Kejadian 6
6
Boat jahat manusia
1Manusia mulai sanarang peno pang bao dunia, ke taunan yaparanak mo anak-anak sawai. 2Karing mahluk-mahluk ilahi#6:2 mahluk-mahluk ilahi: Dalam basa asli, "anak-anak Alatala." No tuto kewa jelas sai 'mahluk-mahluk ilahi' nan. Peno ahli mikir luk mahluk-mahluk ilahi nan yanansi malaikat ade no taat lako batas-batas kawasa taunan (gita 2 Petrus 2:4; Yuda 6). Ada si ampo ade mikir luk 'mahluk-mahluk ilahi' yanansi singin ade kusus umin rowe beka Set ade saleh (Kejadian 4:26), ade pina sawaiʼ rowe beka Kabil. yagita luk anak-anak dadara manusia nan gera-gera, ke yaete dadi sawaiʼ sai-sai ade yaberi ling taunan.
3Karing bafirman mo ALATALA, "Ruh-Ku#6:3 Ruh-Ku: Mara ling Kitab Suci, Alatala ada Ruh, dadi Ruh Alatala nan yanansi Alatala diri, siong ruh ade lin atawa ruh ade yautus ling Alatala. Ruh Alatala nan balong apaling Alatala balong. no si sale-le ada pang dalam manusia, apaling manusia nan mahluk dunia ade ya mate. Mulai to ta umir manusia nongka lebe ke 120 tin bae si."
4Pang saman nan, ke kasuda saman nan, tau-tau raksasa basingin tau Nefilim ada pang bao dunia. Taunan yanansi rowe beka mahluk-mahluk ilahi ade pangantan ke anak-anak dadara manusia. Tau Nefilim nan yanansi tau-tau ade kuat ke baraning benar dalam perang, ke yato ling sarea tau pang saman dunung ana.
5Muntu yagita ling ALATALA luk karea parange jahat manusia pang bao dunia ta, ke yagita isi ate, luk ada bae tumung niat jahat, 6tumung mo panesal ALATALA ling ka yasanadi manusia pang bao dunia ta. Ling luk nan ALATALA dadi ngering ate.
7Karing bafirman mo ALATALA, "Ya Kusangancir ke ya Kusanonda manusia ade ka Kusanadi nan kalis bao dunia ta, ke ampo sarea pio-pio pang bao awan, binatang ade yapatik, binatang ngoran, ke sarea binatang ade lin, apa Kunesal ka Kusanadi sarea denan."
8Konang Nuh yaberi ling ALATALA.
Riwayat Nabi Nuh
9-10Ta nya riwayat Nuh. Nuh maong telu anak salaki yanansi Sem, Ham ke Yafet. Pang pangita tau lin Nuh tau ade balong ke pang pangita Alatala Nuh bae ade benar kalis sarea tau ade ada pang saman nan. Nuh telas parak ke Alatala. 11Konang dunia ta kamo rusak pang angkang Alatala, lempo ke tau ade saling rapiʼ, saling pukil ke saling sasakit. 12Alatala yagita dunia ta luk rusak benar, apaling sarea manusia yaboat katelas ade rusak pang bao dunia ta.
13Bafirman mo Alatala lako Nuh, "Tutu-tutu ya Kusasuda telas sarea ade ada pang bao dunia ta, apaling dunia ta kamo lempo ke sarea parange jahat manusia, dadi ya Kusangancir taunan barema-rema ke dunia ta. 14Dadi to pina mo tawa kau sopo bangka ade rea benar kalis kayu ade kuat. Mupina mo ruang-ruang pang dalam bangka nan ke musarampi ke ter luar dalam. 15Ta nya luk mupina bangka nan, tanang belo 133 meter, tanang pene 22 meter ke matingi 13 meter.#6:15 13 meter: Basa asli kenang parukir basingin 'hasta'. Hasta yanansi parukir ade sama belo kalis poto ima tenga jangka siku tau rea, kira-kira 44 sentimeter belo. Parukir ta yakenang ling tau pang saman Nabi Nuh. Dadi bangka nan kira-kira tanang belo 133 meter, tanang pene 22 meter ke matingi 13 meter. 16Pina mo bangka nan telu antin ke pina mo lawang pang endeng. Pina mo ampo atap ke beang sela matingi 44 sentimeter kalis dining lako atap.
17Sanenge! Aku ta ya Kusanatang aiʼ ba pang bao dunia ta mabau yasangancir sarea ade telas ke ade bariak. Sarea ade ada pang bao tana sasir dunia ta dadi mate. 18Konang mudi ya Kupina jangi ke kau, ke mutama mo mudi ko dalam bangka nan, barema-rema ke sawaiʼmu, anak-anakmu, ke sarea sawaiʼ anak-anakmu. 19Kalis sarea ade telas, yanansi sarea rupa binatang, mesti mubawa sapasang-sapasang, sawai ke salaki ko dalam bangka nan, mabau no mo mate, ke telas barema-rema ke kau. 20Nan si luk ampo, sapasang kalis sarea rupa pio, binatang ade yapatik, binatang ngoran ke sarea binatang ade telas pang bao tana sasir dunia, mesti datang lako kau mabau no mo mate. 21Ke mubawa mo tawa nene, sarea rupa apa ade bauʼ nene kakan, karing satompok mo sarea ma dadi sedo gaso umin nene ke binatang-binatang nan."
22Teris Nuh yaboat sarea luk nan, maluk ade ka yasuru ling Alatala lako nya.
Currently Selected:
Kejadian 6: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Kejadian 6
6
Boat jahat manusia
1Manusia mulai sanarang peno pang bao dunia, ke taunan yaparanak mo anak-anak sawai. 2Karing mahluk-mahluk ilahi#6:2 mahluk-mahluk ilahi: Dalam basa asli, "anak-anak Alatala." No tuto kewa jelas sai 'mahluk-mahluk ilahi' nan. Peno ahli mikir luk mahluk-mahluk ilahi nan yanansi malaikat ade no taat lako batas-batas kawasa taunan (gita 2 Petrus 2:4; Yuda 6). Ada si ampo ade mikir luk 'mahluk-mahluk ilahi' yanansi singin ade kusus umin rowe beka Set ade saleh (Kejadian 4:26), ade pina sawaiʼ rowe beka Kabil. yagita luk anak-anak dadara manusia nan gera-gera, ke yaete dadi sawaiʼ sai-sai ade yaberi ling taunan.
3Karing bafirman mo ALATALA, "Ruh-Ku#6:3 Ruh-Ku: Mara ling Kitab Suci, Alatala ada Ruh, dadi Ruh Alatala nan yanansi Alatala diri, siong ruh ade lin atawa ruh ade yautus ling Alatala. Ruh Alatala nan balong apaling Alatala balong. no si sale-le ada pang dalam manusia, apaling manusia nan mahluk dunia ade ya mate. Mulai to ta umir manusia nongka lebe ke 120 tin bae si."
4Pang saman nan, ke kasuda saman nan, tau-tau raksasa basingin tau Nefilim ada pang bao dunia. Taunan yanansi rowe beka mahluk-mahluk ilahi ade pangantan ke anak-anak dadara manusia. Tau Nefilim nan yanansi tau-tau ade kuat ke baraning benar dalam perang, ke yato ling sarea tau pang saman dunung ana.
5Muntu yagita ling ALATALA luk karea parange jahat manusia pang bao dunia ta, ke yagita isi ate, luk ada bae tumung niat jahat, 6tumung mo panesal ALATALA ling ka yasanadi manusia pang bao dunia ta. Ling luk nan ALATALA dadi ngering ate.
7Karing bafirman mo ALATALA, "Ya Kusangancir ke ya Kusanonda manusia ade ka Kusanadi nan kalis bao dunia ta, ke ampo sarea pio-pio pang bao awan, binatang ade yapatik, binatang ngoran, ke sarea binatang ade lin, apa Kunesal ka Kusanadi sarea denan."
8Konang Nuh yaberi ling ALATALA.
Riwayat Nabi Nuh
9-10Ta nya riwayat Nuh. Nuh maong telu anak salaki yanansi Sem, Ham ke Yafet. Pang pangita tau lin Nuh tau ade balong ke pang pangita Alatala Nuh bae ade benar kalis sarea tau ade ada pang saman nan. Nuh telas parak ke Alatala. 11Konang dunia ta kamo rusak pang angkang Alatala, lempo ke tau ade saling rapiʼ, saling pukil ke saling sasakit. 12Alatala yagita dunia ta luk rusak benar, apaling sarea manusia yaboat katelas ade rusak pang bao dunia ta.
13Bafirman mo Alatala lako Nuh, "Tutu-tutu ya Kusasuda telas sarea ade ada pang bao dunia ta, apaling dunia ta kamo lempo ke sarea parange jahat manusia, dadi ya Kusangancir taunan barema-rema ke dunia ta. 14Dadi to pina mo tawa kau sopo bangka ade rea benar kalis kayu ade kuat. Mupina mo ruang-ruang pang dalam bangka nan ke musarampi ke ter luar dalam. 15Ta nya luk mupina bangka nan, tanang belo 133 meter, tanang pene 22 meter ke matingi 13 meter.#6:15 13 meter: Basa asli kenang parukir basingin 'hasta'. Hasta yanansi parukir ade sama belo kalis poto ima tenga jangka siku tau rea, kira-kira 44 sentimeter belo. Parukir ta yakenang ling tau pang saman Nabi Nuh. Dadi bangka nan kira-kira tanang belo 133 meter, tanang pene 22 meter ke matingi 13 meter. 16Pina mo bangka nan telu antin ke pina mo lawang pang endeng. Pina mo ampo atap ke beang sela matingi 44 sentimeter kalis dining lako atap.
17Sanenge! Aku ta ya Kusanatang aiʼ ba pang bao dunia ta mabau yasangancir sarea ade telas ke ade bariak. Sarea ade ada pang bao tana sasir dunia ta dadi mate. 18Konang mudi ya Kupina jangi ke kau, ke mutama mo mudi ko dalam bangka nan, barema-rema ke sawaiʼmu, anak-anakmu, ke sarea sawaiʼ anak-anakmu. 19Kalis sarea ade telas, yanansi sarea rupa binatang, mesti mubawa sapasang-sapasang, sawai ke salaki ko dalam bangka nan, mabau no mo mate, ke telas barema-rema ke kau. 20Nan si luk ampo, sapasang kalis sarea rupa pio, binatang ade yapatik, binatang ngoran ke sarea binatang ade telas pang bao tana sasir dunia, mesti datang lako kau mabau no mo mate. 21Ke mubawa mo tawa nene, sarea rupa apa ade bauʼ nene kakan, karing satompok mo sarea ma dadi sedo gaso umin nene ke binatang-binatang nan."
22Teris Nuh yaboat sarea luk nan, maluk ade ka yasuru ling Alatala lako nya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company