Yahya 3
3
Isa bakarante ke Nikodemus
1Ada sopo tau Farisi#3:1 tau Farisi yanansi tau kalis sopo golongan agama tau Yahudi ade rea pengaruh. Tau-tau Farisi keras taat lako hukum-hukum agama. ade basingin Nikodemus. Diri nan sala sopo pemimpin agama tau Yahudi. 2Pang waya kamo petang Nikodemus datang lako Isa ke beling, "Guru, tuto si luk Sia guru ade datang kalis Alatala, apaling nonda sanompo tau ade bauʼ sangada tanda-tanda ajaib ade Sia sangada nan, lamin Alatala nongka barema ke tau nan."
3Beling Isa lako diri, "Tutu-tutu si Kaji beling lako sia, lamin tau no yaparanak kabali nya no bauʼ dadi anggota umat ade yaparinta ling Alatala."
4Beling Nikodemus lako Diri, "Ba meluk tau ade kamo rea yaparanak kabali? Ba bauʼ ke nya tama kabali ko dalam tian inaʼ, karing yaparanak kabali?
5Nyamung Isa, "Tutu-tutu si Kaji beling lako sia, lamin tau no yaparanak kalis aiʼ ke Ruh Alatala, tau nan no bauʼ dadi anggota umat ade yaparinta ling Alatala. 6Paranatu yaparanak kalis manusia, konang ruhtu yaparanak kalis Ruh Alalata. 7Naʼ manang gaok sia apaling kamo Kaji beling lako sia luk sia sarea mesti yaparanak kabali. 8Angin batiup me lako yasate ke tumenong si seda, konang no tuto me ka kalis datang ke ya lalo lako me. Nan si luk ampo tau ade ka yaparanak kabali kalis Ruh."
9Nyamung Nikodemus, "Ba meluk sarea luk nan bauʼ dadi?"
10Beling Isa lako diri, "Sia nan guru ade penting pang Israil. Malo kowa no sia to luk-luk nan? 11Tutu-tutu si Kaji beling lako sia, apa ade kami to, nan ade kami sepan, ke apa ade kamo tugita, nan ade kami sanapat. Konang sia sarea no tarima apa ade kami sanapat nan. 12Lamin sia sarea no nyadu muntu Kubakarante luk apa ade dadi pang dunia ta, ba meluk nene nyadu lamin Kubakarante luk apa ade dadi pang surga? 13Nonda sanompo tau ade ka kadu entek ko surga selin ke Diri ade kamo turin kalis surga, yanansi Anak Manusia.#3:13 Anak Manusia yanansi gelar umin Raja Basalamat Ade Yajangiʼ Ling Alatala, ke gelar ta yakenang ling Isa dadi panyepan diri. Gelar ta mula-mula yakenang pang dalam kitab Daniel 7:13-14 ke yasanapat luk Raja Basalamat ade ya datang mudi.
14Sama mara Nabi Musa yasentek bele ade ka yapina kalis tamera pang bao tiang tingi pang padang gurun,#3:14 Riwayat ta bauʼ tubaca pang Kitab Bilangan 21:4-9. Bangsa Israil yasit ling bele-bele baracin apaling taunan kewa Alatala. Muntu bele ade ka yapina kalis tamera nan yasentek ling Nabi Musa, sarea tau ade ngingo lako bele tamera nan nongka mate konang telas. nan si luk ampo Anak Manusia mesti yasentek,#3:14 yasentek: Isa yasentek muntu Diri yasamate pang kayu palang. Gita mo pang Injil Yahya 12:32-33. 15mabau saruntung tau ade nyadu lako Diri dapat katelas ade nonda kasuda. 16Apaling luk karea benar panyayang Alatala lako dunia ta, jangka Diri yabeang Anak Diri ade sopo-sopo nan, mabau saruntung tau ade nyadu lako Anak Diri nan no si mate, konang yadapat katelas ade nonda kasuda. 17Apaling Alatala yautus Anak Diri ko dunia ta siong umin yahakim dunia, konang umin yasalamat#3:17 yasalamat: Maksud yasalamat nan siong tuaman ke nyaman pang dunia ta bae, konang yasalamattu kalis hukuman dosa, kalis kawasa dosa dalam katelastu ke kalis setan-setan ampo. dunia ta ola Diri. 18Sai-sai ade nyadu lako Anak nan no yahukum ling Alatala. Konang sai-sai tau ade no nyadu kamo ada pang bawa hukuman Diri, apaling nya nongka nyadu lako Anak mesa ade datang kalis Alatala. 19Ta nya alasan Alatala yahukum taunan: Mengas kamo datang ko dalam dunia, konang manusia lebe beri ungkap katimbang mengas nan, apaling taunan teris-teris boat jahat. 20Saruntung tau ade teris-teris boat jahat yakaselar mengas ke no roa datang ko mengas nan, mabau boat-boat nya no tangkela. 21Konang saruntung tau ade boat benar datang lako mengas nan, mabau dadi tangkela luk boat-boat nya yaboat mara karoa Alatala."
Nabi Yahya sajelas luk Isa lebe penting kalis diri
22Kasuda nan Isa ke tau-tau turit Diri lalo lako wilaya Yudea. Teris Diri tedu pang nan barema-rema ke taunan, rena paning tau dadi tanda tau turit Diri. 23Nabi Yahya ampo paning tau dadi tanda tobat pang Ainon, parak ke kota Salim, apaling pang nan peno aiʼ. Tau-tau teris-teris datang umin yapaning dadi tanda tobat. 24Waya nan Nabi Yahya nopoka yabui.
25Karing tau-tau turit Nabi Yahya ke sopo tau Israil basengkal ling luk kamiasa taunan sasuci diri. 26Tau-tau turit Nabi Yahya datang temung Nabi Yahya, ke beling, "Guru, tau ade ka barema ke sia pang satoe Berang Yordan, yanansi Diri ade ka sia sanapat dunung, Diri paning tau-tau ke sarea tau lalo lako pang Diri."
27Nyamung Nabi Yahya, "Nonda sanompo tau ade bauʼ tarima apa-apa lamin nongka yabeang ling Alatala lako nya. 28Nene diri yanansi saksi luk ka kubeling, 'Aku siong si Raja Basalamat Ade Yajangiʼ Ling Alatala, konang aku yautus umin sadunung Diri.' 29Tau ade dapat pangantan sawai yanansi pangantan salaki. Konang dengan parak pangantan salaki ade manang pang endeng nya ke menong nya, kameri kamore yamenong seda pangantan salaki nan. Ba nan si luk ke aku, to ta kukameri kamore benar. 30Diri mesti dadi sanarang lebe penting, ke aku mesti dadi sanarang kurang penting.
31Sai ade datang kalis bao yanansi lebe kalis sarea tau. Sai ade kalis dunia yanansi manusia ade tedu pang dunia, ke bakarante luk-luk ade ada pang dunia. Sai ade datang kalis surga yanansi lebe kalis sarea tau. 32Diri sanapat luk apa ade kamo yagita ke yamenong ling Diri, konang nonda sanompo tau ade tarima apa ade yasanapat ling Diri. 33Sai ade nyadu lako ade ka yasanapat ling Diri, nya yaakuʼ luk Alatala nan benar. 34Diri ade yautus ling Alatala yasanapat rungan kalis Alatala, ling Ruh Alatala kamo yabeang lako Diri kewa nonda batas. 35Bapak sayang Anak ke kamo yabeang Diri kawasa lako sarea luk. 36Sai-sai ade nyadu lako Anak kalis Alatala, nya kamaeng katelas ade nonda kasuda. Konang sai-sai ade no matiʼ lako Anak nan, nya no ya kamaeng katelas ade nonda kasuda nan, konang nya tetap yakena ling murka Alatala."
Currently Selected:
Yahya 3: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Yahya 3
3
Isa bakarante ke Nikodemus
1Ada sopo tau Farisi#3:1 tau Farisi yanansi tau kalis sopo golongan agama tau Yahudi ade rea pengaruh. Tau-tau Farisi keras taat lako hukum-hukum agama. ade basingin Nikodemus. Diri nan sala sopo pemimpin agama tau Yahudi. 2Pang waya kamo petang Nikodemus datang lako Isa ke beling, "Guru, tuto si luk Sia guru ade datang kalis Alatala, apaling nonda sanompo tau ade bauʼ sangada tanda-tanda ajaib ade Sia sangada nan, lamin Alatala nongka barema ke tau nan."
3Beling Isa lako diri, "Tutu-tutu si Kaji beling lako sia, lamin tau no yaparanak kabali nya no bauʼ dadi anggota umat ade yaparinta ling Alatala."
4Beling Nikodemus lako Diri, "Ba meluk tau ade kamo rea yaparanak kabali? Ba bauʼ ke nya tama kabali ko dalam tian inaʼ, karing yaparanak kabali?
5Nyamung Isa, "Tutu-tutu si Kaji beling lako sia, lamin tau no yaparanak kalis aiʼ ke Ruh Alatala, tau nan no bauʼ dadi anggota umat ade yaparinta ling Alatala. 6Paranatu yaparanak kalis manusia, konang ruhtu yaparanak kalis Ruh Alalata. 7Naʼ manang gaok sia apaling kamo Kaji beling lako sia luk sia sarea mesti yaparanak kabali. 8Angin batiup me lako yasate ke tumenong si seda, konang no tuto me ka kalis datang ke ya lalo lako me. Nan si luk ampo tau ade ka yaparanak kabali kalis Ruh."
9Nyamung Nikodemus, "Ba meluk sarea luk nan bauʼ dadi?"
10Beling Isa lako diri, "Sia nan guru ade penting pang Israil. Malo kowa no sia to luk-luk nan? 11Tutu-tutu si Kaji beling lako sia, apa ade kami to, nan ade kami sepan, ke apa ade kamo tugita, nan ade kami sanapat. Konang sia sarea no tarima apa ade kami sanapat nan. 12Lamin sia sarea no nyadu muntu Kubakarante luk apa ade dadi pang dunia ta, ba meluk nene nyadu lamin Kubakarante luk apa ade dadi pang surga? 13Nonda sanompo tau ade ka kadu entek ko surga selin ke Diri ade kamo turin kalis surga, yanansi Anak Manusia.#3:13 Anak Manusia yanansi gelar umin Raja Basalamat Ade Yajangiʼ Ling Alatala, ke gelar ta yakenang ling Isa dadi panyepan diri. Gelar ta mula-mula yakenang pang dalam kitab Daniel 7:13-14 ke yasanapat luk Raja Basalamat ade ya datang mudi.
14Sama mara Nabi Musa yasentek bele ade ka yapina kalis tamera pang bao tiang tingi pang padang gurun,#3:14 Riwayat ta bauʼ tubaca pang Kitab Bilangan 21:4-9. Bangsa Israil yasit ling bele-bele baracin apaling taunan kewa Alatala. Muntu bele ade ka yapina kalis tamera nan yasentek ling Nabi Musa, sarea tau ade ngingo lako bele tamera nan nongka mate konang telas. nan si luk ampo Anak Manusia mesti yasentek,#3:14 yasentek: Isa yasentek muntu Diri yasamate pang kayu palang. Gita mo pang Injil Yahya 12:32-33. 15mabau saruntung tau ade nyadu lako Diri dapat katelas ade nonda kasuda. 16Apaling luk karea benar panyayang Alatala lako dunia ta, jangka Diri yabeang Anak Diri ade sopo-sopo nan, mabau saruntung tau ade nyadu lako Anak Diri nan no si mate, konang yadapat katelas ade nonda kasuda. 17Apaling Alatala yautus Anak Diri ko dunia ta siong umin yahakim dunia, konang umin yasalamat#3:17 yasalamat: Maksud yasalamat nan siong tuaman ke nyaman pang dunia ta bae, konang yasalamattu kalis hukuman dosa, kalis kawasa dosa dalam katelastu ke kalis setan-setan ampo. dunia ta ola Diri. 18Sai-sai ade nyadu lako Anak nan no yahukum ling Alatala. Konang sai-sai tau ade no nyadu kamo ada pang bawa hukuman Diri, apaling nya nongka nyadu lako Anak mesa ade datang kalis Alatala. 19Ta nya alasan Alatala yahukum taunan: Mengas kamo datang ko dalam dunia, konang manusia lebe beri ungkap katimbang mengas nan, apaling taunan teris-teris boat jahat. 20Saruntung tau ade teris-teris boat jahat yakaselar mengas ke no roa datang ko mengas nan, mabau boat-boat nya no tangkela. 21Konang saruntung tau ade boat benar datang lako mengas nan, mabau dadi tangkela luk boat-boat nya yaboat mara karoa Alatala."
Nabi Yahya sajelas luk Isa lebe penting kalis diri
22Kasuda nan Isa ke tau-tau turit Diri lalo lako wilaya Yudea. Teris Diri tedu pang nan barema-rema ke taunan, rena paning tau dadi tanda tau turit Diri. 23Nabi Yahya ampo paning tau dadi tanda tobat pang Ainon, parak ke kota Salim, apaling pang nan peno aiʼ. Tau-tau teris-teris datang umin yapaning dadi tanda tobat. 24Waya nan Nabi Yahya nopoka yabui.
25Karing tau-tau turit Nabi Yahya ke sopo tau Israil basengkal ling luk kamiasa taunan sasuci diri. 26Tau-tau turit Nabi Yahya datang temung Nabi Yahya, ke beling, "Guru, tau ade ka barema ke sia pang satoe Berang Yordan, yanansi Diri ade ka sia sanapat dunung, Diri paning tau-tau ke sarea tau lalo lako pang Diri."
27Nyamung Nabi Yahya, "Nonda sanompo tau ade bauʼ tarima apa-apa lamin nongka yabeang ling Alatala lako nya. 28Nene diri yanansi saksi luk ka kubeling, 'Aku siong si Raja Basalamat Ade Yajangiʼ Ling Alatala, konang aku yautus umin sadunung Diri.' 29Tau ade dapat pangantan sawai yanansi pangantan salaki. Konang dengan parak pangantan salaki ade manang pang endeng nya ke menong nya, kameri kamore yamenong seda pangantan salaki nan. Ba nan si luk ke aku, to ta kukameri kamore benar. 30Diri mesti dadi sanarang lebe penting, ke aku mesti dadi sanarang kurang penting.
31Sai ade datang kalis bao yanansi lebe kalis sarea tau. Sai ade kalis dunia yanansi manusia ade tedu pang dunia, ke bakarante luk-luk ade ada pang dunia. Sai ade datang kalis surga yanansi lebe kalis sarea tau. 32Diri sanapat luk apa ade kamo yagita ke yamenong ling Diri, konang nonda sanompo tau ade tarima apa ade yasanapat ling Diri. 33Sai ade nyadu lako ade ka yasanapat ling Diri, nya yaakuʼ luk Alatala nan benar. 34Diri ade yautus ling Alatala yasanapat rungan kalis Alatala, ling Ruh Alatala kamo yabeang lako Diri kewa nonda batas. 35Bapak sayang Anak ke kamo yabeang Diri kawasa lako sarea luk. 36Sai-sai ade nyadu lako Anak kalis Alatala, nya kamaeng katelas ade nonda kasuda. Konang sai-sai ade no matiʼ lako Anak nan, nya no ya kamaeng katelas ade nonda kasuda nan, konang nya tetap yakena ling murka Alatala."
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company