Lukas 21
21
Pameang tau balu ade rara
1Muntu Isa pang Balaʼ Alatala, Isa angkat rua ke yapaniat tau-tau sugi satama pipis ko dalam peti pang olo pameang lako Alatala. 2Ke yapaniat si ampo tau balu ade rara satama dua kodeng pipis logam ade paling ode nilai ko dalam peti nan. 3Teris beling Isa, "Tutu-tutu si Kubeling lako nene, tau balu ade rara nan rabeang lebe peno kalis sarea tau lin. 4Apaling taunan sarea rabeang kalis kalebe nya, konang tau balu nan rabeang kalis karara nya, yanansi sarea apa ade ada umin katelas nya saruntung ano."
Isa bakarante luk Balaʼ Alatala yasaruru
5Pida-pida tau bakarante luk Balaʼ Alatala, ade ka yasagera ke batu-batu ade balong ke barang-barang ade dadi pameang lako Alatala. Karing Isa bakarante lako taunan, 6"Mudi pang sopo waya, sarea ade nene gita nan yasaruru. Ke nonda sanompo batu ade yabilin barantin pang bao batu ade lin!"
Tanda-tanda yaroa mo Ano Kiamat
7Karing taunan bakatoan lako Isa, "Guru, me waya sarea luk nan ya dadi? Ke apa tanda lamin luk-luk nan ya roa mo dadi?"
8Nyamung Isa, "Jaga! Naʼ sampe nene kena kelo. Apaling peno tau ya datang kenang singin-Ku, ke beling, 'Aku ta Raja Basalamat ade Yajangiʼ Ling Alatala!' Ke taunan beling si ampo, 'Kamo dapat waya.' Naʼ mo nene turit taunan. 9Ke no mo nene katakit lamin nene menong rungan luk ada perang-perang ke tau-tau basatomas. Apaling sarea luk nan mesti ya dadi lebe dunung, konang luk nan siong bategas kamo dapat waya kiamat."
10Teris Isa samaris karante, ta ling, "Bangsa ade sopo ya perang lawan bangsa ade lin, ke negara ade sopo ya serang negara ade lin. 11Ke pang me-me ya ada linir ade rea benar, pacakelik, ke panyakit ade malonto kewa kotar. Nan si luk ya ada luk-luk ade pina nene dadi katakit benar ke ya ada tanda-tanda ade luar biasa kalis bao awan. 12Konang sanopoka sarea luk nan dadi, nene yabau ke yasasakit. Ke nene yasera umin yahakim pang dalam bale-bale ibada ke yasatama nene ko dalam bui. Tau-tau ya sangangkang nene ko angkang raja-raja ke lako tau-tau ade bakawasa, apaling nene tau-tau ade turit Aku. 13Waya nan nene bauʼ kenang umin sanapat Rungan Balong kalis Alatala. 14Saputis mo luk no manta nene pikir dunung apa ya ling nene umin bela diri nene. 15Aku diri ade beang lako nene pangkeling-pangkeling ade bijaksana, mabau nonda sanompo tau kalis musu-musu nene bauʼ kewa atawa pangka pangkeling nene. 16Ke nene yasera si ampo lako tau-tau ade bakawasa ling inaʼ bapak nene, sanak sawai salaki nene, keluarga nene, ke dengan-dengan nene. Ke pida-pida kalis nene ya samate ling taunan. 17Ke yakaselar nene ling sarea tau kalangan rea nene turit Aku. 18Konang mana ling nan luk, satengar bulu kalis otak nene no si ya gugir.#21:18 Ama ta bategas luk taunan yasalamat. Pang dalam ayat 16 Isa beru beling luk pida-pida kalis tau ade turit Diri yasamate, dadi maksud pangkeling Isa pang ayat ta yanansi siong salamat umin paranatu konang salamat secara rohani. 19Konang lamin panyadu nene lako Aku tetap tego, jiwa nene pasti salamat."
Isa bakarante luk Yerusalem yasangancir
20Beling Isa ampo, "Mudi, muntu nene gita kota Yerusalem yarimuk ling tentara-tentara, ma nene to mo luk kota nan no mo le ampo yasangancir. 21Pang waya nan, tau-tau ade ada pang wilaya Yudea mesti barari ko olat-olat. Tau-tau ade ada pang dalam kota Yerusalem mesti bilin kota nan. Tau-tau ade ada pang luar kota nan naʼ tama ko dalam kota nan. 22Apaling ano-ano nan yanansi ano yasateri hukuman ling Alatala, mabau yasatunas sarea ade ka yatulis pang dalam Kitab Suci. 23Luk merang benar ano-ano nan umin tau sawai ade batian, ke tau sawai ade masi sanusu anak! Apaling negeri ta ya langan kasusa ade rea ke Alatala ya hukum tau-tau negeri ta. 24Ada ade yasamate ke pedang, ada ampo ade kena bau ke yabawa lako negeri-negeri tau. Ke tau-tau ade siong tau Yahudi ya sakala ke ya jaja kota Yerusalem, jangka suda waya ade kamo yasatentu ling Alatala umin tau-tau ade siong tau Yahudi nan.
Tanda-tanda kanatang Anak Manusia
25"Mudi ya ada tanda-tanda ade luar biasa ya tangkela pang mata ano, bulan, ke pang bintang-bintang. Ke pang bao dunia, bangsa-bangsa ya katakit ke bingung yaangkang seda lit ade nampis ke umak ade rea benar. 26Tau-tau ya dadi satenga mate katakit yaangkang apa ade ya dadi lako dunia ta, apaling mata ano, bulan ke bintang-bintang#21:26 Tafsiran lin beling luk ta siong tutu-tutu luk mata ano, bulan ke bintang-bintang konang luk kawasa-kawasa ade kewa Alatala. ya kagoncang. 27Pang waya nan mo Anak Manusia datang pang dalam mega kewa kawasa ke kamulia ade rea. 28Muntu sarea luk nan mulai dadi, koat ke baraning mo angkang sarea luk nan, apaling Alatala ya roa mo salamat nene."
29Karing Isa yaaran umpama ta lako taunan, ta ling, "Paniat mo puin ara ke sarea puin ade lin. 30Lamin nene gita puin-puin kayu kamo bakemang, ba nene to mo luk puin-puin nan ya roa mo rabua. 31Nan si luk ampo lamin nene gita luk-luk ade kamo Kusanapat nan dadi, ba ya nene to mo luk ya roa mo waya Alatala marinta dadi Raja lako sarea tau.
32Tutu-tutu si Kubeling, sarea luk nan ya dadi sanopoka tau-tau ade telas to ta ya mate sarea. 33Awan ke tana ya ilang, konang pangkeling-Ku no si ya ilang sale-le."
Tusiap-siap tari kanatang Anak Manusia
34"Jaga mo diri nene! Naʼ jina nene mikir lako pesta pora ke mabuk-mabuk bae, atawa naʼ jina kawatir lako katelas nene. Apaling lamin ate nene dadi mara nan, pasti nongka nene siap pang ano Anak Manusia datang kabali kewa embang-embang, ke ano nan datang lako nene 35mara lonong kena ko binatang. Apaling ano nan ya datang lako sarea tau pang bao dunia ta. 36Jaga mo ke eneng mo doa saruntung waya mabau nene kuat langan sarea luk ade bakal dadi, ke nene bauʼ manang pang angkang Anak Manusia."
37Pang waya tengari Isa ngajar pang Balaʼ Alatala, ke pang waya petang Diri lalo lako Olat Zaitun ke tedu pang ana. 38Saruntung siup jaga sarea tau datang ko Balaʼ Alatala umin sanenge pangajar Isa.
Currently Selected:
Lukas 21: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Lukas 21
21
Pameang tau balu ade rara
1Muntu Isa pang Balaʼ Alatala, Isa angkat rua ke yapaniat tau-tau sugi satama pipis ko dalam peti pang olo pameang lako Alatala. 2Ke yapaniat si ampo tau balu ade rara satama dua kodeng pipis logam ade paling ode nilai ko dalam peti nan. 3Teris beling Isa, "Tutu-tutu si Kubeling lako nene, tau balu ade rara nan rabeang lebe peno kalis sarea tau lin. 4Apaling taunan sarea rabeang kalis kalebe nya, konang tau balu nan rabeang kalis karara nya, yanansi sarea apa ade ada umin katelas nya saruntung ano."
Isa bakarante luk Balaʼ Alatala yasaruru
5Pida-pida tau bakarante luk Balaʼ Alatala, ade ka yasagera ke batu-batu ade balong ke barang-barang ade dadi pameang lako Alatala. Karing Isa bakarante lako taunan, 6"Mudi pang sopo waya, sarea ade nene gita nan yasaruru. Ke nonda sanompo batu ade yabilin barantin pang bao batu ade lin!"
Tanda-tanda yaroa mo Ano Kiamat
7Karing taunan bakatoan lako Isa, "Guru, me waya sarea luk nan ya dadi? Ke apa tanda lamin luk-luk nan ya roa mo dadi?"
8Nyamung Isa, "Jaga! Naʼ sampe nene kena kelo. Apaling peno tau ya datang kenang singin-Ku, ke beling, 'Aku ta Raja Basalamat ade Yajangiʼ Ling Alatala!' Ke taunan beling si ampo, 'Kamo dapat waya.' Naʼ mo nene turit taunan. 9Ke no mo nene katakit lamin nene menong rungan luk ada perang-perang ke tau-tau basatomas. Apaling sarea luk nan mesti ya dadi lebe dunung, konang luk nan siong bategas kamo dapat waya kiamat."
10Teris Isa samaris karante, ta ling, "Bangsa ade sopo ya perang lawan bangsa ade lin, ke negara ade sopo ya serang negara ade lin. 11Ke pang me-me ya ada linir ade rea benar, pacakelik, ke panyakit ade malonto kewa kotar. Nan si luk ya ada luk-luk ade pina nene dadi katakit benar ke ya ada tanda-tanda ade luar biasa kalis bao awan. 12Konang sanopoka sarea luk nan dadi, nene yabau ke yasasakit. Ke nene yasera umin yahakim pang dalam bale-bale ibada ke yasatama nene ko dalam bui. Tau-tau ya sangangkang nene ko angkang raja-raja ke lako tau-tau ade bakawasa, apaling nene tau-tau ade turit Aku. 13Waya nan nene bauʼ kenang umin sanapat Rungan Balong kalis Alatala. 14Saputis mo luk no manta nene pikir dunung apa ya ling nene umin bela diri nene. 15Aku diri ade beang lako nene pangkeling-pangkeling ade bijaksana, mabau nonda sanompo tau kalis musu-musu nene bauʼ kewa atawa pangka pangkeling nene. 16Ke nene yasera si ampo lako tau-tau ade bakawasa ling inaʼ bapak nene, sanak sawai salaki nene, keluarga nene, ke dengan-dengan nene. Ke pida-pida kalis nene ya samate ling taunan. 17Ke yakaselar nene ling sarea tau kalangan rea nene turit Aku. 18Konang mana ling nan luk, satengar bulu kalis otak nene no si ya gugir.#21:18 Ama ta bategas luk taunan yasalamat. Pang dalam ayat 16 Isa beru beling luk pida-pida kalis tau ade turit Diri yasamate, dadi maksud pangkeling Isa pang ayat ta yanansi siong salamat umin paranatu konang salamat secara rohani. 19Konang lamin panyadu nene lako Aku tetap tego, jiwa nene pasti salamat."
Isa bakarante luk Yerusalem yasangancir
20Beling Isa ampo, "Mudi, muntu nene gita kota Yerusalem yarimuk ling tentara-tentara, ma nene to mo luk kota nan no mo le ampo yasangancir. 21Pang waya nan, tau-tau ade ada pang wilaya Yudea mesti barari ko olat-olat. Tau-tau ade ada pang dalam kota Yerusalem mesti bilin kota nan. Tau-tau ade ada pang luar kota nan naʼ tama ko dalam kota nan. 22Apaling ano-ano nan yanansi ano yasateri hukuman ling Alatala, mabau yasatunas sarea ade ka yatulis pang dalam Kitab Suci. 23Luk merang benar ano-ano nan umin tau sawai ade batian, ke tau sawai ade masi sanusu anak! Apaling negeri ta ya langan kasusa ade rea ke Alatala ya hukum tau-tau negeri ta. 24Ada ade yasamate ke pedang, ada ampo ade kena bau ke yabawa lako negeri-negeri tau. Ke tau-tau ade siong tau Yahudi ya sakala ke ya jaja kota Yerusalem, jangka suda waya ade kamo yasatentu ling Alatala umin tau-tau ade siong tau Yahudi nan.
Tanda-tanda kanatang Anak Manusia
25"Mudi ya ada tanda-tanda ade luar biasa ya tangkela pang mata ano, bulan, ke pang bintang-bintang. Ke pang bao dunia, bangsa-bangsa ya katakit ke bingung yaangkang seda lit ade nampis ke umak ade rea benar. 26Tau-tau ya dadi satenga mate katakit yaangkang apa ade ya dadi lako dunia ta, apaling mata ano, bulan ke bintang-bintang#21:26 Tafsiran lin beling luk ta siong tutu-tutu luk mata ano, bulan ke bintang-bintang konang luk kawasa-kawasa ade kewa Alatala. ya kagoncang. 27Pang waya nan mo Anak Manusia datang pang dalam mega kewa kawasa ke kamulia ade rea. 28Muntu sarea luk nan mulai dadi, koat ke baraning mo angkang sarea luk nan, apaling Alatala ya roa mo salamat nene."
29Karing Isa yaaran umpama ta lako taunan, ta ling, "Paniat mo puin ara ke sarea puin ade lin. 30Lamin nene gita puin-puin kayu kamo bakemang, ba nene to mo luk puin-puin nan ya roa mo rabua. 31Nan si luk ampo lamin nene gita luk-luk ade kamo Kusanapat nan dadi, ba ya nene to mo luk ya roa mo waya Alatala marinta dadi Raja lako sarea tau.
32Tutu-tutu si Kubeling, sarea luk nan ya dadi sanopoka tau-tau ade telas to ta ya mate sarea. 33Awan ke tana ya ilang, konang pangkeling-Ku no si ya ilang sale-le."
Tusiap-siap tari kanatang Anak Manusia
34"Jaga mo diri nene! Naʼ jina nene mikir lako pesta pora ke mabuk-mabuk bae, atawa naʼ jina kawatir lako katelas nene. Apaling lamin ate nene dadi mara nan, pasti nongka nene siap pang ano Anak Manusia datang kabali kewa embang-embang, ke ano nan datang lako nene 35mara lonong kena ko binatang. Apaling ano nan ya datang lako sarea tau pang bao dunia ta. 36Jaga mo ke eneng mo doa saruntung waya mabau nene kuat langan sarea luk ade bakal dadi, ke nene bauʼ manang pang angkang Anak Manusia."
37Pang waya tengari Isa ngajar pang Balaʼ Alatala, ke pang waya petang Diri lalo lako Olat Zaitun ke tedu pang ana. 38Saruntung siup jaga sarea tau datang ko Balaʼ Alatala umin sanenge pangajar Isa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company