taunan lako Diri, "Bada mo lako kami, Kau ke Raja Basalamat Ade Yajangiʼ Ling Alatala nan?"
Nyamung Isa, "Lamin Kubada lako nene no si ya nene nyadu, 68ke ampo lamin Kukatoan nene no si ya nene nyamung. 69Konang to ta no mo ya le, Anak Manusia ya tokal pang satoe kanan Alatala Ade Maha Kawasa."#22:69 Tokal pang satoe kanan Alatala bategas Alatala beang kawasa ke hormat lako Isa.
70Beling sarea taunan, "Lamin nan luk, Kau ta Anak kalis Alatala ke?"
Nyamung Isa, "Nan luk ling nene."
71Teris beling taunan, "Nomanta ada saksi! Kamo tumenong kalis boa Nya diri!"
Currently Selected:
Lukas 22: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Lukas 22
22
Yudas sate sera Isa lako pemimpin agama Yahudi
1Perayaan Roti Nonda Ragi ade yasepan Ano Saliwat, kamo parak.#22:1 Perayaan Roti Nonda Ragi ke hari raya Ano Saliwat lelas batempa yarayakan, nan bua galak yasepan sama. Sadua perayaan nan, yarayakan umin yatotang muntu tau Israil yabawa lis ling Alatala kalis Tana Mesir, pang taunan yasanadi ulin. Ano Saliwat dadi pasatotang luk waya Alatala yasamate sarea anak salaki manusia ade paling rea, ke sarea anak salaki binatang ade mula pang Tana Mesir. Konang Alatala yasaliwat bale-bale tau Israil ade ada tanda geti doma ade ka yaera pang bao boa lawang taunan. Ke Perayaan Roti Nonda Ragi nan dadi pasatotang luk tau Israil mesti lis kewa kotar kalis Tana Mesir, jangka taunan no bauʼ olo ragi pang adonan roti ade yabawa nan. Perayaan Roti Nonda Ragi yarayakan saleʼ pitu ano ke Ano Saliwat yarayakan sale sangano bae. 2Imam-imam rea ke ahli-ahli Kitab Suci Taurat muntu buya ola sate samate Isa kewa tedu-tedu, apaling taunan katakit tau peno dadi ngarai.
3Karing Pemimpin Setan tama lako dalam Yudas ade ya kelek Iskariot, yanansi sala sopo kalis sadua olas tau-tau turit Isa. 4Teris lalo mo Yudas sasopo karante ke imam-imam rea ke kepala-kepala pengawal Balaʼ Alatala, me luk cara Yudas mudi yasera Isa lako taunan. 5Taunan kameri benar ke bajangi ya beang pipis lako Yudas. 6Ke Yudas roa si, ke mulai mo tari waya ade balong umin sera Isa lako taunan kewa nongka yato ling tau peno.
Tau-tau turit Isa jampang Mangan Barema Ano Saliwat
7Karing dapat mo waya Perayaan Roti Nonda Ragi yanansi ano tau-tau mesti samele Anak Doma Tanda Saliwat.#22:7 Anak Doma Tanda Saliwat yanansi doma ade yasamele mabau Alatala yasaliwat bale-bale tau Israil ke no yasamate anak salaki ade paling rea, muntu Alatala ya roa mo bawa lis tau Israil kalis Tana Mesir dunung ana. Saruntung tin tau Yahudi yasamele ke yakakan anak doma Tanda Saliwat umin yatotang me luk Alatala yasalamat taunan dunung. 8Teris beling mo Isa lako Petrus ke Yahya, "Lalo mo jampang tawa kita, sarea ade tuperlu umin Mangan Barema Ano Saliwat."
9Beling Petrus ke Yahya, "Junjungan, me pang Sia suru kami jampang mangan barema nan?"
10Nyamung Isa, "Pang waya nene tama ko kota Yerusalem, ya nene batemung ke sopo tau salaki ade muntu pongo pariuk barisi aiʼ. Turit mo nya ko bale me lako nya tama, 11ke beling mo lako tau ade baeng bale nan, 'Beling Guru: Me pang ruang ade yasadia tawa Aku ke tau-tau turit Aku pang tusangada Mangan Barema Ano Saliwat?' 12Ke mudi, baeng bale nan yasangita lako nene sopo ruang rea ade ada pang tingkat dua, lengkap ke sarea isi. Jampang mo sarea pang ana."
13Karing lalo mo Petrus ke Yahya, teris yadapat sarea mara ka pangkeling Isa. Ke taunan yajampang mo Mangan Barema Ano Saliwat nan.
Isa ke rasul-rasul mangan barema pang Ano Saliwat
14Beru kamo dapat waya mangan pang Mangan Barema Ano Saliwat nan, Isa tokal barema ke rasul-rasul Diri pang katokal mangan. 15Teris Isa beling lako taunan, "Kusate benar kakan pakakan Mangan Barema Ano Saliwat ta barema ke nene sanopoka Kulangan kasakit! 16Apaling, tutu-tutu si, no si ya Kukakan pakakan ta jangka dapat waya tegas Ano Saliwat ta ya satunas pang waya Alatala marinta dadi Raja."
17Karing suda nan Isa ete sopo cangkir ade barisi aiʼ anggur, ke basukur lako Alatala, teris beling, "Ete mo deta, ke saruntung nene inum mo. 18Apaling Kubeling lako nene, kasuda ta no si Kuinum aiʼ anggur ampo jangka Alatala datang marinta."
19Teris Isa ete roti. Ke kasuda basukur, Diri yatoe-toe roti nan, karing yabeang mo lako taunan ke beling, "Ta nya parana-Ku ade yasera umin nene. Boat mo nan luk mabau nene totang-Ku." 20Nan si luk ampo suda mangan, Diri beang cangkir nan ade barisi aiʼ anggur lako taunan ke beling, "Cangkir ta tanda jangi Alatala ade beru ade yasangesa ke geti-Ku ade yatumpak umin nene.
21"Konang gita! Tau ade ya sera-Ku lako pemimpin-pemimpin tau Yahudi ada mangan basaiʼ ke Aku pang ta! 22Anak Manusia pasti mate maluk ade ka yasatentu ling Alatala, konang calaka mo tau ade sera Nya!"
23Karing taunan mulai mo saling katoan sakatan nya, "Sai kalis kita ade ya boat luk nan."
Tau-tau turit Isa basengkal ling luk sai ade paling tingi katokal
24Tau-tau turit Isa mulai basengkal ling ampo luk sai ade yaanggap paling tingi katokal pang antara taunan. 25Ling luk nan beling Isa lako taunan, "Raja-raja bangsa-bangsa ade siong bangsa Israil yajaja rakyat, ke tau-tau ade bakawasa lako taunan yasate mabau yasepan tau lindung rakyat. 26Konang naʼ nan luk nene. Ade sabenar, tau ade paling tingi katokal kalis nene mesti dadi mara tau ade paling peras, ke pemimpin mesti mo dadi mara ulin. 27Sai ade lebe rea, tau ade tokal mangan pang mejang, atawa tau ade jatu nya? Pasti mo tau ade tokal nan. Konang Aku ada pang tenga-tenga nene dadi tau ade jatu nene.
28Nene mo ade teris-teris ada basaiʼ ke Aku pang dalam sarea susa ier-Ku. 29Mara ka luk Bapak-Ku beang kawasa lako Aku umin marinta, nan si luk Aku ampo ya Kubeang si kawasa umin marinta lako nene. 30Kewa nan luk nene bauʼ tokal mangan barema ke Aku muntu Aku dadi raja, ke ya nene tokal pang katokal raja umin marinta lako sadua olas suku bangsa Israil."
Isa beling luk mudi Simon Petrus no roa akuʼ Isa
31Karing beling mo Isa lako Simon Petrus, "Simon, Simon, sanenge mo! Iblis#22:31 Iblis: Pang dalam Kitab Suci Taurat, Zabur ke Injil, lamin ada kata Iblis, denan bategas mahluk ruh ade dadi lawan ke musu Alatala ade utama, siong manusia ade yatama ling Iblis atawa setan. Iblis dalam Kitab Suci Taurat, Zabur ke Injil yanansi singin pemimpin sarea setan (Injil Matius 9:34, 12:24), ke nya sopo bae. nuntut, ke Alatala yabeang isin lako nya umin uji sarea nene, mara gandum yatepi seka modeng ke lukit. 32Konang kamo Kudoamu, mabau naʼ gier panyadumu. Ke muntu muramalik mudi lako Aku, mesti musatego panyadu dengan-denganmu ampo."
33Nyamung Petrus, "Junjungan, kaji roa si tama bui ke mate barema-rema ke Sia!"
34Beling Isa, "Petrus, Kubeling lako kau, subu ta sanopoka ngungku ayam, telu kali ya mubeling luk no muto rua Aku."
Isa satotang tau-tau turit Diri mabau siap yalangan kasakit
35Suda nan bakatoan Isa lako tau-tau turit Diri, "Dunung muntu Kuutus nene ke nongka Kubeang nene bawa ponyan pipis, tas atawa sendal, ada ke ade kurang pang nene?"
Nyamung taunan, "Nonda!"
36Beling Isa, "Konang to ta, sai ade ada ponyan pipis atawa tas, mesti yabawa, ke sai ade nonda pedang mesti jual juba umin beli pedang. 37Kubeling ta luk lako nene, apaling mesti dadi lako Aku apa ade ka yatulis pang dalam Kitab Suci, yanansi, 'Nya yapina mara tau jahat,'#22:37 Pangkeling ta ka yaete kalis Kitab Nabi Yesaya 53: 12. ke denan kamo mulai dadi to ta."
38Beling tau-tau turit Isa, "Junjungan, gita mo, pang ta ada dua pedang."
Nyamung Isa, "Man mo."
Isa eneng doa pang Olat Zaitun
39Isa bilin kota nan ke lalo mara biasa ko Olat Zaitun, ke tau-tau turit Diri lalo si ampo barema ke Diri. 40Muntu kamo dapat nan, Isa beling lako taunan, "Eneng mo doa mabau no mo nene kena coba."
41Karing Diri lalo sangedo diri sakedi kalis taunan, kira-kira ma do tupalentong batu, teris Diri ngentin ke eneng doa. 42"O Bapak, lamin Sia reda, ete mo gama kalis Kaji cangkir kasakit ade mesti Kaji inum ta. Konang no mo mara karoa Kaji, beang mara karoa Sia bae mo." 43Karing sopo malaikat kalis bao awan datang lako Isa ke sakuat Diri. 44Diri susa benar ate ke sanarang tutu-tutu eneng doa. Sio Diri mara geti katitis ko tana.
45Beru kasuda eneng doa, Diri koat ke ramalik lako tau-tau turit Diri, konang Diri yadapat taunan muntu tunung ling ngering benar ate. 46Teris beling Isa lako taunan, "Kakuda bua nene tunung? Koat ke eneng mo doa, mabau no mo nene kena coba."
Yudas ke rombongan datang sate bau Isa
47Muntu Isa masi bakarante, datang mo rombongan tau ade yapimpin ling Yudas. Yudas yanansi sala sopo kalis dua olas tau turit Isa. Ke nya yaparak Isa sate yabeang salam kewa yaiduk. 48Konang beling Isa lako nya, "He Yudas, muhianat Anak Manusia kewa muiduk!"
49Muntu yagita apa ade ya dadi ling tau-tau ade barema-rema ke Isa, beling mo taunan, "Junjungan, mesti ke tuserang taunan kenang pedang?" 50Ke sala sopo kalis taunan yalemat ulin Imam Ade Paling Rea jangka rotas kuping kanan.
51Konang beling Isa, "Man mo!" Teris yaenti kuping tau nan ke yasaterang. 52Karing Isa beling lako imam-imam rea, kepala-kepala pangawal Balaʼ Alatala, ke tau-tau loka Yahudi ade datang bau Diri, "Kakuda bua nene datang mara tau sate bau parampok kewa nene bawa pedang ke pamukil? 53Padahal saruntung ano Aku ada pang tenga-tenga nene pang dalam Balaʼ Alatala, ke nongka nene bau-Ku. Konang ta waya nene, ke ta waya ampo kawasa ungkap sapalangan boat."
Petrus no akuʼ Isa
54Karing Isa yabau ke yabawa lako bale Imam Ade Paling Rea. Ke ada Petrus nurit kalis do. 55Pang tenga-tenga siding bale nan tau sangamir api ke tau-tau tokal yaliuk api nan. Petrus ampo ada tokal barema-rema ke taunan. 56Sopo hamba sawai yagita Petrus tokal parak ke amir api nan. Karing hamba sawai nan yapaniat nya teris beling, "Tau ta ampo ada ka barema-rema ke Isa."
57Konang Petrus nongka ngaku, ke beling, "Siong, no kuto rua Nya!"
58No mongka le kasuda nan, tau ade lin yagita Petrus ke beling, "Kau ampo sala sopo kalis taunan!"
Konang nyamung Petrus, "Siong, siong aku!"
59Kira-kira sejam kasuda nan, tau lin ampo beling kewa tegas, "Tutu si tau ta ka barema ke Isa, apaling nya tau Galilea."#22:59 Taunan bauʼ to luk Petrus tau Galilea mara Isa kalis logat bakarante.
60Konang beling Petrus, "Siong! No kuto tegas apa maksud pangkeling kau nan." Pang waya nan muntu nya beling, teris ngungku mo ayam. 61Teris mengo mo Isa, Sang Junjungan, ingo Petrus. Karing yatotang mo ling Petrus luk ka pangkeling Sang Junjungan lako nya, "Petang ta, sanopoka ngungku ayam, kamo telu kali mubeling luk no muto rua-Ku." 62Teris Petrus lis ke nangis ngering ate.
63Ke tau-tau ade jaga Isa yaejek ke yapukil Diri. 64Taunan yatutup rua Diri ke bakatoan, "Aji ka kau nabi, coba muramada sai ade ka pukil Kau?" 65Ke peno sumpa sena lin yasatata ling taunan lako Diri.
Isa pang angkang Dewan Pengadilan Agama tau Yahudi
66Beru kamo lis mata ano, tau-tau loka Yahudi, imam-imam rea, ke ahli-ahli Kitab Suci Taurat baremin, teris yabawa Isa ko angkang Dewan Pengadilan Agama taunan.
67Beling taunan lako Diri, "Bada mo lako kami, Kau ke Raja Basalamat Ade Yajangiʼ Ling Alatala nan?"
Nyamung Isa, "Lamin Kubada lako nene no si ya nene nyadu, 68ke ampo lamin Kukatoan nene no si ya nene nyamung. 69Konang to ta no mo ya le, Anak Manusia ya tokal pang satoe kanan Alatala Ade Maha Kawasa."#22:69 Tokal pang satoe kanan Alatala bategas Alatala beang kawasa ke hormat lako Isa.
70Beling sarea taunan, "Lamin nan luk, Kau ta Anak kalis Alatala ke?"
Nyamung Isa, "Nan luk ling nene."
71Teris beling taunan, "Nomanta ada saksi! Kamo tumenong kalis boa Nya diri!"
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company