Yahya 4
4
Isa bakarante lako sopo tau sawai Samaria
1-3Tau-tau Farisi kamo yamenong luk Isa yasanadi ke yapaning lebe peno tau dadi tau-tau turit Diri katimbang Nabi Yahya. Muntu Isa yato luk tau-tau Farisi kamo yamenong luk nan, Diri bilin wilaya Yudea ke ramalik lako wilaya Galilea. (Sabenar siong Isa diri ade paning tau-tau nan, konang yapaning ling tau-tau turit Diri.) 4Pang dalam palangan Isa ko Galilea, Diri mesti yalangan wilaya Samaria. 5Teris dapat mo Diri pang sala sopo kota pang Samaria ade basingin Sikhar, parak ke tana ade dunung ka yabeang ling Yakub lako Yusuf anak diri. 6Pang nan ada sumir Yakub. Karing tokal mo Isa pang sisi sumir nan apaling ka kangompa balangan. Waya nan kira-kira jam dua olas tangari. 7Karing datang mo sopo tau sawai Samaria sate tima aiʼ. Teris Isa beling lako nya, "Beang-Ku gama nginum." 8Pang waya nan tau-tau turit Diri kamo lalo ko kota umin beli pakakan.
9Dadi beling mo tau sawai Samaria nan lako Isa, "Meluk Sia ta? Ada kowa tau Yahudi eneng aiʼ lako kaji tau Samaria ta." Tau sawai Samaria nan beling nan luk apaling tau Yahudi no roa badengan ke tau Samaria.
10Nyamung Isa, "Aji muto tegas apa ade sate yabeang ling Alatala, ke sai sabenar Aku ade eneng nginum lako kau, pasti mo kau ade eneng nginum lako Aku ke ya Kubeang lako kau aiʼ katelas."
11Teris beling tau sawai nan lako Isa, "Pak, nonda tima Sia, ke sumir ta dalap benar. Dadi, kalis me ya Sia dapat aiʼ katelas nan? 12Ba Sia lebe tingi kawasa ke kalis balo tolo kami Yakub, ade ka beang sumir ta lako kami, ke ade ka yainum aiʼ sumir ta barema-rema ke anak-anak diri ke sarea binatang diri?"
13Beling Isa lako nya, "Sai-sai ade inum aiʼ sumir ta, nya ya kamoan ampo. 14Konang sai-sai ade inum aiʼ ade Kubeang lako nya, nya no si ya kamoan ampo sale-le. Aiʼ ade ya Kubeang nan ya dadi mata aiʼ pang dalam diri nya, ade teris-teris barereng ke beang katelas ade tutu-tutu ke nonda kasuda."
15Teris beling tau sawai nan, "Tuan, beang mo aiʼ nan lako kaji, mabau no mo kaji kamoan ke ba man mo kaji datang kabali lako ta umin kaji tima aiʼ."
16Beling Isa lako nya, "Lalo mo, kelek mo salakiʼmu ke datang kabali lako ta."
17Nyamung tau sawai nan lako Diri, "Nonda salakiʼ kaji."
Beling Isa lako nya, "Tutu si ling kau nan, muntu mubeling, 'Nonda salakiʼ kaji,' 18apaling kamo lima salakiʼmu, ke ade to ta basaiʼ ke kau siong salakiʼmu. Tutu si pangkelingmu nan."
19Beling tau sawai nan lako Diri, "To ta kaji to luk Sia sopo nabi. 20Balo tolo kami semba Alatala pang bao olat ta, konang bangsa Sia beling luk Yerusalem mo katokal ade pantas umin semba Alatala."
21Beling Isa lako nya, "Ibu, nyadu mo lako pangkeling-Ku ta, ya dapat waya ya nene semba Alatala Bapaktu, siong pang olat ta atawa pang Yerusalem. 22Nene tau Samaria, nene semba apa ade no nene to rua, konang kami tau Yahudi, kami semba apa ade kami to rua. Apaling salamat datang kalis tau Yahudi. 23Konang ya dapat waya, ke sabenar kamo dapat waya, tau-tau ade tutu-tutu semba Alatala Bapaktu, ya semba Diri kewa yapimpin ling Ruh Diri ke maluk pangajar ade benar, apaling tau-tau ade nyemba mara nan ade yabuya ling Bapak. 24Alatala nan Ruh, ke sai-sai ade semba Diri, nya mesti semba Diri kewa yapimpin ling Ruh Diri ke maluk pangajar ade benar."
25Beling tau sawai nan lako Diri, "Kaji to luk Raja Basalamat Ade Yajangiʼ Ling Alatala, ade yasepan Al Masih nan, ya datang. Muntu Diri datang, Diri yabada kewa jelas sarea luk lako kami."
26Beling Isa lako tau sawai nan, "Aku ta mo Nya, ade muntu bakarante ke kau."
Tau-tau turit Isa ramalik lako Diri
27Pang waya nan tau-tau turit Diri ramalik. Taunan manang gaok apaling Isa muntu bakarante ke tau sawai. Konang nonda sanompo kalis taunan ade bakatoan lako tau sawai nan, "Apa ade musate?" Atawa bakatoan lako Isa, "Guru, kakuda Sia bakarante ke tau sawai nan?"
28Tau sawai nan bilin pariuk pang nan teris lalo ko kota ke beling lako tau-tau, 29"Ma mo gita, ada sopo tau ade samadaku sarea luk ade ka kuboat! Terang Diri Raja Basalamat Ade Yajangiʼ Ling Alatala nan." 30Taunan teris lis kalis kota lalo temung Isa.
31Waya nan tau-tau turit Diri pasila Diri mangan ke beling, "Guru, silamo mangan."
32Konang beling Diri lako taunan, "Pang Aku ada pakakan ade no nene to."
33Teris tau-tau turit Diri bakatoan sakatan nya, "Ba ada ke tau ka bawa pakakan umin Diri?"
34Beling Isa lako taunan, "Pakakan-Ku yanansi Kuboat karoa Alatala ade ka utus Aku, ke Kusasuda boat Diri. 35Ba nosoka nene beling empat bulan ampo nan po dapat waya tau mataʼ ke? Konang Kubeling lako nene, buka mo mata nene ke ngingo mo lako rau-rau ade kamo kuning ke kamo dapat waya yapataʼ. 36To ta, tau mataʼ kamo mulai dapat upa ke saremin hasil, yanansi tau-tau ade nyadu ade tarima katelas ade nonda kasuda. Dadi ling luk nan tau nyawit ke tau mataʼ kameri kamore barema-rema. 37Dalam luk ta tutu-tutu si ama ta, "Ada tau nyawit ke ada si tau mataʼ." 38Kuutus nene umin pataʼ apa ade nongka nene boat. Tau-tau lin baeng sawit ke nene bau hasil kalis kaboat taunan."
Peno tau Samaria dadi nyadu lako Isa
39Peno tau Samaria pang kota nan dadi nyadu lako Isa kalangan rea pangkeling tau sawai ta, "Diri kamo samada lako aku luk sarea apa ade ka kuboat." 40Kasuda tau-tau Samaria nan batemung ke Isa, taunan ngeneng lako Diri mabau Diri tedu barema ke taunan. Teris tedu mo Diri pang nan sale dua ano. 41Karing sanarang peno tau nyadu kasuda taunan yamenong pangkeling Isa. 42Teris taunan beling lako tau sawai nan, "Kami nyadu siong kalangan rea pangkeling kau bae, konang kalangan rea kami diri kamo menong Isa ke kamo kami to luk Diri tutu-tutu Tau Baeng Salamat dunia ta.
Isa saterang anak pegawe istana
43Kasuda dua ano tedu pang wilaya Samaria, Isa lalo ko wilaya Galilea. 44Isa diri kamo sanapat luk sopo nabi no yahormat pang desa darat nya diri. 45Muntu Diri dapat pang Galilea, Diri yasambut kewa kameri kamore ling tau-tau Galilea apaling taunan kamo yagita sarea luk ade yaboat ling Diri pang Hari Raya Ano Saliwat pang kota Yerusalem. Apaling pang ano hari raya nan taunan ada pang ana.
46Karing Isa ramalik kabali ko kota Kana pang wilaya Galilea, yanansi ka pang Diri dunung uba aiʼ dadi anggur. Ke pang kota Kapernaum ada sopo pegawe istana ade anak salaki nya muntu sakit keras. 47Muntu yamenong ling pegawe istana nan luk Isa kamo datang kalis wilaya Yudea ko wilaya Galilea, lalo mo pegawe istana nan lako Isa pang kota Kana, ke ngeneng tulung mabau datang ko kota Kapernaum saterang anak salaki nya nan ade lelas mate.
48Karing beling Isa lako pegawe istana nan, "Aji nongka nene gita tanda ajaib ke mujizat ba no si nene nyadu."
49Beling pegawe istana nan lako Diri, "Tuan, datang mo gama sanopoka anak kaji mate."
50Dadi beling mo Isa lako pegawe istana nan, "Mole mo, anak salakimu kamo terang." Karing nyadu mo nya lako pangkeling Isa, teris lalo mo nya.
51Muntu pegawe istana nan mole ko bale, pang tenga ola batemung mo ke ulin-ulin nya. Teris ulin-ulin nan beling, "Anak sia kamo terang!"
52Karing bakatoan mo nya lako taunan, "Me ka waya anakku mulai terang?"
Nyamung taunan lako nya, "Saperap jam sai tengari, nya ilang kanyonyat."
53Karing bapak nya nan mato luk pang waya nan ka beling Isa lako nya, "Anak salakimu kamo terang!" Teris nya ke sarea tau ade ada tedu pang dalam bale dadi nyadu lako Isa.
54Ta tanda ajaib ade kadua ade yaboat ling Isa kasuda Diri ramalik kabali ko wilaya Galilea kalis wilaya Yudea.
Currently Selected:
Yahya 4: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Yahya 4
4
Isa bakarante lako sopo tau sawai Samaria
1-3Tau-tau Farisi kamo yamenong luk Isa yasanadi ke yapaning lebe peno tau dadi tau-tau turit Diri katimbang Nabi Yahya. Muntu Isa yato luk tau-tau Farisi kamo yamenong luk nan, Diri bilin wilaya Yudea ke ramalik lako wilaya Galilea. (Sabenar siong Isa diri ade paning tau-tau nan, konang yapaning ling tau-tau turit Diri.) 4Pang dalam palangan Isa ko Galilea, Diri mesti yalangan wilaya Samaria. 5Teris dapat mo Diri pang sala sopo kota pang Samaria ade basingin Sikhar, parak ke tana ade dunung ka yabeang ling Yakub lako Yusuf anak diri. 6Pang nan ada sumir Yakub. Karing tokal mo Isa pang sisi sumir nan apaling ka kangompa balangan. Waya nan kira-kira jam dua olas tangari. 7Karing datang mo sopo tau sawai Samaria sate tima aiʼ. Teris Isa beling lako nya, "Beang-Ku gama nginum." 8Pang waya nan tau-tau turit Diri kamo lalo ko kota umin beli pakakan.
9Dadi beling mo tau sawai Samaria nan lako Isa, "Meluk Sia ta? Ada kowa tau Yahudi eneng aiʼ lako kaji tau Samaria ta." Tau sawai Samaria nan beling nan luk apaling tau Yahudi no roa badengan ke tau Samaria.
10Nyamung Isa, "Aji muto tegas apa ade sate yabeang ling Alatala, ke sai sabenar Aku ade eneng nginum lako kau, pasti mo kau ade eneng nginum lako Aku ke ya Kubeang lako kau aiʼ katelas."
11Teris beling tau sawai nan lako Isa, "Pak, nonda tima Sia, ke sumir ta dalap benar. Dadi, kalis me ya Sia dapat aiʼ katelas nan? 12Ba Sia lebe tingi kawasa ke kalis balo tolo kami Yakub, ade ka beang sumir ta lako kami, ke ade ka yainum aiʼ sumir ta barema-rema ke anak-anak diri ke sarea binatang diri?"
13Beling Isa lako nya, "Sai-sai ade inum aiʼ sumir ta, nya ya kamoan ampo. 14Konang sai-sai ade inum aiʼ ade Kubeang lako nya, nya no si ya kamoan ampo sale-le. Aiʼ ade ya Kubeang nan ya dadi mata aiʼ pang dalam diri nya, ade teris-teris barereng ke beang katelas ade tutu-tutu ke nonda kasuda."
15Teris beling tau sawai nan, "Tuan, beang mo aiʼ nan lako kaji, mabau no mo kaji kamoan ke ba man mo kaji datang kabali lako ta umin kaji tima aiʼ."
16Beling Isa lako nya, "Lalo mo, kelek mo salakiʼmu ke datang kabali lako ta."
17Nyamung tau sawai nan lako Diri, "Nonda salakiʼ kaji."
Beling Isa lako nya, "Tutu si ling kau nan, muntu mubeling, 'Nonda salakiʼ kaji,' 18apaling kamo lima salakiʼmu, ke ade to ta basaiʼ ke kau siong salakiʼmu. Tutu si pangkelingmu nan."
19Beling tau sawai nan lako Diri, "To ta kaji to luk Sia sopo nabi. 20Balo tolo kami semba Alatala pang bao olat ta, konang bangsa Sia beling luk Yerusalem mo katokal ade pantas umin semba Alatala."
21Beling Isa lako nya, "Ibu, nyadu mo lako pangkeling-Ku ta, ya dapat waya ya nene semba Alatala Bapaktu, siong pang olat ta atawa pang Yerusalem. 22Nene tau Samaria, nene semba apa ade no nene to rua, konang kami tau Yahudi, kami semba apa ade kami to rua. Apaling salamat datang kalis tau Yahudi. 23Konang ya dapat waya, ke sabenar kamo dapat waya, tau-tau ade tutu-tutu semba Alatala Bapaktu, ya semba Diri kewa yapimpin ling Ruh Diri ke maluk pangajar ade benar, apaling tau-tau ade nyemba mara nan ade yabuya ling Bapak. 24Alatala nan Ruh, ke sai-sai ade semba Diri, nya mesti semba Diri kewa yapimpin ling Ruh Diri ke maluk pangajar ade benar."
25Beling tau sawai nan lako Diri, "Kaji to luk Raja Basalamat Ade Yajangiʼ Ling Alatala, ade yasepan Al Masih nan, ya datang. Muntu Diri datang, Diri yabada kewa jelas sarea luk lako kami."
26Beling Isa lako tau sawai nan, "Aku ta mo Nya, ade muntu bakarante ke kau."
Tau-tau turit Isa ramalik lako Diri
27Pang waya nan tau-tau turit Diri ramalik. Taunan manang gaok apaling Isa muntu bakarante ke tau sawai. Konang nonda sanompo kalis taunan ade bakatoan lako tau sawai nan, "Apa ade musate?" Atawa bakatoan lako Isa, "Guru, kakuda Sia bakarante ke tau sawai nan?"
28Tau sawai nan bilin pariuk pang nan teris lalo ko kota ke beling lako tau-tau, 29"Ma mo gita, ada sopo tau ade samadaku sarea luk ade ka kuboat! Terang Diri Raja Basalamat Ade Yajangiʼ Ling Alatala nan." 30Taunan teris lis kalis kota lalo temung Isa.
31Waya nan tau-tau turit Diri pasila Diri mangan ke beling, "Guru, silamo mangan."
32Konang beling Diri lako taunan, "Pang Aku ada pakakan ade no nene to."
33Teris tau-tau turit Diri bakatoan sakatan nya, "Ba ada ke tau ka bawa pakakan umin Diri?"
34Beling Isa lako taunan, "Pakakan-Ku yanansi Kuboat karoa Alatala ade ka utus Aku, ke Kusasuda boat Diri. 35Ba nosoka nene beling empat bulan ampo nan po dapat waya tau mataʼ ke? Konang Kubeling lako nene, buka mo mata nene ke ngingo mo lako rau-rau ade kamo kuning ke kamo dapat waya yapataʼ. 36To ta, tau mataʼ kamo mulai dapat upa ke saremin hasil, yanansi tau-tau ade nyadu ade tarima katelas ade nonda kasuda. Dadi ling luk nan tau nyawit ke tau mataʼ kameri kamore barema-rema. 37Dalam luk ta tutu-tutu si ama ta, "Ada tau nyawit ke ada si tau mataʼ." 38Kuutus nene umin pataʼ apa ade nongka nene boat. Tau-tau lin baeng sawit ke nene bau hasil kalis kaboat taunan."
Peno tau Samaria dadi nyadu lako Isa
39Peno tau Samaria pang kota nan dadi nyadu lako Isa kalangan rea pangkeling tau sawai ta, "Diri kamo samada lako aku luk sarea apa ade ka kuboat." 40Kasuda tau-tau Samaria nan batemung ke Isa, taunan ngeneng lako Diri mabau Diri tedu barema ke taunan. Teris tedu mo Diri pang nan sale dua ano. 41Karing sanarang peno tau nyadu kasuda taunan yamenong pangkeling Isa. 42Teris taunan beling lako tau sawai nan, "Kami nyadu siong kalangan rea pangkeling kau bae, konang kalangan rea kami diri kamo menong Isa ke kamo kami to luk Diri tutu-tutu Tau Baeng Salamat dunia ta.
Isa saterang anak pegawe istana
43Kasuda dua ano tedu pang wilaya Samaria, Isa lalo ko wilaya Galilea. 44Isa diri kamo sanapat luk sopo nabi no yahormat pang desa darat nya diri. 45Muntu Diri dapat pang Galilea, Diri yasambut kewa kameri kamore ling tau-tau Galilea apaling taunan kamo yagita sarea luk ade yaboat ling Diri pang Hari Raya Ano Saliwat pang kota Yerusalem. Apaling pang ano hari raya nan taunan ada pang ana.
46Karing Isa ramalik kabali ko kota Kana pang wilaya Galilea, yanansi ka pang Diri dunung uba aiʼ dadi anggur. Ke pang kota Kapernaum ada sopo pegawe istana ade anak salaki nya muntu sakit keras. 47Muntu yamenong ling pegawe istana nan luk Isa kamo datang kalis wilaya Yudea ko wilaya Galilea, lalo mo pegawe istana nan lako Isa pang kota Kana, ke ngeneng tulung mabau datang ko kota Kapernaum saterang anak salaki nya nan ade lelas mate.
48Karing beling Isa lako pegawe istana nan, "Aji nongka nene gita tanda ajaib ke mujizat ba no si nene nyadu."
49Beling pegawe istana nan lako Diri, "Tuan, datang mo gama sanopoka anak kaji mate."
50Dadi beling mo Isa lako pegawe istana nan, "Mole mo, anak salakimu kamo terang." Karing nyadu mo nya lako pangkeling Isa, teris lalo mo nya.
51Muntu pegawe istana nan mole ko bale, pang tenga ola batemung mo ke ulin-ulin nya. Teris ulin-ulin nan beling, "Anak sia kamo terang!"
52Karing bakatoan mo nya lako taunan, "Me ka waya anakku mulai terang?"
Nyamung taunan lako nya, "Saperap jam sai tengari, nya ilang kanyonyat."
53Karing bapak nya nan mato luk pang waya nan ka beling Isa lako nya, "Anak salakimu kamo terang!" Teris nya ke sarea tau ade ada tedu pang dalam bale dadi nyadu lako Isa.
54Ta tanda ajaib ade kadua ade yaboat ling Isa kasuda Diri ramalik kabali ko wilaya Galilea kalis wilaya Yudea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company