Kejadian 7
7
Aiʼ ba
1Karing bafirman mo ALATALA lako Nuh, "Tama mo lako dalam bangka nan, kau ke sarea tau ade ada pang dalam balemu, apaling kau bae si ade Kugita balong parange kalis sarea tau pang saman ta. 2Kalis saruntung rupa binatang ade bauʼ yabeang dadi pameang lako Aku, muete masing-masing pitu pasang, sawai ke salaki. Konang kalis saruntung rupa binatang ade no bauʼ yabeang dadi pameang lako Aku, muete mo masing-masing sopo pasang sawai ke salaki. 3Nan si luk ampo, kalis saruntung rupa pio pang bao awan, muete pitu pasang, sawai ke salaki, mabau sarea rupa binatang nan maris katelas pang bao dunia ke baranak badadi. 4Apaling karing pitu ano ya Kusateri ujan ko bao dunia ta saleʼ empat pulu petang empat pulu ano, ke sarea ade ka Kusanadi ya Kusangancir ke ya Kusanonda kalis bao tana pang sasir dunia ta."
5Teris Nuh yaboat sarea luk nan maluk ade ka yasuru ling ALATALA lako nya.
6Nuh barumir 600 tin muntu aiʼ ba nan yadatang pang bao dunia. 7Ling ya datang aiʼ ba nan, tama mo Nuh ko dalam bangka nan, barema-rema ke sawaiʼ, anak-anak, ke sarea sawaiʼ anak-anak. 8-9Kalis sarea binatang ade bauʼ ke ade no bauʼ yabeang dadi pameang lako Alatala, pio-pio, ke sarea binatang ade lin ade telas pang bao tana sasir dunia, datang mo lako Nuh ade kamo ada pang dalam bangka nan, rena sapasang-sapasang, sawai ke salaki, maluk ade ka yasuru ling Alatala lako Nuh. 10Beru kaliwat pitu ano nan, datang mo aiʼ ba pang bao dunia.
11Muntu Nuh barumir 600 tin, pang bulan kadua, ano kapitu olas bulan nan, bela mo sarea mata aiʼ pang dalam tana, ke kanguleng mo mata aiʼ ade ada pang bao awan.
12Teris turin mo ujan pang bao dunia sale empat pulu petang empat pulu ano. 13Nuh barema-rema ke sawaiʼ nya, ke satelu anak-anak nya yanansi Sem, Ham, ke Yafet, ke satelu sawaiʼ anak-anak nya kamo tama lako dalam bangka nan. 14Pang ano ade sama sarea binatang ade yapatik, binatang gamang, binatang ngoran, ke sarea rupa pio ke sarea ade ada kaletek tama si ampo. 15Sarea ade telas ke ade bariak nan datang mo lako Nuh, sapasang-sapasang, ke tama mo lako dalam bangka nan. 16Ade tama nan yanansi sawai ke salaki kalis sarea ade telas, maluk ade ka yasuru ling Alatala lako Nuh. Teris yasampat mo lawang bangka nan ling ALATALA.
17Saleʼ empat pulu ano aiʼ ba nan nongka barenang. Aiʼ nan sanarang entek ke bangka nan kangangkat ling aiʼ kalis bao tana. 18Aiʼ nan sanarang entek jangka lempo sasir bao dunia, ke bangka nan kamomang pang bao aiʼ nan. 19Ke aiʼ nan nampis benar jangka katutup sarea olat-olat ade ada pang bao dunia. 20Aiʼ nan entek matingi pitu meter kalis poto olat. 21Teris mate mo sarea ade telas ke sarea ade ada pang bao tana sasir dunia, yanansi pio-pio, binatang ade yapatik, binatang gamang, binatang ngoran, ke sarea binatang lin ke sarea manusia. 22Mate mo sarea ade bariak, sarea ade ada pang bao darat. 23Nan nya kaluk Alatala ka yasangancir ke yasanonda sarea ade ada pang bao tana sasir dunia ta, manusia ke binatang ade yapatik ke ade gamang, binatang ngoran ke pio-pio pang bao awan, sarea denan yasangancir ke yasanonda kalis bao tana pang sasir dunia. Nuh bae si ade masi telas ke sarea ade basaiʼ ke nya pang bao bangka nan. 24Dunia masi karenam ling aiʼ sale 150 ano.
Currently Selected:
Kejadian 7: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Kejadian 7
7
Aiʼ ba
1Karing bafirman mo ALATALA lako Nuh, "Tama mo lako dalam bangka nan, kau ke sarea tau ade ada pang dalam balemu, apaling kau bae si ade Kugita balong parange kalis sarea tau pang saman ta. 2Kalis saruntung rupa binatang ade bauʼ yabeang dadi pameang lako Aku, muete masing-masing pitu pasang, sawai ke salaki. Konang kalis saruntung rupa binatang ade no bauʼ yabeang dadi pameang lako Aku, muete mo masing-masing sopo pasang sawai ke salaki. 3Nan si luk ampo, kalis saruntung rupa pio pang bao awan, muete pitu pasang, sawai ke salaki, mabau sarea rupa binatang nan maris katelas pang bao dunia ke baranak badadi. 4Apaling karing pitu ano ya Kusateri ujan ko bao dunia ta saleʼ empat pulu petang empat pulu ano, ke sarea ade ka Kusanadi ya Kusangancir ke ya Kusanonda kalis bao tana pang sasir dunia ta."
5Teris Nuh yaboat sarea luk nan maluk ade ka yasuru ling ALATALA lako nya.
6Nuh barumir 600 tin muntu aiʼ ba nan yadatang pang bao dunia. 7Ling ya datang aiʼ ba nan, tama mo Nuh ko dalam bangka nan, barema-rema ke sawaiʼ, anak-anak, ke sarea sawaiʼ anak-anak. 8-9Kalis sarea binatang ade bauʼ ke ade no bauʼ yabeang dadi pameang lako Alatala, pio-pio, ke sarea binatang ade lin ade telas pang bao tana sasir dunia, datang mo lako Nuh ade kamo ada pang dalam bangka nan, rena sapasang-sapasang, sawai ke salaki, maluk ade ka yasuru ling Alatala lako Nuh. 10Beru kaliwat pitu ano nan, datang mo aiʼ ba pang bao dunia.
11Muntu Nuh barumir 600 tin, pang bulan kadua, ano kapitu olas bulan nan, bela mo sarea mata aiʼ pang dalam tana, ke kanguleng mo mata aiʼ ade ada pang bao awan.
12Teris turin mo ujan pang bao dunia sale empat pulu petang empat pulu ano. 13Nuh barema-rema ke sawaiʼ nya, ke satelu anak-anak nya yanansi Sem, Ham, ke Yafet, ke satelu sawaiʼ anak-anak nya kamo tama lako dalam bangka nan. 14Pang ano ade sama sarea binatang ade yapatik, binatang gamang, binatang ngoran, ke sarea rupa pio ke sarea ade ada kaletek tama si ampo. 15Sarea ade telas ke ade bariak nan datang mo lako Nuh, sapasang-sapasang, ke tama mo lako dalam bangka nan. 16Ade tama nan yanansi sawai ke salaki kalis sarea ade telas, maluk ade ka yasuru ling Alatala lako Nuh. Teris yasampat mo lawang bangka nan ling ALATALA.
17Saleʼ empat pulu ano aiʼ ba nan nongka barenang. Aiʼ nan sanarang entek ke bangka nan kangangkat ling aiʼ kalis bao tana. 18Aiʼ nan sanarang entek jangka lempo sasir bao dunia, ke bangka nan kamomang pang bao aiʼ nan. 19Ke aiʼ nan nampis benar jangka katutup sarea olat-olat ade ada pang bao dunia. 20Aiʼ nan entek matingi pitu meter kalis poto olat. 21Teris mate mo sarea ade telas ke sarea ade ada pang bao tana sasir dunia, yanansi pio-pio, binatang ade yapatik, binatang gamang, binatang ngoran, ke sarea binatang lin ke sarea manusia. 22Mate mo sarea ade bariak, sarea ade ada pang bao darat. 23Nan nya kaluk Alatala ka yasangancir ke yasanonda sarea ade ada pang bao tana sasir dunia ta, manusia ke binatang ade yapatik ke ade gamang, binatang ngoran ke pio-pio pang bao awan, sarea denan yasangancir ke yasanonda kalis bao tana pang sasir dunia. Nuh bae si ade masi telas ke sarea ade basaiʼ ke nya pang bao bangka nan. 24Dunia masi karenam ling aiʼ sale 150 ano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company