Yahya 5
5
Isa saterang tau pang kolam Bait Hasda pang Ano Barenang
1Kasuda nan ada hari raya tau Yahudi, ke Isa lalo ko kota Yerusalem. 2Pang Yerusalem, parak ke Lawang Gerbang Doma, ada sopo kolam ade basingin Bait Hasda dalam basa Ibrani. Kolam nan ada lima teras. 3Pang teras-teras nan peno benar ngulang tau sakit. Ada ade buta, ade tempang, ke ade repok. [Taunan sarea yatari aiʼ kolam nan kabubak. 4Apaling ada waya turin malaikat Alatala ko kolam nan ke yabubak aiʼ kolam nan. Sai-sai ade lebe dunung tama ko dalam kolam nan kasuda aiʼ kolam nan kabubak, nya dadi terang kalis panyakit.]
5Pang nan ada sopo tau salaki ade kamo sakit sale telu pulu balu tin. 6Isa yagita tau nan ngulang ke Diri yato luk tau nan kamo le sakit nan luk. Teris bakatoan mo Diri, "Muroa ke terang?"
7Nyamung tau salaki ade sakit nan, "Pak, nonda sanompo tau ade bauʼ saturin kaji ko dalam kolam ta muntu aiʼ kolam ta kabubak. Dadi, muntu kaji ngaluit tata kolam ta, tau lin kamo turin sadunung kaji."
8Beling Isa lako nya, "Koat mo, angkat tiparmu ke balangan mo." 9Pang waya nan si teris terang mo tau salaki nan, karing nya yaangkat tipar ke balangan.
Ano nan yanansi Ano Barenang#5:9 Ano Barenang yanansi ano ade kapitu pang dalam sajemat, ke ano barenang tau Yahudi. Tau Yahudi no bauʼ enti boat pang Ano Barenang. Ano Barenang nan mulai muntu selam mata ano pang ano Jemat jangka selam mata ano pang ano Sabtu. Ano Barenang dadi ano ibada umin tau Yahudi. tau Yahudi. 10Ling luk nan pemimpin-pemimpin Yahudi beling lako tau ade ka yasaterang nan, "Ano ta yanansi Ano Barenang, dadi no bauʼ mubawa tiparmu."
11Konang nyamung nya lako taunan, "Tau ade ka saterang aku nan, Diri ade ka beling lako aku, 'Angkat tiparmu ke balangan mo.'"
12Teris bakatoan mo taunan lako nya, "Sai tau ade ka beling lako kau angkat tiparmu ke balangan mo?"
13Konang tau ade ka yasaterang nan no to rua sai ade ka saterang nya apaling Isa kamo tama ko dalam tau peno ke nomonda yagita.
14Nongka le kasuda nan, Isa batemung ke tau nan pang Balaʼ Alatala, teris beling lako nya, "Totang mo balong-balong, kau kamo terang. Naʼ pina dosa ampo, mabau naʼ yakenamu ling ade lebe lenge ampo."
15Teris lalo mo tau salaki nan ke ramada lako pemimpin-pemimpin Yahudi luk Isa mo ade ka saterang nya. 16Dadi pemimpin-pemimpin tau Yahudi sakekeʼ sasakit Isa, apaling luk-luk nan ka yaboat ling Isa pang Ano Barenang.
17Beling Isa lako taunan, "Bapak Kaji masi enti boat jangka to ta, ke Kaji enti boat si ampo." 18Pangkeling Isa nan pina pemimpin-pemimpin tau Yahudi sanarang sakekeʼ buya ola umin samate Diri, siong ling Diri nongka pati aturan Ano Barenang bae, konang apaling Diri ampo kamo beling luk Alatala nan Bapak Diri. Kewa nan luk Diri sasama diri ke Alatala.
Isa sanapat luk sai Diri
19Karing beling Isa lako pemimpin-pemimpin Yahudi nan, "Tutu-tutu si Kaji beling lako sarea sia, nonda sanompo luk ade bauʼ yaboat ling Anak meling karoa Diri diri. Anak boat apa ade yagita yaboat ling Bapak bae, apaling apa ade yaboat ling Bapak, nan si ampo ade yaboat ling Anak. 20Apaling Bapak sayang Anak, ke Diri sangita lako Anak sarea luk ade yaboat ling Diri. Ke Diri ya sangita lako Anak boat ade lebe rea ampo jangka sia sarea dadi manang gaok. 21Sama mara Bapak satelas kabali tau mate ke beang katelas ade nonda kasuda, nan si luk ke Anak, Diri beang katelas ade nonda kasuda lako sai-sai bae mara karoa Diri. 22Bapak no si hakim sai-sai, konang Diri kamo yasera kawasa lako Anak umin hakim sarea tau, 23mabau sarea tau hormat lako Anak, sama mara taunan hormat lako Bapak. Tau ade no hormat Anak, nya ampo nongka hormat Bapak ade ka utus Anak nan.
24Tutu-tutu si Kaji beling lako sia sarea, sai-sai ade sanenge pangkeling Kaji ke nyadu lako Diri ade kabaeng utus Kaji, nya yakamaeng katelas ade nonda kasuda ke no si yahukum. Nya no si yahukum apaling nya kamo lis kalis kamate ke tama lako katelas. 25Tutu-tutu si Kaji beling lako sia sarea, ya dapat waya ke sabenar kamo dapat waya, luk tau-tau mate ya sanenge seda Anak kalis Alatala, ke tau-tau ade sanenge Diri ya telas. 26Apaling sama mara Bapak asal katelas, Diri yasanadi Anak Diri ampo dadi asal katelas. 27Ke Bapak kamo beang kawasa lako Anak umin hakim tau, apaling Anak Diri yanansi Anak Manusia.#5:27 Anak Manusia yanansi gelar umin Raja Basalamat Ade Yajangiʼ Ling Alatala, ke gelar ta yakenang ling Isa dadi panyepan diri. Gelar ta mula-mula yakenang pang dalam kitab Daniel 7:13-14 ke yasanapat luk Raja Basalamat ade ya datang mudi. 28Naʼ manang gaok lako luk ta, apaling ya dapat waya luk sarea tau ade ada pang dalam kubir ya sanenge seda Anak Diri, 29teris lis kalis kubir. Tau-tau ade kamo boat balong ya telas kabali umin tarima katelas ade nonda kasuda, ke tau-tau ade boat jahat ya telas kabali umin yahukum.
30Nonda sanompo luk ade bauʼ Kaji boat meling karoa Kaji diri. Kaji hakim tau maluk apa ade ka Kaji menong kalis Bapak. Ke Kaji hakim tau-tau kewa adil apaling nongka meling karoa Kaji diri, konang meling karoa Diri ade ka baeng utus Kaji. 31Lamin Kaji sanapat luk sai Kaji, pangkeling Kaji nan no si sia sarea tarima dadi bukti. 32Ada ade lin, yanansi Bapak Kaji, ade sanapat luk sai Kaji, ke Kaji to si luk apa ade yasanapat ling Diri luk Kaji nan benar. 33Sia sarea kamo utus tau lako Nabi Yahya, ke diri kamo sanapat ade benar luk Kaji. 34Sabenar no si Kaji perlu pangkeling tau lin umin yabukti luk sai Kaji ta. Sarea deta Kaji sanapat mabau sia sarea yasalamat kalis hukuman kalangan rea dosa. 35Nabi Yahya mara sopo dila ade ngamir ke selis caya. Caya nan pina sia kameri umin sangara bae.
36Konang ada bukti lin luk sai Kaji ade lebe kuat katimbang bukti ade yasanapat ling Nabi Yahya, yanansi boat-boat ade kamo yasera ling Bapak lako Kaji umin Kaji sasuda. Boat-boat nan ade Kaji boat to ta, nan ade dadi bukti luk Bapak kamo utus Kaji. 37Ke Bapak ade ka utus Kaji, Diri mo ade beang bukti luk Kaji. Sia sarea nongka kadu menong seda atawa gita rua Diri, 38ke Firman Diri nongka tedu pang dalam ate sia sarea, apaling nongka sia sadu Diri ade ka yautus ling Bapak. 39Sia sarea balajar Kitab-Kitab Suci kewa balong-balong, apaling sia sarea sampina kewa luk nan sia dapat katelas ade nonda kasuda. Kitab-Kitab Suci nan ade baeng sanapat luk sai Kaji, 40konang sia sarea no roa datang lako Kaji umin dapat katelas ade nonda kasuda.
41No Kaji perlu hormat kalis manusia. 42Konang kaji to sia sarea. Kaji to luk pang dalam ate sia nonda panyayang lako Alatala. 43Kaji datang pang dalam singin Bapak Kaji, konang nongka sia tarima Kaji. Konang lamin ada ade datang dalam singin nya diri, sia tarima. 44No mungkin sia sarea bauʼ nyadu lako Aku, apaling sia buya hormat kalis sakatan sia ke nongka buya hormat kalis Alatala Ade Esa. 45Naʼ sia sarea sampina ya Kaji tudu sia pang angkang Bapak. Ade ya tudu sia yanansi Nabi Musa ade ka pang sia olo pangarap. 46Lamin sia sarea nyadu lako pangkeling Nabi Musa ba sia nyadu si lako Kaji, apaling Nabi Musa kamo tulis luk Kaji. 47Konang lamin sia sarea no nyadu lako apa ade kamo yatulis ling Nabi Musa, ba meluk ya sia nyadu lako apa ade Kaji sanapat?
Currently Selected:
Yahya 5: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Yahya 5
5
Isa saterang tau pang kolam Bait Hasda pang Ano Barenang
1Kasuda nan ada hari raya tau Yahudi, ke Isa lalo ko kota Yerusalem. 2Pang Yerusalem, parak ke Lawang Gerbang Doma, ada sopo kolam ade basingin Bait Hasda dalam basa Ibrani. Kolam nan ada lima teras. 3Pang teras-teras nan peno benar ngulang tau sakit. Ada ade buta, ade tempang, ke ade repok. [Taunan sarea yatari aiʼ kolam nan kabubak. 4Apaling ada waya turin malaikat Alatala ko kolam nan ke yabubak aiʼ kolam nan. Sai-sai ade lebe dunung tama ko dalam kolam nan kasuda aiʼ kolam nan kabubak, nya dadi terang kalis panyakit.]
5Pang nan ada sopo tau salaki ade kamo sakit sale telu pulu balu tin. 6Isa yagita tau nan ngulang ke Diri yato luk tau nan kamo le sakit nan luk. Teris bakatoan mo Diri, "Muroa ke terang?"
7Nyamung tau salaki ade sakit nan, "Pak, nonda sanompo tau ade bauʼ saturin kaji ko dalam kolam ta muntu aiʼ kolam ta kabubak. Dadi, muntu kaji ngaluit tata kolam ta, tau lin kamo turin sadunung kaji."
8Beling Isa lako nya, "Koat mo, angkat tiparmu ke balangan mo." 9Pang waya nan si teris terang mo tau salaki nan, karing nya yaangkat tipar ke balangan.
Ano nan yanansi Ano Barenang#5:9 Ano Barenang yanansi ano ade kapitu pang dalam sajemat, ke ano barenang tau Yahudi. Tau Yahudi no bauʼ enti boat pang Ano Barenang. Ano Barenang nan mulai muntu selam mata ano pang ano Jemat jangka selam mata ano pang ano Sabtu. Ano Barenang dadi ano ibada umin tau Yahudi. tau Yahudi. 10Ling luk nan pemimpin-pemimpin Yahudi beling lako tau ade ka yasaterang nan, "Ano ta yanansi Ano Barenang, dadi no bauʼ mubawa tiparmu."
11Konang nyamung nya lako taunan, "Tau ade ka saterang aku nan, Diri ade ka beling lako aku, 'Angkat tiparmu ke balangan mo.'"
12Teris bakatoan mo taunan lako nya, "Sai tau ade ka beling lako kau angkat tiparmu ke balangan mo?"
13Konang tau ade ka yasaterang nan no to rua sai ade ka saterang nya apaling Isa kamo tama ko dalam tau peno ke nomonda yagita.
14Nongka le kasuda nan, Isa batemung ke tau nan pang Balaʼ Alatala, teris beling lako nya, "Totang mo balong-balong, kau kamo terang. Naʼ pina dosa ampo, mabau naʼ yakenamu ling ade lebe lenge ampo."
15Teris lalo mo tau salaki nan ke ramada lako pemimpin-pemimpin Yahudi luk Isa mo ade ka saterang nya. 16Dadi pemimpin-pemimpin tau Yahudi sakekeʼ sasakit Isa, apaling luk-luk nan ka yaboat ling Isa pang Ano Barenang.
17Beling Isa lako taunan, "Bapak Kaji masi enti boat jangka to ta, ke Kaji enti boat si ampo." 18Pangkeling Isa nan pina pemimpin-pemimpin tau Yahudi sanarang sakekeʼ buya ola umin samate Diri, siong ling Diri nongka pati aturan Ano Barenang bae, konang apaling Diri ampo kamo beling luk Alatala nan Bapak Diri. Kewa nan luk Diri sasama diri ke Alatala.
Isa sanapat luk sai Diri
19Karing beling Isa lako pemimpin-pemimpin Yahudi nan, "Tutu-tutu si Kaji beling lako sarea sia, nonda sanompo luk ade bauʼ yaboat ling Anak meling karoa Diri diri. Anak boat apa ade yagita yaboat ling Bapak bae, apaling apa ade yaboat ling Bapak, nan si ampo ade yaboat ling Anak. 20Apaling Bapak sayang Anak, ke Diri sangita lako Anak sarea luk ade yaboat ling Diri. Ke Diri ya sangita lako Anak boat ade lebe rea ampo jangka sia sarea dadi manang gaok. 21Sama mara Bapak satelas kabali tau mate ke beang katelas ade nonda kasuda, nan si luk ke Anak, Diri beang katelas ade nonda kasuda lako sai-sai bae mara karoa Diri. 22Bapak no si hakim sai-sai, konang Diri kamo yasera kawasa lako Anak umin hakim sarea tau, 23mabau sarea tau hormat lako Anak, sama mara taunan hormat lako Bapak. Tau ade no hormat Anak, nya ampo nongka hormat Bapak ade ka utus Anak nan.
24Tutu-tutu si Kaji beling lako sia sarea, sai-sai ade sanenge pangkeling Kaji ke nyadu lako Diri ade kabaeng utus Kaji, nya yakamaeng katelas ade nonda kasuda ke no si yahukum. Nya no si yahukum apaling nya kamo lis kalis kamate ke tama lako katelas. 25Tutu-tutu si Kaji beling lako sia sarea, ya dapat waya ke sabenar kamo dapat waya, luk tau-tau mate ya sanenge seda Anak kalis Alatala, ke tau-tau ade sanenge Diri ya telas. 26Apaling sama mara Bapak asal katelas, Diri yasanadi Anak Diri ampo dadi asal katelas. 27Ke Bapak kamo beang kawasa lako Anak umin hakim tau, apaling Anak Diri yanansi Anak Manusia.#5:27 Anak Manusia yanansi gelar umin Raja Basalamat Ade Yajangiʼ Ling Alatala, ke gelar ta yakenang ling Isa dadi panyepan diri. Gelar ta mula-mula yakenang pang dalam kitab Daniel 7:13-14 ke yasanapat luk Raja Basalamat ade ya datang mudi. 28Naʼ manang gaok lako luk ta, apaling ya dapat waya luk sarea tau ade ada pang dalam kubir ya sanenge seda Anak Diri, 29teris lis kalis kubir. Tau-tau ade kamo boat balong ya telas kabali umin tarima katelas ade nonda kasuda, ke tau-tau ade boat jahat ya telas kabali umin yahukum.
30Nonda sanompo luk ade bauʼ Kaji boat meling karoa Kaji diri. Kaji hakim tau maluk apa ade ka Kaji menong kalis Bapak. Ke Kaji hakim tau-tau kewa adil apaling nongka meling karoa Kaji diri, konang meling karoa Diri ade ka baeng utus Kaji. 31Lamin Kaji sanapat luk sai Kaji, pangkeling Kaji nan no si sia sarea tarima dadi bukti. 32Ada ade lin, yanansi Bapak Kaji, ade sanapat luk sai Kaji, ke Kaji to si luk apa ade yasanapat ling Diri luk Kaji nan benar. 33Sia sarea kamo utus tau lako Nabi Yahya, ke diri kamo sanapat ade benar luk Kaji. 34Sabenar no si Kaji perlu pangkeling tau lin umin yabukti luk sai Kaji ta. Sarea deta Kaji sanapat mabau sia sarea yasalamat kalis hukuman kalangan rea dosa. 35Nabi Yahya mara sopo dila ade ngamir ke selis caya. Caya nan pina sia kameri umin sangara bae.
36Konang ada bukti lin luk sai Kaji ade lebe kuat katimbang bukti ade yasanapat ling Nabi Yahya, yanansi boat-boat ade kamo yasera ling Bapak lako Kaji umin Kaji sasuda. Boat-boat nan ade Kaji boat to ta, nan ade dadi bukti luk Bapak kamo utus Kaji. 37Ke Bapak ade ka utus Kaji, Diri mo ade beang bukti luk Kaji. Sia sarea nongka kadu menong seda atawa gita rua Diri, 38ke Firman Diri nongka tedu pang dalam ate sia sarea, apaling nongka sia sadu Diri ade ka yautus ling Bapak. 39Sia sarea balajar Kitab-Kitab Suci kewa balong-balong, apaling sia sarea sampina kewa luk nan sia dapat katelas ade nonda kasuda. Kitab-Kitab Suci nan ade baeng sanapat luk sai Kaji, 40konang sia sarea no roa datang lako Kaji umin dapat katelas ade nonda kasuda.
41No Kaji perlu hormat kalis manusia. 42Konang kaji to sia sarea. Kaji to luk pang dalam ate sia nonda panyayang lako Alatala. 43Kaji datang pang dalam singin Bapak Kaji, konang nongka sia tarima Kaji. Konang lamin ada ade datang dalam singin nya diri, sia tarima. 44No mungkin sia sarea bauʼ nyadu lako Aku, apaling sia buya hormat kalis sakatan sia ke nongka buya hormat kalis Alatala Ade Esa. 45Naʼ sia sarea sampina ya Kaji tudu sia pang angkang Bapak. Ade ya tudu sia yanansi Nabi Musa ade ka pang sia olo pangarap. 46Lamin sia sarea nyadu lako pangkeling Nabi Musa ba sia nyadu si lako Kaji, apaling Nabi Musa kamo tulis luk Kaji. 47Konang lamin sia sarea no nyadu lako apa ade kamo yatulis ling Nabi Musa, ba meluk ya sia nyadu lako apa ade Kaji sanapat?
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company