Kejadian 8
8
Aiʼ ba surit
1Konang Alatala nongka yakalupa Nuh ke sarea binatang gamang, ke binatang yapatik ade basaiʼ ke nya pang dalam bangka nan. Alatala yasanatang angin ade batiup sasir bao dunia, teris aiʼ nan mulai surit. 2Yatutup mo sarea mata aiʼ ade ada pang dalam tana, ke yatutup mo mata aiʼ ade ada pang bao awan, ke ngantang mo ujan ade teri kalis bao awan. 3Ke sanajan surit mo aiʼ nan kalis bao dunia. Suda 150 ano aiʼ nan kamo mega surit kalis bao dunia. 4Dalam bulan kapitu, ano kapitu olas bulan nan, kandas mo bangka nan pang bao sala sopo olat pang olat-olat Ararat. 5Sanajan surit mo aiʼ nan. Dapat bulan sapulu, tanggal saiʼ bulan nan, tangkela mo poto-poto olat.
6Beru kaliwat empat pulu ano, yauleng mo ling Nuh jalaja ade ka yapina pang bangka nan. 7Teris yalepas mo sopo pio gagak, ke pio nan ngibar ko to ko ta, jangka aiʼ nan toar kalis bao tana. 8Karing yalepas mo sopo pio darapati mabau lalo gita apa aiʼ nan kamo surit atawa nopoka kalis bao tana pang sasir dunia. 9Konang pio darapati nan nonda pang sanyampe ne, nan bua ramalik kabali lako Nuh ko dalam bangka nan, apaling masi peno katokal pang sasir dunia ade karenam ling aiʼ. Teris Nuh yasanyonyong ima yabau pio nan ke yabawa tama lako dalam bangka nan. 10Nya batari pitu ano ampo, teris yalepas mo kabali pio darapati nan kalis dalam bangka. 11Beru yaselam mo mata ano ramalik mo pio darapati nan lako Nuh, ke pang todok yabawa sopo din kayu zaitun ade beru ka yabau. Kalis din kayu nan yato mo ling Nuh luk aiʼ nan muntu surit kalis bao tana. 12Karing yatari pitu ano kabali, nan po yalepas pio darapati nan, konang pio nan nongka ramalik kabali lako nya.
13Muntu Nuh barumir enam ratis saiʼ tin, bulan saiʼ, tanggal saiʼ bulan nan, yaroa mo toar aiʼ nan kalis bao tana pang sasir dunia. Karing Nuh yauleng mo panyampat bangka nan ke yagita, ampa-ampa tana ya roa mo toar konang masi basa. 14Dalam bulan kadua, ano kadua pulu pitu bulan nan, tana sasir dunia kamo toar, nomongka basa. 15Karing bafirman mo Alatala lako Nuh, 16"Lis mo kalis dalam bangka nan, kau ke sawaiʼmu, anak-anakmu, ke sawaiʼ anak-anakmu. 17Ke bawa mo lis barema-rema ke kau sarea binatang ade basaiʼ ke kau, sarea ade telas, pio-pio, binatang-binatang ade ngoran ke binatang ade lin, mabau baranak badadi salempo tana pang sasir dunia ta." 18Karing lis mo Nuh barema-rema ke sawaiʼ-anak, ke sawaiʼ anak-anak nya. 19Sarea binatang, yanansi sarea binatang ngoran, sarea pio-pio, ke sarea ade ngaloa pang bao tana sasir dunia, lis mo sarea rupa binatang nan kalis dalam bangka barema-barema ke kelompok masing-masing.
Nabi Nuh beang pameang lako ALATALA
20Karing Nuh yaantin batu marua mejang, pang tunung binatang ade dadi pameang lako ALATALA. Kalis saruntung rupa binatang ke pio ade bauʼ yabeang dadi pameang lako Alatala, yaete mo pida-pida kodeng kenang beang lako ALATALA. Binatang-binatang nan yatunung pang bao batu ade ka yaantin marua mejang nan. 21Ling yapamung mamung ade nyaman kalis binatang ade katunung nan, beling mo ALATALA dalam ate, "Suda mo ampo ya Kuhukum dunia ta kalangan rea manusia, mana ling manusia masi ada niat ate jahat kalis ode. Ke suda mo ampo ya Kusangancir sarea ade telas maluk ade beru ka Kuboat ta. 22Sale dunia ta masi ada, no si barenang musim mata nanam, musim panas dingin, balit barat, petang ano.
Currently Selected:
Kejadian 8: SMW
Highlight
Share
Copy
Want to have your highlights saved across all your devices? Sign up or sign in
©️2025 The Seed Company
Kejadian 8
8
Aiʼ ba surit
1Konang Alatala nongka yakalupa Nuh ke sarea binatang gamang, ke binatang yapatik ade basaiʼ ke nya pang dalam bangka nan. Alatala yasanatang angin ade batiup sasir bao dunia, teris aiʼ nan mulai surit. 2Yatutup mo sarea mata aiʼ ade ada pang dalam tana, ke yatutup mo mata aiʼ ade ada pang bao awan, ke ngantang mo ujan ade teri kalis bao awan. 3Ke sanajan surit mo aiʼ nan kalis bao dunia. Suda 150 ano aiʼ nan kamo mega surit kalis bao dunia. 4Dalam bulan kapitu, ano kapitu olas bulan nan, kandas mo bangka nan pang bao sala sopo olat pang olat-olat Ararat. 5Sanajan surit mo aiʼ nan. Dapat bulan sapulu, tanggal saiʼ bulan nan, tangkela mo poto-poto olat.
6Beru kaliwat empat pulu ano, yauleng mo ling Nuh jalaja ade ka yapina pang bangka nan. 7Teris yalepas mo sopo pio gagak, ke pio nan ngibar ko to ko ta, jangka aiʼ nan toar kalis bao tana. 8Karing yalepas mo sopo pio darapati mabau lalo gita apa aiʼ nan kamo surit atawa nopoka kalis bao tana pang sasir dunia. 9Konang pio darapati nan nonda pang sanyampe ne, nan bua ramalik kabali lako Nuh ko dalam bangka nan, apaling masi peno katokal pang sasir dunia ade karenam ling aiʼ. Teris Nuh yasanyonyong ima yabau pio nan ke yabawa tama lako dalam bangka nan. 10Nya batari pitu ano ampo, teris yalepas mo kabali pio darapati nan kalis dalam bangka. 11Beru yaselam mo mata ano ramalik mo pio darapati nan lako Nuh, ke pang todok yabawa sopo din kayu zaitun ade beru ka yabau. Kalis din kayu nan yato mo ling Nuh luk aiʼ nan muntu surit kalis bao tana. 12Karing yatari pitu ano kabali, nan po yalepas pio darapati nan, konang pio nan nongka ramalik kabali lako nya.
13Muntu Nuh barumir enam ratis saiʼ tin, bulan saiʼ, tanggal saiʼ bulan nan, yaroa mo toar aiʼ nan kalis bao tana pang sasir dunia. Karing Nuh yauleng mo panyampat bangka nan ke yagita, ampa-ampa tana ya roa mo toar konang masi basa. 14Dalam bulan kadua, ano kadua pulu pitu bulan nan, tana sasir dunia kamo toar, nomongka basa. 15Karing bafirman mo Alatala lako Nuh, 16"Lis mo kalis dalam bangka nan, kau ke sawaiʼmu, anak-anakmu, ke sawaiʼ anak-anakmu. 17Ke bawa mo lis barema-rema ke kau sarea binatang ade basaiʼ ke kau, sarea ade telas, pio-pio, binatang-binatang ade ngoran ke binatang ade lin, mabau baranak badadi salempo tana pang sasir dunia ta." 18Karing lis mo Nuh barema-rema ke sawaiʼ-anak, ke sawaiʼ anak-anak nya. 19Sarea binatang, yanansi sarea binatang ngoran, sarea pio-pio, ke sarea ade ngaloa pang bao tana sasir dunia, lis mo sarea rupa binatang nan kalis dalam bangka barema-barema ke kelompok masing-masing.
Nabi Nuh beang pameang lako ALATALA
20Karing Nuh yaantin batu marua mejang, pang tunung binatang ade dadi pameang lako ALATALA. Kalis saruntung rupa binatang ke pio ade bauʼ yabeang dadi pameang lako Alatala, yaete mo pida-pida kodeng kenang beang lako ALATALA. Binatang-binatang nan yatunung pang bao batu ade ka yaantin marua mejang nan. 21Ling yapamung mamung ade nyaman kalis binatang ade katunung nan, beling mo ALATALA dalam ate, "Suda mo ampo ya Kuhukum dunia ta kalangan rea manusia, mana ling manusia masi ada niat ate jahat kalis ode. Ke suda mo ampo ya Kusangancir sarea ade telas maluk ade beru ka Kuboat ta. 22Sale dunia ta masi ada, no si barenang musim mata nanam, musim panas dingin, balit barat, petang ano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 The Seed Company